Friday, January 31, 2014

പൊട്ടച്ചിറ അന്‍വരിയ്യ: ആത്മീയ നേതൃത്വം സ്ഥാപിച്ച കലാലയം

പൊട്ടച്ചിറ അന്‍വരിയ്യ അറബിക് കോളജ് 44ാം വാര്‍ഷിക സനദ്ദാന സമ്മേളനം ആഘോഷിക്കുകയാണ്. പാലക്കാട് ജില്ലയിലെ ചെര്‍പ്പുളശ്ശേരിക്കടുത്ത് പൊട്ടച്ചിറയില്‍ സ്ഥിതിചെയ്യുന്ന ഈ മത കലാലയം ഒരു പരിചയപ്പെടുത്തലിന്റെ ആവശ്യമില്ലാത്തവിധം പ്രശസ്തമാണ്.
കേരളത്തില്‍ സൂഫികളുടെയും പണ്ഡിതവര്യരുടെയും സാദാത്തുക്കളുടെയും കൂട്ടായ്മയില്‍നിന്ന് ഉടലെടുത്ത ഒട്ടനവധി സ്ഥാപനങ്ങള്‍ ഉണ്ടെങ്കിലും അന്‍വരിയ്യയെ വേര്‍തിരിക്കുന്ന വ്യത്യസ്തമായ ചില ഘടകങ്ങളുണ്ട്. ആരുടെയും പ്രലോഭനങ്ങളും പ്രീണനവുമില്ലാതെ ഇസ്‌ലാമികേതര ജീവിതം മാറ്റിവെച്ച് സത്യത്തിന്റെ പാതയിലേക്ക് കടന്നുവന്ന ഫാത്വിമ എന്ന മഹതിയാണ് അന്‍വരിയ്യയുടെ സ്ഥാപക. അവരെ അതിലേക്ക് നയിച്ചത് ആത്മീയ ചക്രവര്‍ത്തി വീരാന്‍ ഔലിയയാണ്.
1925ല്‍ ഒറ്റപ്പാലം താലൂക്കിലെ ചെര്‍പ്പുളശ്ശേരിക്കടുത്ത കുറ്റിക്കോട് ഗ്രാമത്തില്‍ ചോലയില്‍ വേലപ്പന്റെയും കാളിയുടെയും മകളായി ജനിച്ചതാണ് ഫാത്വിമാ ബീവി. നേരത്തെ അവര്‍ ലക്ഷ്മി ആയിരുന്നു.

17ാം വയസ്സില്‍ നെല്ലായ പഞ്ചായത്തിലെ മോളൂര്‍ എന്ന പ്രദേശത്തെ തെക്കേതില്‍ വേലുവിന്റെയും വള്ളിയുടെയും മകനായ കോരു എന്ന യുവാവുമായി വിവാഹിതയായി. ഒരു വര്‍ഷത്തിനുശേഷം ചെര്‍പ്പുളശ്ശേരിക്കടുത്ത എലിയപ്പറ്റയിലേക്ക് ഇരുവരും താമസം മാറ്റി. അതിനിടയില്‍ രോഗബാധിതയായ ഇവര്‍ രോഗശമനത്തിന് സമീപിച്ചത് അമ്പംകുന്ന് വീരാന്‍ ഔലിയയെയാണ്. ഓരോ ഗ്രാമങ്ങളിലൂടെ ചുറ്റിനടക്കുക അദ്ദേഹത്തിന്റെ പതിവായിരുന്നു. വീരാന്‍ ഔലിയയോട് കാര്യം പറഞ്ഞു. രോഗ ശമനത്തിന് അദ്ദേഹം ചില നിര്‍ദേശങ്ങള്‍ നല്‍കി. രോഗം ഭേദമായി. തുടര്‍ന്ന് വീരാന്‍ ഔലിയയുടെ പല സദസ്സുകളിലേക്കും മഹതി പോകാന്‍ തുടങ്ങി. അതവരെ ഇസ്‌ലാമിക ആചാരങ്ങളോട് കൂടുതല്‍ അടുപ്പിച്ചു. കുടുംബങ്ങളില്‍നിന്ന് അകലാന്‍ ഇത് കാരണമായി. അവര്‍ ഏകയായി ജീവിക്കാനാണ് ഇഷ്ടപ്പെട്ടത്. ഇത് ഭര്‍ത്താവിനെ കൂടുതല്‍ വേദനിപ്പിച്ചു.

SYS 60-ാം വാര്‍ഷികം; മഹല്ലുകളില്‍ ഇന്ന് ഉദ്ബോധനം നടത്തുക : സമസ്ത

മലപ്പുറം : സുന്നി യുവജന സംഘം 60-ാം വാര്‍ഷികത്തിന്റെ പ്രമേയമായ 'പൈതൃകത്തിന്റെ പതിനഞ്ചാം നൂറ്റാണ്ട്' എന്ന വിഷയം ഇന്ന് പള്ളികളില്‍ ഉദ്ബോധനം നടത്തണമെന്ന് മഹല്ല് ഖത്വീബുമാരോടും ഭാരവാഹികളോടും സമസ്ത ജില്ലാ പ്രസിഡന്റ് എം.ടി അബ്ദുല്ല മുസ്‌ലിയാരും, ജന.സെക്രട്ടറി പി കുഞ്ഞാണി മുസ്‌ലിയാരും അഭ്യാര്‍ഥിച്ചു.

''പാനപാത്രത്തിന് പിന്നില്‍ സയണിസ്റ്റ് ലോബിയുടെ വന്‍ ഗൂഢാലോചന'' - സമസ്ത നേതാക്കള്‍

പുതിയ സാഹചര്യത്തില്‍ കാന്തപുരം വിഭാഗത്തോട് 10 ചോദ്യങ്ങള്‍
കോഴിക്കോട് : പ്രവാചകന്റെ പേരില്‍ കാന്തപുരം എ.പി. അബൂബക്കര്‍ മുസ്‌ലിയാര്‍ പുതുതായി കൊണ്ടുവന്ന പാനപാത്രത്തിന് പിന്നില്‍ സയണിസ്റ്റ് ലോബിയുടെ വന്‍ ഗൂഢാലോചനയുണ്ടെന്ന് സമസ്ത നേതാക്കള്‍ ആരോപിച്ചു. യാതൊരു അടിസ്ഥാനവുമില്ലാതെ പ്രവാചകന്റെതെന്ന പേരില്‍ വ്യാജകേശം കൊണ്ടുവന്ന് വിശ്വാസികളെ വഞ്ചിച്ച് കോടിക്കണക്കിന് രൂപ തട്ടിയെടുത്ത കാന്തപുരം എ.പി. അബൂബക്കര്‍ മുസ്‌ലിയാര്‍ പുതുതായി കൊണ്ടുവന്ന പാനപാത്രവും വ്യാജമാണ്.

പൊട്ടച്ചിറ അന്‍വരിയ്യ അറബിക്‌ കോളേജ്‌ 44-ാം വാര്‍ഷിക സനദ്‌ ദാന മഹാസമ്മേളനം ഇന്ന്‌ മുതല്‍ ആരംഭിക്കും

പാലക്കാട്‌ : പാലക്കാട്‌ ജി ല്ലയിലെ പൊട്ടച്ചിറ അന്‍വരിയ്യ അറബിക്‌ കോളജിന്റെ 44ാം വാ ര്‍ഷിക സനദ്‌്‌ദാന സമ്മേളനം ഇന്നുമുതല്‍ ആള്‍വരിയ്യ കാംപസില്‍ നടക്കും. 
31 ന്‌്‌ ഉച്ചയ്ക്കുശേഷം 3.30 ന്‌ സിയാറത്ത്‌ തുടര്‍ന്ന്‌ സമസ്‌ത മുശാവറ അംഗം കെ പി സി തങ്ങള്‍ പതാക ഉയര്‍ത്തും. ഇബ്രാഹിം അള്‍വരി പഴയന്നൂര്‍ അനുസ്‌മരണ പ്രഭാഷണം നടത്തും. 6.30 ന്‌ നടന്ന ഉദ്‌ഘാടന സമ്മേളനം ഹമിദലി ശിഹാബ്‌ തങ്ങള്‍ ഉദ്‌ഘാടനം ചെയ്യും. സി പി മുഹമ്മദ്‌ എം.എല്‍.എ. മുഖ്യാതിഥിയായിരിക്കും. 
ഓണമ്പിള്ളി മുഹമ്മദ്‌ ഫൈസി മുഖ്യപ്രഭാഷണം നിര്‍വ്വഹിക്കും. തുടര്‍ന്ന്‌ സര്‍ഗ നിശ അരങ്ങേറും.
ഫെബ്രുവരി ഒന്നിന്‌ രാവിലെ ഒമ്പത്‌ മണിക്ക്‌ സംസ്‌കാരിക സമ്മേളനത്തില്‍ സി ഹംസ, അബ്ദുള്‍ഗഫൂര്‍ ഖാസിമി, ജി എം സലാഹുദ്ദീന്‍ ഫൈസി ഖല്ലപുഴ വിവിധ വിഷയങ്ങള്‍ അവതരിപ്പിക്കും.
ഉച്ചയ്ക്ക്‌ ©ശേഷം നടക്കുന്ന ഫിഖ്‌്‌ഹ്‌ സെക്‌ഷനില്‍ സിദ്ദിഖ്‌ അന്‍വരികാപ്പ്‌, അബ്ദുല്‍ ഖാദര്‍ അന്‍വരി കയറാടി സംബന്ധിക്കും. വൈകുന്നേരം 6.30 ന്‌ നടക്കുന്ന വിജ്ഞാനവേദി പാണക്കാട്‌ മുനവറലി ശിഹാബ്‌ തങ്ങള്‍ ഉദ്‌ഘാടനംചെയ്യും. അഹമ്മദ്‌ കബീര്‍ എം.എല്‍.എ മുഖ്യാതിഥിയായിരിക്കും. രണ്‌ടിന്‌ നടക്കുന്ന ആദര്‍ശ സമ്മേളനത്തിന്റെ ഉദ്‌ഘാടനം ഇ അലവി ഫൈസി കുളപ്പറമ്പ്‌ നിര്‍വഹിക്കും.ഗഫൂര്‍ അന്‍വരി മുതൂര്‍, മുസ്‌തഫ അഷ്‌റഫി കക്കൂപ്പടി സംബന്ധിക്കും.

തിരുദര്‍ശനം

Thursday, January 30, 2014

പൂര്‍വ്വനേതാക്കളെ പുറം തള്ളി അഭിനവ 'സകരിയ്യാക്കള്‍' രംഗത്ത്‌!. 'വഹാബി മത'ത്തെ വഴിത്തിരിവിലാക്കിയ 'സുന്നി-മുജാഹിദ്‌' ഓണ്‍ലൈന്‍ സംവാദം ശ്രദ്ധേയമായി

കഴിഞ്ഞ ദിവസം രാത്രി ഓണ്‍ലൈനിൽ നടന്ന സുന്നി-മുജാഹിദ്‌(സകരിയ്യ വിഭാഗം) സംവാദം റെക്കോർഡ്‌. കേരള ഇസ്ലാമിക്‌ ക്ലാസ്സ്‌ റൂം തത്സമയം സംപ്രേഷണം ചെയ്ത സംവാദത്തിന്റെ പൂർണ്ണ രൂപം കേൾക്കാൻ ഇവിടെ ക്ലിക്ക് ചെയ്യുക

സമസ്‌ത ബഹ്‌റൈൻ ഗുദൈബിയ എരിയ മീലാദ് സമ്മേളനവും മദ്രസ വാര്ഷികവും സംഘടിപ്പിച്ചു

പ്രവാചക സ്നേഹം ; -പഠിക്കുക. പിൻപറ്റുക --ഡോ : ആദിൽ അൽ മർസൂകി 
ഗുദൈബിയ: സമസ്‌ത കേരള സുന്നി ജമാഅത്ത് ഗുദൈബിയ എരിയ കമ്മിറ്റിയുടെ ആഭിമുഖ്യത്തില്‍ മുത്ത് നബി സ്നേഹത്തിന്റെ തിരുവസന്തം എന്ന പ്രമേയത്തിൽ സംഘടിപ്പിച്ച മീലാദ് സമ്മേളനവും അൽ ഹുദാ ത അ ലീമുൽ ഖുർആൻ മദ്രസ്സയുടെ അഞ്ചാം വാര്ഷികവും വളരെ വിപുലമായി ബഹ്‌റൈൻ സൌത്ത് പാർക്ക്‌ രെസ്റ്റൊരന്റ് ഹാളിൽ വെച്ച് സംഘടിപ്പിച്ചു.
പരിപാടികളുടെ വ്യത്യസ്തത കൊണ്ടും പരിപാടിയുടെ അവസാനം വരെ 500 ൽ പ്പരം ആളുകളുടെ നിറ സാന്നിധ്യം കൊണ്ടും ശ്രദ്ധേയമായ പരിപാടി ഗുദൈബിയ സമസ്തയുടെ കെട്ടുറപ്പും ജനങ്ങളുടെ ഇടയിൽ സംഘടനക്കുള്ള പിന്തുണയും വിളിച്ചോതുന്നതായിരുന്നു.
രാവിലെ 8 മണിക്ക് സൌജന്യ മെഡിക്കൽ ക്യാമ്പ് സംഘടിപ്പിച്ചു കൊണ്ടാണ് ഒരു ദിവസം മുഴുവൻ നീണ്ടു നിന്ന പരിപാടിയുടെ ആരംഭം. 
ബഹ്‌റൈൻ മിഡിൽ ഈസ്റ്റ് മെഡിക്കൽ സെന്റെറിലെ ഇ എൻ ടി , നേത്രുവിഭാഗം, ശിശുവിഭാഗം , ദന്തൽ , ജനറൽ മെഡിസിൻ തുടങ്ങി വിവിധ വിഭാഗങ്ങളിലെ ഡോക്ടര്മാരുടെയും ഫാർമസി വിഭാഗത്തിൻറെയും ആത്മാർത്ഥ സേവനത്തോടെ സംഘടിപ്പിച്ച മെഡിക്കൽ ക്യാമ്പിൽ വ്യത്യസ്ത മത വിഭാഗത്തിൽ പെട്ട 300 ൽ കൂടുതൽ പേർ പങ്കെടുക്കുകയും ചെയ്തു.
വൈകീട്ട് 6 മണിക്ക് ആരംഭിച്ച കുട്ടികളുടെ കലാ മത്സരങ്ങളിൽ മദ്രസ്സയയിലെ വിവിധ വിദ്യാർതികളുടെ കലാപരിപാടികൾ അവതരിപ്പിച്ചു. തുടർന്ന് പരിപാടിയിലേക്ക് മുഖ്യ അതിഥിയായി എത്തി പരിപാടി ധന്യമാക്കിയ ബഹ്റൈനിലെ പ്രമുഖ പണ്ഡിതനും മനാമ അൽ മീര്സാൻ മസ്ജിദ് ഖതീബുമായ ഡോക്ടർ ശൈഖ് ആദിൽ അൽ മർസൂകിയെ മദ്രസ്സ വിദ്യാർതികളുടെ ദഫ്ഫു സംഘത്തിൻറെ അകമ്പടിയോടെ പരിപാടിയിലേക്ക് ആനയിച്ചു . 
തുടർന്ന് മദ്രസ്സയിലെ ദഫ്ഫു സംഘത്തിന്റെ അര മണിക്കൂർ നീണ്ടു നിന്ന ദഫ്ഫു പരിപാടി മികവുറ്റ ഗാനാലാപനത്തിന്റെ താളം പിടിച്ചു കൊണ്ടുള്ള വ്യത്യസ്ത രൂപങ്ങളിലെ കളികൾ കൊണ്ടും നിറ സാന്നിധ്യമായ സദസ്സിനെയും അതിഥിയായി എത്തിയ ശൈഖിനെയും വളരെയേറെ ആകര്ഷിച്ചു.

Wednesday, January 29, 2014

'നബിദിനാഘോഷം' സുന്നി–മുജാഹിദ്‌ ഓണ്‍ലൈന്‍ സംവാദം ഇന്ന്‌

കോഴിക്കോട്: നബിദിനാഘോഷ വുമായി ബന്ധപ്പെട്ട്‌  സുന്നി-മുജാഹിദ്‌(സകരിയ്യ വിഭാഗം) സംവാദം ഇന്ന്‌ (ബുധന്‍) ഓണ്‍ലൈനില്‍ നടക്കും.
ഇന്ന്‌ (ബുധന്‍) ഇന്ത്യന്‍ സമയം രാത്രി 11.30 ന്‌ (ബഹ്‌റൈന്‍ സമയം 9 മണി)ക്ക്‌ ഇന്റര്‍നെറ്റില്‍ പ്രവര്‍ത്തിക്കുന്ന ബൈലക്‌സ്‌ മെസ്സഞ്ചറിറില്‍ പ്രത്യേകം ഓപ്പണ്‍ ചെയ്യുന്ന റൂമിലാണ്‌ ഇരുവിഭാഗത്തിന്റെയും പ്രമുഖ പണ്‌ഢിതര്‍ അണിനിരക്കുന്ന സംവാദം നടക്കുന്നത്‌. സംവാദത്തിനു ശേഷം നടക്കുന്ന അവലോകനത്തിനും തല്‍സമയ സംശയനിവാരണത്തിനും കേരള ഇസ്ലാമിക്‌ ക്ലാസ്സ്‌ റൂമില്‍ പ്രമുഖ യുവ പണ്‌ഢിതര്‍ നേതൃത്വം നല്‍കും. 
www.kicrlive.com , ബൈലക്‌സ്‌ മെസഞ്ചറിലെ കേരള ഇസ്ലാമിക്‌ ക്ലാസ്സ്‌ റൂം, മൊബൈലിലെ ഇന്റര്‍നെറ്റ്‌ റേഡിയോ, മൊബൈല്‍ ടി.വി എന്നിവ മുഖേന തല്‍സമയം ലോകത്തെവിടെയും ലഭ്യമായിരിക്കും.
Related News: വ്യവസ്ഥ തയ്യാറായി...സുന്നി–മുജാഹിദ്‌(സകരിയ്യ വിഭാഗം) ഓണ്‍ലൈന്‍ സംവാദം ജനു.29ന്‌

സമസ്ത പത്രസമ്മേളനം നാളെ കോഴിക്കോട്

കോഴിക്കോട് : പ്രവാചക തിരുശേഷിപ്പുമായി ബന്ധപ്പെട്ട് അനുകാലികമായ ചില സുപ്രധാന വിവരങ്ങള്‍ കൈമാറുന്നാതിന്ന് സമസ്ത നേതാക്കള്‍ നാളെ (30/01/2013) വൈക്കീട്ട് 3 മണിക്ക് കോഴികോട് ഇസ്ലാമിക് സെന്ററില്‍ പത്ര സമ്മേളനം നടത്തും.

SYS 60-ാം വാര്‍ഷികം; കാസറകോട് SKSSF ഹൈവെ മാര്‍ച്ച് നാളെ(വ്യാഴം)

കാസറകോട് : പൈതൃകത്തിന്റെ പതിനഞ്ചാം നൂറ്റാണ്ട് എന്ന പ്രമേയവുമായി 2014 ഫെബ്രുവരി 14,15,16 തീയ്യതികളില്‍ കാസറകോട് ചെര്‍ക്കള വാദിതൈ്വബയില്‍ വെച്ച് നടക്കുന്ന എസ്.വൈ.എസ്. 60-ാം വാര്‍ഷിക സമ്മേളനത്തിന്റെ പ്രചരണത്തിന്റെ ഭാഗമായി എസ്.കെ. എസ്.എസ്.എഫ്. കാസറകോട് ജില്ലാ കമ്മിറ്റി സംഘടിപ്പിക്കുന്ന 60 ഇന പ്രചരണ പരിപാടിയുടെ ഭാഗമായി മഞ്ചേശ്വരത്ത് നിന്നും തൃക്കരിപ്പൂരില്‍ നിന്നും ആരംഭിക്കുന്ന ഹൈവെ മാര്‍ച്ചുകള്‍ നാളെ ചെര്‍ക്കള വാദീതൈ്വബയില്‍ സമാപിക്കും.സമാപന സമ്മേളനം സമസ്ത ജില്ലാ ജനറല്‍ സെക്രട്ടറി യു.എം.അബ്ദു റഹ്മാന്‍ മൗലവി ഉല്‍ഘാടനം ചെയ്യും.സലീം നദ്‌വി കണ്ണൂര്‍ മുഖ്യ പ്രഭാഷണം നടത്തും.കുഞ്ചത്തൂരില്‍ നിന്ന് ആരംഭിക്കുന്ന മാര്‍ച്ച് നായകന്‍ റഷീദ് ബെളിഞ്ചത്തിന് പതാക കൈമാറി സുന്നീ യുവജന സംഘം സംസ്ഥാന വൈസ് പ്രസിഡണ്ട് ഖത്തര്‍ ഇബ്രാഹിം ഹാജി കളനാട് ഉല്‍ഘാടനം ചെയ്യും.സിദ്ദീഖ് അസ്ഹരി പാത്തൂര്‍ ഉപനായകനും,സുഹാര്‍ അസ്ഹരി പള്ളങ്കോട് ഡയറക്ടറും മുനീര്‍ ഫൈസി ഇടിയടുക്ക കോ-ഓഡിനേറ്ററുമായിരിക്കും. ചന്തേരയില്‍ നിന്നും ആരംഭിക്കുന്ന മാര്‍ച്ച് നായകന്‍ താജുദ്ദീന്‍ ദാരിമി പടന്നക്ക് പതാക കൈമാറി എസ്.വൈ.എസ്.സംസ്ഥാന ഉപാധ്യക്ഷന്‍ മെട്രൊ മുഹമ്മദ് ഹാജി ഉല്‍ഘാടനം ചെയ്യും.ഹാരിസ് ദാരിമി ബെദിര ഉപനായകനും എന്‍.ഐ.അബ്ദുല്‍ ഹമീദ് ഫൈസി ഡയറക്ടറും യൂസുഫ് ആമത്തല കോ-ഓഡിനേറ്ററുമാണ്.രണ്ട് ഭാഗങ്ങളില്‍ നിന്ന് ആരംഭിക്കുന്ന മാര്‍ച്ചില്‍ 60 പതാക വാഹകരായ ശുഭ്രവസ്ത്ര ധാരികളായ നേതാക്കളും 60 ബൈക്കുകളും അണിനിരക്കും.ജാഥയില്‍ ഹാഷിം ദാരിമി ദേലമ്പാടി,സി.പി.മൊയ്തു മൗലവി ചെര്‍ക്കള,ഹാരിസ് ഹസനി,മുഹമ്മദലി നീലേശ്വരം,മഹമൂദ് ദേളി,യൂനുസ് ഹസനി,റഷീദ് ഫൈസി ആറങ്ങാടി,മൊയ്തീന്‍ ചെര്‍ക്കള,കെ.എച്ച്.അഷ്‌റഫ് ഫൈസി കിന്നിങ്കാര്‍,ഖലീല്‍ ഹസനി ചൂരി,സിദ്ദീഖ് ബെളിഞ്ചം,സുബൈര്‍ നിസാമി കളത്തൂര്‍,മുഹമ്മദ് ഫൈസി കജ,ഫാറൂഖ് കൊല്ലമ്പാടി,യൂസഫ് വെടിക്കുന്ന് തുടങ്ങിയവര്‍ സ്ഥിരാംഗങ്ങളായിരിക്കും

Tuesday, January 28, 2014

'രാഷ്ട്ര രക്ഷ യ്ക്ക് പ്രതിജ്ഞ പുതുക്കി SKSSF മനുഷ്യജാലികകള്‍ ശ്രദ്ധേയമായി

രാഷ്ടരക്ഷയ്ക്ക് സൗഹൃദത്തിന്റെ കരുതല്‍ എന്ന പ്രമേയവുമായി എസ്.കെ. എസ്.എസ്.എഫ്. ജില്ലാ കേന്ദ്രങ്ങളിൽ സംഘടിപ്പിച്ച മനുഷ്യജാലിക ഉജ്ജ്വലമായി. ത്രീവ്രവാദ,ഭീകരവാദ വിധ്വംസക പ്രവര്‍ത്തനങ്ങള്‍ക്കെതിരെ താക്കീ ത് നല്‍കി വൈകുന്നേരം നാല് മണിക്ക് 30 കേന്ദ്രങ്ങളില്‍ ആരംഭിച്ച റാലി നഗരവീധിയില്‍ നവ്യാനുഭൂതി തീര്‍ത്തു.
ഇതര ജില്ലാ കേന്ദ്രങ്ങളിൽ നിന്നും വ്യത്യസ്തമായി, പ്രവർത്തകരെ ഉൾക്കൊള്ളാൻ കഴിയാത്തതിനാൽ മലപ്പുറം ജില്ലയിൽ രണ്ടു കേന്ദ്രങ്ങളിലായാണ് ജില്ലാകമ്മിറ്റി  മനുഷ്യജാലിക സംഘടിപ്പിച്ചത്. പെരിന്തല്‍മണ്ണയിലും പുത്തനത്താണിയിലും മനുഷ്യജാലിക സംഘടിപ്പിച്ചു.
പെരിന്തല്‍മണ്ണയില്‍ മനഴി സ്മാരക ബസ്സ്റ്റാന്‍ഡില്‍നിന്ന് റാലി ആരംഭിച്ചു. പഴേരി മൈതാനത്ത് ജാലിക തീര്‍ത്തു. പാണക്കാട് സയ്യിദ് ഹമീദലി ശിഹാബ് തങ്ങള്‍ ദേശീയോദ്ഗ്രഥന പ്രതിജ്ഞ ചൊല്ലിക്കൊടുത്തു. സമസ്ത കേരള ജംഇയ്യത്തുല്‍ ഉലമാ ട്രഷറര്‍ ജിഫ്‌രി മുത്തുക്കോയ തങ്ങള്‍ ഉദ്ഘാടനംചെയ്തു.
പി. സുരേന്ദ്രന്‍, ഡോ. ഹാരിസ് ഹുദവി പാറപ്പുറം, അബ്ദുല്‍ ഹമീദ് ഫൈസി അമ്പലക്കടവ്, മുനീര്‍ ഹുദവി വിളയില്‍ എന്നിവര്‍ പ്രഭാഷണം നടത്തി. കെ. മമ്മുദു ഫൈസി, കെ.കെ.സി.എം. തങ്ങള്‍, കാളാവ് സൈതലവി മുസ്‌ലിയാര്‍, സി.ടി. അലി മുസ്‌ലിയാര്‍, അബ്ദുല്‍ഖാദര്‍ഹാജി തൂത, ഹസ്സന്‍ സഖാഫി പൂക്കോട്ടൂര്‍, സലീം എടക്കര, ഒ.കെ.എം. മൗലവി, ബി.എസ്.കെ തങ്ങള്‍, പി.കെ. മുഹമ്മദ്‌കോയ തങ്ങള്‍, സയ്യിദ് ഫൈനാസലി ശിഹാബ് തങ്ങള്‍, ശമീര്‍ ഫൈസി ഒടമല, ശമീര്‍ ഫൈസി പുത്തനങ്ങാടി എന്നി വര്‍ പ്രസംഗിച്ചു.
പുത്തനത്താണിയില്‍ വെട്ടിച്ചിറയില്‍നിന്ന് റാലി ആരംഭിച്ചു. പുത്തനത്താണിയില്‍ ജാലിക തീര്‍ത്തു. പാണക്കാട് സയ്യിദ് ബഷീറലി ശിഹാബ്തങ്ങള്‍ ദേശീയോദ്ഗ്രഥന പ്രതിജ്ഞചൊല്ലിക്കൊടുത്തു. സമസ്ത സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. കെ.പി. രാമനുണ്ണി മുഖ്യപ്രഭാഷണം നടത്തി. സ്വലാഹുദ്ദീന്‍ ഫൈസി വല്ലപ്പുഴ പ്രമേയ പ്രഭാഷണം നടത്തി. അബ്ദുസമദ് പൂക്കോട്ടൂര്‍, ഡോ. എം.എം. ബഷീര്‍ മൗലവി കൊല്ലം എന്നിവര്‍ പ്രഭാഷണം നടത്തി.
സയ്യിദ് കെ.കെ.എസ് തങ്ങള്‍, എ. മരക്കാര്‍ ഫൈസി, കാടാമ്പുഴ മൂസഹാജി, സയ്യിദ് വി.പി.എം.കെ തങ്ങള്‍, അബ്ദുല്‍ഹക്കീം ഫൈസി ആദൃശ്ശേരി, സയ്യിദ് വി.പി. അബ്ദുല്ലക്കോയ തങ്ങള്‍, സി.എച്ച്. ത്വയിബ്‌ഫൈസി,

കാസര്‍ഗോഡ് ജില്ലാ SKSSF മനുഷ്യജാലികയില്‍ നിന്നും. . .

ബദിയടുക്ക : രാഷ്ട്രരക്ഷയ്ക്ക് സൗഹൃദത്തിന്റെ കരുതല്‍ എന്ന പ്രമേയവുമായി റിപബ്ലിക്ക് ദിനമായ ജനുവരി 26 ന് SKSSF സംസ്ഥാന വ്യാപകമായി സംഘടിപ്പിക്കുന്ന മനുഷ്യജാലികയുടെ കാസര്‍കോട് ജില്ലാ പരിപാടി ബദിയടുക്ക മേഖലയിലെ പെര്‍ളയില്‍ വെച്ച് നടന്നു. ഇടിയടുക്ക മസ്ജിദ് പരിസരത്ത് കണ്ടിക ഹസൈനാര്‍ ഹാജി പതാക ഉയര്‍ത്തി. സമസ്ത ജില്ലാ ജനറല്‍ സെക്രട്ടറി യു. എം. അബ്ദുല്‍ റഹ്മാന്‍ മൗലവി SKSSF ജില്ലാപ്രസിഡണ്ടിന് പതാക കൈമാറലോടെആരംഭിച്ച ജാലികാ റാലിയില്‍ ജില്ലാ നേതാക്കള്‍ക്ക് പിന്നില്‍ കുങ്കുമ തൊപ്പിയണിഞ്ഞ വിഖായ, വെള്ള തൊപ്പിയണിഞ്ഞ ത്വലബ, പച്ചതൊപ്പിയണിഞ്ഞ കാമ്പസ് എന്നീ വിഭാഗങ്ങളില്‍ നൂറ്റിപ്പതിനൊന്ന് പേര്‍ വീതം അണിനിരന്നു. അതിന് പിന്നില്‍ സാധാരണക്കാരായ ആയിരക്കണക്കിന്ന് പ്രവര്‍ത്തകര്‍ അണിനിരന്ന റാലി പൊതുസമ്മേളന വേദിയില്‍ ജാലിക തീര്‍ത്തു. ജില്ലാ പ്രസിഡണ്ട് താജുദ്ദീന്‍ ദാരിമി പടന്ന പ്രതിജ്ഞ ചൊല്ലിക്കൊടുത്തു. സമസ്ത ജില്ലാ പ്രസിഡണ്ട് ഖാസി ത്വാഖ അഹമ്മദ് മൗലവി ഉദ്ഘാടനം ചെയ്തു. ജില്ലാ ജനറല്‍ സെക്രട്ടറി റഷീദ് ബെളിഞ്ചം സ്വാഗതം പറഞ്ഞു. മുഹമ്മദ് റഹ്മാനി തരുവണ പ്രമേയ പ്രഭാഷണവും ജലീല്‍ റഹ്മാനി വാണിയന്നൂര്‍ മുഖ്യ പ്രഭാഷണവും നടത്തി. സുന്നീ യുവജന സംഘം സംസ്ഥാന വൈസ്പ്രസിഡണ്ടുമാരായ എം. . ഖാസിം മുസ്ലിയാര്‍ , ഖത്തര്‍ ഇബ്രാഹിം ഹാജി കളനാട് , ജില്ലാ ജനറല്‍ സെക്രട്ടറി അബ്ബാസ് ഫൈസി പുത്തിഗ, ചെര്‍ക്കള അഹമ്മദ് മുസ്ലിയാര്‍ , പി. എസ് ഇബ്രാഹിം ഫൈസി പള്ളങ്കോട്, അബൂബക്കര്‍ പെരുന്തണ, ഇബ്രാഹിം ഫൈസി ജെഡിയാര്‍ , മഹ്മൂദ് ദാരിമി, കണ്ണൂര്‍ അബ്ദുല്ല മാസ്റ്റര്‍ , എന്‍മകജ പഞ്ചായത്ത് പ്രസിഡണ്ട് സോമശേഖര, ഹാഷിം ദാരിമി ദേലമ്പാടി, സുഹൈര്‍ അസ്ഹരി പള്ളങ്കോട്, ഇബ്രാഹിം മുണ്ടിത്തടുക്ക, അബൂബക്കര്‍ സാലൂദ് നിസാമി, ഹാരിസ് ദാരിമി ബെദിര, സി. പി മൊയ്തു മൗലവി ചെര്‍ക്കള, സിദ്ധീക് അസ്ഹരി പാത്തൂര്‍ , സലാം ഫൈസി പേരാല്‍, മുനീര്‍ ഫൈസി ഇടിയടുക്ക, സുബൈര്‍ ദാരിമി പൈക്ക തുടങ്ങിയവര്‍ സംബന്ധിച്ചു.
- Secretary, SKSSF Kasaragod Distict Committee

SKSSF നീലഗിരി ജില്ലാ മനുഷ്യജാലികയില്‍ നിന്നും...

തമിഴ്നാട് : ഗൂഡല്ലൂര്‍ ടൗണ്‍ ജുമാമസ്ജിദ് പരിസരത്ത് നിന്നും ആരംഭിച്ച റാലി ഗൂഡല്ലൂര്‍ ഫസ്റ്റ് മൈലില്‍ സമാപിച്ചു. തുടര്‍ന്ന് നടന്ന ജാലികാ സമ്മേളനം SMF ജില്ലാ പ്രസിഡന്റ് കെ .പി മുഹമ്മദ് ഹാജി ഗൂഡല്ലൂറ് ഉദ്ഘാടനം ചെയ്തു. ശാജി കുറ്റിമൂച്ചി പ്രതിജ്ഞ ചൊല്ലിക്കൊടുത്തു. സല്‍മാനുല്‍ ഫാരിസ് ഫസ്റ്റ് മൈല്‍ ദേശീയോദഗ്രഥന ഗാനമാലപിച്ചു. സമസ്ത നീലഗിരി ജില്ലാ പ്രസിഡന്റ് പി.കെ.എം. ബാഖവി അധ്യക്ഷനായിരുന്നു. പാണക്കാട് സയ്യിദ് സാബിഖലി ശിഹാബ് തങ്ങള്‍ , ഫാദര്‍ വില്‍സന്‍ ചളിവയല്‍ , ശാരദാനന്ദ തീര്‍ത്ഥ സ്വാമികള്‍ തുടങ്ങിയവര്‍ മുഖ്യാതിഥികളായിരുന്നു. മുഹമ്മദ് റഹ്മാനി തരുവണ പ്രമേയ പ്രഭാഷണം നടത്തി. SYS സ്റ്റേറ്റ് ഓര്‍ഗനൈസര്‍ ശരീഫ് ദാരിമി, സൈതലവി റഹ്മാനി പാക്കണ, ബാവ ദാരിമി, എം.സി. സൈതലവി മുസ്ലിയാര്‍ , മുഷ്താഖ് മാസ്റ്റര്‍ ചെന്പാല അബ്ദു റസാഖ് അന്‍വരി, എം.എ സലാം സാഹിബ്, വാര്‍ഡ് കൗണ്‍സിലര്‍ ശിവാനന്ദ രാജ തുടങ്ങിയവര്‍ സംസാരിച്ചു. മഗ്രിബ് നിസ്കാര ശേഷം നടന്ന സമാപന സമ്മേളനം മൗലിദ് പാരായണത്തോടെ തുടക്കം കുറിച്ചു. SYS ജില്ലാ പ്രസിഡന്റ് ഒ.കെ. ഇമ്പിച്ചിക്കോയ തങ്ങള്‍ നേതൃത്വം നല്‍കി. പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനം ചെയ്തു. ജാബിര്‍ തൃക്കരിപ്പൂര്‍ മുഖ്യ പ്രഭാഷണം നടത്തി. ശുഐബ് നിസാമി പെരിയശോല സ്വാഗതവും കബീർ നിസാമി ചെമ്പാല നന്ദിയും പറഞ്ഞു.
- Shuhaib Cps

കണ്ണൂര്‍ ജില്ലാ SKSSF മനുഷ്യജാലികയില്‍ നിന്നും. . .

- latheef panniyoor

നാനാത്വമാണ് ഇന്ത്യയുടെ സൌന്ദര്യം : ടി.പി. ശ്രീനിവാസന്‍ ഐ.എഫ്.എസ്.

തൃശൂര്‍ : നാനാത്വത്തില്‍ നിന്ന് ഏകത്വം സൃഷ്ടിച്ചതാണ് ഇന്ത്യയുടെ മഹത്വത്തിനും സൗന്ദര്യത്തിനും നിധാനമെന്നും, മതമേതായാലും നാം ഇന്ത്യക്കാരാണെന്ന ബോധം പകര്‍ന്നു നല്‍കിയ നേതൃത്വവും അത് ശിരസ്സാവഹിച്ച ജനങ്ങളുമാണ് ലോക രാജ്യങ്ങള്‍ ഇന്ത്യയെ ആദരവോടെ നോക്കിക്കാണുതിന് കാരണമെന്നും മുന്‍ ഇന്ത്യന്‍ അംബാസിഡറും കേരള ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാനുമായ ശ്രീ. ടി.പി. ശ്രീനിവാസന്‍ ഐ.എഫ്.എസ് അഭിപ്രായപ്പെട്ടു. രാഷ്ട്ര രക്ഷക്ക് സൌഹൃദത്തിന്‍റെ കരുതല്‍ എന്ന പ്രമേയവുമായി റിപ്പബ്ലിക് ദിനത്തോടനുബന്ധിച്ച് SKSSF സംഘടിപ്പിച്ച മനുഷ്യജാലികയുടെ ജില്ലാ തല ഉദ്ഘാടനം നിര്‍വ്വഹിക്കുകയായിരുന്നു അദ്ദേഹം. ആയിരങ്ങള്‍ അണി നിരന്ന റാലിയോടെ ആരംഭിച്ച സമ്മേളനത്തില്‍ ത്രീ സ്റ്റാര്‍ കുഞ്ഞു മുഹമ്മദ് ഹാജി അദ്ധ്യക്ഷത വഹിച്ചു. നഹ്ജു റഷാദ് ഇസ്‌ലാമിക് അക്കാദമി വിദ്യാര്‍ത്ഥികള്‍ ദേശീയോദ്ഗ്രഥന ഗാനം ആലപിച്ചു, ഇബ്രാഹീം ഫൈസി പഴുന്നാന പ്രതിജ്ഞാ വാചകം ചൊല്ലിക്കൊടുത്തു. ചെറുവള്ളൂര്‍ ഹൈദ്രോസ് മുസ്ലിയാര്‍ മുഖ്യാതിഥിയായിരുന്നു. ഷറഫുദ്ദീന്‍ മുസ്‌ലിയാര്‍ വെന്മേനാട്, സി.. മുഹമ്മദ് റഷീദ്, പി.ടി. കുഞ്ഞു മുഹമ്മദ് മുസ്‌ലിയാര്‍ , ഇല്യാസ് ഫൈസി, കരീം ഫൈസി, ടി.എസ്. മമ്മി, തുടങ്ങിയവര്‍ പ്രസംഗിച്ചു. SKSSF ജില്ലാ സെക്രട്ടറി സയ്യിദ് ഷാഹിദ് കോയ തങ്ങള്‍ സ്വാഗതവും അബ്ദുറഹിമാന്‍ പടിഞ്ഞാകര നന്ദിയും പറഞ്ഞു.
- SKSSF THRISSUR

ദാറുല്‍ഹുദാ ഇമാം കോഴ്‌സ്; ക്ലാസ് ഉദ്ഘാടനം ഫെബ്രു. 3 ന്

തിരൂരങ്ങാടി : ദാറുല്‍ഹുദാ ഇസ്‌ലാമിക് യൂണിവേഴ്‌സിറ്റിയുടെ പൊതു വിദ്യാഭ്യാസ സംരംഭമായ cpet (centre for public education and training) ന് കീഴില്‍ മഹല്ലുകളില്‍ ഖത്തീബ്/ഇമാമായി ജോലി ചെയ്യുന്നവര്‍ക്ക് വേണ്ടി നടത്തപ്പെടുന്ന diploma in transformational leadership for imams കോഴ്‌സിന്റെ അഞ്ചാം ബാച്ചിന്റെ ക്ലാസുല്‍ഘാടനം 2014 ഫെബ്രുവരി 3 തിങ്കളാഴ്ച രാത്രി 7 മണിക്ക് ദാറുല്‍ ഹുദാ ഓഡിറ്റോറിയത്തില്‍ വെച്ച് നടക്കും. ദാറുല്‍ ഹുദാ വൈസ് ചാന്‍സിലര്‍ ഡോ.ബഹാഉദ്ദീന്‍ മുഹമ്മദ് നദ്‌വി ഉല്‍ഘാടനം നിര്‍വഹിക്കും. കൂടുതല്‍ വിവരങ്ങള്‍ക്ക് 9846047066.
- Darul Huda Islamic University

SYS കാസര്‍ഗോഡ് ജില്ല ത്വൈബ സന്ദേശ പ്രയാണം ഫെബ്രുവരി 3, 4, 5 തിയ്യതികളില്‍ ; സ്വീകരണ കേന്ദ്രങ്ങള്‍ പ്രഖ്യാപിച്ചു

കാസര്‍ഗോഡ് : പൈതൃകത്തിന്റെ പതിനഞ്ചാം നൂറ്റാണ്ട് എന്ന പ്രമേയത്തില്‍ ഫെബ്രുവരി 14, 15, 16 തിയ്യതികളില്‍ ചെര്‍ക്കള ഇന്ദിരാ നഗര്‍ വാദി ത്വൈബയില്‍ നടക്കുന്ന SYS 60ാം വാര്‍ഷിക മഹാ സമ്മേളന പ്രചരണത്തിന്റെ ഭാഗമായുള്ള SYS കാസര്‍ഗോഡ് ജില്ല ത്വയ്ബ സന്ദേശപ്രയാണം ഫെബ്രുവരി 3, 4, 5 തിയ്യതികളില്‍ നടക്കും. എം. . ഖാസിം മുസ്‌ലിയാര്‍ ജാഥ നായകനും ഖത്തര്‍ ഇബ്രാഹീം ഹാജി കളനാട്, മെട്രോ മുഹമ്മദ് ഹാജി ഉപനായകന്മാരും അബ്ബാസ്‌ഫൈസി പുത്തിഗെ ഡയറക്ടറും ഇബ്രാഹീം ഫൈസി ജെഡിയാര്‍ കോര്‍ഡിനേറ്ററുമായ കാസര്‍ഗോഡ് ജില്ല SYS തൈ്വബ സന്ദേശ പ്രയാണം ഫെബ്രുവരി 3 ന് തൃക്കരിപ്പൂര്‍ ചന്ദേരയില്‍ നിന്ന് ആരംഭിച്ച് ഹൊസങ്കടിയില്‍ സമാപിക്കും. ജില്ലയിലെ അഞ്ച് മണ്ഡലങ്ങളിലെയും സ്വീകരണ കേന്ദ്രങ്ങള്‍ പ്രഖ്യാപിച്ചു. ഫെബ്രുവരി 3 ന് രവിലെ 9.00 മണിക്ക് ചന്തേരയില്‍ നിന്ന് പ്രയാണം ആരംഭിച്ച് 11.00 മണിക്ക് പെരുമ്പട്ട, 3.00 തൈക്കടപ്പുറം, 4.30 ബല്ലാക്കടപ്പുറം, 6.00 മണിക്ക് കുണിയയില്‍ സമാപ്പിക്കും.രണ്ടാം ദിവസം രാവിലെ 9.00മണിക്ക് തൊട്ടി ജംഗ്ഷനില്‍ ആരംഭിച്ച് 11.00 ഉദുമ, 3.00 പൊവ്വല്‍, 4.30 ബദിയടുക്ക, 6.00ന് തളങ്കരയില്‍ സമാപ്പിക്കും. മൂന്നാം ദിവസം 9.00 മണിക്ക് ഹിദായത്ത് നഗറില്‍ നിന്ന് ആരംഭിച്ച് 10.30 മൊഗ്രാല്‍ പുത്തൂര്‍, 11.30 കുമ്പള, 3.30 പെര്‍മുദെ, 6.30 ഹൊസങ്കടിയില്‍ മൂന്ന് ദിവസം നീണ്ട് നില്‍ക്കുന്ന SYS കാസര്‍ഗോഡ് ജില്ല ത്വയ്ബ സന്ദേശപ്രയാണം സമാപ്പിക്കും. സ്വീകരണ കേന്ദ്രങ്ങളില്‍ SYS സംസ്ഥാന നേതാക്കളും പ്രമുഖപ്രഭാഷകരും പ്രഭാഷണം നടത്തുമെന്ന് SYS ജില്ലാ പ്രസിഡണ്ട് എം. . ഖാസിം മുസ്ലിയാര്‍ , ജില്ലാ ജനറല്‍ സെക്രട്ടറി അബ്ബാസ്‌ഫൈസി പുത്തിഗെ, ട്രഷറര്‍ മെട്രോ മുഹമ്മദ് ഹാജി, പ്രചരണ കമ്മിറ്റി ചെയര്‍മാന്‍ ഖത്തര്‍ ഇബ്രാഹീം ഹാജി, കണ്‍വീനര്‍ ഇബ്രാഹീം ഫൈസി ജെഡിയാര്‍ അറിയിച്ചു.
- HAMEED KUNIYA Vadakkupuram

കമ്പളക്കാട്ട് മതപ്രഭാഷണ പരമ്പരയും ദുആ സമ്മേളനവും ഫെബ്രുവരി ആദ്യവാരത്തില്‍

കമ്പളക്കാട് : ടൗണ്‍ജുമാമസ്ജിദ്, സൗത്ത് മദ്രസാ കമ്മിറ്റികളുടെ സംയുക്താഭിമുഖ്യത്തില്‍ ഫെബ്രുവരി ആദ്യവാരത്തില്‍ ഒരാഴ്ച നീണ്ടു നില്‍ക്കുന്ന മതപ്രഭാഷണ പരമ്പരയും ദുആ സമ്മേളനവും സംഘടിപ്പിക്കാന്‍ കമ്പളക്കാട് ടൗണ്‍ മസ്ജിദില്‍ ചേര്‍ന്ന കണ്‍വെന്‍ഷന്‍ തീരുമാനിച്ചു. പരിപാടിയുടെ വിജയത്തിനായി കെ കെ അഹ്മദ് ഹാജി ചെയര്‍മാനും സി പി ഹാരിസ് ബാഖവി കണ്‍വീനറും മുത്തലിബ് ഹാജി ട്രഷററുമായി 101 അംഗ സംഘാടക സമിതിക്ക് രൂപം നല്‍കി. കടവന്‍ ഹംസ ഹാജി, പി സി ഇബ്രാഹിം ഹൈജി, കെ ഹംസ ഹാജി വൈ. ചെയര്‍മാനും കെ കെ അബ്ദുല്‍ അസീസ്, എടത്തില്‍ അബ്ദുല്‍ അസീസ് ഹാജി, കെ എം അബ്ദുല്‍ അസീസ്, വി പി ശുക്കൂര്‍ ഹാജി ജോ. കണ്‍വീനര്‍മാരുമാണ്. തോപ്പില്‍ അഷ്‌റഫ്, കെ ടി ഹംസ, (സ്റ്റേജ്, വളണ്ടിയര്‍ ), പി ടി അഷ്‌റഫ്, കെ എ അബ്ബാസ്(പബ്ലിസിറ്റി) ഇമ്പിച്ചിക്കോയ മുസ്‌ലിയാര്‍ , കെ ടി നാസിര്‍ ദാരിമി (പ്രോഗ്രാം) എന്നിവര്‍ സബ്കമ്മിറ്റി ഭാരവാഹികളുമാണ്. യോഗത്തില്‍ കുന്നത്ത് മൊയ്തു ഹാജി, കെ കെ കുഞ്ഞമ്മദ് ഹാജി, കെ സി കുഞ്ഞിമൂസ ഹാജി, സി എച്ച് സൂപ്പി, വി പി സൂപ്പിക്കുട്ടി, ത്വല്‍ഹത്ത് ഇടത്തില്‍, കറുവ ഇബ്രാഹിം, പത്തായക്കോടന്‍ മൊയ്തു, കാവുങ്ങല്‍ മൊയ്തുട്ടി തുടങ്ങിയവര്‍ സംസാരിച്ചു.
- Shamsul Ulama Islamic Academy VEngappally

വിഘടിതരെ ഉത്തരം മുട്ടിച്ച തലപ്പാറ മുഖാമുഖം - റെക്കോർഡ്‌

കഴിഞ്ഞ ദിവസം തലപ്പാറ യിൽ നടന്ന മുഖാമുഖം -(കേരള ഇസ്ലാമിക്‌ ക്ലാസ്സ്‌ റൂം ലൈവ് റെക്കോർഡ്‌) മുഖാമുഖം പൂർണമായി കേൾക്കാൻ ഇവിടെ ക്ലിക്ക് ചെയ്യുക 

Monday, January 27, 2014

SKSSF ത്വലബവിംഗ് മോട്ടീവ് പ്രോഗ്രാമിന് ഉജ്ജ്വല തുടക്കം

കോഴിക്കോട് : ജില്ലയിലെ മതവിദ്യാര്‍ത്ഥികളില്‍ അവബോധം സൃഷ്ടിക്കുക, വൈജ്ഞാനിക രംഗത്തെ നൂതന സാധ്യതകള്‍ പരിചയപ്പെടുത്തുക എന്നിവ ലക്ഷ്യംവെച്ച് SKSSF ത്വലബവിംഗ് കോഴിക്കോട് ജില്ലാ കമ്മിറ്റി സംഘടിപ്പിക്കുന്ന സ്റ്റെപ് ടു സക്‌സസ് മോട്ടിവേഷന്‍ പ്രോഗ്രാമിന് ഉജ്ജ്വല തുടക്കം. ജില്ലയിലെ തെരഞ്ഞെടുക്കപ്പെടുന്ന സ്ഥാപനങ്ങളിലാണ് ക്ലാസുകള്‍ നടക്കുക. നന്തി ദാറുസ്സലാം ദഅ്‌വാ കോളേജ് ഓഡിറ്റോറിയത്തില്‍ നടന്ന ചടങ്ങ് പ്രിന്‍സിപ്പള്‍ തഖിയ്യുദ്ദീന്‍ ഹൈതമി ഉദ്ഘാടനം ചെയ്തു. സ്റ്റെപ് സംസ്ഥാന കോഓര്‍ഡിനേറ്റര്‍ റഷീദ് മാസ്റ്റര്‍ കോടിയൂറ ക്ലാസെടുത്തു. ട്രന്റ് മേഖലാ കണ്‍വീനര്‍ മുനീര്‍ മാസ്റ്റര്‍ , സയ്യിദ് ഹമീദ് തങ്ങള്‍ , ത്വയ്യിബ് കുയ്‌തേരി, ജാഫര്‍ വാണിമേല്‍ , സൈനുദ്ദീന്‍ തരുവണ സംസാരിച്ചു. മോട്ടിവേഷന്‍ പ്രോഗ്രാം നടത്താന്‍ താത്പര്യമുള്ള സ്ഥാപന ത്വലബവിംഗ് ഭാരവാഹികള്‍ കോര്‍ഡിനേറ്റര്‍ ജാഫര്‍ വാണിമേലുമായി ബന്ധപ്പെടുക നമ്പര്‍ : 9747664131
- SKSSF STATE COMMITTEE

മുന്‍തദല്‍ ഹദീസ്; പഠന സെമിനാറുകള്‍ക്ക് തുടക്കമായി | പ്രവാചക ശേഷിപ്പുകള്‍ ആധികാരികമായി തെളിയിക്കപ്പെടണം : ഡോ. അബ്ദുസമീഅ് അല്‍ അനീസ്

SKSSF റബീഅ് കാമ്പയിന്റെ ഭാഗമായി ത്വലബാ വിംഗ് സംസ്ഥാന സമിതിയുടെ ആഭിമുഖ്യത്തില്‍ നടക്കുന്ന മുന്‍തദല്‍ ഹദീസ് ഡോഅബ്ദുസമീഅ് അല്‍ അനീസ് ഉദ്ഘാടനം ചെയ്യുന്നു
മലപ്പുറം : SKSSF റബീഅ് കാമ്പയിന്റെ ഭാഗമായി ത്വലബാ വിംഗ് സംസ്ഥാന സമിതിയുടെ ആഭിമുഖ്യത്തില്‍ സംസ്ഥാനത്തെ 30 കേന്ദ്രങ്ങളില്‍ സംഘടിപ്പിക്കുന്ന മുന്‍തദല്‍ ഹദീസ് പഠന സെമിനാറുകള്‍ക്ക് തുടക്കമായി. ലോക പ്രശസ്ത ഹദീസ് പണ്ഡിതനും ഷാര്‍ജാ യൂണിവാഴ്‌സിറ്റി ഹദീസ് വിഭാഗം തലവനുമായ ഡോ. അബ്ദുസമീഅ് അല്‍ അനീസ് ഉദ്ഘാടനം ചെയ്തു.
തിരുവചനങ്ങള്‍ (ഹദീസ്) ഉള്‍പ്പെടെയുള്ള പ്രവാചക ശേഷിപ്പുകള്‍ ആധികാരികമായി തെളിയിക്കപ്പെടേണ്ടതാണ്. പ്രവാചക വചനങ്ങളും തിരുശേഷിപ്പുകളും കൈമാറ്റ ശൃഖല കൊണ്ട് സ്ഥിരപ്പെടുകയും ഗ്രന്ഥങ്ങളില്‍ രേഖപ്പെടുത്തപ്പെട്ടവയുമാണ്. ഇവകളെ പ്രവാചകനിലേക്ക് ചേര്‍ക്കുന്നതില്‍ മുന്‍ഗാമികള്‍ കാണിച്ച സൂക്ഷ്മത അതുല്യമാണ്. എന്നാല്‍ പുതിയകാലത്ത് പ്രകടമാകുന്ന നിഷേധ വിമര്‍ശന ചൂഷണ പ്രവണതകള്‍ തിരിച്ചറിയപ്പെടേണ്ടതാണ്; അദ്ദേഹം പറഞ്ഞു.

ഫാസിസ്റ്റുകള്‍ക്കെതിരെ മതേതരകക്ഷികള്‍ ഐക്യപ്പെടണം : SKSSF ത്വലബാ വിംഗ് സെമിനാര്‍

കോഴിക്കോട് : തീവ്രവാദ ഭീകരവാദ വിധ്വംസക നീക്കങ്ങളും ഫാസിസ ഗൂഢാലോചനകളുമാണ് സ്വാതന്ത്ര്യാനന്തരഭാരതത്തിന്റെ മതേതര ചലനങ്ങള്‍ക്ക് എക്കാലവും തടസ്സം നിന്നതെന്ന് SKSSF ത്വലബാവിംഗ് സെമിനാര്‍ അഭിപ്രായപ്പെട്ടു. പതിനഞ്ച് ലോക്‌സഭകള്‍ പിന്നിട്ട ഇന്ത്യയില്‍ ന്യൂനപക്ഷ പ്രതിസന്ധികള്‍ ചോദ്യചിഹ്നമായി അവശേഷിക്കുന്നതിന് ഭരണകൂട നിഷ്‌ക്രിയത്വവും തത്പരമുന്നണികളുടെ ഇടപെടലുകളും കാരണമായിട്ടുണ്ട്. തെരഞ്ഞെടുപ്പ് വേളകളില്‍ പ്രീണന പ്രഖ്യാപനങ്ങളുമായി ന്യൂനപക്ഷ വോട്ടുകള്‍ തട്ടുന്ന ഭരണകക്ഷികള്‍ തങ്ങളുടെ കറിവേപ്പില നയം തിരുത്തി പ്രായോഗികനിലപാട് സ്വീകരിച്ചാല്‍ മാത്രമേ ഭാരത റിപ്പബ്ലക്കില്‍ പൂര്‍ണ്ണത അവകാശപ്പെടാന്‍ ഇന്ത്യാരാജ്യത്തിന് അര്‍ഹതയുള്ളൂ.
വളര്‍ന്നുവരുന്ന ഫാസിസ്റ്റ് ഹിഡന്‍ അജണ്ടകള്‍ക്കെതിരെ മതേതരഭാരതം ഒന്നിച്ചുനിന്നാല്‍ മാത്രമേ നഷ്ടപ്പെട്ടുകൊണ്ടിരിക്കുന്ന ഇന്ത്യന്‍ വൈവിധ്യ സംസ്‌കൃതികളെയും സ്വരച്ചേര്‍ച്ചയുടെ പൈതൃക പാരമ്പര്യത്തെയും വിഭാവനംചെയ്യുന്ന നാനാത്വത്തിന്‍ ഏകത്വ ഇന്ത്യയെ നിര്‍മ്മിക്കാനാവുകയുള്ളൂ; യോഗം വിലയിരുത്തി.
റിപ്പബ്ലിക് ദിനത്തോടനുബന്ധിച്ച് പേരാമ്പ്രയില്‍ സംഘടിപ്പിക്കുന്ന SKSSF മനുഷ്യജാലിക'യുടെ പ്രചരണാര്‍ത്ഥം ത്വലബവിംഗ് കോഴിക്കോട് ജില്ലാ കമ്മിറ്റിയുടെ ആഭിമുഖ്യത്തില്‍ കോഴിക്കോട് ഇന്‍ഡോര്‍‌സ്റ്റേഡിയത്തില്‍ സംഘടിപ്പിച്ച പതിനാറാം ലോക്‌സഭയും ന്യൂനപക്ഷഭാവിയും ത്വലബവിംഗ് സെമിനാര്‍ സമസ്ത കോഴിക്കോട് ജില്ലാ സെക്രട്ടറി പി.പി ഉമര്‍ ഫൈസി മുക്കം ഉദ്ഘാടനം ചെയ്തു. വിവിധ മത-രാഷ്ട്രീയ കക്ഷികളെ പ്രതിനിധീകരിച്ച് നാസര്‍ ഫൈസി കൂടത്തായി (SYS), കെ.ടി അബ്ദുറഹിമാന്‍ (യൂത്ത് ലീഗ്), അഡ്വ: പി.എ മുഹമ്മദ് റിയാസ് (ഡി.വൈ.എഫ്.) ചര്‍ച്ചയില്‍ പങ്കെടുത്തു. അബൂബക്കര്‍ ഫൈസി മലയമ്മ വിഷയാവതരണം നടത്തി. മുസ്തഫ മാസ്റ്റര്‍ മുണ്ടുപാറ മോഡറേഷന്‍ നിര്‍വ്വഹിച്ചു. ടി.പി സുബൈര്‍ മാസ്റ്റര്‍ , .പി.എം അഷ്‌റഫ്, റിയാസ് ഫൈസി പാപ്ലശ്ശേരി, ബാസിത്ത് ചെമ്പ്ര സംബന്ധിച്ചു. ജില്ലാ ചെയര്‍മാന്‍ സയ്യിദ് ഹമീദ് തങ്ങള്‍ മഞ്ചേരി അധ്യക്ഷത വഹിച്ചു. ത്വയ്യിബ് കുയ്‌തേരി സ്വാഗതവും ജാഫര്‍ വാണിമേല്‍ നന്ദിയും പറഞ്ഞു.
- SKSSF STATE COMMITTEE

SYS 60-ാം വാര്‍ഷികം; മധൂര്‍ പഞ്ചായത്ത് ദഅ്‍വാ യാത്ര 28 ന്

മധൂര്‍ : SYS 60-ാം വാര്‍ഷിക മഹാ സമ്മേളപ്രചരണാര്‍ത്ഥം SYS മധൂര്‍ കമ്മിറ്റി സംഘടപ്പിക്കുന്ന ദഅ്‌വാ യാത്രാ 28 ന് നടക്കും. യു. സഹദ് ഹാജി നായകനും ബി.എം അബദുല്ല ഹാജി, കെ.അബ്ബാസ് ഹാജി ഉപനായകന്മാരും, എം.എ ഖലീല്‍ ഡയക്ടറും, ഹനീഫ് മൗലവി കേഓര്‍ഡിനേറ്ററുമായുള്ള ദഅ്‌വാ യാത്രാ 28 ന് രാവിലെ 9.00 മണിക്ക് ചൂരിയില്‍ വെച്ച് SYS ജില്ലാ ജന.സെക്രട്ടറി കെ.എം. അബ്ബാസ് ഫൈസി പുത്തിഗെ ഉല്‍ഘാടനം ചെയ്യും. ഹമീദ് ഹാജി ചൂരി അധ്യക്ഷത വഹിക്കും. എം.എസ്.. പൂക്കോയ തങ്ങള്‍ പ്രാര്‍ത്ഥനനടത്തും. എം. . അബദുല്‍ റഹ്മാന്‍ ഹാജി, ഹാരിസ് ചൂരി, ഖലീല്‍ ഹസനി പ്രസംഗിക്കും.
തുടര്‍ന്ന് 10.00 മീപ്പുഗിരി, 10.30ന് പാറക്കെട്ട, 11.00 മായിപ്പാടി, 11.30 ശ്രീബാഗിലു, 12.00 പുളിക്കൂര്‍ , 12.30 നാഷല്‍ നഗര്‍ , 1.00 ഉളിയത്തടുക്ക, 1.30 ചെട്ടുംകുഴി, 3.00 എസ്.പി നഗര്‍ , 3.30 ഹിദായത്ത് നഗര്‍ , 4.00 കൊല്ലംങ്കാനം, 4.30 അറന്തോട്, 5.30 മധൂര്‍ എന്നിവിടങ്ങളിലെ സ്വീകരണത്തിന് ശേഷം 6.00 മണിക്ക് പട്ട്‌ളയില്‍ സമാപിക്കും. സമാപന സംഗമം മണ്ഡലം പ്രസിഡണ്ട് പി. എസ് ഇബ്രാഹീം ഫൈസി പള്ളംങ്കോട് ഉല്‍ഘാടനം ചെയ്യും. ഹാശിം അരിയില്‍ മുഖ്യ പ്രഭാഷണം നടത്തും. കുമ്പള മെയ്തീന്‍ കുഞ്ഞി ഹാജി, പി. എസ് മുഹമ്മദ് കുഞ്ഞി, ജാഫര്‍ പട്ട്‌ള, റസ്സാഖ് പട്ട്‌ള തുടങ്ങിയവര്‍ പ്രസംഗിക്കും.
- HAMEED KUNIYA Vadakkupuram

സിംസാറുല്‍ ഹഖ് ഹുദവിയുടെ നേതൃത്വത്തില്‍ അബൂദാബിയില്‍ നിന്നും വിമാന മാര്‍ഗം ഉംറ യാത്ര ഏപ്രില്‍ 3 ന് പുറപ്പെടുന്നു

ഹാദിയ അബുദാബി സംഘടിപ്പിക്കുന്ന Zaad 1435 ഏകദിന ശില്‍പശാല ഫെബ്രുവരി 7ന്

- sayid rafeeq

രാജ്യ രക്ഷക്ക് മത സൗഹാര്‍ദ്ദം അനിവാര്യം : സത്താര്‍ പന്തല്ലൂര്‍

ദുബൈ : മതേതരത്വവും ജനാധിപത്യവും സംരക്ഷിക്കാന്‍ പരിഷ്കൃത രാജ്യങ്ങള്‍ക്ക് പോലും അവകാശപ്പെടാന്‍ സാധിക്കാത്ത ഭരണഘടനയാണ് ഇന്ത്യയുടേതെന്നും ഇന്ത്യന്‍ ഭരണഘടന ഉയര്‍ത്തിപ്പിടിക്കുന്ന ഇന്ത്യന്‍ മുസ്‍ലിംകള്‍ പ്രതിജ്ഞാബദ്ധരാണെന്നും SKSSF സംസ്ഥാന ഓര്‍ഗനൈസിങ് സെക്രെട്ടറി സത്താര്‍ പന്തല്ലൂര്‍ പറഞ്ഞു. രാജ്യ രക്ഷക്ക് മത സൗഹാര്‍ദ്ദം അനിവാര്യമാണെന്നും സൗഹൃദം നിലനിര്‍ത്താനാവുന്ന സമീപനങ്ങള്‍ക്ക്‌ വിരുദ്ധമായി കേരളത്തിലും ഇന്ത്യയൊട്ടുക്കും തന്നെ ചില നീക്കങ്ങള്‍ അല്‍പബുദ്ധികളായ ചില മുസ്‌ലിംസംഘടനകളില്‍ നിന്ന്‌ ഉണ്ടായ സാഹചര്യത്തിലാണ്‌ രാഷ്‌ട്രരക്ഷക്ക്‌ സൗഹൃദത്തിന്റെ കരുതല്‍ എന്ന പ്രമേയവുമായി കേരളത്തിനകത്തും പുറത്തും മനുഷ്യജാലിക സംഘടിപ്പിക്കാന്‍ SKSSF മുന്‍കൈ എടുത്തതെന്നും അദ്ദേഹം പറഞ്ഞു. ദുബൈ സ്റ്റേറ്റ് SKSSF നടത്തിയ മനുഷ്യജാലികയില്‍ പ്രമേയ പ്രഭാഷണം നിര്‍വഹിക്കുകയ്യയിരുന്നു അദ്ദേഹം.
അബ്ദുസ്സലാം ബാഖവി ഉദ്ഘാടനം നിര്‍വ്വഹിച്ചു. സ്റ്റേറ്റ് പ്രസിഡന്റ് അബ്ദുല്‍ ഹകീം ഫൈസി പ്രതിജ്ഞ ചൊല്ലിക്കൊടുത്തു. ഇബ്രാഹിം മുറിച്ചാണ്ടി (ദുബൈ കെ.എം.സി.സി), മോഹന്‍ കുമാര്‍ (ഷാര്‍ജ ബുക്‌ഫെയര്‍ ), എല്‍വിസ് ചുമ്മാര്‍ (മീഡിയാ ഫോറം), ലിയോ രാധാകൃഷ്ണന്‍(റേഡിയോ മീ), ശശീന്ദ്രന്‍ (മാതൃഭൂമി) എന്നിവര്‍ പ്രസംഗിച്ചു. സെക്രട്ടറി ഷറഫുദ്ദീന്‍ ഹുദവി സ്വാഗതവും അബ്ദുല്‍ ഷുക്കൂര്‍ നന്ദിയും പറഞ്ഞു.
- dubai skssf

സമസ്‌ത ബഹ്റൈന്‍ ഖുര്‍ആന്‍ സ്റ്റഡി സെന്റര്‍ സാഹിത്യ സമാജം ഉദ്‌ഘാടനവും മൌലിദ്‌ മജ്‌ലിസും സംഘടിപ്പിച്ചു

ഫഖ്‌റുദ്ധീന്‍ കോയ തങ്ങള്‍ ഉദ്ഘാടനം നിര്‍വ്വഹിക്കുന്നു
മനാമ : മുത്തുനബി സ്‌നേഹത്തിന്റെ തിരുവസന്തം എന്ന പ്രമേയത്തില്‍ സമസ്‌ത കേരള സുന്നി ജമാഅത്ത്‌ ബഹ്‌റൈന്‍ കേന്ദ്രകമ്മറ്റി റബീഉല്‍ അവ്വലില്‍ നടത്തുന്ന ഒരു മാസത്തെ നബിദിന കാമ്പയിന്റെ ഭാഗമായി സമസ്‌ത ബഹ്‌റൈന്‍ ഘടകത്തിനു കീഴില്‍ പ്രവര്‍ത്തിക്കുന്ന സമസ്‌ത ഖുര്‍ആന്‍ സ്റ്റഡി സെന്റര്‍ മനാമയില്‍ നടത്തുന്ന പ്രതിവാര സാഹിത്യ സമാജത്തിന്റെ ഉദ്‌ഘാടനവും മൌലിദ്‌ മജ്‌ലിസും സംഘടിപ്പിച്ചു. സമസ്‌ത കോ ഓര്‍ഡിനേറ്ററും ഖുര്‍ആന്‍ ക്ലാസ്സ്‌ അദ്ധ്യാപകനുമായ വണ്ടൂര്‍ മൂസ മൌലവിയുടെ അദ്ധ്യക്ഷതയില്‍ നടന്ന ചടങ്ങ്‌ സമസ്‌ത ബഹ്‌റൈന്‍ പ്രസിഡന്റ്‌ സയ്യിദ്‌ ഫഖ്‌റുദ്ധീന്‍ കോയ തങ്ങള്‍ ഉദ്‌ഘാടനം ചെയ്‌തു.
മനുഷ്യര്‍ക്കിടയില്‍ അസൂയ വെക്കാന്‍ അനുവാദം നല്‍കിയ കാര്യങ്ങള്‍ രണ്ടെണ്ണം മാത്രമാണെന്നും അതില്‍ പെട്ടതാണ്‌ വിശുദ്ധ ഖുര്‍ആന്‍ പഠിക്കുന്നതെന്നും അതിനായി മത്സരങ്ങള്‍ ആവാമെന്നും തങ്ങള്‍ അഭിപ്രായപ്പെട്ടു. മറ്റു കാര്യങ്ങളിലൊന്നും അസൂയ വെക്കുന്നത്‌ അനുവദനീയമല്ല, അതു നന്മകളെ നശിപ്പിക്കും എന്നാണ്‌ തിരുവചനം. മറ്റുള്ളവരുടെ അനുഗ്രഹങ്ങള്‍ നീങ്ങിപോകാന്‍ ആഗ്രഹിക്കുന്നതാണ്‌ കപടവിശ്വാസിയുടെ അസൂയ. എന്നാല്‍ സത്യവിശ്വാസികളുടെ അസൂയ എന്നത്‌ നന്മ കൊതിക്കല്‍ (ഗിബ്‌തത്ത്‌) ആണ്‌. അഥവാ മറ്റുള്ളവര്‍ക്ക്‌ ലഭിച്ചത്‌ നിലനില്‍ക്കുന്നതോടൊപ്പം അതുപോലെ തനിക്കും ലഭിക്കുകയും അതു കൊണ്ട്‌ കൂടുതല്‍ നന്മ ചെയ്യണം എന്നാഗ്രഹിക്കലുമാണ്‌ തങ്ങള്‍ വിശദീകരിച്ചു.
ചടങ്ങില്‍ എസ്‌.എം. അബ്‌ദുല്‍ വാഹിദ്‌, വി.കെ കുഞ്ഞഹമ്മദ്‌ ഹാജി എന്നിവര്‍ ആശംസകളര്‍പ്പിച്ചു. മൌലിദ്‌ മജ്‌ലിസിന്‌ സമസ്‌ത നേതാക്കള്‍ക്കൊപ്പം ഉമറുല്‍ ഫാറൂഖ്‌ ഹുദവി, വണ്ടൂര്‍ മൂസ മൌലവി, ഉബൈദുല്ല റഹ്‌മാനി എന്നിവര്‍ നേതൃത്വം നല്‌കി. സാഹിത്യ സമാജം ഉദ്‌ഘാടന സെഷനില്‍ യൂസുഫ്‌ പ്രഭാഷണവും ആബിദ്‌, ആമിര്‍ , റഊഫ്‌ എന്നിവര്‍ ഗാനാലാപനവും നടത്തി. മുസ്ഥഫ പാനൂര്‍ സ്വാഗതഗാനം ആലപിച്ചു. കണ്‍വീനര്‍ ഒ.വി. അബ്‌ദുല്‍ വാഹിദ്‌ സ്വാഗതവും ജോ.കണ്‍. റിയാസ്‌ നന്ദിയും പറഞ്ഞു.
- samastha news

Sunday, January 26, 2014

"രാഷ്ട്രരക്ഷയ്ക്ക് സൗഹൃദത്തിന്റെ കരുതല്" SKSSF മനുഷ്യജാലിക ഇന്ന്

ഇന്ത്യക്കകത്തും പുറത്തുമായി 31 കേന്ദ്രങ്ങളില്‍ ആയിരങ്ങള്‍ ഇന്ന് ജാലിക തീര്‍ക്കും
SKSSF സ്റ്റേറ്റ് കമ്മറ്റി പ്രസിദ്ധീകരിച്ച 2014 ലെ മനുഷ്യജാലികയുടെ
കോഴിക്കോട്‌ : എസ്‌ കെ എസ്‌ എസ്‌ എഫിന്റെ ആഭിമുഖ്യത്തില്‍ റിപ്പബ്ലിക്‌ ദിനത്തില്‍ "രാഷ്‌ട്രരക്ഷക്ക്‌ സൗഹൃദത്തിന്റെ കരുതല്‍" എന്ന സന്ദേശവുമായി മനുഷ്യജാലിക തീര്‍ക്കും. വൈകിട്ട്‌ 4 മണിക്ക്‌ കേരളത്തിലെ വിവിധ ജില്ലകളിലും ദക്ഷിണ കന്നഡ, ചിക്‌മാംഗ്ലൂര്‍, കൊടക്‌, ഹാസന്‍, നീഗലിഗി, ലക്ഷദ്വീപ്‌, ചെന്നൈ, ബംഗളുരു, ഡല്‍ഹി എന്നിവിടങ്ങളിലും സഊദി അറേബ്യ, യു എ ഇ, ഖത്തര്‍ , ഒമാന്‍ , കുവൈത്ത്‌, ബഹ്‌റൈന്‍ , തുടങ്ങി മലയാളി സാന്നിധ്യമുള്ള അറബ്‌രാഷ്‌ട്രങ്ങളിലും പരിപാടികള്‍ നടക്കും.
ഗൾഫ്‌ രാഷ്ട്രങ്ങളിലെ മനുഷ്യ ജാലികയുടെ സമയത്തിലും ദിവസത്തിലും ചില മാറ്റങ്ങൾ അനുവദിച്ചിട്ടുണ്ട്. ഇതു പ്രകാരം യു എ ഇ യുടെ വിവിധ എമിരേറ്റുകളിൽ ഇതിനകം മനുഷ്യജാലിക നടന്നു കഴിഞ്ഞു.

Saturday, January 25, 2014

രാഷ്ട്രീയത്തിനപ്പുറമുള്ള കാഴ്ചപ്പാടോടെ ഫാസിസത്തെ കാണണം : SKSSF ത്വലബാ വിംഗ് സെമിനാര്‍

16-ാം ലോകസഭയും ന്യൂനപക്ഷ ഭാവിയും എന്ന വിഷയത്തില്‍ എസ്കെഎസ്എസ്എഫ് ത്വലബാ വിംഗ് കോഴിക്കോട് സംഘടിപ്പിച്ച സെമിനാര്‍ എസ്വെഎസ് സംസ്ഥാന സെക്രട്ടറി ഉമര്‍ ഫൈസി മുക്കം ഉദ്ഘാടനം ചെയ്യുന്നു
കോഴിക്കോട് : രാഷ്ട്രീയത്തിനപ്പുറമുള്ള കാഴ്ചപ്പാടോടെ ഫാസിസത്തെ കാണമെന്ന് 16-ാം ലോകസഭയും ന്യൂനപക്ഷ ഭാവിയും എന്ന വിഷയത്തില്‍ എസ്. കെ. എസ്. എസ്. എഫ് ത്വലബാ വിംഗ് കോഴിക്കോട് സംഘടിപ്പിച്ച സെമിനാര്‍ അഭിപ്രായപ്പെട്ടു. സംഘ്പരിവാറും നരേന്ദ്ര മോഡിയും ഉയര്‍ത്തുന്ന ഫാസിസം ഇന്ത്യയുടെ സംസ്‌കൃതിക്ക് വിരുദ്ധമാണ്. ബഹുസ്വരതയാണ് ഇന്ത്യയുടെ പൈതൃകം. എല്ലാ വിശ്യാസധാരകളെയും സ്വാംശീകരിക്കാന്‍ മാത്രം വിശാലമായ പാരമ്പര്യമാണ് ഇന്ത്യ ലോകത്തിന് മുമ്പില്‍ സമര്‍പ്പിക്കുന്നത്. ഇതിനെതിരെയുള്ള നീക്കം കരുതലോടെ കാണണം.

SYS 60-ാം വാര്‍ഷിക മഹാ സമ്മേളനം; ത്വലബാ വിംഗ് വളണ്ടിയര്‍ ഫോമുകള്‍ ഡൌണ്‍ലോഡ് ചെയ്യാന്‍ താഴെയുള്ള ലിങ്കില്‍ ക്ലിക്ക് ചെയ്യുക

Form 1 | Form 2‎
- SKSSF STATE COMMITTEE

തൃശൂര്‍ ജില്ലാ മനുഷ്യജാലിക പ്രോഗ്രാം നോട്ടീസ്

- Muhammed Basheer

SKSSF കാസര്‍ഗോഡ് ജില്ല സംഘടിപ്പിച്ച സിയാറത്ത് യാത്രകള്‍ സമാപിച്ചു

കാസറകോട് : പൈതൃകത്തിന്റെ പതിനഞ്ചാം നൂറ്റാണ്ട് എന്ന പ്രമേയവുമായി 2014 ഫെബ്രുവരി 14, 15, 16 തീയ്യതികളില്‍ കാസറകോട് ചെര്‍ക്കള വാദിത്വൈബയില്‍ വെച്ച് നടക്കുന്ന SYS 60-ാം വാര്‍ഷിക സമ്മേളനത്തിന്റെ പ്രചരണത്തിന്റെ ഭാഗമായി SKSSF കാസറകോട് ജില്ലാ കമ്മിറ്റി സംഘടിപ്പിക്കുന്ന 60 ഇന പ്രചരണ പരിപാടിയുടെ ഭാഗമായി രണ്ട് മേഖലകളിലായി സിയാറത്ത് യാത്ര സംഘടിപ്പിച്ചു. തൃക്കരിപ്പൂര്‍ ബീരിച്ചേരിയില്‍ നിന്ന് ആരംഭിച്ച തെക്കന്‍ മേഖലാ സിയാറത്ത് യാത്ര ജാഥാ നായകന്‍മാരായ സയ്യിദ് അലി തങ്ങള്‍ കുമ്പോല്‍ , സയ്യിദ് ഹാദി തങ്ങള്‍ എന്നിവരുടെ നേതൃത്വത്തില്‍ വിവിധ മഖാമുകളില്‍ പര്യടനം നടത്തി. ടി. കെ. പൂക്കോയ തങ്ങള്‍ ചന്തേര, കെ. ടി. അബ്ദുല്ല ഫൈസി, സി. കെ. കെ. മാണിയൂര്‍ , കെ. സി. അബ്ദു റഹ്മാന്‍ ബാഖവി, താജുദ്ദീന്‍ ദാരിമി പടന്ന, സലാം ഫൈസി പേരാല്‍ , മുഹമ്മദലി നീലേശ്വരം, നാഫിഅ് അസ്അദി, ഹാരിസ് ഹസനി മെട്ടുമ്മല്‍ എന്നിവര്‍ സംബന്ധിച്ചു. മഞ്ചേശ്വരത്ത് നിന്ന് ആരംഭിച്ച വടക്കന്‍ മേഖലാ യാത്രക്ക് നായകന്‍ സയ്യിദ് സൈനുല്‍ ആബിദീന്‍ തങ്ങള്‍ കുന്നുംങ്കൈക്ക് പതാക കൈമാറി സമസ്ത ബോര്‍ഡ് വിദ്യാഭ്യാസ സെക്രട്ടറി എം. . കാസിം മുസ്ലിയാര്‍ ഉല്‍ഘാടനം ചെയ്തു. പൈവളിക അബ്ദുല്‍ ഖാദര്‍ മുസ്ലിയാര്‍ , റഷീദ് ബെളിഞ്ചം, ഹാഷിം ദാരിമി ദേലമ്പാടി, സുഹൈര്‍ അസ്ഹരി പള്ളങ്കോട്, സിദ്ദീഖ് അസ്ഹരി പാത്തൂര്‍ , സി. പി. മൊയ്തു മൗലവി ചെര്‍ക്കള, മുഹമ്മദ് ഫൈസി കജ, മജീദ് ദാരിമി പൈവളിക, മഹ്മൂദ് ദേളി, സുബൈര്‍ നിസാമി, ഹാരിസ് ബെദിര, മൊയ്തീന്‍ ചെര്‍ക്കള, അഷ്‌റഫ് ഫൈസി കിന്നിങ്കാര്‍ , അബ്ദു റഹ്മാന്‍ ഹാജി കടമ്പ, ബി. എസ്. ഇബ്രാഹിം ഓമഞ്ചൂര്‍ , ബാവ ഹാജി മച്ചമ്പാടി, സി. മുഹമ്മദ് കുഞ്ഞി മീഞ്ച, ഇസ്മാഈല്‍ മച്ചമ്പാടി, അഹമ്മദ് മുക്രി, അഷ്‌റഫ് ഫൈസി കിന്നിങ്കാര്‍ , മാഹിന്‍ ദാരിമി ഗാളിമുഖം തുടങ്ങിയവര്‍ സംബന്ധിച്ചു. വിവിധ മഖാമുകളില്‍ നടക്കുന്ന സിയാറത്തുകളില്‍ പ്രമുഖ പണ്ഡിതന്‍മാരും സാദാത്തീങ്ങളും ഉമറാക്കളും പങ്കെടുത്തു. രണ്ട് യാത്രകളും മാലിക്ദീനാറില്‍ സമാപിച്ചു.
- Secretary, SKSSF Kasaragod Distict Committee

Friday, January 24, 2014

മനുഷ്യജാലിക പ്രതിജ്ഞ

പരസഹസ്രം സംവല്‍സരങ്ങളുടെ പാരമ്പര്യമുള്ള ഭാരത മണ്ണ് മാനവ സൗഹൃദത്തിന്റെ പൂവാടിയാണെന്ന് ഞങ്ങള്‍ ഉറച്ച് വിശ്വസിക്കുന്നു. മതങ്ങളും ആചാരങ്ങളും നാനാവിധമാ കുമ്പോഴും നാം ഏകതയുടെ വസന്തം തീര്‍ത്തവരാണ്. ഒരു മതമോ ഒരു ആചാരമോ മാത്രം വേണമെന്നല്ല; ബഹുസ്വരതയിലെ സഹിഷ്ണതയാണ് ഇന്ത്യയുടെ പാരമ്പര്യം. സാമൂഹിക നീതിനിലനില്‍ക്കുന്ന, സമാധാനമുള്ള ഒരറ്റ ജനതയായി നമുക്ക് മുന്നോട്ട് പോവാനാവണം. പ്രകൃതി വിഭവങ്ങളെ കടിച്ചു കീറി, പൊതുമുതല്‍ കട്ടു മുടിച്ച്, ഫാഷിസത്തിനും വര്‍ഗീയതയ്ക്കും കൂട്ടു കൂടി നാടിനെ നശിപ്പിക്കുന്നവരെ നാം ഒറ്റപ്പെടുത്തും, നാം ഒറ്റപ്പെടുത്തും, നാം ഒറ്റപ്പെടുത്തും. നമ്മുടെ ഭരണഘടനയുടെ അന്തഃസത്തയെ മുറുകെപ്പിടിച്ച് ഒരേ മനസ്സോടെ രാഷ്ട്രനിര്‍മ്മാണത്തിനായി പ്രവര്‍ത്തിക്കാന്‍ ഞങ്ങള്‍ പ്രതിജ്ഞാബദ്ധരാണ്.

മനുഷ്യജാലിക മുദ്രാവാക്യം

SKSSF സിന്ദാബാദ്
SKSSF സിന്ദാബാദ്
മനുഷ്യ ജാലിക സിന്ദാബാദ്
മഹത്വ ജാലിക സിന്ദാബാദ്
ഇതിഹാസത്തില്‍ ചരിതം പേറും
ഭാരതമണ്ണിന്‍ സ്വാതന്ത്രത്തിന്
നിണവും പണവും ഒന്നിച്ചേകിയ
സേനാനികളെ ഓര്‍ക്കുക നാം
ഇല്ല ഞങ്ങള്‍ മറക്കില്ല
ഈ വഴി വിട്ടകലാനില്ല
വൈദേശികരുടെ തേരോട്ടത്തില്‍
മതവും മാനവുമരയുമ്പോള്‍
ഒന്നായ് നിന്നീ നാടിനെ കാത്തൊരു
ധീരര്‍ നല്‍കിയതീ മണ്ണ്
സമസ്ത തന്നൊരു വെള്ളിനിലാവ്
നുകര്‍ന്നു നമ്മള്‍ കഴിയുമ്പോള്‍
സ്വാതന്ത്ര്യത്തെ ഹനിക്കാനെത്തും
കാപാലികരെ സൂക്ഷിക്കൂ......
വൈദേശികളുടെ കാലിന്നടിയില്‍
നൂറ്റാണ്ടുകളായ് ഞെരിഞ്ഞമര്‍ന്ന
ഭാരത്തിന്‍ സ്വാതന്ത്ര്യത്തെ
തിരികെയെടുത്തൊരു യോദ്ധാക്കളുടെ
അമൂല്ല്യ സ്വത്തം സൗഹാര്‍ദ്ദത്തെ
കണ്‍മണി പോലെ കാക്കുക നാം....
SKSSF സിന്ദാബാദ്
SKSSF സിന്ദാബാദ്
മനുഷ്യ ജാലിക സിന്ദാബാദ്
മഹത്വ ജാലിക സിന്ദാബാദ്
ബാങ്കിന്നലയും ശംഖൊലിയും
മണിനാദങ്ങള്‍ ഉയര്‍ന്നുകേട്ടാല്‍
ആദരവേകും സോദരരല്ലോ
ഭാരതമക്കള്‍ നാമെന്നും
സൗഹാര്‍ദ്ദത്തില്‍ വെള്ളിനിലാവിനെ
ഊതിയണക്കും മതഭ്രാന്തര്‍
മുസ്‌ലിം ഹൈന്ദവ ക്രൈസ്തവനല്ല
രാജ്യദ്രോഹി അതുമാത്രം
മമ്പുറം തങ്ങളും കോന്തുനായരും
കുഞ്ഞായിന്‍ മുസ്‌ല്യാര്‍ മങ്ങാട്ടച്ചനും
വാവരൊലിയും ശ്രീ അയ്യപ്പനും
കൊളുത്തി വെച്ചൂ മത സൗഹാര്‍ദ്ദം
പാണക്കാട്ടെ രാജാക്കന്മാര്‍
പടുത്തുയര്‍ത്തിയ കോട്ടക്കുള്ളില്‍
ഹൈന്ദവ ക്രൈസ്തവ മുസ്‌ലിമുമെല്ലാം
മത സൗഹാര്‍ദ്ദം നുണയുന്നൂ
റിപ്പബ്ലിക്കിനെ പോറ്റുന്നൂ..............
SKSSF സിന്ദാബാദ്
SKSSF സിന്ദാബാദ്
മനുഷ്യ ജാലിക സിന്ദാബാദ്
മഹത്വ ജാലിക സിന്ദാബാദ്
വര്‍ഗ്ഗീയതയുടെ വിഷബീജങ്ങള്‍
മുത്തിയിറക്കിയ കാട്ടാളര്‍
ആര്‍.എസ്.എസും എന്‍.ഡി.എഫും
ഇന്ത്യക്കെന്നും ആപത്ത്
കാപട്യത്തിന്റാട്ടിന്‍ തോലില്‍
ഊരും പേരും മാറ്റിയണഞ്ഞാല്‍
ആറടി മുളവടി ബോംബുകളൊന്നും
മറക്കുകില്ല ഭാരതമക്കള്‍...
SKSSF സിന്ദാബാദ്
SKSSF സിന്ദാബാദ്
മനുഷ്യ ജാലിക സിന്ദാബാദ്
മഹത്വ ജാലിക സിന്ദാബാദ്
ആത്മീയതയുടെ പേരുപറഞ്ഞ്
ആട്ടിന്‍ തോലണിയുന്നവരെ
കാലത്തിന്റെ ചവറ്റ് കൊട്ടയില്‍
എറിയും ഞങ്ങളറിഞ്ഞോളൂ..........
മുത്ത് റസൂലിനെ നിന്ദിക്കുന്ന
മുടിപൊടി പള്ളി ബിസിനസ്സുകള്‍
പ്രബുദ്ധരായ മുസ്‌ലിം ജനതയെ
വഞ്ചിക്കാനായി നോക്കേണ്ട
കണ്ണിയത്തും ശംസുല്‍ ഉലമയും
കാട്ടിത്തന്നുത്തമ മാര്‍ഗം
എസ്.കെ.എസ്.എസ്.എഫീനൊന്നും
തിരുത്തിടാത്ത കരുത്താണ്.
SKSSF സിന്ദാബാദ്
SKSSF സിന്ദാബാദ്
മനുഷ്യ ജാലിക സിന്ദാബാദ്
മഹത്വ ജാലിക സിന്ദാബാദ്‌

ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി ബിരുദദാന സമ്മേളനം ഫെബ്രുവരി 21 മുതല്‍

തിരൂരങ്ങാടി : തെന്നിന്ത്യയിലെ പ്രഥമ ഇസ്‌ലാമിക സര്‍വകലാശാലയായ ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റിയുടെ ബിരുദദാന മഹാ സമ്മേളനം ഫെബ്രുവരി 21 മുതല്‍ ചെമ്മാട് ഹിദായ നഗറില്‍ നടക്കും. പന്ത്രണ്ട് വര്‍ഷത്തെ ദാറുല്‍ഹുദാ കോഴ്‌സ് പൂര്‍ത്തിയാക്കിയ 460 യുവപണ്ഡിതരാണ് ബിരുദം വാങ്ങുന്നത്. മൂന്ന് ദിവസം നീണ്ടു നില്‍ക്കുന്ന സമ്മേളനത്തില്‍ കേരളത്തിനു പുറത്തെ സംസ്ഥാനങ്ങളിലെ മത ശാക്തീകരണ പദ്ധതികള്‍ മുഖ്യ അജണ്ടയാക്കിയുള്ള വൈവിധ്യമാര്‍ന്ന സെഷനുകള്‍ക്കാണ് വാഴ്‌സിറ്റി സാക്ഷ്യം വഹിക്കുക.
വിവിധ സംസ്ഥാനങ്ങളിലെ മുസ്‌ലിം നേതാക്കളെ പങ്കെടുപ്പിച്ച് സമുദായ സമുദ്ധാരണ രംഗത്തെ പദ്ധതികള്‍ ചര്‍ച്ച ചെയ്യുന്ന ദേശീയ മഹല്ല് നേതൃസംഗമം, രാജ്യത്തെ വിവിധ യൂനിവേഴ്‌സിറ്റികളിലും ഉന്നത കലാലയങ്ങളിലും പഠനം നടത്തുന്ന വിദ്യാര്‍ത്ഥി പ്രതിനിധികളെ ഉള്‍പ്പെടുത്തി നടത്തുന്ന ദേശീയ വിദ്യാര്‍ത്ഥി സംഗമം, മുസ്‌ലിം ന്യൂനപക്ഷങ്ങളുടെ പ്രശ്‌നങ്ങളും മറ്റും ചര്‍ച്ച ചെയ്യുന്നതിനായി ന്യൂനപക്ഷാവകാശ സമ്മേളനം, ദാറുല്‍ ഹുദാ കാമ്പസിലെയും യു.ജി സ്ഥാപനങ്ങളിലെയും വിദ്യാര്‍ത്ഥികള്‍ അണിനിരക്കുന്ന ഗ്രാന്റ് അസംബ്ലി, ബിരുദദാന സമ്മേളനം, സമാപന സമ്മേളനം എന്നിവയാണ് സമ്മേളനത്തോടനുബന്ധിച്ച് നടക്കുന്ന പ്രധാന സെഷനുകള്‍.
മത, ഭൗതിക സമന്വയ വിദ്യാഭ്യാസത്തിന് തുടക്കം കുറിച്ച ദാറുല്‍ ഹുദാ 2009 ലാണ് ഇസ്‌ലാമിക് സര്‍വകലാശാലയായി അപ്‌ഗ്രേഡ് ചെയ്തത്. നിലവില്‍ കൈറോ ആസ്ഥാനമായി പ്രവര്‍ത്തിക്കുന്ന ലീഗ് ഓഫ് ഇസ്‌ലാമിക് യൂനിവേഴ്‌സിറ്റീസിലും മൊറോക്കോ ആസ്ഥാനമായി പ്രവര്‍ത്തിക്കുന്ന ഫെഡറേഷന്‍ ഓഫ് യൂനിവേഴ്‌സിറ്റീസ് ഓഫ് ദ ഇസ്‌ലാമിക് വേള്‍ഡിലും അംഗത്വം ലഭിച്ചിട്ടുണ്ട്. ഗുണനിലവാരമുള്ള വിദ്യാഭ്യാസം സൗജന്യമായി നല്‍കുന്ന ദാറുല്‍ ഹുദാക്ക് കേരളത്തിനകത്തും പുറത്തുമായി പതിനെട്ടിലധികം യു.ജി സ്ഥാപനങ്ങളും ആന്ധ്രപ്രദേശിലെ പുങ്കനൂരിലും ബംഗാളിലെ ബീര്‍ഭൂം ജില്ലയിലും ആസാമിലെ ബൈശയിലും കാമ്പസുകളുമുണ്ട്.
കേരളത്തിനു പുറത്തുള്ള സംസ്ഥാനങ്ങളിലെ വിദ്യാര്‍ത്ഥികള്‍ക്ക് മാത്രം പ്രവേശനം നല്‍കുന്ന, ഉറുദു ബോധന മാധ്യമമായി പ്രവര്‍ത്തിക്കുന്ന നാഷണല്‍ ഇന്‍സറ്റിറ്റിയൂറ്റ് ഫോര്‍ ഇസ്‌ലാമിക് ആന്‍ഡ് കണ്ടംപററി സ്റ്റഡീസും പൊതു വിദ്യാഭ്യാസ കേന്ദ്രമായ സെന്റര്‍ ഫോര്‍ പബ്ലിക്ക് എജ്യുക്കേഷന്‍ ആന്‍ഡ് ട്രൈനിംഗും വാഴ്‌സിറ്റിക്ക് കീഴില്‍ പ്രവര്‍ത്തിക്കുന്ന പ്രധാന കേന്ദ്രങ്ങളാണ്.
വാര്‍ത്താ സമ്മേളനത്തില്‍ പങ്കെടുത്തവര്‍ : ഡോ. ബഹാഉദ്ദീന്‍ മുഹമ്മദ് നദ്‌വി, കെ.എം സൈദലവി ഹാജി കോട്ടക്കല്‍ , യു. ശാഫി ഹാജി ചെമ്മാട്, ഇസ്ഹാഖ് ബാഖവി ചെമ്മാട്, അബ്ദുല്ല ഹാജി ഓമച്ചപ്പുഴ, മുഷ്താഖ് കൊടിഞ്ഞി, റവാസ് ആട്ടീരി.
Darul Huda Islamic University