തൃശൂര്‍: സമസ്ത കേരള ജംഇയ്യത്തുല്‍ മുഅല്ലിമീന്‍ ജില്ലാ കമ്മിറ്റി സംഘടിപ്പിച്ച ജില്ലാ ഇസ്‌ലാമിക കലാമേളയില്‍ കൊടുങ്ങല്ലൂര്‍ മേഖല ജേതാക്കളായി. വാടാനപ്പള്ളി മേഖല രണ്ടാം സ്ഥാനവും വടക്കാഞ്ചേരി മേഖല മൂന്നാം സ്ഥാനവും നേടി.
സമാപന സമ്മേളനം ചെറുവാളൂര്‍ ഹൈദ്രോസ് മുസ്‌ലിയാര്‍ ഉദ്ഘാടനം ചെയ്തു. ജംഇയ്യത്തുല്‍ മുഅല്ലിമീന്‍ ജില്ലാ പ്രസിഡന്റ്് പി.ടി കുഞ്ഞിമുഹമ്മദ് മുസ്‌ലിയാര്‍ അധ്യക്ഷനായി. എം.ഐ.സി പ്രസിഡന്റ് അബ്ദുറഹിമാന്‍ ഹാജി സമ്മാനങ്ങള്‍ വിതരണം ചെയ്തു.
പി.പി മുസ്തഫ മുസ്‌ലിയാര്‍, വി.എം ഇല്‍യാസ് ഫൈസി, ജാഫര്‍ മാസ്റ്റര്‍, വി.മൊയ്തീന്‍ കുട്ടി മുസ്‌ലിയാര്‍, മുസക്കുട്ടി ഹാജി, അബ്ദുല്‍ കരീം ദാരിമി, സിദ്ദീഖ് മുസ്‌ലിയാര്‍, പി.വി മൊയ്തീന്‍ മുസ്‌ലിയാര്‍, പരീത് ചിറനെല്ലൂര്‍, സി.പി മുഹമ്മദ് ഫൈസി, ശറഫുദ്ദീന്‍ പട്ടിക്കര, സി.എം ശിഹാബുദ്ദീന്‍ മുസ്‌ലിയാര്‍, മുഹമ്മദ് കുട്ടി ബാഖവി സംസാരിച്ചു.
