'STEP' സിവില്‍ സര്‍വീസ് പരിശീലനം ഇന്ന് മുതല്‍ പെരിന്തല്‍മണ്ണയില്‍

മലപ്പുറം : എസ് കെ എസ് എസ് എഫ് ട്രെന്റ് സംസ്ഥാന സമിതിക്കു കീഴില്‍ നടന്നു വരുന്ന സറ്റെപ് സിവില്‍ സര്‍വീസ് പരിശീലന പദ്ധതിയുടെ ഭാഗമായി ഒമ്പതാമത് റസിഡന്‍ഷ്യല്‍ ക്യാമ്പ് ഇന്ന് മുതല്‍ മൂന്ന് ദിവസങ്ങളിലായി പെരിന്തല്‍മണ്ണ എം.ഇ.എ. എന്‍ജിനിയറിംഗ് കോളേജ് കാമ്പസില്‍ നടക്കും. വിവിധ ജില്ലകളില്‍ നിന്നായി പ്രവേശന പരീക്ഷയിലൂടെ തെരഞ്ഞെടുക്കപ്പെട്ട വിദ്യാര്‍ത്ഥികളാണ് സ്റ്റെപ് അംഗങ്ങള്‍. ഷാര്‍ജ, അബുദാബി സ്റ്റേറ്റ് എസ് കെ എസ് എസ് എഫ് കമ്മറ്റികളുടെ സഹകരണത്തോടെ നടക്കുന്ന പരിശീലനത്തിന്റെ ഭാഗമായുള്ള സുപ്രധാന പരിപാടിയാണ് റസിഡന്‍ഷ്യല്‍ ക്യാമ്പുകള്‍.

പാണക്കാട് സയ്യിദ് സാബിഖലി ശിഹാബ് തങ്ങള്‍ ക്യാമ്പ് ഉല്‍ഘാടനം ചെയ്യും. കേരള ഹജ്ജ് കമ്മറ്റി ചെയര്‍മാന്‍ കോട്ടുമല ടി.എം.ബാപ്പു മുസ്ല്യാര്‍ മുഖ്യാതിഥിയായിരിക്കും. വിവിധ സെഷനുകളില്‍ ബിജേഷ് കൊണ്ടോട്ടി, ഷമീര്‍ മുഹമ്മദ്, ഷബീറലി, ജിതേഷ് കണ്ണൂര്‍, തങ്ങള്‍ ചെമ്പകത്ത് ക്ലാസെടുക്കും. മുസ്തഫ മാസ്റ്റര്‍ മുണ്ടുപാറ, സി.ഹംസ, റിയാസ് നരിക്കുനി തുടങ്ങിയവര്‍ വിദ്യാര്‍ത്ഥികളുമായി സംവദിക്കും. വിദ്യാര്‍ത്ഥികള്‍ കൃത്യ സമയത്ത് ക്യാമ്പ് സൈറ്റില്‍ എത്തിച്ചേരണമെന്ന് സ്റ്റേററ് കോ-ഓഡിനേറ്റര്‍ റഷീദ് കോടിയൂറ അറിയിച്ചു.
- Skssf Trend