കുവൈത്ത് സിറ്റി : 'സദാചാരം, സംസ്കാരം; വീണ്ടെടുപ്പിന്‍റെ നബി ദര്‍ശനം' എന്ന പ്രമേയവുമായി കുവൈത്ത് ഇസ്‍ലാമിക് സെന്‍റര്‍ സംഘടിപ്പിക്കുന്ന മീലാദ് കാന്പയിന്‍റെ ഭാഗമായി നടത്തപ്പെടുന്ന മുഹബ്ബത്തെ റസൂല്‍ 2011 ന്‍റെ പ്രചരണാര്‍ത്ഥം സിറ്റി ബ്രാഞ്ച് കണ്‍വെന്‍ഷനും ദിക്റ് മജ്‍ലിസും 28 വെള്ളിയാഴ്ച വൈകുന്നേരം 6 മണിക്ക് ശര്‍ഖ് ഗ്രീന്‍ ഹൌസില്‍ നടക്കും. ഇസ്‍ലാമിക് സെന്‍റര്‍ സെന്‍ട്രല്‍ കമ്മിറ്റി ജനറല്‍ സെക്രട്ടറി മുഹമ്മദലി ഫൈസി പുതുപ്പറന്പ് ഉദ്ഘാടനം ചെയ്യും. സിദ്ധീഖ് ഫൈസി കണ്ണാടിപ്പറന്പ് പ്രമേയ പ്രഭാഷണം നടത്തും. ദിക്റ് മജ്‍ലിസിന് ഫൈസല്‍ ഫൈസി, അശ്റഫ് ഫൈസി, ഇഖ്ബാല്‍ ഫൈസി തുടങ്ങിയവര്‍ നേതൃത്വം നല്‍കും.
- ഫൈസല്‍ ഫൈസി, മീഡിയ കണ്‍വീനര്‍, മുഹമ്മബത്തെറസൂല്‍ 2011 -
