Wednesday, November 19, 2014

അധാര്‍മ്മികതക്കെതിരെ ജാകരൂകരാകുക : ത്വലബാവിംഗ്

വയനാട് : സമുഹത്തില്‍ നടമാടുന്ന അധാര്‍മ്മിക പ്രവര്‍ത്തനങ്ങള്‍ക്കെതിരെ അതീവ ജാഗ്രത പാലിക്കണം ധര്‍മ്മഛുതിയും അശ്ലീലതയും വര്‍ദ്ധിച്ചു കൊണ്ടിരിക്കുന്ന നവ സാഹചര്യത്തില്‍ സമൂഹസമുദ്ധാരണത്തിനും നന്മക്കും വേണ്ടി പടപൊരുതാന്‍ സമുഹം സന്നദ്ധമാവണം. തിന്മ കണ്ടില്ലെന്ന് നടിക്കുന്നതും ന്യായീകരിക്കുന്നതും മാനവികതക്ക് യോജിച്ചതല്ല. മത വേഷമണിഞ്ഞ് ഇസ്‌ലാമിനെ ചോദ്യം ചെയ്യും വിധം മതത്തെയും പണ്ഡിതന്മാരെയും അപകീര്‍ത്തിപ്പെടുത്തരുത് എന്ന് എസ് കെ എസ് എസ് എഫ് ത്വലബാവിംഗ് ജില്ലാ കമ്മിറ്റി അഭിപ്രായപ്പെട്ടു. 

കൂളിവയല്‍ ഇമാം ഗസ്സാലി അക്കാദമിയില്‍ ചേര്‍ന്ന യോഗം അജ്മല്‍ ഇരുളം അദ്ധ്യക്ഷത വഹിച്ചു . മനുഷ്യജാലികയും എസ് കെ എസ് എസ് എഫ് സില്‍വര്‍ ജൂബിലി ഗ്രാന്റ്ഫിനാലെയും വിജയിപ്പിക്കാനുള്ള പ്രവര്‍ത്തനങ്ങള്‍ക്കും യോഗം രൂപം നല്‍കി. ഇസ്മായില്‍, ആശിഖ്, സലാം, നിസാം, മുഹമ്മദ് റാഫി, ഷുഹൈബ്, ഹാഫിസ്, ഇസ്ഹാഖ് അബ്ദുല്‍ കബീര്‍, അബ്ദുല്‍ വാസിഅ്, താജുദ്ധീന്‍, അനീസ്,തുടങ്ങിയവര്‍ പങ്കെടുത്തു. യോഗത്തില്‍ ജുബൈര്‍ സ്വാഗതവും കബീര്‍ നന്ദിയും പറഞ്ഞു.
- Shamsul Ulama Islamic Academy VEngappally

No comments:

Post a Comment