ജിദ്ദ : സമാധാനത്തിന്റെ സന്ദേശ വാഹകനായ പ്രവാചക തിരുമേനി മുഹമ്മദ്‌ മുസ്തഫാ ( സ ) യിലൂടെ മാത്രമേ സംഘര്‍ഷ പൂരിതമായ സമകാലിക ലോകത്തിന്റെ ശാശ്വത ശാന്തി സാധ്യമാകൂ എന്ന്‍ ജിദ്ദാ എസ് വൈ എസ് സ്നേഹ സംഗമം അഭിപ്രായപ്പെട്ടു . ജിദ്ദയില്‍ ചേര്‍ന്ന പ്രവര്‍ത്തക സംഗമം " വസന്തം 2011 " ഇബ്രാഹിം ഫൈസി തിരൂര്‍ക്കാട് ഉദ്ഘാടനം ചെയ്തു . കാരുണ്യത്തിന്റെ പ്രവാചകന്‍ രാജ്യ സുരക്ഷക്കും സഹവര്‍ത്തിത്വത്തിനും വിട്ടു വീഴ്ചയില്ലാത്ത സമീപനങ്ങള്‍ സ്വീകരിച്ച് കൊണ്ട് സാര്‍വ ലൌകിക ദര്‍ശനങ്ങളിലൂടെ സാമൂഹ്യ സുരക്ഷ യുടെ കാവല്‍ തീര്‍ത്ത ചരിത്രത്തില്‍ നിന്നും നവലോകം പാഠം ഉള്‍ക്കൊള്ളാന്‍ തയാറാ വണമെന്ന് ടി എഛ് ദാരിമി പറഞ്ഞു . അബ്ദുല്ല ഫൈസി കൊളപ്പറമ്പ് ആധ്യക്ഷ്യം വഹിച്ചു . ഹജ് വെല്‍ഫെയര്‍ പ്രവര്‍ത്തനങ്ങളിലെ സ്തുത്യര്‍ഹമായ സേവനങ്ങള്‍ പരിഗണിച്ച് സി.എ അബ്ദുല്‍ റസാഖ് മാസ് റ്റര്‍ ക്കു എസ് വൈ എസ് ഉപഹാരം സമര്‍പ്പിച്ചു . അബ്ദുല്‍ കരീം ഫൈസി കീഴാറ്റൂര്‍ അവതരിപ്പിച്ച കഥാ പ്രസംഗവും, ഹമീദ് കിഴിശ്ശേരി , സി എച്ച് നാസിര്‍ എന്നിവരുടെ ഗാനങ്ങളും ഹൃദ്യമായി. നജ് മുദ്ദീന്‍ ഹുദവി, മുസ്തഫ ഹുദവി തുടങ്ങിയവര്‍ വ്യത്യസ്ഥ വിഷങ്ങളില്‍ ക്ലാസ്സെടുത്തു. സയ്യിദ് സീതി കോയ തങ്ങള്‍ , അബ്ദുള്ള കുപ്പം, അബ്ദുല്‍ ബാരി ഹുദവി , അബ്ദുല്‍ ഹകീം വാഫി, പി. ടി. മുസ്തഫ, നൌഷാദ് അന്‍ വരി, സി.കെ ശാക്കിര്‍ , മജീദ്‌ പുകയൂര്‍, കുഞ്ഞമ്മു ഹാജി അമ്മിനിക്കാട് , ചെമ്പന്‍ മുസ്തഫ, കബീര്‍ മണ്ണാര്‍ക്കാട് , അഷ്‌റഫ്‌ തറയിട്ടാല്‍ തുടങ്ങി പ്രമുഖര്‍ പങ്കെടുത്തു . സയ്യിദ് ഉബൈദുല്ല തങ്ങള്‍ പരിപാടികള്‍ നിയന്ത്രിച്ചു . ജനറല്‍ സെക്രട്ടറി അബൂ ബക്കര്‍ ദാരിമി താമരശ്ശേരി സ്വാഗതവും അബൂബക്കര്‍ ദാരിമി ആലംപാടി നന്ദിയും പറഞ്ഞു . വെള്ളിയാഴ്ച രാവില്‍ നടന്ന മുഴുനീള സ്നേഹ സംഗമത്തില്‍ ജിദ്ദയിലെ വിവിധ മേഖലകളില്‍ നിനുള്ള ക്യാമ്പംഗങ്ങള്‍ സൌഹൃദം പുതുക്കിയും പരസ്പരം പരിചയപ്പെട്ടും ഒരുമിച്ചു ചേര്‍ന്നത് വേറിട്ട അനുഭവമായി . സുബ്ഹ് നിസ്കാരാനന്തരം നടന്ന പ്രാര്‍ഥനാ സദസ്സോടെയാണ് സംഗമം പര്യവസാനിച്ചത് .
- ഉസ്മാന്‍ എടത്തില്‍ -
