തൃശൂര്‍ ജില്ലാ ഇഫ്താര്‍ സംഗമം ഇന്ന്

തൃശൂര്‍: 'നന്മയുടെ വസന്തം നേരിന്റെ സുഗന്ധം' എന്ന് പ്രമേയവുമായി എസ്. കെ. എസ്. എസ്. എഫ് രാജ്യ വ്യാപകമായി അചരിക്കുന്ന കാമ്പയിനിന്റെ ഭാഗമായി ജില്ലാ എസ്. കെ. എസ്. എസ്. എഫ് കമ്മിറ്റിയുടെ നേതൃത്വത്തില്‍ സംഘടിപ്പിക്കുന്ന ജില്ലാ ഇഫ്താര്‍ സംഗമം ഇന്ന് (ജൂലൈ 6 തിങ്കള്‍) വൈകീട്ട് 5 ന് തൃശൂര്‍ പേള്‍ റീജന്‍സിയില്‍ നടക്കും. പാണക്കാട് സയ്യിദ് അബ്ബാസലി ശിഹാബ് തങ്ങള്‍, ശൈഖുനാ എം. കെ. എ. കുഞ്ഞു മുഹമ്മദ് മുസ്‌ലിയാര്‍ തൊഴിയൂര്‍, ഓണമ്പിള്ളി മുഹമ്മദ് ഫൈസി, ചെറുവാളൂര്‍ ഹൈദ്രോസ് മുസ്‌ലിയാര്‍, പി. ടി. കുഞ്ഞു മുഹമ്മദ് മുസ്‌ലിയാര്‍, മേയര്‍ രാജന്‍. ജെ പല്ലന്‍, ജില്ലാ പഞ്ചായത്ത് പ്രസിഡന്റ് സി. സി. ശ്രീകുമാര്‍, എസ്. കെ. എസ്. എസ്. എഫ് യു. എ. ഇ നാഷണല്‍ കമ്മിറ്റി ജനറല്‍ സെക്രട്ടറി ഹുസൈന്‍ ദാരിമി, ബഷീര്‍ ഫൈസി ദേശമംഗലം തുടങ്ങീ മത-സാമൂഹിക-സാംസ്‌കാരിക രംഗത്തെ പ്രമുഖരും സമസ്തയുടെയും പോഷക ഘടകങ്ങളുടെയും ജില്ലാ, മേഖലാ, ക്ലസ്റ്റര്‍, യൂണിറ്റ് തല സാരഥികളും സംഗമത്തില്‍ പങ്കെടുക്കുമെന്ന് എസ്. കെ. എസ്. എസ്. എഫ് ജില്ലാ ഭാരവാഹികള്‍ അറിയിച്ചു. 
- SAMASTHA KERALA SUNNI STUDENTS FEDERATION Thrissur