മലപ്പുറം: സമൂഹത്തില്‍നിന്ന് തിന്മകളെ ഇല്ലാതാക്കാന്‍ പ്രബോധന പ്രവര്‍ത്തനങ്ങള്‍ക്ക് പിന്തുണ നല്‍കണമെന്ന് സുന്നി യുവജനസംഘം സംസ്ഥാന ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ പറഞ്ഞു. സുന്നി യുവജനസംഘം അംഗത്വ കാമ്പയിനിന്റെ ഭാഗമായി മലപ്പുറത്ത് നടന്ന ജില്ലാതല ശില്പശാലയില്‍ മുഖ്യപ്രഭാഷണം നടത്തുകയായിരുന്നു അദ്ദേഹം. പി.എ. ജലീല്‍ ഫൈസി ഉദ്ഘാടനംചെയ്തു. കെ.എ. റഹ്മാന്‍ ഫൈസി അധ്യക്ഷതവഹിച്ചു. പി.പി. മുഹമ്മദ് ഫൈസി വിശദീകരിച്ചു. ഹാജി കെ. മമ്മദ്‌ഫൈസി, വാക്കോട് മൊയ്തീന്‍കുട്ടി ഫൈസി എന്നിവര്‍ പ്രസംഗിച്ചു. ഹസന്‍ സഖാഫി പൂക്കോട്ടൂര്‍ സ്വാഗതവും പി.കെ.എ. ലത്തീഫ് ഫൈസി നന്ദിയും പറഞ്ഞു.
ഏപ്രില്‍ ആറുവരെയാണ് കാമ്പയിന്‍
