അബൂദാബി : പ്രശസ്ത പണ്ഡിതനും വാഫി കോഴ്സ് അഡ്വൈസറും വളാഞ്ചേരി മര്കസ് ജനറല് സെക്രട്ടറിയുമായ ആദൃശ്ശേരി ഹംസക്കുട്ടി മുസ്ലിയാര് യു.എ.ഇ.ഗവണ്മെന്റിന്റെ പ്രത്യേക അതിഥിയായി അബൂദാബിയില് എത്തി. റമദാനിന്റെ ദിനരാത്രങ്ങള് സജീവമാക്കാന് യു.എ.ഇ. പ്രസിഡണ്ട് ശൈഖ് ഖലീഫ ബിന് സായിദിന്റെ പ്രത്യേക ക്ഷണപ്രകാരം എത്തുന്ന ലോകപണ്ഡിതന്മാരില് ഇന്ത്യന് പ്രതിനിധിയായിട്ടാണ് അദ്ദേഹം ഇവിടെ എത്തിയത്. മുസ്ലിം സമൂഹത്തില് വിശുദ്ധ റമദാന്റെ ആത്മീയ ചൈതന്യം പ്രസരിപ്പിക്കുക എന്ന ലകഷ്യത്തോടെ നടക്കുന്ന വിവിധ പരിപാടികളില് അദ്ദേഹം പങ്കെടുക്കും.
ദീര്ഘകാലം യു.എ.ഇ. മതകാര്യ വകുപ്പില് ഖത്തീബായി സേവനമനുഷ്ടിച്ച ഹംസക്കുട്ടി മുസ്ലിയാര് അബൂദാബി ഇന്ത്യന് ഇസ്ലാമിക് സെന്റര് പ്രസിഡണ്ട്, സുന്നി സ്റ്റുടന്റ്സ് സെന്റര് പ്രസിഡണ്ട് എന്നീ നിലകളില് പ്രവര്ത്തിച്ചിട്ടുണ്ട്.
സയ്യിദ് ഹൈദരലി ശിഹാബ് തങ്ങളും മര്കസ് വര്ക്കിംഗ് കമ്മിറ്റി പ്രതിനിധികളും ചേര്ന്ന് പാണക്കാട്ട് വെച്ച് അദ്ധേഹത്തിന് യാത്രയയപ്പ് നലികി. നേരത്തെ മര്കസ് കുടുംബം നല്കിയ യാത്രയയപ്പില് വിദ്യാര്ഥി വിദ്യാര്ഥിനികള്ക്ക് പുറമേ അബ്ദുല് ഹമീദ് ഫൈസി അമ്പലക്കടവ്, വാഫി കോഓര്ഡിനേറ്റര് അബ്ദുല് ഹകീം ഫൈസി ആദൃശ്ശേരി, എം.കെ.കോടശ്ശേരി, കുഞ്ഞാമു ഫൈസി, അഹ്മദ് ഫൈസി കക്കാട്, പി.ടി.എ.പ്രസിഡണ്ട് അബ്ദുള്ളക്കോയ തങ്ങള്, സെക്രട്ടറി അഹ്മദ് കുട്ടി മാസ്റര്, ഒ.എം.എസ.തങ്ങള്, ഷൌക്കത്ത് ഹാജി, നെടുങ്ങോട്ടൂര് കുഞ്ഞഹമ്മദ് മുസ്ലിയാര്, സഈദ് മുസ്ലിയാര് തിരുവനന്തപുരം തുടങ്ങിയവര് പങ്കെടുത്തു
