Friday, January 16, 2015

സാസ്‌കാരിക സമ്പന്നതക്ക് മതപഠനം അനിവാര്യം : മന്ത്രി യു.ടി ഖാദര്‍

ജാമിഅഃ ദര്‍സ് ഫെസ്റ്റ് അവാര്‍ഡ്ദാന സെഷന്‍ കര്‍ണാടക ആരോഗ്യ വകുപ്പ് മന്ത്രി യു.ടി ഖാദര്‍ ഉദ്ഘാടനം ചെയ്യുന്നു. സയ്യിദ് അബ്ബാസലി ശിഹാബ് തങ്ങള്‍, ഹാജി കെ. മമ്മദ് ഫൈസി, കോട്ടുമല ടി.എം ബാപ്പു മുസ്‌ലിയാര്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് അബൂബക്കര്‍ ബാഫഖി , കെ. ആലിക്കുട്ടി മുസ്‌ലിയാര്‍, സയ്യിദ് ഉണ്ണിക്കോയ തങ്ങള്‍, കെ.പി.എ മജീദ്, ടി.എ അഹ്മദ് കബീര്‍ എം.എല്‍.എ സമീപം
പെരിന്തല്‍മണ്ണ : സാംസ്‌കാരിക സമ്പന്നമായ സമൂഹത്തെ വളര്‍ത്താന്‍ മതപഠനത്തിലൂടെ മാത്രമേ സാധ്യമാവൂയെന്ന് കര്‍ണാടക ആരോഗ്യ മന്ത്രി യു.ടി ഖാദര്‍. ജാമിഅ നൂരിയ്യ 52ാം വാര്‍ഷിക 50ാം സനദ് ദാന സമ്മേളനത്തിലെ ദര്‍സ് ഫെസറ്റ് അവാര്‍ഡ് ദാന ചടങ്ങില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ലോകത്തിനകത്തും പുറത്തും സാംസ്‌കാരിക ഉന്നമനത്തിനായി പ്രവര്‍ത്തിക്കുന്ന സമസ്തയുടെ പ്രവര്‍ത്തനത്തിന് കര്‍ണാടകത്തില്‍ എല്ലാവിധ പിന്തുണയും നല്‍കുമെന്നും കര്‍ണാടകയില്‍ മംഗലാപുരം കാര്‍വാര്‍, ഉടുപ്പി തുടങ്ങിയ സ്ഥലങ്ങളില്‍ സമസ്ത നടത്തിയ പ്രവര്‍ത്തനങ്ങള്‍ സ്വീകാര്യവുമാണെന്ന് അദ്ദേഹം കൂട്ടിച്ചേര്‍ത്തു.പാണക്കാട് സയ്യിദ് ഹമീദലി ശിഹാബ് തങ്ങള്‍ അധ്യക്ഷത വഹിച്ചു. സയ്യിദ് അബൂബക്കര്‍ ബാഫഖി തങ്ങള്‍, കെ.പി.എ മജീദ്, അഡ്വ. ശംസുദ്ദീന്‍, ടി.എ അഹ്മദ് കബീര്‍, അഡ്വ. എന്‍ സൂപ്പി, മുഹമ്മദലി ശിഹാബ് ഫൈസി കൂമണ്ണ, കുട്ടി ഹസന്‍ ദാരിമി, അസ്ഗറലി ഫൈസി, കെ.പി.എം അലി ഫൈസി, ഉസ്മാന്‍ ഹാജി കല്ലട്ടായില്‍, സി.കെ മൊയ്തീന്‍ ഫൈസി കോണോംപാറ, ഖാദര്‍ ഫൈസി കുന്നുംപുറം, ശിബ്‌ലുല്ലാ മുഹമ്മദ് സംസാരിച്ചു

വാര്‍ഷിക സമ്മേളനത്തിനോടനുബന്ധിച്ച നടന്ന ദര്‍സ് ഫെസ്റ്റില്‍ സീനിയര്‍ വിഭാഗത്തില്‍ കൊണ്ടോട്ടി കോടങ്ങാട് ദര്‍സും (131 പോയിന്റ്) ജൂനിയര്‍ വിഭാഗത്തില്‍ ആലത്തൂര്‍പടി ദര്‍സും (86 പോയിന്റ്) ജേതാക്കളായി. സീനിയര്‍ വിഭാഗത്തില്‍ ആലത്തൂര്‍പടി (89 പോയിന്റ്), മഞ്ചേരി പുല്ലൂര്‍ ദര്‍സ് (46 പോയിന്റ)  ജൂനിയര്‍ വിഭാഗത്തില്‍ മുട്ടിച്ചിറ ദര്‍സ് (78 പോയിന്റ്) , കോടങ്ങാട് ദര്‍സ്  യഥാക്രമം രണ്ടും മൂന്നും സ്ഥാനങ്ങള്‍ നേടി. സീനിയര്‍ വിഭാഗത്തില്‍ കോടങ്ങാട് ദര്‍സിലെ മുഹമ്മദ് ആസിഫ് കെ. കെ, ജൂനിയര്‍ വിഭാഗത്തില്‍ ആലത്തൂര്‍പടിയിലെ മുഹമ്മദ് സ്വാലിഹ്, മുട്ടിച്ചിറ ദര്‍സിലെ മുഹമ്മദ് റഫീഖ് എന്നിവരും കലാപ്രതിഭകളായി.
- Secretary Jamia Nooriya

No comments:

Post a Comment