SKSSF സംസ്ഥാന ത്വലബാ സമ്മേളനത്തിന് പൊന്നാനിയില്‍ തുടക്കമായി

പൊന്നാനി മഖ്ദൂം നഗറില്‍ ആനക്കര
സി കോയക്കുട്ടി മുസ്‌ലിയാര്‍ ഉദ്ഘാടനം ചെയ്യുന്നു
പൊന്നാനി : വിശ്വാസം സമ്പൂര്‍ണ്ണമാകാന്‍ വിജ്ഞാനം അനിവാര്യമാണെന്ന് സമസ്ത കേരള ജംഇയ്യത്തുല്‍ ഉലമ പ്രസിഡന്റ് ആനക്കര സി കോയക്കുട്ടി മുസ്‌ലിയാര്‍ പറഞ്ഞു. എസ് കെ എസ് എസ് എഫ് കേരള ത്വലബാ സമ്മേളനം പുതുപൊന്നാനി മഖ്ദൂം നഗറില്‍ ഉദ്ഘാടനം നിര്‍വ്വഹിച്ചു സംസാരിക്കുകയായിരുന്നു അദ്ദേഹം.
പുറങ്ങ് അബ്ദുല്ല മൗലവി അധ്യക്ഷത വഹിച്ചു. 2015 ഫെബ്രുവരിയില്‍ തശൂരില്‍ നടക്കുന്ന എസ് കെ എസ് എസ് എഫ് സില്‍വര്‍ ജൂബിലി സമാപനത്തിന്റെ ഭാഗമായി സംഘടിപ്പിച്ച സമ്മേളനത്തിന് തുടക്കം കുറിച്ച് ഹംസ ബിന്‍ ജമാല്‍ റംലി പതാക ഉയര്‍ത്തി. സംസ്ഥാനത്തെ വിവിധ ഭാഗങ്ങളില്‍ സമസ്തയുടെ കീഴില്‍ പ്രവര്‍ത്തിക്കുന്ന ദര്‍സ്, അറബിക് കോളജുകളില്‍ നിന്നായി ആയിരത്തോളം പ്രതിനിധികളുടെ സംഗമം മത, സാമൂഹ്യ രംഗത്തെ വിവിധ വിഷയങ്ങള്‍ ചര്‍ച്ച ചെയ്യും. ആലുവ എം എം മുഹ്‌യിദ്ദീന്‍ മുസ്‌ലിയാര്‍, കെ കെ എസ് തങ്ങള്‍ വെട്ടിച്ചിറ, ഓണംപള്ളി മുഹമ്മദ് ഫൈസി, സത്താര്‍ പന്തലൂര്‍, പി വി മുഹമ്മദ് മൗലവി, പി വി മുഹമ്മദ്കുട്ടി ഫൈസി, ടി മുഹ് യിദ്ദീന്‍ മുസ്‌ലിയാര്‍ പുറങ്ങ്, വി കെ എച്ച് റഷീദ്, സി പി ബാസിത് ചെമ്പ്ര, റാഫി മുണ്ടംപറമ്പ് സംസാരിച്ചു. 
- Rafeeq CK
For more updates, please visit https://www.facebook.com/TwalabaWing