SKSSF സംസ്ഥാന കൗണ്‍സില്‍ ക്യാമ്പ് ഇന്ന് (ചൊവ്വ) ആരംഭിക്കും

കാസര്‍കോട് : പോരിടങ്ങളില്‍ സാഭിമാനം എന്ന പ്രമേയവുമായി SKSSF സംസ്ഥാന വ്യാപകമായി സംഘടിപ്പിച്ച് വന്ന മെമ്പര്‍ഷിപ്പ് കാമ്പയിന് സമാപനം കുറിച്ച് കൊണ്ട് നാളെയും മറ്റന്നാളും (ചൊവ്വ, ബുധന്‍) തീയ്യതികളില്‍ തൃക്കരിപ്പൂര്‍ മട്ടുമ്മലില്‍ സംസ്ഥന കൗണ്‍സില്‍ ക്യാമ്പ് നടക്കും. രാവിലെ 10 മണിക്ക് സ്വാഗതസംഘം ചെയര്‍മാന്‍ ടി.കെ.സി.അബ്ദുല്‍ ഖാദര്‍ ഹാജി പതാക ഉയര്‍ത്തും. വൈകുന്നേരം 5 മണിക്ക് നടക്കുന്ന ഉദ്ഘാട സമ്മേളനം ഡോ.ബഹാബുദ്ദീന്‍ നദവിയുടെ അധ്യക്ഷതയില്‍ സമസ്ത സെക്രട്ടറി കോട്ടുമല ബാപ്പു മുസ്‌ലിയാര്‍ ഉദ്ഘാടനം ചെയ്യും. അബ്ദുസ്സമദ് പൂക്കോട്ടൂര്‍, അഡ്വ.ഓണംപിള്ളി മുഹമ്മദ് ഫൈസി, ത്വയ്യിബ് ഫൈസി, കെ.ടി.അബ്ദുല്ല ഫൈസി തുടങ്ങിയവര്‍ ക്ലാസെടുക്കും. മെയ് 1 ന് (ബുധന്‍) രാവിലെ 10 മണിക്ക് പഴയ കൗണ്‍സില്‍ യോഗവും ഉച്ചയ്ക്ക് 1 മണിക്ക് പുതിയ സംസ്ഥാന ഭാരവാഹികളെ തെരഞ്ഞെടുക്കുന്നതിനുള്ള ജനറല്‍ കൗണ്‍സില്‍ യോഗവും നടക്കും. വൈകുന്നേരം 4 മണിക്ക് നടക്കുന്ന പുതിയ സംസ്ഥാന ഭാരവാഹികള്‍ക്കുള്ള സ്വീകരണ പരിപാടി സമസ്ത ജില്ലാ ജനറല്‍ സെക്രട്ടറി യു.എം.അബ്ദുല്‍ റഹ്മാന്‍ മൗലവി ഉദ്ഘാടനം ചെയ്യും. പുതിയ സംസ്ഥാന ഭാരവാഹികളെ സമസ്ത കേന്ദ്ര മുശാവറ അംഗം ഖാസി ത്വാഖ അഹ്മദ് മുസ്‌ലിയാര്‍ അല്‍ അസ്ഹരി ആദരിക്കും. വിവിധ സെഷനുകളില്‍ സയ്യിദ് സൈനുല്‍ ആബിദീന്‍ തങ്ങള്‍, എം..ഖാസിം മുസ്ല്യാര്‍, മാണിയൂര്‍ അഹ്മദ് മുസ്‌ലിയാര്‍, മെട്രോ മുഹമ്മദ് ഹാജി, പി.ബി.അബ്ദുല്‍ റസാഖ് എം.എല്‍., എന്‍..നെല്ലിക്കുന്ന് എം.എല്‍., ഖത്തര്‍ ഇബ്രാഹിം ഹാജി, താജുദ്ദീന്‍ ദാരിമി പടന്ന, റഷീദ് ബെളിഞ്ചം തുടങ്ങിയവര്‍ സംബന്ധിക്കും.വൈകുന്നേരം 7മണിക്ക് നടക്കുന്ന സമാപന സംഗമം മാണിയൂര്‍ അഹമ്മദ് മുസ്ലിയാര്‍ ഉദ്ഘാടനം ചെയ്യും. കൂട്ടുപ്രാര്‍ത്ഥനയ്ക്ക് സമസ്ത ജനറല്‍. സെക്രട്ടറി സൈനുല്‍ ഉലമ ചെറുശ്ശേരി സൈനുദ്ദീന്‍ മുസ്ലിയാര്‍ ഉദ്ഘാടനം ചെയ്യും.