കുവൈത്ത് സിറ്റി : സമസ്ത കേരള ജംഇയ്യത്തുല്‍ ഉലമയുടെ 85 -ാം വാര്‍ഷികത്തോടനുബന്ധിച്ച് കുവൈത്തില്‍ പ്രചരണ പരിപാടികള്‍ സംഘടിപ്പിക്കാന്‍ പ്രസിഡന്‍റ് സിദ്ധീഖ് ഫൈസി കണ്ണാടിപ്പറന്പിന്‍റെ അധ്യക്ഷതയില്‍ ചേര്‍ന്ന കുവൈത്ത് ഇസ്‍ലാമിക് സെന്‍റര്‍ കേന്ദ്ര വര്‍ക്കിംഗ് കമ്മിറ്റി തീരുമാനിച്ചു. 2012 ഫെബ്രുവരി 23, 24, 25, 26 തിയ്യതികളിലായി മലപ്പുറം ജില്ലയിലെ വേങ്ങര കൂരിയാട് വരക്കല്‍ മുല്ലക്കോയ തങ്ങള്‍ നഗറില്‍ വെച്ചാണ് സമ്മേളനം നടക്കുന്നത്. കുവൈത്തിലെ പ്രചരണ പരിപാടികളുടെ ഉദ്ഘാടനം 28-11-2011 വെള്ളിയാഴ് ച വൈകുന്നേരം 6 മണിക്ക് അബ്ബാസിയ്യ റിഥം ഓഡിറ്റോറിയത്തില്‍ വെച്ച് പാണക്കാട് സയ്യിദ് റശീദലി ശിഹാബ് തങ്ങള്‍ നിര്‍വ്വഹിക്കും
അബ്ബാസിയ്യ ദാറുത്തര്‍ബിയ മദ്റസയില്‍ ചേര്‍ന്ന യോഗം ശംസുദ്ദീന്‍ ഫൈസി ഉദ്ഘാടനം ചെയ്തു.ഉസ്‍മാന്‍ ദാരിമി, ഇല്‍യാസ് മൗലവി, മന്‍സൂര്‍ ഫൈസി, മുജീബ് റഹ്‍മാന്‍ ഹൈതമി, അബ്ദുറഹ്‍മാന്‍ കോയ തുടങ്ങിയവര്‍ സംസാരിച്ചു. മുഹമ്മദലി പുതുപ്പറന്പ് സ്വാഗതവും ഇഖ്ബാല്‍ മാവിലാടം നന്ദിയും പറഞ്ഞു.
