മനാമ: കടമേരി റഹ്‌ മാനിയ്യ അറബിക്‌ കോളേജ്‌ സ്ഥാപകനും പ്രമുഖ പണ്‌ഢിതനും സൂഫി വര്യനുമായിരുന്ന ബാനി ചീക്കിലോട്ട്‌ കുഞ്ഞമ്മദ്‌ മുസ്ല്യാരുടെ അനുസ്‌മരണവും ദിക്‌ര്‍ ദുആ മജ്‌ലിസും നാളെ(26, വ്യാഴം) രാത്രി ഹമദ്‌ ടൌണിലെ പാണക്കാട്‌ സയ്യിദ്‌ മുഹമ്മദലി ശിഹാബ്‌ തങ്ങള്‍ ഓഡിറ്റോറിയത്തില്‍ നടക്കുമെന്ന്‌ കോളേജ്‌ പൂര്‍വ്വ വിദ്യാര്‍ത്ഥി സംഘടന റഹ്‌മാനീസ്‌ അസോസിയേഷന്‍ ബഹ്‌റൈന്‍ ചാപ്‌റ്റര്‍ ഭാരവാഹികള്‍ അറിയിച്ചു.
സമസ്‌ത കേരള സുന്നി ജമാഅത്ത്‌ ഹമദ്‌ ടൌണ്‍ ഏരിയ കമ്മറ്റിയുടെ കീഴില്‍ നടന്നു വരുന്ന സ്വലാത്ത്‌ മജ്‌ലിസിനോടനുബന്ധിച്ചാണ്‌ അനുസ്‌മരണ സംഗമവും ഒരുക്കിയിരിക്കുന്നത്‌ എന്നതിനാല്‍ കടമേരി റഹ്‌മാനിയ്യ അറബിക്‌ കോളേജിലും സഹോദര സ്ഥാപനങ്ങളിലും പഠനം നടത്തിയവരും കോളേജ്‌ കമ്മറ്റി അംഗങ്ങളും കോളേജുമായി ബന്ധപ്പെട്ട ബഹ്‌റൈനിലെ മറ്റെല്ലാ പ്രവര്‍ത്തകരും നിര്‍ബന്ധമായും സ്വലാത്ത്‌ മജ്‌ലിസിലേക്ക്‌ എത്തിച്ചേരണമെന്ന്‌ ജനറല്‍ സെക്രട്ടറി ഖാസിം റഹ്‌ മാനി പടിഞ്ഞാറത്തറ അറിയിച്ചു. കൂടുതല്‍ വിവരങ്ങള്‍ക്ക്‌ ബന്ധപ്പെടുക: 00973–33206456, 34007356.
