കുവൈത്ത് : കുവൈത്ത് കേരള സുന്നി മുസ്‍ലിം കൗണ്‍സില്‍ റബീഉല്‍ അവ്വലില്‍ മുഹമ്മദ് (സ) യുടെ ജന്മദിനത്തോടനുബന്ധിച്ച് അതിവിപുലമായി സംഘടിപ്പിക്കുന്ന ഹുബ്ബുറസൂല്‍ 2011 നുള്ള ഒരുക്കങ്ങള്‍ പുരോഗമിച്ചതായി സംഘാടകര്‍ അറിയിച്ചു. അബ്ബാസിയ്യ യുനൈറ്റഡ് ഇന്ത്യന്‍ സ്കൂളില്‍ (മര്‍ഹൂം ശിഹാബ് തങ്ങള്‍ നഗര്‍) വെച്ച് 2011 ഫെബ്രുവരി 11 ന് (1432 റബീഉല്‍ അവ്വല്‍ 8) വെള്ളിയാഴ്ച ഒരു മണിക്ക് മൗലിദ് പാരായണത്തോടെ ആരംഭിക്കുന്ന പരിപാടി വൈകീട്ട് 6 മണിക്കുള്ള പൊതുസമ്മേളനത്തോടെ സമാപിക്കും. സമ്മേളനത്തില്‍ സമസ്ത കേരള ജംഇയ്യത്തുല്‍ ഉലമ ജനറല്‍ സെക്രട്ടറി സൈനുല്‍ ഉലമാ ചെറുശ്ശേരി സൈനൂദ്ധീന്‍ മുസ്‍ലിയാര്‍, പാണക്കാട് സയ്യിദ് ബഷീറലി ശിഹാബ് തങ്ങള്‍ എന്നിവര്‍ പങ്കെടുക്കും. കൂടാതെ കുവൈത്തിലെയും മറ്റു വിദേശ രാഷ്ട്രങ്ങളിലെയും പ്രമുഖരും സംബന്ധിക്കുന്നതാണെന്നും സംഘാടകര്‍ അറിയിച്ചു.
- ഹംസ അബ്ദുസ്സലാം -
