ദമ്മാം : എസ്. കെ. എസ്. എസ്. എഫിന്‍റെ കീഴ്ഘടകമായി പ്രവര്‍ത്തിക്കുന്ന ദമ്മാം ഇസ്‍ലാമിക് സെന്‍റര്‍ (D.I.C) പുതിയ ഭാരവാഹികളെ തെരഞ്ഞെടുക്കുന്നതിന്‍റെ ഭാഗമായി മെന്പര്‍ഷിപ്പ് കാന്പയിന് തുടക്കമായി. ദമ്മാം ഇസ്‍ലാമിക് സെന്‍റര്‍ ഹാളില്‍ ചേര്‍ന്ന ചടങ്ങില്‍ ഡി.ഐ.സി. സീനിയര്‍ വൈസ് പ്രസിഡന്‍റ് എ.പി. ഇബ്റാഹീം മൗലവി കണ്ണൂര്‍, റശീദ് ദാരിമി വാളാടിന് മെന്പര്‍ഷിപ്പ് നല്‍കി ക്യാന്പയിന് ഉദ്ഘാടനം ചെയ്തു. ഡി.ഐ.സി. പ്രസിഡന്‍റ് ഉമ്മര്‍ ഫൈസി വെട്ടത്തൂര്‍, അസ്‍ലം മൗലവി കണ്ണൂര്‍, സുലൈമാന്‍ ഫൈസി വയനാട്, അശ്റഫ് ഫൈസി എന്നിവര്‍ പ്രസംഗിച്ചു. അബ്ദുറഹ്‍മാന്‍ ടി.എം. സ്വാഗതവും മാഹിന്‍ വിഴിഞ്ഞം നന്ദിയും പറഞ്ഞു.
