തൃശൂര്‍ : സമ്മേളന നഗരിയില്‍ 24 മണിക്കൂറും കര്‍മ്മനിരതരായി ഡോ. ബിശ്‌റുല്‍ ഹാഫിയുടെയും ഗ്രീന്‍ക്രോസ് സൊസൈറ്റിയുടെ തലവന്‍ ഉസ്മാന്‍ കൊട്ടയ്ക്കലിന്റെയും നേതൃത്വത്തിലുള്ള മെഡിക്കല്‍ സെന്റര്‍ ശ്രദ്ധേയമാകുന്നു. എസ് കെ എസ് എസ് എഫ് മെഡിക്കല്‍ വിംഗിലെ സേവന സന്നദ്ധരായ ഡോക്ടര്‍മാരും പാരാമെഡിക്കല്‍ സ്റ്റാഫുകളുമാണ് തൃശൂര്‍ കേന്ദ്രീകരിച്ച് പ്രവര്‍ത്തിക്കുന്ന ഗ്രീന്‍ കെയര്‍ സൊസൈറ്റിയുടെ സാങ്കേതികസഹായത്തോടെ റിസപ്ഷന് സമീപമുള്ള പ്രത്യേകം സജ്ജീകരിച്ച സ്റ്റാളില്‍ പ്രവര്‍ത്തനസജ്ജമായിരിക്കുന്നത്. ഇത് വരെ 200 ഓളം അടിയന്തരരോഗികള്‍ക്ക് വൈദ്യസഹായം ലഭ്യമാക്കുകയും അടിയന്തരചികിത്സ നല്‍കുകയും ചെയ്തു. എസ് കെ എസ് എസ് എഫ് കമ്മറ്റികള്‍ക്ക് കീഴിലുള്ള അഞ്ച് ആംബുലന്‍സുകളും നഗരിയില്‍ സേവനരംഗത്തുണ്ട്. സമാപന ദിവസങ്ങളില്‍ മികച്ച സൗകര്യങ്ങളോടെ സേവനരഗത്തിറങ്ങുമെുന്നും ആയുര്‍വേദ ചികിത്സയും ലഭ്യമാക്കുമെുന്നും മെഡിക്കല്‍ സെന്റര്‍ പ്രവര്‍ത്തകര്‍ അറിയിച്ചു.
- skssf silverjubilee
