SKSSF മനുഷ്യജാലിക 26ന് ദമ്മാമില്‍

ദമ്മാം : SKSSF സംസ്ഥാന കമ്മിറ്റി കേരളത്തിനകത്തും പുറത്തുമായി രാഷ്ട്ര രക്ഷക്ക് സൗഹൃദത്തിന്‍റെ കരുതല്‍ എന്ന പ്രമേയവുമായി സംഘടിപ്പിക്കുന്ന മനുഷ്യജാലിക ജനുവരി 26 വ്യാഴാഴ്ച രാത്രി 9.30 ന് ദമ്മാം സഫ ഓഡിറ്റോറിയത്തില്‍ സംഘടിപ്പിക്കാന്‍ കിഴക്കന്‍ പ്രവിശ്യാ ഇസ്‍ലാമിക് സെന്‍റര്‍ തീരുമാനിച്ചു. പ്രവിശ്യയിലെ വിവിധ സംഘടനാ മാധ്യമ പ്രതിനിധികള്‍ പങ്കെടുക്കും. പരിപാടിയുടെ വിജയത്തിനായി സബ് കമ്മിറ്റി രൂപീകരിച്ചു. ഉമര്‍ ഓമശ്ശേരി ചെയര്‍മാന്‍, ഹുസൈന്‍ ചേലേന്പ്ര വൈസ് ചെയര്‍മാന്‍, അസ്‍ലം മൗലവി അടക്കാത്തോട് കണ്‍വീനര്‍, മുസ്തഫ ദാരിമി നിലന്പൂര്‍ ജോ.കണ്‍വീനര്‍, ഇബ്റാഹീം ഓമശ്ശേരി മെന്പര്‍. ഇതുസംബന്ധമായി ചേര്‍ന്ന യോഗത്തില്‍ യൂസുഫ് ഫൈസി വാലാട് അദ്ധ്യക്ഷത വഹിച്ചു. അബ്ദുറഹ്‍മാന്‍ മലയമ്മ, മാഹീന്‍ വിഴിഞ്ഞം, മുസ്തഫ ദാരിമി നിലന്പൂര്‍, ഹുസൈന്‍ ചെലേന്പ്ര, അശ്റഫ് ഫൈസി, ഇബ്റാഹീം ഓമശ്ശേരി തുടങ്ങിയവര്‍ സംസാരിച്ചു. ഉമര്‍ ഓമശ്ശേരി സ്വാഗതവും അസ്‍ലം മൗലവി നന്ദിയും പഞ്ഞു.