 |
| ബഹ്‌റൈന്‍ കേരളീയ സമാജം ഓഡിറ്റോറിയത്തില്‍ നടന്ന ബഹ്‌റൈന്‍ സമസ്‌ത ഇഫ്‌താര്‍ മീറ്റില്‍ ഇന്ത്യന്‍ എംബസി സെക്കന്റ്‌ സെക്രട്ടറി ഗൌരവ്‌ ഗാന്ദി ആശംസകള്‍ നേരുന്നു |
മനാമ : സഹജീവികളോടുള്ള കാരുണ്യബോധത്തെ തൊട്ടുണര്‍ത്താന്‍ ഏറെ പ്രചോദനം നല്‍കുന്ന വിശിഷ്‌ഠാനുഷ്‌ഠാനമാണ്‌ റമളാന്‍ വ്രതമെന്നും ആ മൂല്യബോധത്തെ അരക്കിട്ടുറപ്പിക്കാന്‍ വിശ്വാസി സമൂഹം തയ്യാറാകണമെന്നും പ്രമുഖ പണ്ഡിതനും വാഗ്മിയുമായ സയ്യിദ്‌ ഫക്‌റുദ്ദീന്‍ തങ്ങള്‍ പ്രസ്‌താവിച്ചു. ``റമളാന്‍ വിശുദ്ധിക്ക്‌ വിജയത്തിന്‌'' എന്ന പ്രമേയവുമായി സമസ്‌ത കേരള സുന്നീ ജമാഅത്ത്‌ ബഹ്‌റൈന്‍ കേന്ദ്രകമ്മിറ്റി കേരളീയ സമാജം ഓഡിറ്റോറിയത്തില്‍ ഇഫ്‌താറിനോടനു ബന്ധിച്ച്‌ സംഘടിപ്പിച്ച സൌഹാര്‍ദ്ദ സംഗമം ഉദ്‌ഘാടനം ചെയ്യുകയായിരുന്നു അദ്ദേഹം. 1500–ല്‍പരംപ്രതിനിധികള്‍ പങ്കെടുത്ത സംഗമം ഏറെ ശ്രദ്ധേയമായി.
കുന്നോത്ത്‌ കുഞ്ഞബ്‌ദുല്ല ഹാജി അധ്യക്ഷത വഹിച്ചു. ഇന്ത്യന്‍ എംബസി സെകന്റ്‌ സെക്രട്ടറി ഗൌരവ്‌ ഗാന്ധി മുഖ്യാതിഥി ആയിരുന്നു. ഉമറുല്‍ ഫാറൂഖ്‌ ഹുദവി പ്രമേയ പ്രഭാഷണം നടത്തി, കെ.എം.സി.സി. പ്രസിഡന്റ്‌ കുട്ടൂസ മുണ്ടേഒരി, സി.സി. എ ചെയര്‍മാന്‍ ജോണ്‍ ഐപ്പ്‌, ഐ.സി.ആര്‍.എഫ്‌. പ്രതിനിധി സലീം, രാജു കല്ലുമ്പുറം, ബഷീര്‍ അമ്പലായി, പാലക്കാട്‌ ദലിത്‌ ലീഗ്‌ പ്രസിഡന്റ്‌ വേലായുധന്‍, അല്‍നൂര്‍ ഇന്റര്‍നാഷണല്‍ സ്‌കൂള്‍ മാനേജര്‍ മശ്‌ഹൂദ്‌, ജീപാസ്‌ എം.ഡി. ഹാഷിം, കേരളീയ സമാജം പ്രതിനിധി കെ.സി.എ. ബക്കര്‍, സുബൈര്‍ കണ്ണൂര്‍, സൈതു വെളിയങ്കോട്‌, പൂക്കോട്ടുംപാടം യമാനിയ ജനറല്‍ സെക്രട്ടറി കുഞ്ഞാപ്പു, വി.കെ. കുഞ്ഞുമുഹമ്മദ്‌ ഹാജി, കളത്തില്‍ മുസ്‌തഫ തുടങ്ങിയവര്‍ സംബന്ധിച്ചു. എസ്‌.എം. അബ്‌ദുല്‍ വാഹിദ്‌ സ്വാഗതവും, ശഹീര്‍ കാട്ടാമ്പള്ളി നന്ദിയും പറഞ്ഞു. 