എസ്‌.കെ.എസ്‌.എസ്‌.എഫ്‌ ജില്ലാ കൗണ്‍സില്‍ ക്യാമ്പ്‌ 24 ന്‌

കാസര്‍കോട്‌: വരുന്ന ആറ്‌ മാസ സംഘടനാ പ്രവര്‍ത്തനങ്ങള്‍ക്ക്‌ രൂപ രേഖ തയ്യാറാക്കുന്നതിനായി മാര്‍ച്ച്‌ 24 ന്‌ ഏഴ്‌ മണി മുതല്‍ മേല്‍പറമ്പ്‌ സുന്നീ മഹലില്‍ എസ്‌.കെ.എസ്‌.എസ്‌.എഫ്‌. കാസര്‍കോട്‌ ജില്ലാ കൗണ്‍സിലര്‍മാരുടെ നിശാ ക്യാമ്പ്‌ സംഘടിപ്പിക്കാന്‍ എസ്‌.കെ.എസ്‌.എസ്‌.എഫ്‌. കാസര്‍കോട്‌ ജില്ലാ സെക്രട്ടറിയേറ്റ്‌ തീരുമാനിച്ചു. പ്രസിഡണ്ട്‌ ഇബ്രാഹിം ഫൈസി ജെഡിയാര്‍ അധ്യക്ഷത വഹിച്ചു. ജനറല്‍ സെക്രട്ടറി റഷീദ്‌ ബെളിഞ്ചം സ്വാഗതം പറഞ്ഞു. ഹാരിസ്‌ ദാരിമി, അബൂബക്കര്‍ സാലൂദ്‌ നിസാമി, സുഹൈര്‍ അസ്‌ഹരി, മൊയ്‌തീന്‍കുഞ്ഞി ചെര്‍ക്കള, സത്താര്‍ ചന്തേര, ഹബീബ്‌ ദാരിമി, മുഹമ്മദ്‌ ഫൈസി, ഹനീഫ കുമ്പഡാജെ സംബന്ധിച്ചു.