കുവൈത്ത് സിറ്റി : എസ്.കെ.എസ്.എസ്.എഫിന്റെ ആഭിമുഖ്യത്തില് റിപ്പബ്ലിക് ദിനത്തില് രാഷ്ട്ര രക്ഷക്ക് സൗഹൃദത്തിന്റെ കരുതല് എന്ന സന്ദേശവുമായി കേരളത്തിനകത്തും പുറത്തും ഗള്ഫ് രാജ്യങ്ങളിലും സംഘടിപ്പിക്കുന്ന മനുഷ്യജാലികക്ക് ഐക്യദാര്ഢ്യം പ്രകടിപ്പിച്ചുകൊണ്ട് കുവൈത്ത് ഇസ്ലാമിക് സെന്റര് സെന്ട്രല് കമ്മിറ്റിയുടെ നേതൃത്വത്തില് മനുഷ്യജാലിക സംഘടിപ്പിക്കുമെന്ന് ഭാരവാഹികള് അറിയിച്ചു. ജനുവരി 29 ശനിയാഴ്ച രാവിലെ 10 മണിക്ക് അബ്ബാസിയ്യ ദാറുത്തര്ബിയ മദ്റസ ഓഡിറ്റോറിയത്തില് നടക്കുന്ന ജാലിക പാണക്കാട് സയ്യിദ് മുനവ്വറലി ശിഹാബ് തങ്ങള് ഉദ്ഘാടനം ചെയ്യും. പ്രസിഡന്റ് സിദ്ധീഖ് ഫൈസി കണ്ണാടിപ്പറന്പിന്റെ അദ്ധ്യക്ഷതയില് നടക്കുന്ന ജാലികയില് ശംസുദ്ധീന് ഫൈസി പ്രമേയ പ്രഭാഷണം നടത്തും. ജനറല് സെക്രട്ടറി മുഹമ്മദലി പുതുപ്പറന്പ് മനുഷ്യജാലിക പ്രതിജ്ഞ ചൊല്ലിക്കൊടുക്കും.
- ഗഫൂര് ഫൈസി പൊന്മള -