ദാറുല്‍ ഹുദാ പി.ജി. പരീക്ഷ: കാസര്‍കോടിന് രണ്ട് റാങ്കുകള്‍

മന്‍സൂര്‍ ഇര്‍ശാദി ,ഇബ്രാഹിം ബെളിഞ്ച 
കാസര്‍കോട്: ദാറുല്‍ ഹുദാ ഇസ്ലാമിക് യൂണിവേഴ്‌സിറ്റി പി.ജി. ഫൈനല്‍ പരീക്ഷയില്‍ കാസര്‍ഗോട് ജില്ലയ്ക്ക് രണ്ട് റാങ്കുകള്‍. ദാറുല്‍ ഹുദാ ഡിപ്പാര്‍ട്ട്‌മെന്റ് ഓഫ് ഹദീസ് ആന്റ് റിലേറ്റഡ് സയന്‍സില്‍ പഠിതാവായ മന്‍സൂര്‍ ഇര്‍ശാദി കളനാട്, ഡിപ്പാര്‍ട്ട്‌മെന്റ് ഓഫ് ഫിഖ്ഹ് ആന്റ് ഫണ്ടമെന്റല്‍ സ്റ്റഡീസില്‍ പഠിതാവായ ഇബ്രാഹിം ബെളിഞ്ച എന്നിവരാണ് റാങ്ക് ജേതാക്കള്‍. 
മലബാര്‍ ഇസ്ലാമിക് കോംപ്ലക്‌സ് ദാറുല്‍ ഇര്‍ശാദ് അക്കാദമിയില്‍ നിന്ന് ഇസ്ലാം ആന്റ് കണ്ടംപററി സ്റ്റഡീസില്‍ ഡിഗ്രി പഠനം പൂര്‍ത്തിയാക്കിയ മന്‍സൂര്‍ ഇര്‍ശാദി കളനാട് കൊമ്പംപാറ ഹൗസിലെ മുഹമ്മദ് ദേളി- ആയിഷ ദമ്പതികളുടെ മകനാണ്. മാലിക് ദീനാര്‍ ഇസ്ലാമിക് അക്കാദമിയില്‍ നിന്ന് ഡിഗ്രി പഠനം പൂര്‍ത്തിയാക്കിയ ഇബ്രാഹിം ബെളിഞ്ച മുഹമ്മദ് - ആസ്യാമ്മ ദമ്പതികളുടെ മകനാണ്.
ഇസ്ലാമിക് സര്‍വ്വകലാശാല കാമ്പസില്‍ ഇമാം മാലികി(റ)ന്റെ ഹദീസ് സമാഹരണത്തിലെ സംഭാവനകളെക്കുറിച്ച് ഇംഗ്ലീഷില്‍ മന്‍സൂര്‍ ഇര്‍ശാദി അവതരിപ്പിച്ച പ്രബന്ധവും മുലയൂട്ടലിന്റെ ഇസ്ലാമിക കര്‍മ്മശാസ്ത്ര മാനങ്ങളെക്കുറിച്ച് അറബിയില്‍ ഇബ്രാഹിം അവതരിപ്പിച്ച പ്രബന്ധവും ശ്രദ്ധേയമായിരുന്നു.