കല്പറ്റ: ഷാഫി കോ-ഓര്‍ഡിനേഷന്‍ കമ്മിറ്റി വിദ്യാര്‍ഥികളക്കായി വെങ്ങപ്പള്ളി ശംസുല്‍ ഉലമ ഇസ്‌ലാമിക് അക്കാദമിയില്‍ നടത്തിയ ശില്പശാല പിണങ്ങോട് അബൂബക്കര്‍ ഉദ്ഘാടനംചെയ്തു.
വരമൊഴിയുടെ വര്‍ത്തമാനം, വരമൊഴിയുടെ സ്വാധീനം, സാധ്യതകള്‍ എന്നീ വിഷയങ്ങള്‍ പത്രപ്രവര്‍ത്തകനായ കെ.പി. കുഞ്ഞിമൂസ, ടി.പി. ചെറൂപ്പ എന്നിവര്‍ അവതരിപ്പിച്ചു. ഇബ്രാഹിംഫൈസി അധ്യക്ഷത വഹിച്ചു. അബ്ദുള്‍ലത്തീഫ്, അബ്ദുള്‍ഹമീദ് എന്നിവര്‍ സംസാരിച്ചു. 'ഇസ്‌ലാം ഓണ്‍ലൈന്‍' അവാര്‍ഡ് ജേതാവ് വാഫി കോ-ഓര്‍ഡിനേറ്റര്‍ അബ്ദുള്‍ഹക്കീം ഫൈസിക്ക് നല്കിയ സ്വീകരണയോഗം അലിഫൈസി ഉദ്ഘാടനം ചെയ്തു. വി. മൂസക്കോയ മുസ്‌ല്യാര്‍ അധ്യക്ഷതവഹിച്ചു. സൈദ് മുഹമ്മദ് നിസാമി മുഖ്യപ്രഭാഷണം നടത്തി. എം.വി. ശ്രേയാംസ്‌കുമാര്‍ എം.എല്‍.എ., കാളാവ് സെയ്തലവി മുസല്യാര്‍, മുനവ്വറലി ശിഹാബ് തങ്ങള്‍, കെ.ടി. ഹംസ മുസ്‌ല്യാര്‍, ഇബ്രാഹിംഫൈസി പേരാല്‍, ഹാരിസ് എന്നിവര്‍ സംസാരിച്ചു. കോട്ടുമല ബാപ്പു മുസ്‌ല്യാര്‍ ഉപഹാരം നല്കി.
