അഹ്‌ലുസുന്നത്തി വല്‍ ജമാഅത്തിന്റെ അഖീദയും കര്‍മ്മ സരണിയും സസൂക്ഷ്‌മം വിലയിരുത്താനും തലമുറകളിലേക്കു കൈമാറാനും പതിറ്റാണ്‌ടുകള്‍ നീണ്‌ടു നിന്ന അധ്യാപന ജീവിതം കൊണ്‌ട്‌ അദ്ദേഹത്തിനു സാധിച്ചു. 35ാം വയസ്സില്‍ സമസ്‌ത മുശാവറ അംഗമായി തിരഞ്ഞെടുക്കപ്പെട്ട കാളമ്പാടിയുടെ ദീര്‍ഘവീക്ഷണവും സംഘാടനാപാടവവുമാണ്‌ 2004ല്‍ സമസ്‌തയുടെ പ്രസിഡന്റ്‌ പദവിയിലേക്ക്‌ അദ്ദേഹത്തെ എത്തിച്ചത്‌.
പ്രകൃതിയേയും കാര്‍ഷിക വൃത്തിയേയും സ്‌നേഹിച്ച കാളമ്പാടി പഠനകാലത്തും പിന്നീടും ഒഴിവു സമയങ്ങളില്‍ വീടിനോടു ചേര്‍ന്ന കൃഷിയിടങ്ങളില്‍ വിയര്‍പൊഴുക്കുമായിരുന്നു.
വാര്‍ദ്ധക്യം തളര്‍ത്തിയ ശരീരത്തിനു താങ്ങായി അവസാന നാളുകളില്‍ അദ്ദേഹം ഊന്നു വടി അവലംബിച്ചിരുന്നു.
റഈസുല്‍ ഉലമയായി അനുയായികളും പണ്ഡിത സഭയും നെഞ്ചിലേറ്റിയ ശുഭ്ര താരകം ഇനി കാളമ്പാടിയിലെ മഖ്‌ബറയില്‍ ഓര്‍മ.(തേജസ്‌ ലേഖകന്‍)))
