ഖാസിയുടെ മരണം: എസ്.വൈ.എസ്.ധര്‍ണ 10ന്
കാസര്‍കോട്: സി.എം.അബ്ദുല്ല മൗലവിയുടെ മരണത്തിലെ ദുരൂഹത നീക്കണമെന്നും അന്വേഷണം സി.ബി.ഐക്ക് വിടണമെന്നും ആവശ്യപ്പെട്ട് സുന്നിയുവജന സംഘം ജില്ലാ കമ്മിറ്റിയുടെ ആഭിമുഖ്യത്തില്‍ പത്തിന് കളക്ടറേറ്റ്ധര്‍ണ നടത്താന്‍ ജില്ലാ കമ്മിറ്റി തീരുമാനിച്ചു. ജില്ലാ പ്രസിഡന്റ് എം.എം.ഖാസിം മുസ്ല്യാര്‍ അധ്യക്ഷത വഹിച്ച. എം.എസ്.തങ്ങള്‍ ഉദ്ഘാടനം ചെയ്തു. കെ.പി.കെ.തങ്ങള്‍ പ്രാര്‍ത്ഥന നടത്തി. തളങ്കര ഇബ്രാഹിം ഖലീല്‍, പി.എസ്.ഇബ്രാഹിം ഫൈസി, ടി.വി.അഹ്മദ് ദാരിമി, എ.കെ.ഹംസ കല്ലിങ്കാല്‍, സി.എം.ബദറുദ്ദീന്‍, ആലമ്പാടി സലാം ദാരിമി, അബ്ദുല്‍ഖാദിര്‍ മദനി പള്ളങ്കോട്, യു.സഹദ്, എ.പി.മുഹമ്മദ്പൂച്ചക്കാട്, ഇ.അബ്ബാസ് ഫൈസി എന്നിവര്‍ സംസാരിച്ചു.
