ബദിയടുക്ക : സമസ്ത കാസറകോട് ജില്ലാ കമ്മിറ്റിക്ക് കീഴില്‍ ബദിയടുക്കയില്‍ പ്രവര്‍ത്തിക്കുന്ന കണ്ണിയത്ത് ഉസ്താദ് ഇസ്ലാമിക് അക്കാദമിയില്‍ വര്‍ഷംതോറും സംഘടിപ്പിച്ചു വരുന്ന കണ്ണിയത്ത് ഉസ്താദ് ആണ്ട് നേര്‍ച്ച വിപുലമായ പരിപാടികളോടെ ശഹീദെ മില്ലത്ത് സി. എം. ഉസ്താദ് നഗറില്‍ നാളെ സമാപിക്കും. ആണ്ട് നേര്‍ച്ചയുടെ ഭാഗമായി മതപ്രഭാഷണം, ഉമറാ-ഉലമാ സംഗമം, കുടുംബ സംഗമം, മജ്‌ലിസുന്നൂര്‍ തുടങ്ങിയവ നടന്നുവരുന്നു. അക്കാദമി കാമ്പസില്‍ പുതുതായി നിര്‍മ്മിച്ച മസ്ജിദിന്റെ ഉദ്ഘാടനം നാളെ അസര്‍ നിസ്‌കാരത്തിന്ന് നേതൃത്വം നല്‍കി സമസ്ത കേന്ദ്ര മുശാവറ ഉപാധ്യക്ഷന്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വ്വഹിക്കും. കാസറകോട് സംയുക്ത ജമാഅത്ത് ഖാസി ഫ്രൊഫസര്‍ കെ. ആലിക്കുട്ടി മുസ്ലിയാര്‍ വഖഫ് കര്‍മ്മം നിര്‍വ്വഹിക്കും. പൊതുസമ്മേളനത്തില്‍ സമസ്ത ജില്ല ജനറല്‍ സെക്രട്ടറി യു. എം. അബ്ദുറഹ്മാന്‍ മൗലവി അധ്യക്ഷത വഹിക്കും. മൂഡികര സംയുക്ത ജമാഅത്ത് ഖാസി എന്‍. പി. എം. സയ്യദ് സൈനുല്‍ ആബിദീന്‍ തങ്ങള്‍ അല്‍ബുഖാരി കുന്നുംകൈ പ്രാര്‍ത്ഥനയും. സുന്നി യുവജന സംഘം സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍ മുഖ്യ പ്രഭാഷണവും നടത്തും. ജില്ലാ പ്രസിഡണ്ട് എം. എ. ഖാസിം മുസ്ലിയാര്‍ പ്രസംഗിക്കും. മുന്‍ മന്ത്രി സി. ടി. അഹമ്മദലി, എന്‍. എ. നെല്ലിക്കുന്ന് എം. എല്‍. എ, പി. ബി. അബ്ദുറസ്സാഖ് എം. എല്‍. എ, മെട്രൊ മുഹമ്മദ് ഹാജി, ഖത്തര്‍ ഇബ്രാഹിം ഹാജി, യഹ്‌യ തളങ്കര, മൊയ്തീന്‍ കുട്ടി ഹാജി ചട്ടഞ്ചാല്‍, ടി. പി. ഹനീഫ് ചൗക്കി, ഖത്തര്‍ അബ്ദുല്ല ഹാജി, എം. സി. ഖമറുദ്ധീന്‍, എന്‍. എ അബൂബക്കര്‍ ഹാജി, കരീം സിറ്റി ഗോള്‍ഡ്, പി. ബി അഷ്‌റഫ് നായന്‍മാര്‍മൂല, ഇബ്രാഹിം മദക്കം തുടങ്ങിയവര്‍ സംബന്ധിക്കും. പരിപാടിക്ക് തുടക്കം കുറിച്ച് അക്കാദമി കാമ്പസില്‍ സ്വാഗതസംഘം ചെയര്‍മാന്‍ യു. എം. അബ്ദുറഹ്മാന്‍ മൗലവി പതാക ഉയര്‍ത്തി. തുടര്‍ന്ന് നടക്കുന്ന ഉലമാ-ഉമറാ സംഗമം അക്കാദമി വൈസ് പ്രസിഡണ്ട് ചെര്‍ക്കളം അഹ്മദ് മുസ്ലിയാരുടെ അധ്യക്ഷതയില്‍ സമസ്ത ജില്ലാപ്രസിഡണ്ട് ഖാസി ത്വാഖ അഹമ്മദ് മൗലവി ഉദ്ഘാടനം ചെയ്തു. അബ്ദുല്‍ മജീദ് ബാഖവി കൊടുവള്ളി വിഷയം അവതരിപ്പിച്ചു. അക്കാദമി സെക്രട്ടറി റഷീദ് ബെളിഞ്ചം സ്വാഗതം പറഞ്ഞു. ഇ. പി. ഹംസത്തുസ്സഅദി, ഫസലുറഹ്മാന്‍ ദാരിമി കുമ്പടാജ, സുബൈര്‍ ദാരിമി പൈക്ക, കെ. എസ്. അബ്ദുറസ്സാഖ് ദാരിമി, മൂസ മൗലവി ഉബ്രങ്കള, ഹസൈനാര്‍ ഫൈസി ബീജന്തടുക്ക, മൂഹമ്മദലി മൗലവി ബെളിഞ്ച, കെ. എച്ച്. അഷ്‌റഫ് ഫൈസി കിന്നിംഗാര്‍, സുബൈര്‍ ഫൈസി അങ്കോല, ചിശ്തി ഹുദവി, ശരീഫ് ഹുദവി, മുനീര്‍ ഫൈസി ഇഡിയടുക്ക, ആദം ദാരിമി, റസ്സാഖ് അര്‍ഷദി, കോട്ട അബ്ദുരഹ്മാന്‍ ഹാജി, മാഹിന്‍ കേളോട്ട്, ബേര്‍ക്ക അബ്ദുല്ല കുഞ്ഞി ഹാജി, ഇ. അബൂബക്കര്‍ ഹാജി എതിര്‍ത്തോട്, പി. കെ. അബ്ദുല്ല കുഞ്ഞി, ഹമീദ് ഹാജി ചര്‍ളടുക്ക, അഷ്‌റഫ് പള്ളിക്കണ്ടം, മജീദ് പൈക്ക, ഹമീദ് കേളോട്ട്, സിദ്ധീഖ് ബെളിഞ്ചം, അബ്ബാസ് ഹാജി ബിര്‍മിനടുക്ക, കുഞ്ഞാമു പൈക്ക, ഹമീദ് ബാറക്ക തുടങ്ങിയവര്‍ സംബന്ധിച്ചു. രാത്രി നടന്ന മതപ്രഭാഷണ പരിപാടി ബി. എച്ച് അബ്ദുല്ലകുഞ്ഞിയുടെ അധ്യക്ഷതയില്‍ കുമ്പോല്‍ സയ്യദ് കെ. എസ്. അലി തങ്ങള്‍ ഉദ്ഘാടനം ചെയ്തു. ശഫീഖ് റഹ്മാനി കൊല്ലം മതപ്രഭാഷണം നടത്തി. പി. എസ്. ഇബ്രാഹിം ഫൈസി പള്ളങ്കോട് സ്വാഗതം പറഞ്ഞു. ഇന്ന് വൈകുന്നേരം 4 മണിക്ക് നടക്കുന്ന മജ്‌ലിസ്സുന്നൂറിന്ന് കോഴിക്കോട് വലിയ ഖാസി സയ്യദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും. അബ്ദുസലാം ദാരിമി ആലമ്പാടി ഉത്‌ബോധനം നടത്തും. രാത്രി 7 മണിക്ക് നടക്കുന്ന മതപ്രഭാഷണ പരിപാടി ബേര്‍ക്ക അബ്ദുല്ലകുഞ്ഞിയുടെ അധ്യക്ഷതയില്‍ ഓലമുണ്ട സയ്യദ് എം. എസ്. തങ്ങള്‍ മദനി ഉദ്ഘാടനം ചെയ്യും. ശൗക്കത്തലി മൗലവി വെള്ളമുണ്ട മതപ്രഭാഷനം നടത്തും. നാളെ വൈകുന്നേരം 7 മണിക്ക് നടക്കുന്ന സമാപന സമ്മേളനം കാഞ്ഞങ്ങാട് സംയുക്ത ജമാഅത്ത് ഖാസി സയ്യദ് ജി്ര്രഫി മുത്തുക്കോയ തങ്ങള്‍ ഉദ്ഘാടനം ചെയ്യും. കീച്ചേരി അബ്ദുല്‍ ഗഫൂര്‍ മൗലവി മതപ്രഭാഷണം നടത്തും.
- Rasheed belinjam
