ദാറുല്‍ഹുദാ സെക്കന്ററി പ്രവേശനം; 25 വരെ അപേക്ഷിക്കാം

തിരൂരങ്ങാടി: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ സെക്കന്ററിയിലേക്ക് വിദ്യാര്‍ത്ഥികളെ ചേര്‍ക്കുന്നതിനായി ജൂണ്‍ 25 വരെ അപേക്ഷിക്കാം. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അഞ്ചാം ക്ലാസ് പൊതുപരീക്ഷ പാസായവരുംജൂണ്‍ 25 ന് പതിനൊന്നര വയസ്സ് കവിയാത്തവരുമായ ആണ്‍കുട്ടികള്‍ക്ക് ദാറുല്‍ഹുദായിലേക്കോ അഫിലിയേറ്റഡ് സ്ഥാപനങ്ങളിലേക്കോ, സമസ്തയുടെ ഏഴാം ക്ലാസ് പാസായവരും 25 ന് പതിമൂന്നര വയസ്സ് കവിയാത്തവരുമായ പെണ്‍കുട്ടികള്‍ക്ക് വാഴ്‌സിറ്റിക്കു കീഴിലുള്ള ഫാത്വിമ സഹ്‌റാ വനിതാകോളേജിലേക്കും, സമസ്തയുടെ മൂന്നാം ക്ലാസ് പാസ്സായവരും ജൂണ്‍ 25 ന് ഒമ്പത് വയസ്സ് കവിയാത്തവരുമായ ആണ്‍കുട്ടികള്‍ക്ക് മമ്പുറം സയ്യിദ് അലവി മൗലദ്ദവീല ഹിഫ്‌ള് കോളേജിലേക്കും അപേക്ഷിക്കാം.
ദാറുല്‍ഹുദാ സെക്കന്ററിയിലേക്ക് ഓണ്‍ലൈനായിട്ടാണ് അപേക്ഷിക്കേണ്ടത്. www.dhiu.in എന്ന ദാറുല്‍ഹുദായുടെ ഔദ്യോഗിക വെബ്‌സൈറ്റില്‍ അഡ്മിഷന്‍ ലിങ്കില്‍ ആവശ്യമായ നിര്‍ദേശങ്ങള്‍ വായിച്ച് കൃത്യമായി പൂരിപ്പിക്കണം. ശേഷം പ്രിന്റ് ചെയ്ത അപേക്ഷാ ഫോം പ്രസ്ഥാന ഭാരവാഹികളുടെ അറ്റസ്റ്റേഷനു ശേഷം അതതു പരീക്ഷാ സെന്ററുകളില്‍ സമര്‍പ്പിക്കേണ്ടതാണ്.
വനിതാ കേളേജിലേക്കും ഹിഫ്‌ള് കോളേജിലേക്കും ദാറുല്‍ഹുദാ വെബ്‌സൈറ്റില്‍ നിന്ന് ഫോം ഡൗണ്‍ ലൗഡ് ചെയ്തു അപേക്ഷിക്കാം. അപേക്ഷകരെ സഹിയാക്കുന്നതിനായി ദാറുല്‍ഹുദായിലും സഹസ്ഥാപനങ്ങളിലും ഹെല്‍പ് ഡെസ്‌കുകള്‍ പ്രവര്‍ത്തിക്കുന്നുണ്ട്. വിശദ വിവരങ്ങള്‍ക്ക് 04942463155 എന്ന നമ്പറിലും അപേക്ഷാ സംബന്ധമായ സംശയങ്ങള്‍ക്ക് 8547290575 എന്ന നമ്പറിലും വിളിക്കാവുന്നതാണ്.
- Darul Huda Islamic University