പ്രപഞ്ചചരിത്രത്തിലെ പ്രധാനമായ നിരവധി കാര്യങ്ങള് മുഹര്റം പത്തിന് സംഭവിച്ചതായും സംഭവിക്കാനുള്ളതായും രേഖപ്പെടുത്തപ്പെട്ടിരിക്കുന്നു. അവയില് ചിലത് ചുവടെ :
- ജിബ്രീല് (അ) എന്ന മാലാഖയെ സൃഷ്ടിച്ചു.
- ദുന്യാവിനെ സൃഷ്ടിച്ചു.
- പ്രഥമമായി മഴ വര്ഷിച്ചു.
- ഭൂമിയിലേക്ക് ആദ്യമായി അനുഗ്രഹം ചൊരിഞ്ഞു.
- ആദം നബി(അ)യെ പരിശുദ്ധനാക്കി
- ഇദ്രീസ് നബി(അ)യെ നാലാം ആകാശത്തിലേക്ക് ഉയര്ത്തി
- നൂഹ് നബി(അ)യെ കപ്പലില് നിന്ന് പുറത്തിറക്കി.
- ഇബ്റാഹീം നബി(അ)യെ അഗ്നിയില് നിന്ന് രക്ഷപ്പെടുത്തി.
- യൂസുഫ് നബി(അ)യെ ജയില് മോചിതനാക്കി.
- യഅ്ഖൂബ് നബി(അ)ക്ക് കാഴ്ച തിരിച്ചു കിട്ടി.
- മൂസാ നബി(അ)യുമായി അല്ലാഹു മുഖദാവില് സംസാരിച്ചു.
- മൂസാ നബി(അ)ക്ക് തൌറാത്ത് നല്കി.
- ഇസ്റാഈല് ജനതക്ക് കടലിനെ പന്ത്രണ്ട് റോഡുകളാക്കിക്കൊടുത്തു.
- ഫിര്ഔനിനെ ചെങ്കടലില് മുക്കിക്കൊന്ന് മൂസാനബി(അ)യെയും വിശ്വാസികളെയും രക്ഷിച്ചു
- ദാവൂദ് നബി(അ) നിഷ്കളങ്കനാണെന്ന് അല്ലാഹു പരസ്യപ്പെടുത്തി.
- സുലൈമാന് നബി(അ)യെ ലോക ചക്രവര്ത്തിയാക്കി.
- അയ്യൂബ് നബി(അ)യെ ആരോഗ്യദൃഢഗാത്രനാക്കി.
- യൂനുസ് നബി(അ)യെ മത്സോദരത്തില് നിന്ന് പുറത്തിറക്കി.
- ഈസാ നബി(അ)യെ രണ്ടാം ആകാശത്തിലേക്ക് ഉയര്ത്തി (വിശദീകരണം സൂറത്തുന്നിസാഅ് 158–-ാം സൂക്തത്തിന്റെ തഫ്സീറില് കാണാം).
- മുഹമ്മദ് നബി(സ്വ)യില് നിന്ന് തെറ്റുകളൊന്നും ഉണ്ടാകുന്നതല്ലെന്ന് അല്ലാഹു ഉറപ്പ് നല്കി.
- അന്ത്യനാള് സംഭവിക്കും. ഇതെല്ലാം നബി(സ്വ) പറഞ്ഞതായി ഇമാം അബൂഹുറയ്റ ഉദ്ധരിച്ചിട്ടുണ്ട്.
- നാല്പതാം ദിവസം അല്ലാഹുവിനെ സമീപിക്കാന് മൂസാ നബി(അ)യോട് നിര്ദ്ദേശിച്ചു.
- നാല്പതാം ദിവസം പൂര്ത്തിയായത് മുഹര്റം പത്തിനാണ്.
- ഇമാം അലിയ്യി(റ)ന്റെ പുത്രന് ഇമാം ഹുസൈന്(റ) കര്ബലായില് രക്തസാക്ഷിയായി (ഗാലിയത്തുല് മവാഇള്:2/86).
