അറിവു നേടി വെല്ലുവിളികളെ ചെറുക്കുക : SKSBV

കാളികാവ് : അറിവിന്റെ വിശാല ലോകം കീഴടക്കി സമകാലിക വെല്ലുവിളികള്‍ നേരിടാന്‍ വിദ്യാര്‍ത്ഥി സമൂഹം തയ്യാറാവണമെന്ന് വണ്ടൂര്‍ മേഖല SKSBV ആവശ്യപ്പെട്ടു. കാളികാവ് മസ്ജിദ് യഅ്ഖൂബിയില്‍ ചേര്‍ന്ന ലീഡേഴ്‌സ് മീറ്റ് SKSBV മലപ്പുറം ജില്ലാ പ്രസിഡന്റ് സൈനുദ്ദീന്‍ ഒളവട്ടൂര്‍ ഉദ്ഘാടനം ചെയ്തു. ഫരീദ് റഹ്മാനി വിഷയാവതരണം നടത്തി. SKSBV ജില്ലാ ട്രഷറര്‍ ജുനൈദ് മേലാറ്റൂര്‍, മുജീബ് റഹ്മാന്‍ അസ്‌ലമി, ശരീഫ് മുസ്‌ല്യാര്‍, SKSBV മേഖലാ ചെയര്‍മാന്‍ സലീം റഹ്മാനി എന്നിവര്‍ സംസാരിച്ചു. 10 റൈഞ്ചുകളില്‍ നിന്നുള്ള എഴുപത് പ്രതിനിധികള്‍ പങ്കെടുത്തു. യോഗത്തില്‍ പുതിയ ഭാരവാഹികള്‍ നിലവില്‍ വന്നു. പ്രസിഡന്റ് അലി ഇഖ്ബാല്‍ എടപ്പറ്റ, ജന.സെക്രട്ടറി റഈസുദ്ധീന്‍ കാളികാവ്, ട്രഷറര്‍ മിന്‍ഹാജ് കരുവാരകുണ്ട്.
- Saleem Ck