SKSSF സില്‍വര്‍ ജൂബിലി അരൂര്‍ മേഖല പ്രചരണോദ്ഘാടനവും ആദര്‍ശ സമ്മേളനവും സംഘടിപ്പിച്ചു

വടുതല : സമസ്ത: കേരള ജംഇയ്യത്തുല്‍ ഉലമാ വൈജ്ഞ്ജാനിക നവോദ്ധാന പ്രവര്‍ത്തനങ്ങള്‍ക്ക് നേതൃത്വം നല്‍കി സമുദായത്തെ നേരിന്‍റെ വഴിയില്‍ നടത്തിയ മഹദ് പ്രസ്ഥാനമാണെന്ന് മുഹമ്മദ് രാമന്തളി അഭിപ്രായപ്പെട്ടു. SKSSF അരൂര്‍ മേഖല വടുതല ജംഗ്ഷനില്‍ നടത്തിയ ആദര്‍ശ സമ്മേളനത്തില്‍ മുഖ്യ പ്രഭാഷണം നിര്‍വഹിക്കുകയായിരുന്നു അദ്ദേഹം. 25 വര്‍ഷം കാന്തപുരം വിഭാഗത്തിന്‍റെ വക്താവായി പ്രവര്‍ത്തിച്ചിരുന്ന തനിക്ക് ആ വിഭാഗം നടത്തുന്ന ആത്മീയ തട്ടിപ്പുകളും ചൂഷണങ്ങളും ബോധ്യപ്പെട്ടതിനാല്‍ അത് സമൂഹ മധ്യേ തുറന്നു പറയുകയാണെന്നും അദ്ദേഹം പറഞ്ഞു. ചടങ്ങില്‍ പി. എ മൂസല്‍ ഫൈസി അദ്ധ്യക്ഷത വഹിച്ചു. സമസ്ത മുഫത്തിഷ് ഫരീദുദ്ദീന്‍ മുസ്ലിയാര്‍ സമ്മേളനം ഉദ്ഘാടനം ചെയ്തു. SKSSF സില്‍വര്‍ ജൂബിലി മേഖലാ പ്രചരണ ഉദ്ഘാടനം സംസ്ഥാന വൈസ് പ്രസിഡെന്‍റ് നവാസ് അഷ്റഫി പാനൂര്‍ നിര്‍വഹിച്ചു. വിദ്യാര്‍ഥികള്‍ക്കുള്ള പഠനോപകാരണ വിതരണം മക്കാര്‍ ഹാജി സില്‍വര്‍ സ്റ്റാര്‍ നിര്‍വഹിച്ചു. ജുനൈദ് സഅദി കണ്ണൂര്‍, എന്‍. കെ അഹമ്മദ് കുട്ടി സാഹിബ്, ബഷീര്‍ മൌലവി, യു അന്‍സാര്‍ പാണാവള്ളി, അന്‍വര്‍, അബ്ദുള്‍ ജബ്ബാര്‍ പനച്ചുവട്, സക്കരിയ്യ ബാഖവി, തുടങ്ങിയവര്‍ സംസാരിച്ചു. സുലൈമാന്‍ ദാരിമി സ്വാഗതവും SKSSF വടുതല മഹല്ല് യൂണിറ്റ് പ്രസിഡെന്‍റ് അബ്ദുല്‍ റഹീം ഫൈസി നന്ദിയും പറഞ്ഞു.
- Abdul Kareem Salih