കോഴിക്കോട്: സമസ്ത കേരള ഇസ്ലാം മത വിദ്യാഭ്യാസ ബോര്ഡ് നിര്വ്വാഹ സമിതി കോഴിക്കോട് സമസ്ത കോണ്ഫ്രന്സ് ഹാളില് ചേര്ന്നു. പ്രസിഡണ്ട് പി.കെ.പി.അബ്ദുസ്സലാം മുസ്ലിയാര് അധ്യക്ഷത വഹിച്ചു. ജനറല്സെക്രട്ടറി കോട്ടുമല ടി.എം.ബാപ്പു മുസ്ലിയാര് സ്വാഗതം പറഞ്ഞു. സയ്യിദ് സ്വാദിഖ് അലി ശിഹാബ് തങ്ങള് ഉദ്ഘാടനം ചെയ്തു.
രാജീവ് നഗര് അന്വാറുല് ഖുര്ആന് മദ്റസ (കര്ണാടക), സുല്ത്താന് ബത്തേരി - മൈതാനിക്കുന്ന് തന്വീറുല് ഇസ്ലാം മദ്റസ (വയനാട്), കാരന്തൂര് ശംസുല്ഉലമാ സ്മാരക മദ്റസ (കോഴിക്കോട്), മുറിത്തോട് ഹയാത്തുല് ഇസ്ലാം മദ്റസ, മൂടാല് മലബാര് മുസ്ലിം മിഷന് മദ്റസ (മലപ്പുറം), എടക്കഴിയൂര് മദ്റസത്തുല് ഹിദായ (തൃശൂര്) എന്നീ ആറ് മദ്റസകള്ക്ക് കൂടി അംഗീകാരം നല്കി. ഇതോടെ സമസ്ത കേരള ഇസ്ലാം മതവിദ്യാഭ്യാസ ബോര്ഡിന്റെ അംഗീകൃത മദ്റസകളുടെ എണ്ണം 9357 ആയി.
ചെറുശ്ശേരി സൈനുദ്ദീന് മുസ്ലിയാര്, പ്രൊ.കെ.ആലിക്കുട്ടി മുസ്ലിയാര്, ഡോ. എന്.എ.എം.അബ്ദുല്ഖാദിര്, എം.എ.ഖാസിം മുസ്ലിയാര്, സി.കെ.എം. സ്വാദിഖ് മുസ്ലിയാര്, വി.മോയിമോന് ഹാജി, ടി.കെ.പരീക്കുട്ടി ഹാജി, എം.സി.മായിന് ഹാജി, ഹാജി കെ.മമ്മദ് ഫൈസി, കെ.എം. അബ്ദുല്ല മാസ്റ്റര്, എം.എം.മുഹ്യദ്ദീന് മൗലവി ആലുവ, കെ.ടി.ഹംസ മുസ്ലിയാര്, ഒ.അബ്ദുല്ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്, കെ. ഉമ്മര് ഫൈസി മുക്കം, ഇ. മൊയ്തീന് ഫൈസി പുത്തനഴി, എ.വി.അബ്ദുറഹിമാന് മുസ്ലിയാര് ചര്ച്ചയില് പങ്കെടുത്തു. പിണങ്ങോട് അബൂബക്കര് നന്ദി പറഞ്ഞു.
