SKSSF ന്റെ ഫ്‌ളക്‌സ് ബോര്‍ഡുകള്‍ സാമൂഹ്യ ദ്രോഹികൾ തകര്‍ത്തു

ചാവക്കാട്: എസ്.കെ.എസ്.എസ്.എഫിന്റെ വിവിധ പരിപാടികളുടെ ഫ്‌ളക്‌സ് ബോര്‍ഡുകള്‍ സാമൂഹ്യ ദ്രോഹികൾ തകര്‍ത്തു. ഒരാഴ്ചയ്ക്കകം ഒട്ടേറെ ബോര്‍ഡുകളാണ് സമൂഹദ്രോഹികള്‍ നശിപ്പിച്ചത്. കോയമ്മതങ്ങള്‍ അനുസ്മരണത്തോടനുബന്ധിച്ച് കറുകമാട്, അഞ്ചങ്ങാടി, അടിത്തിരുത്തി മൂന്നാംകല്ല്, വട്ടേക്കാട് എന്നിവിടങ്ങളില്‍ സ്ഥാപിച്ചിരുന്ന ബോര്‍ഡുകളാണ് പല ദിവസങ്ങളിലായി തകര്‍ത്തിട്ടുള്ളത്. കറുകമാട്ടെ ഫ്‌ളാഗ് സ്റ്റാന്‍ഡും കഴിഞ്ഞദിവസം തകര്‍ത്തു. സംഭവവുമായി ബന്ധപ്പെട്ട് ഭാരവാഹികള്‍ പോലീസില്‍ പരാതി നല്‍കിയിട്ടുണ്ട്.