തിരൂരങ്ങാടി : ദക്ഷിണേന്ത്യയിലെ പ്രമുഖ തീര്ത്ഥാടന കേന്ദ്രമായ മമ്പുറം മഖാമില് അന്ത്യവിശ്രമം കൊള്ളുന്ന മമ്പുറം സയ്യിദ് അലവി മൗലദ്ദവീല തങ്ങളുടെ 176-ാമത് ആണ്ടുനേര്ച്ച ഒക്ടോബര് 25 മുതല് നവംബര് 1 കൂടിയ ദിവസങ്ങളില് വിപുലമായ രീതിയില് നടത്താന് ദാറുല് ഹുദായില് ചേര്ന്ന മാനേജിങ് കമ്മിറ്റി യോഗത്തില് തീരുമാനമായി.
പ്രസിഡന്റ് പാണക്കാട് ഹൈദരലി ശിഹാബ് തങ്ങള് ഉദ്ഘാടനം ചെയ്തു. ശൈഖുനാ ചെറുശ്ശേരി സൈനദ്ദീന് മുസ്ലിയാര്, കോഴിക്കോട് ഖാസി സയ്യിദ് മുഹമ്മദ്കോയ തങ്ങള് ജമലുല്ലൈലി, ഡോ.ബഹാഉദ്ദീന് മുഹമ്മദ് നദ്വി, ചെമ്മുക്കന് കുഞ്ഞാപ്പു ഹാജി, കെ.എം സൈദലവി ഹാജി കോട്ടക്കല്, യു.ശാഫി ഹാജി ചെമ്മാട്, ഡോ. യു.വി.കെ മുഹമ്മദ്, കീഴടത്തില് ഇബ്രാഹീം ഹാജി, ഇല്ലത്ത് മൊയ്തീന് ഹാജി, സി.കെ മുഹമ്മദ് ഹാജി, കാളാവ് സൈദലവി മുസ്ലിയാര്, ഓമച്ചപ്പുഴ അബ്ദുല്ല ഹാജി, റശീദ് ഹാജി ചെമ്മാട്, ഇബ്രാഹീം ഹാജി തയ്യിലക്കടവ് തുടങ്ങിയവര് സംസാരിച്ചു.
- Darul Huda Islamic University