SKSBV സ്ഥാപക ദിനാചരണം നടത്തി

തൃശൂര്‍ : എസ് കെ എസ് ബി വി സ്ഥാപക ദിനാചരണത്തോടനുബന്ധിച്ച് ദേശമംഗലം വെസ്റ്റ് പല്ലൂര്‍ മുനവ്വറുല്‍ ഇസ്‌ലാം ഹയര്‍ സെക്കണ്ടറി മദ്രസ എസ്.ബി.വി യൂണിറ്റിന്റെ ആഭിമുഖ്യത്തില്‍ മദ്രസ അംഗണത്തില്‍ നടന്ന കുരുന്നു കൂട്ടം സുന്നി മഹല്ല് ഫെഡറേഷന്‍ ജില്ലാ ജനറല്‍ സെക്രട്ടറി ടി.എസ്. മമ്മി സാഹിബ് ഉദ്ഘാടനം ചെയ്തു. 2015 ഫെബ്രുവരി 19 മുതല്‍ 22 വരെ തൃശൂര്‍ സമര്‍ഖന്ദില്‍ നടക്കുന്ന എസ് കെ എസ് എസ് എഫ് സില്‍വര്‍ ജൂബിലി ഗ്രാന്റ് ഫിനാലെയുടെ പ്രചരണാര്‍ത്ഥം ഫെബ്രുവരി 1, 2, 3 തിയ്യതികളില്‍ പാണക്കാട് സയ്യിദ് റഷീദ് അലി ശിഹാബ് തങ്ങള്‍ തൃശൂര്‍ ജില്ലയില്‍ നടത്തുന്ന സ്‌നേഹ സന്ദേശ യാത്രയുടെ വിജയത്തിന് വേണ്ടി എസ്.ബി.വി പ്രവര്‍ത്തകര്‍ രംഗത്തിറങ്ങണമെന്നും ഫെബ്രുവരി 3 ന് ദേശമംഗലം സെന്ററില്‍ നടക്കുന്ന സ്‌നേഹ സന്ദേശ യാത്ര സമാപന സമ്മേളനം ചരിത്ര സംഭവമാക്കണമെന്നും അദ്ദേഹം വിദ്യാര്‍ത്ഥികളോട് ആഹ്വാനം ചെയ്തു. പല്ലൂര്‍ കുഞ്ഞി തങ്ങള്‍ മഖാമില്‍ നടന്ന സിയാറത്തിന് നേതൃത്വം നല്‍കുകയും പതാക ഉയര്‍ത്തല്‍ കര്‍മ്മം സമസ്ത കേരള ജംഇയ്യത്തുല്‍ മുദരിസീന്‍ തൃശൂര്‍ ജില്ലാ ജനറല്‍ സെക്രട്ടറി സി.എ.ലത്തീഫ് ദാരിമി അല്‍ ഹൈത്തമി നിര്‍വ്വഹിക്കുകയും ചെയ്തു. എസ് കെ എസ് എസ് എഫ് തൃശൂര്‍ ജില്ലാ സെക്രട്ടറിയേറ്റ് അംഗം കെ.ഇ.ഇസ്മായീല്‍ ശാഖാ പ്രസിഡന്റ് അശ്‌റഫ് അന്‍വരി, റിയാസ് മൗലവി, ശറഫുദ്ദീന്‍ മൗലവി, ശൗക്കത്തലി മൗലവി, ഫൈസല്‍ എന്നിവര്‍ പ്രസംഗിച്ചു. എസ് കെ എസ് ബി വി യൂണിറ്റ് സെക്രട്ടറി വി.എം.ജാബിര്‍ അലി സ്വാഗതവും പ്രസിഡന്റ് ഷബീര്‍ നന്ദിയും രേഖപ്പെടുത്തി. 
- SAMASTHA KERALA SUNNI STUDENTS FEDERATION Thrissur