ദുബായ്: നബിദിനം പ്രമാണിച്ച് ജനവരി 12ന് പൊതു മേഖലാ സ്ഥാപനങ്ങള്‍ക്കും മന്ത്രാലയ ഓഫീസുകള്‍ക്കും അവധിയായിരിക്കുമെന്ന് ഹ്യൂമന്‍ റിസോഴ്‌സസ് ഫെഡറല്‍ അതോറിറ്റി അറിയിച്ചു. ചെയര്‍മാന്‍ ഹുമൈദ് മുഹമ്മദ് ഉബൈദ് അല്‍ ഖതമിയാണ് ഇതുസംബന്ധിച്ച സര്‍ക്കുലര്‍ ഇറക്കിയത്.
രാജ്യത്തെ സ്വകാര്യമേഖലയ്ക്ക് നബിദിനം പ്രമാണിച്ച് അവധി നല്‍കി തൊഴില്‍മന്ത്രി സഖര്‍ ഖൊബാഷ് ഉത്തരവിറക്കി. വെള്ളി, ശനി ദിവസങ്ങള്‍ വാരാന്ത അവധിയുള്ള സ്വകാര്യസ്ഥാപനങ്ങള്‍ക്ക് ഞായറാഴ്ച അവധി നല്കാം. വെള്ളിയാഴ്ചമാത്രം വാരാന്ത അവധിയുള്ളവര്‍ക്ക് നബിദിനം പ്രമാണിച്ച് ശനിയാഴ്ചതന്നെ അവധിയെടുക്കാമെന്ന് മന്ത്രി അറിയിച്ചു.
ശമ്പളത്തോടു കൂടിയ അവധിയാണ് സ്വകാര്യമേഖലയ്ക്ക് പ്രഖ്യാപിച്ചിട്ടുള്ളത്
ശമ്പളത്തോടു കൂടിയ അവധിയാണ് സ്വകാര്യമേഖലയ്ക്ക് പ്രഖ്യാപിച്ചിട്ടുള്ളത്
