ചെര്ക്കള: ഇസ്ലാം വളര്ന്നുവരേണ്ടത് മഹല്ലുകളില്നിന്നാണെന്നും ഇസ്ലാമിന്റെ വിളനിലമാണ് മഹല്ലുകളെന്നും സമസ്ത സെക്രട്ടറിയും ഹജ്ജ് കമ്മിറ്റി ചെയര്മാനുമായ കോട്ടുമല ടി.എം. ബാപ്പു മുസ്ല്യാര് പറഞ്ഞു. ഇസ്ലാമികമായ പാഠങ്ങള് മഹല്ലുകളില്നിന്ന് പഠിപ്പിച്ച് ജീവിതത്തില് പകര്ത്തി ഉത്തമ പൗരന്മാരെ സൃഷ്ടിക്കാന് മഹല്ലുകള് ശ്രമിക്കണം. ഉലമാക്കളും ഉമറാക്കളും ഒന്നിച്ചാല് സമുദായത്തില് ഒരുപാട് നല്ല കാര്യങ്ങള് ചെയ്യാന് കഴിയും. ശിഥിലീകരണ പ്രവര്ത്തനങ്ങള് മഹല്ലുകളില്നിന്നും തുടച്ച് നീക്കാന് ഓരോരുത്തരും ശ്രമിക്കണമെന്നും അദ്ദേഹം പറഞ്ഞു.
സമസ്ത കേരള സുന്നീ മഹല്ല് ഫെഡറേഷന് കാസര്കോട് ജില്ലാ ഘടകത്തിന്റെ ആഭിമുഖ്യത്തില് ചെര്ക്കള ഖുവ്വത്തുല് ഇസ്ലാം ഹയര്സെക്കണ്ടറി മദ്രസയിലെ പാണക്കാട് സയ്യിദ് മുഹമ്മദലി ശിഹാബ് തങ്ങള് നഗറില് നടന്ന പ്രതിനിധി സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എസ്.എം.എഫ്.ജില്ലാ പ്രസിഡണ്ട് ചെര്ക്കളം അബ്ദുല്ല അധ്യക്ഷത വഹിച്ചു. സെക്രട്ടറി ഇബ്രാഹിം മുണ്ട്യത്തടുക്ക സ്വാഗതം പറഞ്ഞു.
ഹജ്ജ് കമ്മിറ്റി ചെയര്മാന് കോട്ടുമല ടി.എം. ബാപ്പു മുസ്ല്യാര്, മെമ്പര് സി.ബി.അബ്ദുല്ല ഹാജി എന്നിവര്ക്ക് സ്വീകരണം നല്കി. ചെര്ക്കളം അബ്ദുല്ല, മെട്രോ മുഹമ്മദ് ഹാജി ഉപഹാരം നല്കി. എം.പി.എം. സയ്യിദ് സൈനുല് ആബിദീന് തങ്ങള് കുന്നുങ്കൈ പ്രാര്ത്ഥന നടത്തി. പിണങ്ങോട് അബൂബക്കര് മുസ്ല്യാര് ക്ലാസെടുത്തു.
കാഞ്ഞങ്ങാട് സംയുക്ത ഖാസി സയ്യിദ് ജിഫ്രി മുത്തുക്കോയ തങ്ങള്, കീഴൂര്-മംഗലാപുരം ഖാസി ത്വാഖ അഹമ്മദ് മൗലവി, ചെര്ക്കള ഖത്വീബ് അബൂ ഹന്നത്ത് കുഞ്ഞുമുഹമ്മദ് മൗലവി, തൃക്കരിപ്പൂര് സംയുക്ത ജമാഅത്ത് പ്രസിഡണ്ട് ടി.കെ. പൂക്കോയ തങ്ങള്, ഇബ്രാഹിം ഫൈസി ജെഡിയാര്, കെ.ടി.അബ്ദുല്ല ഫൈസി വെളിമുക്ക്, എ.ഹമീദ് ഹാജി, ടി.കെ.സി. അബ്ദുല് ഖാദര് ഹാജി, ടി.കെ.കുഞ്ഞിക്കോയ തങ്ങള്, ഖത്തര് ഇബ്രാഹിം ഹാജി കളനാട്, സി.എച്ച്. മുഹമ്മദ്കുഞ്ഞി ചായിന്റടി, റഷീദ് ബെളിഞ്ചം, കണ്ണൂര് അബ്ദുല്ല പ്രസംഗിച്ചു.
മലപ്പുറത്ത് നടന്ന സമസ്ത കേരള ജംഇയ്യത്തുല് ഉലമ 85-ാം വാര്ഷിക സമ്മേളനത്തില് സംസ്ഥാന തലത്തില് പത്താം സ്ഥാനവും ജില്ലാതലത്തില് ഒന്നാം സ്ഥാനവുമായി മാതൃകാ മഹല്ലായി തെരഞ്ഞെടുക്കപ്പെട്ട ചെര്ക്കളം മുഹ്യുദ്ദീന് വലിയ ജമാഅത്ത് പള്ളിക്കും സംസ്ഥാന തലത്തില് 32-ാം സ്ഥാനവും ജില്ലാതലത്തില് രണ്ടാം സ്ഥാനവും നേടിയ മാതൃകാ മഹല്ലായ പള്ളിക്കര തൊട്ടി മുഹ്യുദ്ദീന് ജമാഅത്തിനും സംഗമത്തില് സര്ട്ടിഫിക്കറ്റും മെമന്റോയും നല്കി.