Monday, November 24, 2014

SKSSF ഐ.എഫ്.സി ജില്ലാതല ഉദ്ഘാടനം ബേക്കൂറില്‍

കാസര്‍കോട് : നീതി ബോധത്തിന്റെ നിതാന്ത ജാഗ്രത എന്ന പ്രമേയത്തില്‍ 2015 ഫെബ്രുവരിയില്‍ തൃശ്ശൂര്‍ സമര്‍ഖന്ദില്‍ നടക്കുന്ന എസ് കെ എസ് എസ് എഫ് സില്‍വര്‍ ജൂബിലിയുടെ ഭാഗമായി ജില്ലാ കമ്മിറ്റി പ്രഖ്യാപിച്ച 25 ഇന കര്‍മ്മ പദ്ധതിയില്‍പെട്ട ഐ.എഫ്.സിയുടെ ജില്ലാതല ഉദ്ഘാടനം നവംബര്‍ 30ന് ഉപ്പള ബേക്കൂറില്‍ നടക്കും. സംഘടനയുടെ കീഴില്‍ പ്രവര്‍ത്തിക്കുന്ന ഇബാദിന്റെ പ്രവര്‍ത്തനവുമായാണ് ഐ.എഫ്.സി നടക്കുന്നത്. വൈജ്ഞാനിക വിസ്‌ഫോടനങ്ങള്‍ ധാര്‍മ്മികതയെയും സംസ്‌കാരത്തെയും തകര്‍ത്ത് കൊണ്ടിരിക്കുമ്പോള്‍ ഒഴുക്കിനെതിരെ ചലിച്ച് ധാര്‍മ്മികവും സംസ്‌കാരികവുമായ പുതിയ കരുത്ത് നേടി ദൈവചിന്ത കുടുംബിനികളില്‍ തിരിച്ച് കൊണ്ട് വരാനാണ് ഇസ്ലാമിക് ഫാമിലി ക്ലസ്റ്റര്‍ (ഐ.എഫ്.സി) കൊണ്ട് ലക്ഷ്യമിടുന്നത്. ജില്ലയുടെ മുഴുവന്‍ ശാഖകളില്‍ ഈ പരിപാടി നടത്താന്‍ ശാഖാ പ്രവര്‍ത്തകര്‍ മുന്നോട്ട് വരണമെന്ന് ജില്ലാപ്രസിഡന്റ് താജുദ്ദീന്‍ ദാരിമി പടന്നയും ജില്ലാ ജനറല്‍ സെക്രട്ടറി ഹാരിസ് ദാരിമി ബെദിരയും അറിയിച്ചു.
- Secretary, SKSSF Kasaragod Distict Committee

No comments:

Post a Comment