ചേളാരി: സമസ്ത കേരള ഇസ്ലാം മത വിദ്യാഭ്യാസ പരീക്ഷാ ബോര്ഡ് സ്കൂള് വര്ഷ കലണ്ടര് പ്രകാരം പ്രവര്ത്തിക്കുന്ന കേരളം, കര്ണാടക, ഖത്തര് എന്നീ പ്രദേശങ്ങളിലെ 175 മദ്റസകളില് 2014 മാര്ച്ച് 27, 29, 30 തിയ്യതികളില് നടത്തുന്ന 5,7,10,പ്ലസ്ടു പൊതുപരീക്ഷയില് അഞ്ചാം തരത്തില് 175 സെന്ററുകളിലായി 2963 ആണ്കുട്ടികളും 2759 പെണ്കുട്ടികളും ഉള്പ്പെടെ 5722 വിദ്യാര്ത്ഥികളും, ഏഴാം തരത്തില് 143 സെന്ററുകളിലായി 2200 ആണ്കുട്ടികളും 2236 പെണ്കുട്ടികളും ഉള്പ്പെടെ 4436 വിദ്യാര്ത്ഥികളും, പത്താം തരത്തില് 41 സെന്ററുകളിലായി 384 ആണ്കുട്ടികളും 380 പെണ്കുട്ടികളും ഉള്പ്പെടെ 764 വിദ്യാര്ത്ഥികളും, പ്ലസ്ടു ക്ലാസില് ഏഴ് സെന്ററുകളിലായി 24 ആണ്കുട്ടികളും 23 പെണ്കുട്ടികളും ഉള്പ്പെടെ 47 വിദ്യാര്ത്ഥികളും ഉള്പ്പെടെ 10,969 വിദ്യാര്ത്ഥികള് പരീക്ഷക്കിരിക്കും.
2013-ല് അഞ്ചാം ക്ലാസ് 169, ഏഴാം ക്ലാസ് 120, പത്താം ക്ലാസ് 37, പ്ലസ് ടു 4 സെന്ററുകളില് പരീക്ഷ നടന്നപ്പോള് 2014-ല് 5-ാം തരം 175, ഏഴാം തരം 143, പത്താം തരം 41, പ്ലസ്ടു 7 എന്നിങ്ങനെയാണ് പരീക്ഷ സെന്ററുകള്. 36 സെന്ററുകളും 931 വിദ്യാര്ത്ഥികളും ഈ വര്ഷം വര്ദ്ദിച്ചിട്ടുണ്ട്.
പരീക്ഷാ നടത്തിപ്പിന് അഞ്ച് സൂപ്രണ്ടുമാരെയും 347 സൂപ്രവൈസര്മാരെയും നിയമിച്ചിട്ടുണ്ട്. കേന്ദ്രീകൃത മൂല്യനിര്ണ്ണയത്തിന് ഫോട്ടോ പതിച്ച തിരിച്ചറിയല് കാര്ഡ് നല്കിയ പരിശോധകരെയും തെരഞ്ഞെടുത്തിട്ടുണ്ട്.
പരീക്ഷാ സര്ക്കുലറുകളും സമയവിവരപട്ടികയും ഖുര്ആന് പരീക്ഷാ ഹാജര് പട്ടികയും സൂപ്രവൈസര് നിയമന അറിയിപ്പുകളും അതാത് സെന്ററുകളിലേക്ക് തപാല് മുഖേനെ അയച്ചുകൊടുത്തിട്ടുണ്ടെന്ന് പരീക്ഷാ ബോര്ഡ് ചെയര്മാന് ചെറുശ്ശേരി സൈനുദ്ദീന് മുസ്ലിയാര് അറിയിച്ചു.
