അരീക്കോട് : സമുദായത്തിന്റെ സമുദ്ധാരണത്തിന് മഹല്ലുകള്‍ നേതൃത്വം വഹിക്കണമെന്ന് പാണക്കാട് മുഈനലി ശിഹാബ് തങ്ങള്‍ ആവശ്യപ്പെട്ടു. അരീക്കോട്ട് ചേര്‍ന്ന സുന്നി മഹല്ല് ഫെഡറേഷന്റെ മഹല്ല് സംഗമം ഉദ്ഘാടനം ചെയ്യുകയായിരുന്നു അദ്ദേഹം. കെ.എ. റഹ്മാന്‍ ഫൈസി അധ്യക്ഷത വഹിച്ചു. അബ്ദുസ്സമദ് പൂക്കോട്ടൂരും ഹസന്‍ സഖാഫി പൂക്കോട്ടൂരും ക്ലാസെടുത്തു. ടി.എച്ച്. അബ്ദുള്‍ അസീസ് ബാഖവി, ഉമര്‍ ദര്‍സി തച്ചണ്ണ, സി.എം. കുട്ടി സഖാഫി, പി.ടി. ഉമ്മര്‍ ഹാജി, കെ.സി. ബഷീര്‍ എന്നിവര്‍ പ്രസംഗിച്ചു. എം. സുല്‍ഫിക്കര്‍ സ്വാഗതവും കെ.ടി. മുഹമ്മദലിനന്ദിയും പറഞ്ഞു
