എരമംഗലം : എസ്.കെ.എസ്.എസ്.എഫ്. പൊന്നാനി മേഖലാ കമ്മിറ്റി സംഘടിപ്പിക്കുന്ന 'സോണ്‍ കോണ്‍-2010' ക്യാമ്പിന് എരമംഗലം ദാറുസ്സലാമത്ത് കാമ്പസില്‍ തുടക്കമായി. ദാറുസ്സലാമത്ത് കാമ്പസ് വൈസ് ചെയര്‍മാന്‍ കുഞ്ഞിമോന്‍ ഹാജി ഉദ്ഘാടനം ചെയ്തു.
ടി.കെ.എം. റാഫി ഹുദവി പ്രാര്‍ഥനക്ക് നേതൃത്വം നല്‍കി. സി.കെ. റസാഖ് പുതുപൊന്നാനി അധ്യക്ഷത വഹിച്ചു. ഷാജഹാന്‍ പുറങ്ങ്, കെ.എ. ബക്കര്‍, സി.കെ. റഫീഖ്, വി.എ. ഗഫൂര്‍, ആമിര്‍ പി.എം. എന്നിവര്‍ പ്രസംഗിച്ചു.
വെളിയങ്കോട്, മാറഞ്ചേരി, പൊന്നാനി, തവനൂര്‍, കാലടി എന്നീ മേഖലകളില്‍ നിന്നായി 100 പ്രതിനിധികളാണ് ക്യാമ്പില്‍ പങ്കെടുക്കുന്നത്.
സംഘടന, സമൂഹം, ആസൂത്രണം, ആദര്‍ശം, സംഘാടകന്‍, ഗുണവും ദോഷവും, കാലിക വര്‍ത്തമാനം തുടങ്ങിയുള്ള വിഷയങ്ങളില്‍ ആനമങ്ങാട് മുഹമ്മദ്കുട്ടി ഫൈസി, സാലിം ഫൈസി, അബ്ദുല്‍ ജലീല്‍ റഹ്മാനി, ഖാസിം ഫൈസി പോത്തനൂര്‍ എന്നിവര്‍ ക്ലാസ്സെടുക്കും. ക്യാമ്പ് ഞായറാഴ്ച സമാപിക്കും.
