പരിസ്ഥിതിബോധവല്‍കരണ സൈബര്‍ സംഗമം നാളെ ജില്ലാകേന്ദ്രങ്ങളില്‍

കോഴിക്കോട്: എസ്. കെ. എസ്. എസ്. എഫ് സംസ്ഥാന കമ്മറ്റിയുടെ കീഴില്‍ സംഘടിപ്പിക്കുന്ന പരിസ്ഥിതി പ്രചാരണ വാരത്തിന്റെ ഭാഗമായി സൈബര്‍വിങ് സംസ്ഥാന സമിതി ജൂണ്‍ 5ന് മൂന്നുമണിക്ക് സംസ്ഥാനത്തിനകത്തും പുറത്തുമായി പരിസ്ഥിതിബോധവല്‍ക്കരണ സൈബര്‍ സംഗമങ്ങള്‍ സംഘടിപ്പിക്കും. നവ മാധ്യമങ്ങള്‍ വഴി സംഘടിപ്പിക്കുന്ന പ്രചരണത്തിന്റെ ഭാഗമായി പരിസ്ഥിതി പ്രവര്‍ത്തകരും സംഘടനാ അഭ്യുദയകാംക്ഷികളും തെരഞ്ഞെടുത്ത കേന്ദ്രങ്ങളില്‍ സംഗമിക്കും. കേരളത്തില്‍ കോഴിക്കോട്, മലപ്പുറം, എറണാകുളം, വയനാട്, കണ്ണൂര്‍, കാസര്‍കോട്, കോട്ടയം, തൃശൂര്‍ ജില്ലകള്‍ക്ക് പുറമേ കര്‍ണ്ണാടകയിലേ മംഗലാപുരത്തും മീറ്റുകള്‍ സംഘടിപ്പിക്കും. വിവിധ കേന്ദ്രങ്ങളില്‍ പ്രൊഫ. ശോഭീന്ദ്രന്‍, എന്‍. എ നെല്ലിക്കുന്ന്, സത്താര്‍ പന്തല്ലൂര്‍, ബഷീര്‍ ഫൈസി ദേശമംഗലം, ഉബൈദുല്ല എം. എല്‍. എ, മമ്മൂട്ടി മാസ്റ്റര്‍ തരുവണ തുടങ്ങി പ്രമുഖര്‍ സംബന്ധിക്കും. പരിസ്ഥിതി ബോധവല്‍ക്കരണ പ്രതിജ്ഞ, മരത്തൈ വിതരണം, ബോധവല്‍കരണ പ്രസംഗം, ചര്‍ച്ച തുടങ്ങിയ പരിപാടികള്‍ സംഘടിപ്പിക്കും.
കോഴിക്കോട് ഇസ്‌ലാമിക് സെന്ററില്‍ചേര്‍ന്ന യോഗത്തില്‍സംസ്ഥാന ചെയര്‍മാന്‍ റിയാസ്‌ഫൈസി പാപ്ലശേരി അദ്ധ്യക്ഷത വഹിച്ചു. ഹസീബ് പുറക്കാട്, ബാസിത് വയനാട്, പി. എച്ച്അസ്ഹരി ആദൂര്‍ തുടങ്ങിയവര്‍ സംസാരിച്ചു. യോഗത്തില്‍മുബാറക്ക് എടവണ്ണപ്പാറ സ്വാഗതവും കരീം മൂടാടി നന്ദിയും പറഞ്ഞു.
- SKSSF Cyber Wing State Committee

'സഹനം, സമരം, സമര്‍പ്പണം'; SKSSF കാമ്പയിന്‍ നാളെ ആരംഭിക്കും

കോഴിക്കൊട്: പരിശുദ്ധ റമളാന്‍ സമാഗത മാവുന്നതോടെ എസ്. കെ. എസ്. എസ്. എഫ് നടത്തുന്ന റമളാന്‍ കാമ്പയിന്‍ സംസ്ഥാന തല ഉദ്ഘാടനം ജൂണ്‍ അഞ്ചിന്കോഴിക്കോട് അരീക്കാട്നടക്കും. 'സഹനം, സമരം, സമര്‍പ്പണം' എന്ന സന്ദേശവുമായി നടത്തുന്ന കാമ്പയിന്റെ ഭാഗമായി സംസ്ഥാനത്തെ തെരഞ്ഞെടുക്കപ്പെട്ട കേന്ദ്രങ്ങളില്‍ ജൂലൈ 2 ന് ശനിയാഴ്ച ഖുര്‍ആന്‍ ടാലന്റ് ടെസ്റ്റ് നടക്കും. ഒരു ദിനം ഒരു തിരു വചനംഎന്ന ഹദീസ് പഠനം സാമൂഹ്യ മാധ്യമങ്ങള്‍ വഴി നടത്തും. റമളാനിലെ പ്രത്യേക ദിനങ്ങളെ കുറിച്ചും ആരാധന, ആചാര രിതികളെ കുറിച്ചും ബോധവല്‍കരണം നടത്തും. ക്ലസ്റ്റര്‍ തലങ്ങളില്‍ തസ്‌കിയത്ത് മീറ്റ്, മേഖല തലത്തില്‍സാമ്പത്തിക സെമിനാര്‍, ജില്ലാതല സംവേദനങ്ങല്‍ എന്നിവ നടക്കും.
ഞായറാഴ്ച വൈകീട്ട് 7 മണിക്ക് അരീക്കാട് മദ്രസ ഓഡിറ്റോറിയത്തില്‍ നടക്കുന്ന സംസ്ഥാനതല ഉദ്ഘാടനം പ്രസിഡണ്ട് പാണക്കാട് സയ്യിദ് ഹമീദലി ശിഹാബ് തങ്ങളുടെ അധ്യക്ഷതയില്‍ ഡോ. ബഹാഉദ്ദീന്‍ നദ്‌വി ഉദ്ഘാനം നിര്‍വ്വഹിക്കും. ഓണംപിള്ളി മുഹമ്മദ് ഫൈസി പ്രമേയ പ്രഭാഷണം നടത്തും. കെ. മോയിന്‍കുട്ടി മാസ്റ്റര്‍, മുസ്ഥഫ മുണ്ടുപാറ, നാസര്‍ ഫൈസി കൂടത്തായി, സയ്യിദ് മുബശ്ശിര്‍ തങ്ങള്‍ ജമലുല്ലൈലി പ്രസംഗിക്കും.
ഉദ്ഘാടന പരിപാടി വിജയിപ്പിക്കുന്നതിന് വേണ്ടി ചേര്‍ന്ന ആലോചന യോഗത്തില്‍ റശീദ് ഫൈസി വെള്ളായിക്കോട് അദ്ധ്യക്ഷത വഹിച്ചു. പി. മൊയ്തീന്‍കുട്ടി ഹാജി, കെ. നൗഷാദ്, പി. റിയാസ്, റിയാസ് ഫൈസി, ശംസുദ്ദീന്‍ ഹാജി, അസ്‌കര്‍ അരീക്കാട്, ഫബശ്ശിര്‍, മുഹമ്മദ് ലിജാസ്, വി. പി അസീസ് പ്രസംഗിച്ചു. കെ. ഹനീഫ സ്വാഗതവും മുഹമ്മദ് അഫ്‌സല്‍ നന്ദിയും പറഞ്ഞു.

- SKSSF STATE COMMITTEE

നോമ്പു തുറകള്‍ ആഘോഷങ്ങളാക്കരുത്: SKIC റിയാദ്

റിയാദ്: മാനുഷീകതയുടെ നിലനില്‍പ്പിന് ഹൃദയത്തേയും ശരീരത്തേയും പാകപ്പെടുത്തുകയാണ് നോമ്പ് ചെയ്യുന്നതെന്നും ധര്‍മ പാതയിലൂടെ സഞ്ചരിച്ച് ജീവിത വിജയത്തിന് ഉപകരിക്കുന്നതാകണം വൃതാനുഷ്ടാനമെന്നും റിയാദ് എസ് കെ ഐ സി റമളാന്‍ പഠന ക്യാമ്പ് അഭിപ്രായപ്പെട്ടു. നോമ്പുതുറകള്‍ ആഘോഷങ്ങളാക്കാതെ പ്രവാചക കല്‍പനകള്‍ക്കനുസൃതമായി ക്രമപ്പെടുത്തണമെന്നും അമിത ഭക്ഷണവും പഴാക്കലും പ്രവാചക സരണിക്ക് എതിരാണെന്നും ക്യാമ്പ് ഉണര്‍ത്തി. സര്‍ഗീയ കവാടങ്ങള്‍ തുറക്കപ്പെടുമ്പോള്‍, പുണ്യം നിറഞ്ഞ രാവുകള്‍, നോമ്പ് ആചാരമാകുമ്പോള്‍, സമരം സഹനം സമര്‍പ്പണം എന്നീവിഷയങ്ങള്‍ അബ്ദു റഹ്മാന്‍ ഹുദവി പട്ടാമ്പി, സലീം വാഫി മൂത്തേടം, അബൂബക്കര്‍ ഫൈസി ചെങ്ങമനാട്, മുസ്തഫ ബാഖവി പെരുമുഖം തുടങ്ങിയവര്‍ അവതരിപ്പിച്ചു ജാബിര്‍ വാഴമ്പുറം നോമ്പനുഭവങ്ങള്‍ പങ്കുവെച്ചു. എനിക്കുമുണ്ട് പറയാന്‍ സെഷനില്‍ നൗഫല്‍ വാഫി മണ്ണാര്‍ക്കാട്, അബ്ദുറഷീദ് കാപ്പാട് പങ്കാളികളായി. വിവിധ സെഷനുകളിലായി ബഷീര്‍ താമരരേി, എന്‍ സി മുഹമ്മദ് കണ്ണൂര്‍, ഇഖ്ബാല്‍ കാവനൂര്‍, അലവിക്കുട്ടി ഒളവട്ടുര്‍ തുടങ്ങിയവര്‍ അധ്യക്ഷത വഹിച്ചു. അബ്ദു സമദ് പെരുമുഖം. അബദു റഹ്മാന്‍ ഫറോഖ്, റസാഖ് വളകൈ ഉമര്‍ കോയ ഹാജി യൂണിവേഴ്‌സിററി തുടങ്ങിവര്‍ ഉല്‍ഘാടനം ചെയ്തു. മസ്ഊദ് കൊയ്യോട് സ്വാഗതവും, നൗഷാദ് പൊന്ന്യം നന്ദിയും പറഞ്ഞു ശമീര്‍ പുത്തൂര്‍ ക്യാമ്പ് ഡയറക്ടറായിരുന്നു.
ഫോട്ടൊ: എസ് കെ ഐ സി റിയാദ് പ്രൊവിസ് ചെയര്‍മാന്‍ എന്‍ സി മുഹമ്മദ് കണ്ണൂര്‍ ക്യാമ്പ് ഉല്‍ഘാടനം ചെയ്യുന്നു

- Aboobacker Faizy

പരിസ്ഥിതി സംരക്ഷണം ഉത്തരവാദിത്വബോധത്തോടെ നിര്‍വ്വഹിക്കണം: സി.ആര്‍.നീലകണ്ഠന്‍

കളമശ്ശേരി: ഈ പ്രകൃതി മുഴുവന്‍ ജീവജാലങ്ങള്‍ക്കും വേണ്ടി ഒരുക്കപ്പെട്ടതാണെന്നും മറ്റു ജീവികളില്‍ നിന്നും വ്യത്യസ്തമായി മനുഷ്യന്‍ പരിസ്ഥിതിയുടെ പൂര്‍ണ്ണ ഉത്തരവാദിത്വം ഏറ്റെടുക്കേണ്ടവനാണെന്നും പ്രമുഖ പരിസ്ഥിത പ്രവര്‍ത്തകന്‍ സി.ആര്‍. നീലകണ്ഠന്‍ പറഞ്ഞു. ലോകത്തിലെ ഏറ്റവും പ്രാധാന്യമേറിയത് മനുഷ്യജീവനാണ്. അതിനാല്‍ മനുഷ്യന് ഏറ്റവും കൂടുതല്‍ സഹായം നല്‍കേണ്ട സസ്യങ്ങളും മരങ്ങളും ഇവിടെ നിലനില്‍ക്കേണ്ടത് ഏറെ അനിവാര്യമാണ്. ഈ അനിവാര്യതയില്‍ ഊന്നിയാണ് വര്‍ഷംതോറും പരിസ്ഥിതിദിനം നാം ആചരിക്കുന്നത്. ജൂണ്‍ 1 മുതല്‍ 6 വരെ പരിസ്ഥിതി സംരക്ഷണ വാരമായി ആചരിക്കുന്ന എസ്.കെ.എസ്.എസ്.എഫ്. ഏറെ അഭിനന്ദനം അര്‍ഹിക്കുന്നുവെന്നും എസ്.കെ.എസ്.എസ്.എഫ്. ഇതിനകം മുന്നോട്ടുവച്ചിട്ടുള്ള എല്ലാ പദ്ധതികളും ജനനന്മക്ക് സഹായകമാണെന്ന് ബോദ്ധ്യപ്പെട്ടിട്ടുണ്ടെന്നും അദ്ദേഹം പറഞ്ഞു. എസ്.കെ.എസ്.എസ്.എഫ്. സംസ്ഥാന വ്യാപകമായി ആചരിക്കുന്ന പരിസ്ഥിതി സംരക്ഷണ വാരത്തിന്റെ എറണാകുളം ജില്ലാതല ഉദ്ഘാടനം സീ-പോര്‍ട്ട് റോഡ് കൈപ്പടമുകള്‍ ജംഗ്ഷനില്‍ വൃക്ഷത്തൈ നട്ട് നിര്‍വ്വഹിച്ച് സംസാരിക്കുകയായിരുന്നു അദ്ദേഹം. ജില്ലാ വൈസ് പ്രസിഡന്റ് സൈനുദ്ദീന്‍ വാഫി അധ്യക്ഷത വഹിച്ചു. ഖുര്‍ആന്‍ സ്റ്റഡി സെന്റര്‍ ജില്ലാ പ്രസിഡന്റ് എം.എം. അബൂബക്കര്‍ ഫൈസി, മുനിസിപ്പല്‍ കൗണ്‍സിലര്‍ സിദ്ദീഖ് തുടങ്ങിയവരും വൃക്ഷത്തൈകള്‍ നട്ടു. എസ്.വൈ.എസ്. സംസ്ഥാന വൈസ് പ്രസിഡന്റ് എ.എം. പരീത്, എസ്.കെ.എസ്.എസ്.എഫ്. ജില്ലാ സെക്രട്ടറി പി.എം. ഫൈസല്‍, വൈസ് പ്രസിഡന്റ് ബാബു ചാലയില്‍, തൃക്കാക്കര റെയ്ഞ്ച് സെക്രട്ടറി യൂസഫ് മാസ്റ്റര്‍, മേഖലാ പ്രസിഡന്റ് പി.എച്ച്. അജാസ്,ഖുര്‍ആന്‍ സ്റ്റഡി സെന്റര്‍ ജില്ലാ സെക്രട്ടറി എം.ബി. മുഹമ്മദ്, സെയ്ത് ഹാജി, നിയാസ്, യൂണിറ്റ് പ്രസിഡന്റ് എ.കെ. അബൂബക്കര്‍, സെക്രട്ടറി ഹാരിസ്, ട്രഷറര്‍ ജൗഹര്‍ തുടങ്ങിയവര്‍ സംബന്ധിച്ചു.
- Faisal PM

ചെമ്മാട് ദാറുല്‍ ഹുദായില്‍ നടന്ന കാഴ്ചയില്ലാത്തവരുടെ സംഗമം ശ്രദ്ധേയമായി

തിരൂരങ്ങാടി: എസ്.കെ.എസ്.എസ്.എഫ് ഇബാദ് സംസ്ഥാന സമിതി ചെമ്മാട് ദാറുല്‍ഹുദാ ഇസ്‌ലാമിക് യൂണിവേഴ്‌സിറ്റ് ഓഡിറ്റോറിയത്തില്‍ വെച്ച് നടത്തിയ കാഴ്ചയില്ലാത്തവരുമായുള്ള ചര്‍ച്ചാവേദി ശ്രദ്ധേയമായി. സമസ്തകേരള ഇസ്ലാം മത വിദ്യാഭ്യാസ ബോര്‍ഡിന്റെ മദ്രസാ പാഠപുസ്തകങ്ങളും ഇസ്‌ലാമിക പ്രസിദ്ധീകരണങ്ങളും അറബി ഗ്രന്ഥങ്ങളും പ്രസിദ്ധീകരിക്കുന്നതിന് ബ്രൈലി പ്രസ്സ് സ്ഥാപിക്കുക, അന്ധര്‍, ബധിരര്‍, മൂകര്‍ തുടങ്ങിയ ഭിന്നശേഷിക്കാര്‍ക്കായി മത ഭൗതിക സമന്വയ വിദ്യാഭ്യാസം നല്‍കുന്നതിന് സ്ഥാപനം തുടങ്ങുക, ഇപ്പോള്‍ അന്ധ വിദ്യാലയങ്ങളില്‍ പഠിക്കുന്ന കുട്ടികള്‍ക്ക് സമസ്തയുടെ ഉന്നത മത കലാലയങ്ങളില്‍ തുടര്‍പഠനത്തിനുള്ള സാധ്യതകള്‍ കണ്ടെത്തുക, ഭിന്നശേഷിക്കാരെ കണ്ടെത്തുന്നതിന് സമസ്തയുടെ കീഴ്ഘടകങ്ങളുടെ സഹകരണത്തോടെ സമഗ്രമായ സര്‍വ്വേ നടത്തുക, അന്ധര്‍ക്കായി വാട്ട്‌സ്ആപ്പ് ഗ്രൂപ്പ് ഉണ്ടാക്കി ഇസ്‌ലാമിക പാഠങ്ങള്‍ വോയ്‌സ് മെസേജ് ചെയ്യുക തുടങ്ങിയ നിരവധി നിര്‍ദ്ദേശങ്ങള്‍ ചര്‍ച്ചയില്‍ ഉന്നയിക്കുകയുണ്ടായി.
സംഗമം ചെമ്മാട് ദാറുല്‍ ഹുദാ യൂണിവേഴ്‌സിറ്റി വൈസ് ചാന്‍സലര്‍ ഡോ. ബഹാവുദ്ദീന്‍ മുഹമ്മദ് നദ്‌വി ഉദ്ഘാടനം ചെയ്തു. ഇബാദ് പ്ലാനിംഗ് സെല്‍ മെമ്പര്‍ ഷരീഫ് പൊന്നാനി അധ്യക്ഷത വഹിച്ചു. ദാറുല്‍ ഹുദാ വര്‍ക്കിംഗ് സെക്രട്ടറി യു. ഷാഫി ഹാജി ചെമ്മാട്, മാനേജര്‍ ഡോ. യു.വി.കെ മുഹമ്മദ്, അഹമ്മദുണ്ണി കാളാച്ചാല്‍ എന്നിവര്‍ പ്രസംഗിച്ചു. അന്ധരെ പ്രതിനിധീകരിച്ച് അലവിക്കുട്ടി ഹാജി എക്കാപ്പറമ്പ്, ഫൈസല്‍ കിഴിശ്ശേരി, കെ.എഫ്.ബി. ടീച്ചേഴ്‌സ് ഫോറം മുന്‍ സംസ്ഥാന പ്രസിഡണ്ട് പി.കെ. മൂസ മാസ്റ്റര്‍, നല്ലണം മഹല്ല് പ്രസിഡണ്ട് മുസ്തഫാ മാസ്റ്റര്‍, അസ്സബാഹ് സൊസൈറ്റി ഫോര്‍ ദബ്ലൈന്റ് പ്രസിഡണ്ട് അബ്ദുല്‍ കരീം മാസ്റ്റര്‍, ഷരീഫ് മാസ്റ്റര്‍ കടന്നമണ്ണ, ഉമര്‍ മുസ്‌ല്യാര്‍ ചെമ്മല, ബഷീര്‍ മാസ്റ്റര്‍ താമരശ്ശേരി, മുഹമ്മദ് ഷഹീര്‍ തവനൂര്‍, മുഹമ്മദ്കുട്ടി പറപ്പൂര്‍ എന്നിവര്‍ ചര്‍ച്ചയില്‍ പങ്കെടുത്തു.
തുടര്‍ പ്രവര്‍ത്തനങ്ങള്‍ നടത്തുന്നതിനും സമഗ്രമായ റിപ്പോര്‍ട്ട് തയ്യാറാക്കുന്നതിനുമായി അഡ്‌ഹോക് കമ്മിറ്റി രൂപീകരിച്ചു. അലവിക്കുട്ടി ഹാജി, ഫൈസല്‍ കിഴിശ്ശേരി, ഉമര്‍ മുസ്ല്യാര്‍ ചമ്മല, പി.കെ. മൂസമാസ്റ്റര്‍, ഷരീഫ് കടന്നമണ്ണ, മുസ്തഫ മാസ്റ്റര്‍, ഷരീഫ് പൊന്നാനി, അഹമ്മദുണ്ണി കാളാച്ചാല്‍, റഫീഖ് ചെന്നൈ, ഷറഫുദ്ധീന്‍ മമ്പാട് എന്നിവരാണ് അഡ്‌ഹോക് കമ്മറ്റി അംഗങ്ങള്‍.

- Darul Huda Islamic University

SKSSF ജില്ലാ അവാര്‍ഡ് ദാനം ജൂണ്‍ 5ന്

ചെന്ത്രാപ്പിന്നി: എസ് കെ എസ് എസ് എഫ് ജില്ലാ കമ്മിറ്റി ആചരിച്ച വി-ടുഗെദര്‍ ദൈ്വമാസ കാമ്പയിനോടനുബന്ധിച്ച് നടന്ന ക്ലസ്റ്റര്‍ അദാലത്തില്‍ നിന്നും തെരഞ്ഞെടുക്കപ്പെട്ട ജില്ലയിലെ മികച്ച യൂണിറ്റുകള്‍ക്കുള്ള പുരസ്‌കാരം ജൂണ്‍ 5 ഞായറാഴ്ച ചെന്ദ്രാപ്പിന്നിയില്‍ നടക്കുന്ന വി-ടുഗെദര്‍ സമാപന കണ്‍വെന്‍ഷനില്‍ വെച്ച് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ സമ്മാനിക്കും. ജില്ലയിലെ 300 ഓളം യൂണിറ്റുകളില്‍ നിന്നും 16 യൂണിറ്റുകളാണ് അവസാന റൗണ്ടിലെത്തിയത്. ജൂണ്‍ 4 ന് തൃശൂര്‍ എം.ഐ.സിയില്‍ വെച്ച് സംസ്ഥാന ഓര്‍ഗാനെറ്റ് സമിതി നടത്തുന്ന സൂക്ഷ്മ പരിശോധനയില്‍ മികച്ച മൂന്ന് യൂണിറ്റുകളെ തെരഞ്ഞെടുക്കും. വെള്ളിക്കുളങ്ങര, കടലായി, ഉതുവടി, വെന്മേനാട്, മണിയറങ്കോട്, ചേര്‍പ്പ്, എം.ഐ.സി തൃശൂര്‍, ദേശമംഗലം, കരൂപടന്ന, പുതുക്കാട്, ചെറുതുരുത്തി, മതിലകം, കടവല്ലൂര്‍ വടക്കുമുറി, ആദൂര്‍, പന്തല്ലൂര്‍, കോതപറമ്പ് തുടങ്ങിയവയാണ് അവസാന റൗണ്ടിലെത്തിയ യൂണിറ്റുകള്‍. അവസാന റൗണ്ടിലെത്തിയ യൂണിറ്റുകളുടെ സെക്രട്ടറിമാര്‍, മേഖലാ സെക്രട്ടറി തുടങ്ങിയവര്‍ സൂക്ഷ്മപരിശോധനക്കായി ജൂണ്‍ 4 ശനിയാഴ്ച വൈകിട്ട് 4ന് തൃശൂര്‍ എം ഐ സിയില്‍ എത്തിച്ചേരണമെന്ന് ജില്ലാ സെക്രട്ടറി ഷെഹീര്‍ ദേശമംഗലം അറിയിച്ചു.
- SAMASTHA KERALA SUNNI STUDENTS FEDERATION Thrissur

SKSSF പരിസ്ഥിതിസംരക്ഷണ പ്രചാരണത്തിന് ഉജ്വല തുടക്കം

മലപ്പുറം: പുതുതലമുറയില്‍പരിസ്ഥിതി സംരക്ഷണത്തിന്റെസന്ദേശം പകര്‍ന്ന് എസ് കെ എസ് എസ് എഫ് സംസ്ഥാന തല പ്രചാരണ പരിപാടികള്‍ക്ക്തുടക്കമായി. ഔഷധ സസ്യങ്ങളാല്‍നിബിഡമായഇടതൂര്‍ന്ന വൃക്ഷങ്ങള്‍ക്കിടയിലെമങ്ങിയ പ്രകാശത്തില്‍മലപ്പുറം ചട്ടിപ്പറമ്പ് ലൈഫ് ലൈന്‍ ഔഷധോദ്യാനത്തില്‍ നടന്നവ്യത്യസ്തമായപരിപാടിയുടെ ഉദ്ഘാടനം ടി എ അഹമ്മദ് കബീര്‍ എം എല്‍ എ നിര്‍വ്വഹിച്ചു. വിദ്യഭ്യാസ മുന്നേറ്റത്തിന്റേയുംസാമ്പത്തിക സുസ്ഥിരതയുടേയുംപുതിയ ലോകത്ത് എത്തിയപ്പൊള്‍ പ്രപഞ്ചത്തോടുള്ള മനുഷ്യന്റെ കടമവിസ്മരിച്ചതാണ് പാരിസ്ഥിതിക പ്രശ്‌നങ്ങള്‍ നല്‍കുന്ന സുചനയെന്ന് അദ്ദേഹം അഭിപ്രായപ്പെട്ടു. മണ്ണും മനുഷ്യനും ഒരു പോലെ ആഗ്രഹിക്കുന്ന ചരിത്ര ദൗത്യം ഏറ്റെടുത്ത എസ് കെ എസ് എസ് എഫിന്റെപരിസ്ഥിതി സംരക്ഷണപ്രവര്‍ത്തങ്ങള്‍ അഭിനന്ദനീയമാണന്നും അദ്ദേഹംഅഭിപ്രായപ്പെട്ടു. പി എം റഫീഖ് അഹമ്മദ്തിരൂര്‍ അധ്യക്ഷനായി. സംസ്ഥാന സെക്രട്ടറിയേറ്റ് അംഗം അഹ്മദ് ഫൈസി കക്കാട് മുഖ്യപ്രഭാഷണംനടത്തി. ലൈഫ് ലൈന്‍ ഡയറക്ടര്‍ തോരപ്പ മുസ്തഫ ഔഷധ സസ്യതൈകളുടെവിതരണോദ്ഘാടനംമഹല്ല് പ്രസിഡന്റ്എം ടി കുട്ടി ഹസന്‍ ഹാജിക്ക് നല്‍കി നിര്‍വ്വഹിച്ചു. ചെമ്പകശ്ശേരി ഉമ്മര്‍, ശഹീര്‍ അന്‍വരി പുറങ്ങ്, ജഅ്ഫര്‍ ഫൈസി പഴമള്ളുര്‍, ഉസ്മാന്‍ ഫൈസി അരിപ്ര, പി കെ ശഫീഖ് അലി, എം ടി ജഅ്ഫര്‍, സിദ്ദീഖലി സി പി, ബഹാവുദ്ദിന്‍ചാപ്പനങ്ങാടിസംസാര്‍ച്ചു. ജനറല്‍ സെക്രട്ടറി സത്താര്‍ പന്തലൂര്‍ സ്വാഗതവും കണ്‍വീനര്‍ ആശിഖ് കുഴിപ്പുറം നന്ദിയും പറഞ്ഞു. പരിസ്ഥിതി സംരക്ഷണവാരാചരണത്തിന്റെഭാഗമായി ജില്ലാ തലങ്ങളില്‍വനം വകുപ്പുമായിസഹകരിച്ച്വൃക്ഷതൈകള്‍ വിതരണം ചെയ്യും.പരിസ്ഥിതി പഠന സംഗമം, ഔഷധ സസ്യ പഠനം, സൈബര്‍ വിംഗിന്റെ ജില്ലാതല പരിസ്ഥിതി സംഗമം തുടങ്ങിയവ നടക്കും.
ഫോട്ടോ അടിക്കുറിപ്പ്: എസ് കെ എസ് എസ് എഫ് പരിസ്ഥിതി സംരക്ഷണ വാരാചാരണത്തിന്റെസംസ്ഥാന തല ഉദ്ഘാടനം മലപ്പുറം ചട്ടിപ്പറമ്പിലെ ലൈഫ്ലൈനില്‍ ടി എ അഹ്മദ് കബിര്‍എം എല്‍ എ നിര്‍വ്വഹിക്കുന്നു.
- Sathar Panthaloor

'തിരഞ്ഞെടുപ്പ് ഞങ്ങള്‍ക്കും ചിലത് പറയാനുണ്ട്.' വെളിപ്പെടുത്തലുകളുമായി SKSSF. സമ്മേളനം നാളെ ഹൊസങ്കടിയില്‍

കാസര്‍കോട് : വര്‍ഗ്ഗീയ ഫാസിസ്റ്റ് ശക്തികളെ വിജയിപ്പിക്കാന്‍ കഴിഞ്ഞ നിയമ സഭ തെരഞ്ഞെടുപ്പില്‍ പരസ്യമായി പ്രചരണം നടത്തുകയും പ്രവര്‍ത്തിക്കുകയും ചെയ്ത കാന്തപുരം വിഭാഗത്തിന്റെ കപട രാഷ്ട്രീയം തുറന്ന് കാണിക്കുന്നതിനും രാഷ്ട്രീയ തെരഞ്ഞെടുപ്പിന് മത സ്ഥാപനങ്ങളേയും, പള്ളികളേയും ദുരുപയോഗം ചെയ്യുകയും സമുദായത്തില്‍ ചിദ്രത ഉണ്ടാക്കുകയും ചെയ്ത സാഹചര്യത്തില്‍ എസ്.കെ.എസ്.എസ്.എഫ് മഞ്ചേശ്വര മേഖലാ കമ്മിറ്റി നാളെ (03-06-2016) വൈകുന്നേരം 4 മണിക്ക് ഹൊസങ്കടിയില്‍ തെരഞ്ഞെടുപ്പ് ഞങ്ങള്‍ക്കും ചിലത് പറയാനുണ്ട് എന്ന വെളിപ്പെടുത്തലുകളുമായി ആദര്‍ശ സമ്മേളനം നടത്തുമെന്ന് നേതാക്കള്‍ പത്ര സമ്മേളനത്തില്‍ അറിയിച്ചു. സമ്മേളനത്തിന് വിപുലമായ സൗകര്യങ്ങളാണ് ഏര്‍പ്പെടുത്തിട്ടുള്ളത്. പടുകൂട്ടന്‍ വേദിയും പന്തലും ഹൊസങ്കടി കോയക്കുട്ടി ഉസ്താദ് നഗറില്‍ ഒരിങ്ങി കഴിഞ്ഞു. കാന്തപുരത്തിന്റെ രാഷ്ട്രീയ നിലപാടില്‍ പ്രതിഷേധിച്ച് വിവിധ സ്ഥലങ്ങളില്‍ നിന്ന് അനുയായികള്‍ സമസ്തയിലേക്ക് കടന്ന് വരുന്ന സാഹചര്യത്തിലാണ് ഈ സമ്മേളനം സംഘടിപ്പിക്കുന്നത്. പരിപാടിയില്‍ അബ്ദുല്‍ സമദ് പൂകോട്ടൂര്‍, നാസര്‍ ഫൈസി കൂടത്തായി, അലവി ദാരിമി കുഴിമണ്ണ, പ്രഭാഷണം നിര്‍വ്വഹിക്കും. മഞ്ചേശ്വരം എം.എല്‍.എ. പി.ബി. അബ്ദുല്‍ റസാക്ക്, യു.എം. അബ്ദുല്‍ റഹ്മാന്‍ മുസ്ലിയാര്‍, പയ്യക്കി അബ്ദുല്‍ ഖാദര്‍ മുസ്ലിയാര്‍, എം. എ. ഖാസിം മുസ്ലിയാര്‍, പാത്തൂര്‍ അഹമ്മദ് മുസ്ലിയാര്‍, താജുദ്ദീന്‍ ദാരിമി പടന്ന, ഇബ്രാഹിം ഫൈസി ജെഡിയാര്‍, ഹാരിസ് ദാരിമി ബെദിര, സാലൂദ് നിസാമി തുടങ്ങിയവര്‍ സംബന്ധിക്കുന്നു. ഇത് സംബന്ധിച്ച വാര്‍ത്താ സമ്മേളനത്തില്‍ എസ്.കെ.എസ്.എസ്.എഫ് സംസ്ഥാന വൈസ് പ്രസിഡന്റ് ഇബ്രാഹിം ഫൈസി ജെഡിയാര്‍, ജില്ലാ വൈസ് പ്രസിഡന്റ് അബൂബക്കര്‍ സിദ്ദീഖ് അസ്ഹരി പാത്തൂര്‍, മേഖലാ പ്രസിഡന്റ് ഇസ്മായില്‍ അസ്ഹരി വാമഞ്ചൂര്‍, സെക്രട്ടറി കജ മൊഹമ്മദ് ഫൈസി, ട്രഷറര്‍ അസീസ് ഹാജി മച്ചമ്പാടി സംബന്ധിച്ചു.
- Ibrahim Faisy

അബുദാബി SKSSF റമളാന്‍ മുന്നൊരുക്കം പ്രോഗ്രാം ഇന്ന്‌

- Sabir P

എസ്. കെ. എസ്. എസ്. എഫ് പരിസ്ഥിതി സംരക്ഷണവാരം ആചരിക്കും

കോഴിക്കോട്: ലോക പരിസ്ഥിതി ദിനാചരണത്തോടനുബന്ധിച്ച് എസ്. കെ. എസ്. എസ്. എഫിന്റെ ആഭിമുഖ്യത്തില്‍ സംസ്ഥാന വ്യാപകമായി ജൂണ്‍ ഒന്ന് മുതല്‍ ആറ് വരെ പരിസ്ഥിതി സംരക്ഷണവാരം ആചരിക്കും. വാരാചരണത്തിന്റെ ഭാഗമായി പരിസ്ഥിതി പഠന സംഗമങ്ങള്‍, വൃക്ഷത്തൈ വിതരണം, ജൈവകൃഷി ബോധവത്കരണം, ഔഷധ സസ്യങ്ങളെ കുറിച്ചുള്ള പഠനങ്ങള്‍, സമൂഹ മാധ്യമങ്ങളെ ഉപയോഗിച്ചുള്ള വിവിധ പ്രചാരണ പരിപാടികള്‍ തുടങ്ങിയവ സംഘടിപ്പിക്കും. ജൂണ്‍ അഞ്ചിന് എസ്. കെ. എസ്. എസ്. എഫ് സൈബര്‍ വിങ്ങിന്റെ ആഭിമുഖ്യത്തില്‍ ജില്ലാ തലങ്ങളില്‍ പരിസ്ഥിതി പ്രവര്‍ത്തകരുടെ കൂട്ടായ്മ സംഘടിപ്പിക്കും.

- SKSSF STATE COMMITTEE

ദാറുല്‍ഹുദാ കര്‍ണാടക കാമ്പസിന് ശിലയിട്ടു

ദാറുല്‍ഹുദാ വിദ്യാഭ്യാസ മോഡല്‍ രാജ്യവ്യാപകമാക്കും: ഹൈദരലി ശിഹാബ് തങ്ങള്‍

ഹാംഗല്‍ (ഉത്തര കര്‍ണാടക): ദാറുല്‍ഹുദാ ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയുടെ നാലാമത് കാമ്പസിനു ഉത്തര കര്‍ണാടകയിലെ ഹാവേരി ജില്ലയിലെ ഹാംഗലില്‍ ചാന്‍സലര്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ ശിലയിട്ടു.
അരികുവത്കരിച്ചും അപരവത്കരിച്ചും കഴിയുന്ന ഇന്ത്യയിലെ മുസ്‌ലിം സമൂഹത്തിന്റെ സാമൂഹിക-വിദ്യാഭ്യാസ മുന്നേറ്റത്തിന് വിദ്യാഭ്യാസ വിപ്ലവം മാത്രമാണ് പരിഹാര മാര്‍ഗമെന്നും ഇതര സംസ്ഥാനങ്ങളില്‍ കാമ്പസുകള്‍ ആരംഭിക്കുന്നതിലൂടെ ദാറുല്‍ഹുദാ ലക്ഷ്യമാക്കുന്നത് കേരളത്തില്‍ സാധിച്ചെട്ടുന്ന സാമൂഹികാന്തരീക്ഷം രാജ്യത്തുടനീളം വ്യാപിപ്പിക്കലാണെന്നും തങ്ങള്‍ പറഞ്ഞു.  സെന്റര്‍ ശിലാസ്ഥാപന ചടങ്ങിനു ശേഷം നടന്ന പൊതുസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
മതപരമായും ഭൗതികപരമായും സകല വിദ്യാസ സൗകര്യങ്ങളും അനുകൂല സാമൂഹിക സാഹചര്യവുമാണ് കേരളത്തിലുള്ളത്. എന്നാല്‍ ഇതര സംസ്ഥാനങ്ങളില്‍ മുസ്‌ലിം ന്യൂനപക്ഷങ്ങളെ രാഷ്ട്രീയ ലാഭങ്ങള്‍ക്കു വേണ്ടി മാത്രം ഉപയോഗിച്ച് ശേഷം മത - വര്‍ഗീയ ഇരുളാക്രമണങ്ങളുടെ ഇരയാക്കുന്ന പരിതാപകരമായ അവസ്ഥയാണ്. ഇതിനു പരിഹാരമായി അവരെ വിദ്യകൊണ്ട് പ്രബുദ്ധരാക്കുകയാണ്   ദാറുല്‍ഹുദാ ഈ ദൗത്യത്തിലൂടെ ലക്ഷ്യമാക്കുന്നതെന്നും ദാറുല്‍ഹുദായുടെ വിദ്യാഭ്യാസ മോഡല്‍ രാജ്യ വ്യാപകമാക്കുമെന്നും തങ്ങള്‍ പറഞ്ഞു.
വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷത വഹിച്ചു. ഹാജി കെ, അബ്ദുല്‍ കരീം സിര്‍സി, ഹാജി കെ. മുനിര്‍ അഹമദ്, ഡോ. സഹീര്‍ അഹമദ്, കെ.എം സൈദലവി ഹാജി കോട്ടക്കല്‍, യു.ശാഫി ഹാജി ചെമ്മാട്, ഹംസ ഹാജി മൂന്നിയൂര്‍, അബ്ദുല്ല ഹാജി ഓമച്ചപ്പുഴ, ഇബ്രാഹീം ഹാജി തയ്യിലക്കടവ്,  റഫീഖ് മാസ്റ്റര്‍ മംഗലാപുരം,  ഉമറുല്‍ ഫാറൂഖ് മദനി, കോട്ടക്കല്‍ നഗരസഭ ചെയര്‍മാന്‍ കെ.കെ അബ്ദുല്‍ നാസര്‍, ഡോ. കെ.ടി ബാബിര്‍ ഹുദവി, ശറഫുദ്ദീന്‍ ഹുദവി ആനമങ്ങാട് തുടങ്ങിയവര്‍ സംബന്ധിച്ചു.

ദാറുല്‍ഹുദാ സര്‍വകലാശാലയുടെ നാഷണല്‍ പ്രൊജക്ടിന്റെ ഭാഗമായാണ് ഇതര സംസ്ഥാനങ്ങളില്‍ ഓഫ് കാമ്പസുകള്‍ സ്ഥാപിക്കുന്നത്. നിലവില്‍ സീമാന്ധ്രയിലെ പുങ്കനൂര്‍, പശ്ചിമ ബംഗാളിലെ ഭീര്‍ഭൂം  ജില്ലയിലെ ഭീംപൂരിലും ആസാമിലെ ബൈശയിലും ദാറുല്‍ഹുദായുടെ കാമ്പസുകളും മുംബൈ, കര്‍ണാടകയിലെ കാശിപ്ടണ, മാടന്നൂര്‍ എന്നിവിടങ്ങളില്‍ അഫിലിയേറ്റഡ് കോളേജുകളും പ്രവര്‍ത്തിക്കുന്നുണ്ട്. വ്യവസായ പ്രമുഖനും ദീനിതല്‍പരനുമായൊരു വ്യക്തി ദാനമായി നല്‍കിയ 6.14 ഏക്കര്‍ സ്ഥലത്താണ് കാമ്പസ് ആരംഭിക്കുന്നത്. അടുത്ത അധ്യയന വര്‍ഷം തന്നെ താത്കാലിക കെട്ടിടത്തില്‍ ക്ലാസുകള്‍ ആരംഭിക്കാനാണ് വാഴ്‌സിറ്റിയുടെ തീരുമാനം.
- Darul Huda Islamic University

മദ്‌റസ വിദ്യാഭ്യാസം; സമസ്തയുടെ പങ്ക് നിസ്തുലം: വൈസ് ചാന്‍സലര്‍

ചേളാരി: മദ്‌റസ വിദ്യാഭ്യാസത്തിന് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ പങ്ക് നിസ്തുല്യമാണെന് കാലിക്കറ്റ് യൂണിവേഴ്‌സിറ്റി വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ പറഞ്ഞു. ചേളാരി സമസ്താലയത്തില്‍ നടക്കുന്ന പൊതുപരീക്ഷയുടെ കേന്ദ്രീകൃത മൂല്യനിര്‍ണയ ക്യാമ്പ് സന്ദര്‍ശിച്ചു സംസാരിക്കുകയായിരുന്നു അദ്ദേഹം. മത വിദ്യാഭ്യാസ രംഗത്ത് ഇത്രയേറെ വ്യവസ്ഥാപിതമായി നടക്കുന്ന മൂല്യനിര്‍ണയ ക്യാമ്പ് ലോകത്ത് മറ്റൊരിടത്തും കാണില്ലെന്നും ഇത് സമസ്തക്ക് മാത്രം അവകാശപ്പെട്ടതാണെന്നും അദ്ദേഹം പറഞ്ഞു.
പൊതുപരീക്ഷയുടെ ഉത്തരപേപ്പര്‍ പരിശോധന എങ്ങിനെ കുറ്റമറ്റതാക്കാന്‍ കഴിയുമെന്നതിന്റെ ഒന്നാന്തരം ഉദാഹരണമാണ് ഈ കേന്ദ്രീകൃത മൂല്യനിര്‍ണയ ക്യാമ്പ് നടത്തിപ്പുകാരെല്ലാം. ഇത് മാതൃകയായി സ്വീകരിക്കണമെന്നും അദ്ദേഹം പറഞ്ഞു. മൂല്യനിര്‍ണയ ക്യാമ്പ് സംവിധാനങ്ങളെ അദ്ദേഹം ശ്ലാഘിച്ചു.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ജനറല്‍ മാനേജര്‍ കെ. മോയിന്‍കുട്ടി മാസ്റ്റര്‍, ടി. അലിബാവ, കെ. ഹംസക്കോയ, കെ. സി. അഹ്മദ് കുട്ടി മൗലവി, ഷാഹുല്‍ ഹമീദ് മാസ്റ്റര്‍ മേല്‍മുറി, എ. ടി. എം. കുട്ടി മൗലവി തുടങ്ങിയവര്‍ ചേര്‍ന്ന് അദ്ധേഹത്തെ സ്വീകരിച്ചു.
ഫോട്ടോ: ചേളാരിയില്‍ നടക്കുന്ന സമസ്ത പൊതുപരീക്ഷ മൂല്യനിര്‍ണ്ണയ ക്യാമ്പ് കാലിക്കറ്റ് യൂണിവേഴ്‌സിറ്റി വൈസ് ചാന്‍സലര്‍ ഡോ. മുഹമ്മദ് ബഷീര്‍ സന്ദര്‍ശിക്കുന്നു.

- SKIMVBoardSamasthalayam Chelari

സമരം സഹനം സമര്‍പ്പണം SKIC റിയാദ് ക്യാമ്പ്

റിയാദ്: എസ് കെ എസ് എസ് എഫ് നടത്തുന്ന സമരം സഹനം സമര്‍പ്പണം റമദാന്‍ കാമ്പയിന്റെ ഭാഗമായി എസ് കെ ഐ സി റിയാദ് ഏകദിന ക്യാമ്പ് മെയ് ഇരുപത്തിഏഴ് വെളളി രാവിലെ ഒമ്പതിന് ശിഫ ജസീറ ഓഡിറേററിയ ത്തില്‍ നടക്കും. സ്വര്‍ഗീയ കവാടങ്ങള്‍ തുറക്കപ്പെടുമ്പോള്‍, പുണ്യം നിറഞ്ഞ രാവുകള്‍, നോമ്പ് ആചാരമാകുമ്പോള്‍, സമരം സഹനം സമര്‍പ്പണം എന്നീവിഷയങ്ങള്‍ അബ്ദുഹമാന്‍ ഹുദവി പട്ടാമ്പി, സലീം വാഫി മൂത്തേടം, അബൂബക്കര്‍ ഫൈസി ചെങ്ങമനാട്, മുസ്തഫ ബാഖവി പെരുമുഖം തുടങ്ങിവര്‍ അവതരിപ്പിക്കും, ചോദിക്കൂ പറയാം, കേട്ടതും പഠിച്ചതും, നോമ്പ് ഓര്‍മകളിള്‍ തുടങ്ങി വ്യത്യസ്ത സെഷനുകള്‍ ക്യാമ്പില്‍ നടക്കും. ക്യാമ്പില്‍ പങ്കെടുക്കാനാഗ്രിക്കുന്നവര്‍ 05369865799, 0502195506, 0502971416 ഈ നമ്പറുകളില്‍ ബന്ധപ്പെടണമെന്ന് ക്യാമ്പ് ഡയറക്ര്‍ ശമീര്‍ ഓമശ്ലേരി അറിയിച്ചു.

- Aboobacker Faizy

മസ്ജിദുകൾ ഉദാത്ത സംസ്കാരത്തിന്റെ പാഠശാലകൾ: സാദിഖലി ശിഹാബ് തങ്ങൾ

പൊന്നാനി: മസ്ജിദുകൾ കേന്ദ്രമാക്കിയുള്ള ആത്മീയ- സാംസ്കാരിക പ്രവർത്തനങ്ങളിലൂടെയാണ് വിശ്വാസി സമൂഹം ലോകത്ത് അഭിമാനകരമായ നേട്ടങ്ങൾ കൈവരിച്ചതെന്ന് എസ് കെ എസ് എസ് എഫ് ഇസ്ലാമിക് സെന്റർ ചെയർമാൻ സയ്യിദ്‌ സ്വാദിഖലി ശിഹാബ് തങ്ങൾ പറഞ്ഞു. പൊന്നാനി സൗത്ത് ഉമറുൽ ഫാറൂഖ് മസ്ജിദിൽ ജുമുഅ ഉദ്ഘാടനം നിർവഹിച്ച് സംസാരിക്കുകയായിരുന്നു തങ്ങൾ. ആത്മീയ വളർച്ചയുടെയും സാമൂഹ്യ നവോത്ഥാനത്തിന്റെയും സന്ദേശമാണ് മസ്ജിദുകൾ പ്രസരിപ്പിക്കേണ്ടതെന്നും തങ്ങൾ പറഞ്ഞു. സ്വാലിഹ് നിസാമി പുതുപൊന്നാനി ഉദ്‌ബോധന ഭാഷണവും സി. എം. അശ്റഫ് മൗലവി ഖുത്വുബയും നിർവഹിച്ചു. മഹല്ല് കമ്മിറ്റി പ്രസിഡൻറ് സി. കെ. അബ്ദുറസാഖ് അധ്യക്ഷത വഹിച്ചു. സയ്യിദ് അബ്ദുറഹ്മാൻ ഫൈസൽ ബാഫഖി തങ്ങൾ, അബൂബക്കർ ഫൈസി, സി. ടി അബ്ദുറഹ്മാൻ അഹ്സനി, തെക്കരകത്ത് ജിന്നൻ മുഹമ്മദുണ്ണി, യു. മുനീബ്, ടി. കെ. അബ്ദുൽ ഗഫൂർ, പി. വി. റാസിഖ്, സി. പി. ഹസൻ, പി. പി. ഉസ്മാൻ, സി. പി. ഹസീബ് ഹുദവി, വി. എ ഗഫൂർ, സി. ഹബീബ്, ബദറുദ്ദീൻ, ശഫീഖ് റഹ്മാൻ ഹുദവി, മൻസൂറലി അസ്ഹരി, സി പി. ശിഹാബ്, സി. പി റാസിഖ് സംബന്ധിച്ചു.
ഫോട്ടോ: പൊന്നാനി സൗത്ത് ഉമറുൽ ഫാറൂഖ് മസ്ജിദിൽ ജുമുഅ ഉദ്ഘാടനം നിർവ്വഹിച്ച ശേഷം പാണക്കാട് സയ്യിദ് സാദിഖലി ശിഹാബ് തങ്ങൾ സംസാരിക്കുന്നു.

- Rafeeq CK

അന്താരാഷ്ട്ര വ്യവസായ സെമിനാറില്‍ പ്രബന്ധമവതരിപ്പിക്കാന്‍ സുഹൈര്‍ ഹാദിക്ക് അപൂര്‍വ്വ അവസരം

കുറ്റിപ്പുറം: രാജസ്ഥാനിലെ മോഹന്‍ലാല്‍ സുകാതിയ യൂനിവേഴ്‌സിറ്റി ഡിപ്പാര്‍ട്ട്‌മെന്റ് ഓഫ് കൊമേഴ്‌സ് സംഘടിപ്പിക്കുന്ന അന്താരാഷ്ട്ര വ്യവസായ സെമിനാറില്‍ പ്രബന്ധമവതരിപ്പിക്കാന്‍ മലയാളി വിദ്യാര്‍ഥി സുഹൈര്‍ ഹാദിക്ക് അപൂര്‍വ്വ അവസരം. സാമ്പത്തിക പുരോഗകതിയുടെ നയതന്ത്രങ്ങള്‍ എന്ന വിഷയത്തിലാണ് പ്രബന്ധമവതരിപ്പിക്കുന്നത്. വിവിധ രാഷ്ട്രങ്ങളിലെ ഡോക്‌ടേര്‍സും ഗവേഷകരും സംഗമിക്കുന്ന സെമിനാറിലെ ഏക മലയാളി വിദ്യാര്‍ത്ഥിയാണ് സുഹൈര്‍. മാണൂര്‍ ദാറുല്‍ ഹിദായ ദഅ്‌വാ കോളേജില്‍ നിന്ന് ഇസ്‌ലാമിക്‌സ് ആന്‍ഡ് ഹ്യൂമന്‍ സയന്‍സസില്‍ ബിരുദപഠനം പൂര്‍ത്തിയാക്കി ചെമ്മാട് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി ഡിപ്പാര്‍ട്ട്‌മെന്റ് ഓഫ് ഖുര്‍ആന്‍ ആന്‍ഡ് റിലേറ്റഡ് സയന്‍സസില്‍ ഗവേഷക പഠനം നടത്തി . ഇപ്പോള്‍ കണ്ണൂര്‍ അശ്ശുഹദ ഇസ്‌ലാമിക് ആര്‍ട്ട്‌സ് കോളേജില്‍ ലക്ചററായി സേവനമനുഷ്ഠിച്ച് വരികയാണ. . മലപ്പുറം ജില്ലയിലെ ഇ. എം. ഇ. എ എഞ്ചിനിയറിംഗ് കോളേജ്, മംഗലാപുരം യൂനിവേഴ്‌സിറ്റി ഡിപ്പാര്‍ട്ട്‌മെന്റ് ഓഫ് കൊമേഴ്‌സ് സംഘടിപ്പിച്ച ദേശീയ സെമിനാറിലും പ്രബന്ധം അവതരിപ്പിച്ചിട്ടുണ്ട്. തിരുന്നാവായ സ്വദേശികളായ ഇബ്രാഹിം കുട്ടി - ഫാത്തിമ ദമ്പതികളുടെ മകനാണ് ഇദ്ദേഹം.

- Sidheeque Maniyoor

തൃക്കരിപ്പുർ ജെംസ് ഇംഗ്ലീഷ് സ്കൂൾ നവീകരണോദ്ഘാടനം അബ്ബാസലി തങ്ങൾ നിർവഹിക്കും

തൃക്കരിപ്പുർ: എസ്. കെ. എസ്. എസ്. എഫ് തൃക്കരിപ്പൂർ മേഖല കമ്മിറ്റിയുടെ കീഴിൽ മണിയനോടിയിൽ പ്രവത്തിക്കുന്ന ജെംസ് ഇംഗ്ലീഷ് സ്കൂൾ നവീകരണോദ്ഘാടനവും വിദ്യാരവും മജ് ലിസുന്നൂറും ജൂൺ ഒന്ന് മുതൽ മൂന്ന് വരെ തിയ്യതികളിൽ ജെംസ് അങ്കണത്തിൽ നടക്കും
ജൂൺ ഒന്നിന് രാവിലെ നടക്കുന്ന വിദ്യാരവം എസ്. വൈ. എസ് സംസ്ഥാന വൈസ്. പ്രസിഡെന്റ് മെട്രോ മുഹമ്മ്ദ് ഹാജി ഉദ്ഘാടനം നിവഹിക്കും പാണക്കാട് ഹാഫിസ് സയ്യിദ് റാജിഹ് അലി ശിഹാബ് തങ്ങൾ ആദ്യാക്ഷരം ചൊല്ലിക്കൊടുക്കും. ജാമി അ സ അദിയ്യ ഇസ് ലാമിയ്യ പ്രസിഡെന്റ് ടി. കെ പൂക്കോയ തങ്ങൾ അധ്യക്ഷത വഹിക്കും ഖാലിദ് ഹാജി വലിയ പറമ്പ പതാക ഉയർത്തും. തുടർന്ന് നടക്കുന്ന അർഹാം അസംബ്ലി പ്രശസ് ത ട്രൈനർ അബ്ശാദ് ഗുരുവായൂർ നേതൃത്വം നൽകും.
രണ്ടാം തിയ്യതി വൈകുന്നേരം ഏഴിന് നടക്കുന്ന മജ് ലിസുന്നൂറിന്ന് സയ്യിദ് നജ് മുദ്ധീൻ പൂക്കോയ തങ്ങൾ അൽ ഹൈദ്രൂസി മംഗലാപുരം നേതൃത്വം നൽ കും. നവീകരിച്ച ജെംസ് സമുച്ചയത്തിന്റെ ഉദ്ഘാടനം മൂന്നാം തിയ്യതി വൈകുന്നേരം നാലിന് ജെംസ് ഡയർക്ടർ പാണക്കാട് അബ്ബാസലി ശിഹാബ് തങ്ങൾ നിർ വഹിക്കും. ജെംസ് ചെയർമാൻ ഡോ. ഖത്തർ ഇബ് റാഹീം ഹാജി അധ്യക്ഷനാവും. ജില്ലാ പഞ്ചായത്ത് പ്രസിഡെന്റ് എ. ജി. സി ബശീർ, ഒ. ടി. അഹ് മദ് ഹാജി തുടങ്ങിയ പ്രമുഖർ സംബന്ധിക്കും.
- HARIS AL HASANI Ac

ഫാഷിസ്റ്റു ഭീഷണിക്കെതിരേയുള്ള കേരള ജനതയുടെ ജാഗ്രതാസന്ദേശം: SKSSF

കോഴിക്കോട്: ഫാസിസ്റ്റു ഭീഷണിക്കെതിരേയുള്ള കേരള ജനതയുടെ ജാഗ്രതാ സന്ദേശമാണ് തെരഞ്ഞെടുപ്പ് ഫലമെന്ന് എസ്. കെ. എസ്. എസ്. എഫ് സംസ്ഥാന ജനറല്‍ സെക്രട്ടറി സത്താര്‍പന്തലൂര്‍ പ്രതികരിച്ചു. മുസ്‌ലിം വോട്ടുകള്‍ ഭിന്നിപ്പിക്കുതിലപ്പുറം പുതിയ മുസ്‌ലിം പാര്‍ട്ടികള്‍ക്ക് ഒന്നും ചെയ്യാനില്ലെന്ന്കൂടി തെരഞ്ഞെടുപ്പ് തെളിയിച്ചു. കാന്തപുരം ഫാക്ടര്‍ എത് കേരള രാഷ്ടീയത്തില്‍ ഒരു മിഥ്യയാണെ് വീണ്ടും തെളിയിച്ചു. വര്‍ഗീയതക്കെതിരേ ശക്തമായ നിലപാട് സ്വീകരിക്കാനും ന്യൂനപക്ഷ ശാക്തീകരണത്തിന് ക്രിയാത്മകമായി ഇടപെടാനും പുതിയസര്‍ക്കാറിന് സാധിക്കണം അദ്ദേഹം പറഞ്ഞു. 

- Mujeeb Poolode

ഇമാം ശാഫി ഇസ്ലാമിക് അക്കാദമിയില്‍ വഫിയ്യ ആരംഭിക്കുന്നു

കുമ്പള: ഇമാം ശാഫി ഇസ്ലാമിക് അക്കാദമിക്ക് കീഴില്‍ വളാഞ്ചേരി മര്‍കസ് ആസ്ഥാനമായി പ്രവര്‍ത്തിക്കുന്ന സി. ഐ. സി (കോ ഓര്‍ഡിനേഷന്‍ ഓഫ് ഇസ്ലാമിക് കോളേജസ്) യുടെ അംഗീകാരത്തോടെയുള്ള പെണ്‍ കുട്ടികള്‍ക്കായുള്ള വഫിയ്യ കോഴ്‌സ് ആരംഭിക്കാന്‍ തീരുമാനമായി. പ്രസ്തുത സംരംഭം ആരംഭിക്കാനുള്ള ആലോചനാ മീറ്റിംഗ് മൊഗ്രാല്‍ സൂര്‍ത്തി മന്‍സിലില്‍ സംഘടിപ്പിച്ചു. കുമ്പള അറബി ഹാജിയുടെ അദ്ധ്യക്ഷതയില്‍ ചേര്‍ന്ന യോഗം ശൈഖുനാ എം. എ ഖാസിം മുസ്ല്യാര്‍ ഉല്‍ഘാടനം ചെയ്തു. സയ്യിദ് ഹാദി തങ്ങള്‍ പ്രാര്‍ത്ഥന നടത്തി. ഖാലിദ് ഹാജി, മീപ്പിരി ശാഫി ഹാജി, യു. എച്ച്. മുഹമ്മദ് മുസ്ല്യാര്‍, മാഹിന്‍ മാസ്റ്റര്‍, അബൂബക്കര്‍ സാലൂദ് നിസാമി, ഉളൂവാര്‍ ഖാദര്‍, സി. എം. മുഹമ്മദ്, റഫീഖ് ഹാജി കോട്ടക്കുന്ന്, ഹില്‍ടോപ്പ് അബ്ദുല്ല, കബീര്‍ സൂര്‍ത്തി മുല്ല, മുഹമ്മദ് ഹുബ്ലി, വി. പി. മുഹമ്മദ് ഹുസൈന്‍, മൂസ നിസാമി എന്നിവര്‍ പ്രസംഗിച്ചു. കെ. എല്‍ അബ്ദുല്‍ ഖാദിര്‍ ഖാസിമി സ്വാഗതവും സലാം ഫൈസി പേരാല്‍ നന്ദിയും പറഞ്ഞു.

- Imam Shafi Academy

SKSSF വി-ടുഗെദര്‍ കാമ്പയിന്‍ സമാപനം ജൂണ്‍ 5 ന്

ചെന്ത്രാപ്പിന്നി: കര്‍മ്മപഥത്തില്‍ കരുത്തോടെ, കരുതലോടെ എന്ന പ്രമേയത്തില്‍ എസ് കെ എസ് എസ് എഫ് തൃശൂര്‍ ജില്ലാ കമ്മിറ്റി ആചരിച്ചു വരുന്ന വി-ടുഗെദര്‍ ദൈ്വമാസ കാമ്പയിന്റെ സമാപനം പരിസ്ഥിതി ദിനമായ ജൂണ്‍ 5 ന് ചെന്ത്രാപ്പിന്നിയില്‍ നടക്കും. സമാപനത്തിന്റെ ഭാഗമായി വിവിധ പരിപാടികള്‍ നടക്കും. കാമ്പയിനിന്റെ ഭാഗമായി നടന്ന ക്ലസ്റ്റര്‍ അദാലത്തിലൂടെ തെരഞ്ഞെടുക്കപ്പെട്ട ജില്ലയിലെ മികച്ച യൂണിറ്റുകള്‍ക്കുള്ള പുരസ്‌കാരം പാണക്കാട് സയ്യിദ് സ്വാദിഖലി ശിഹാബ് തങ്ങള്‍ സമ്മാനിക്കും. വിഖായ, ഇബാദ്, ത്വലബ, ട്രെന്റ്, കാമ്പസ് വിംഗ്, ഇസ്തിഖാമ, സൈബര്‍വിംഗ്, ‌സഹചാരി തുടങ്ങി മുഴുവന്‍ ഉപസമിതികളുടെയും സംഗമവും ഉപസമിതികളുടെ ഒരു വര്‍ഷത്തെ കര്‍മ്മപദ്ധതി അവതരണവും പരിപാടിയുടെ ഭാഗമായി നടക്കും.
- SAMASTHA KERALA SUNNI STUDENTS FEDERATION Thrissur

പാഠപുസ്തകങ്ങളുടെ പേരും വിലയും 2016-2017

പാഠപുസ്തകങ്ങളുടെ പേരും വിലയും 2016-2017

ഹാദിയ റമദാന്‍ പ്രഭാഷണം സ്വാഗതസംഘമായി

തിരൂരങ്ങാടി: വിശുദ്ധ റമദാന്‍ വിശ്വാസിയുടെ ആത്മഹര്‍ഷം പ്രമേയത്തില്‍ ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വ്വ വിദ്യാര്‍ത്ഥി സംഘടന ഹാദിയ സംഘടിപ്പിക്കുന്ന മൂന്നാമത് റമദാന്‍ പ്രഭാഷണത്തിന്റെ സ്വാഗത സംഘമായി.
ജൂണ്‍ 21 മുതല്‍ 26 കൂടിയ ദിവസങ്ങളില്‍ വാഴ്‌സിറ്റി കാമ്പസില്‍  പ്രത്യേകം തയ്യാറാക്കിയ മര്‍ഹൂം ഡോ. യു. ബാപ്പുട്ടി ഹാജി നഗറിലാണ് പ്രഭാഷണ പരമ്പര. മുസ്ത്വഫ ഹുദവി ആക്കോട്, സിംസാറുല്‍ ഹഖ് ഹുദവി മമ്പാട് എന്നിവര്‍ വിവിധ ദിവസങ്ങളില്‍ പ്രഭാഷണം നടത്തും.
സ്വാഗത സംഘം ഭാരവാഹികള്‍: ഡോ. ബഹാഉദ്ദീന്‍ മുഹമ്മദ് നദ്‌വി (മുഖ്യ രക്ഷാധികാരി), ചെമ്മുക്കന്‍ കുഞ്ഞാപ്പു ഹാജി, കെ.എം സൈദലവി ഹാജി കോട്ടക്കല്‍, യു.ശാഫി ഹാജി ചെമ്മാട്, കെ.പി ശംസുദ്ദീന്‍ ഹാജി, ഡോ. യു.വി.കെ മുഹമ്മദ്, അലി മൗലവി ഇരിങ്ങല്ലൂര്‍, സി. യൂസുഫ് ഫൈസി മേലല്‍മുറി (രക്ഷാധികാരികള്‍), ഇസ്ഹാഖ് ബാഖവി (ചെയര്‍മാന്‍), സയ്യിദ് ഫൈസല്‍ ഹുദവി തളിപ്പറമ്പ്, സി.എച്ച് ശരീഫ് ഹുദവി പുതുപ്പറമ്പ് (വൈ. ചെയര്‍മാന്‍), പി.കെ നാസ്വിര്‍ ഹുദവി കൈപ്പുറം (ജന. കണ്‍വീനര്‍).
- Darul Huda Islamic University

സഹചാരി ഫണ്ട് ശേഖരണം ജൂണ്‍ 10ന്

കോഴിക്കോട്: എസ്.കെ.എസ്.എസ്.എഫ്. സംസ്ഥാന കമ്മിറ്റിയുടെ ആതുര സേവന വിഭാഗമായ സഹചാരി റിലീഫ് സെല്ലിന്റെ ഈ വര്‍ഷത്തെ ഫണ്ട് ശേഖരണം റമളാനിലെ ആദ്യവെള്ളിയാഴ്ചയായ ജൂണ്‍ 10ന് നടക്കും. സംസ്ഥാനത്തെ എല്ലാ പള്ളികളിലും ജുമുഅ നിസ്‌കാരാനന്തരം നടക്കുന്ന ഫണ്ട് ശേഖരണത്തിലൂടെ കഴിഞ്ഞ പത്ത് വര്‍ഷമായി ആയിരക്കണക്കിന് നിര്‍ധന രോഗികള്‍ക്ക് ധനസഹായം നല്‍കിയിട്ടുണ്ട്.  റോഡപകടങ്ങളില്‍ പരിക്കേറ്റ് ചികിത്സയില്‍ കഴിയുന്നവര്‍ക്കും കിഡ്‌നി, ക്യാന്‍സര്‍ രോഗികള്‍ക്കുമായി സഹചാരിയില്‍ നിന്ന് ഇതിനകം രണ്ട് കോടിയിലധികം രൂപ ധനസഹായം നല്‍കി. സ്ഥിരമായി മരുന്ന് കഴിക്കുന്ന നിത്യരോഗികളായ മുന്നൂറ് പേര്‍ക്ക് ഇപ്പോള്‍ മാസാന്ത ധനസഹായം സഹചാരിയില്‍ നിന്നും ലഭ്യമാകുന്നുണ്ട്.  സംസ്ഥാനത്തെ തെരഞ്ഞെടുക്കപ്പെട്ട നൂറ് കേന്ദ്രങ്ങളില്‍ ക്യാന്‍സര്‍ രോഗികള്‍ക്കുള്ള പ്രത്യേക ചികിത്സാ പദ്ധതി ജൂലൈ മാസത്തില്‍ തുടക്കും കുറിക്കും. ജൂണ്‍ പത്തിന് പള്ളികളില്‍ ഉദ്‌ബോധനം നടത്തി ഫണ്ട് ശേഖരണം നടക്കും. 11ന് ജില്ലാ കേന്ദ്രങ്ങളിലും 12ന് സംസ്ഥാന കമ്മിറ്റി ഓഫീസായ കോഴിക്കോട് ഇസ്‌ലാമിക് സെന്ററിലും ഫണ്ട് സ്വീകരിക്കും.  സഹചാരി സംസ്ഥാന സമിതി യോഗത്തില്‍ ചെയര്‍മാന്‍ സയ്യിദ് പാണക്കാട് ഹമീദലി ശിഹാബ് തങ്ങള്‍ ആധ്യക്ഷത വഹിച്ചു. നാസര്‍ ഫൈസി കൂടത്തായി, ഓണംമ്പിള്ളി മുഹമ്മദ് ഫൈസി, റശീദ് ഫൈസി വെള്ളായിക്കോട്, ബശീര്‍ ഫൈസി ദേശമംഗലം, കെ.എന്‍.എസ്.മൗലവി, ഇബ്രാഹീം ഫൈസി പേരാല്‍ ചര്‍ച്ചയില്‍ പങ്കെടുത്തു. ജനറല്‍ കണ്‍വീനര്‍ സത്താര്‍ പന്തലൂര്‍ സ്വാഗതവും സഹചാരി വകുപ്പ് സെക്രട്ടറി പി.എം. റഫീഖ് അഹ്മദ് നന്ദിയും പറഞ്ഞു.

- SKSSF STATE COMMITTEE

സമസ്ത പൊതുപരീക്ഷ മൂല്യനിര്‍ണയ ക്യാമ്പ് സമാപിച്ചു

ചേളാരി: മെയ് 23 മുതല്‍ ചേളാരി സമസ്താലയത്തില്‍ നടന്നുവന്ന സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് പൊതുപരീക്ഷയുടെ കേന്ദ്രീകൃത മൂല്യനിര്‍ണയ ക്യാമ്പ് സമാപിച്ചു. മെയ് 11, 12 തിയ്യതികളില്‍ ഇന്ത്യക്കകത്തും 13,14 തിയ്യതികളില്‍ വിദേശങ്ങളിലുമായി നടത്തിയ പൊതുപരീക്ഷയുടെ ഉത്തരപേപ്പര്‍ പരിശോധനയാണ് അഞ്ച് ദിവസങ്ങള്‍ കൊണ്ട് പൂര്‍ത്തിയാക്കിയത്. സമസ്തയുടെ 9603 അംഗീകൃത മദ്‌റസകളില്‍ നിന്നായി 2,29,023 വിദ്യാര്‍ത്ഥികളാണ് ഈ വര്‍ഷം പൊതുപരീക്ഷക്കിരുന്നത്. പത്ത് ലക്ഷത്തോളം പേപ്പറുകളാണ് 877 അധ്യാപകര്‍ അഞ്ച് രാപ്പലുകള്‍ എടുത്ത് പരിശോധന നടത്തിയത്. ഓരോ ഡിവിഷനിലും രണ്ട് സൂപ്രവൈസര്‍മാരെയും ഒരു ചെക്കിംഗ് ഇന്‍സ്‌പെക്ടറെയും നിയമിച്ചിരുന്നു. ഒരു മദ്‌റസ പൊതുപരീക്ഷക്ക് ഇത്രയധികം കുട്ടികള്‍ പങ്കെടുക്കുന്നത് ലോകത്ത് മറ്റൊരിടത്തും കാണില്ല. കുറ്റമറ്റ സംവിധാനമാണ് മൂല്യനിര്‍ണയത്തിനായി ഒരുക്കിയിരുന്നത്.
കാലിക്കറ്റ് യൂണിവേഴ്‌സിറ്റി വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍ ഉള്‍പ്പെടെ അക്കാദമിക് രംഗത്തെ പല പ്രമുഖരും സമസ്ത പൊതുപരീക്ഷയുടെ കേന്ദ്രീകൃത മൂല്യനിര്‍ണയ ക്യാമ്പ് സന്ദര്‍ശിക്കാനെത്തിയിരുന്നു. പരീക്ഷ നടത്തിപ്പും കുറ്റമറ്റ മൂല്യനിര്‍ണയ സംവിധാനത്തെയും ഇവര്‍ പ്രശംസിക്കുകയുണ്ടായി.
ടാബുലേഷന്‍ നടപടികള്‍ പൂര്‍ത്തിയാക്കി മൂന്നാഴ്ചക്കകം പരീക്ഷാ ഫലം പ്രസിദ്ധീകരിക്കാനാകും. പരീക്ഷാ നടത്തിപ്പിലും മൂല്യനിര്‍ണയത്തിലും സഹകരിച്ച എല്ലാവരെയും സമസ്ത കേരള ഇസ്‌ലാം മത വിദ്യാഭ്യാസ പരീക്ഷാ ബോര്‍ഡ് ചെയര്‍മാന്‍ എം.ടി. അബ്ദുല്ല മുസ്‌ലിയാര്‍ അഭിനന്ദിച്ചു.
- SKIMVBoardSamasthalayam Chelari

തൃശൂര്‍ എം.ഐ.സി എന്‍ട്രന്‍സ് നാളെ (29/5/16)

തൃശൂര്‍: ഏഴ് വര്‍ഷം കൊണ്ട് മുഖ്തസറില്‍ മാലികി ബിരുദവും ഭൗതിക തലത്തില്‍ പി.ജിയും നല്‍കുന്ന മാലികി കോഴ്‌സിലേക്കുള്ള പ്രവേശനപ്പരീക്ഷ നാളെ 10 മണിക്ക് തൃശൂര്‍ എം ഐ സിയില്‍ നടക്കും. കോഴ്‌സിനു ചേരാന്‍ താല്‍പര്യപ്പെടുന്നവര്‍ നാളെ 9 മണിക്ക് റിപ്പോര്‍ട്ട് ചെയ്യേണ്ടതാണ്. കൂടുതല്‍ വിവരങ്ങള്‍ക്ക്: 9142291442, 04872445828, 9142660584.
- SAMASTHA KERALA SUNNI STUDENTS FEDERATION Thrissur

സമസ്ത പ്രസിഡന്‍റ് ശൈഖുനാ ആനക്കര കോയക്കുട്ടി മുസ്‌ലിയാര്‍ വഫാത്തായി

ഖബറടക്കം നാളെ (ബുധന്‍) ഉച്ചക്ക്2മണിക്ക് ആനക്കരയില്‍ 
സമസ്ത മദ്റസകള്‍ക്ക് അവധി പ്രഖ്യാപിച്ചു

ആനക്കര: പ്രമുഖ സൂഫി വര്യനും പണ്ഢിതനും സമസ്ത കേരള ജംഇയ്യത്തുല്‍ ഉലമാ പ്രസിഡന്റുമായ ശൈഖുനാ ആനക്കര സി. കോയക്കുട്ടി മുസ്‌ലിയാര്‍ വഫാത്തായി . 81 വയസ്സായിരുന്നു. 

ഇന്ന് രാത്രി 9.40ന് സ്വവസതിയിലായിരുന്നു അന്ത്യം. സമസ്തകേരള ഇസ്‌ലാം മതവിദ്യാഭ്യാസ ബോര്‍ഡ് എക്‌സിക്യൂട്ടീവ് അംഗം, സമസ്ത പരീക്ഷാബോര്‍ഡ്, ജാമിഅ നൂരിയ പരീക്ഷാബോര്‍ഡ്, സമസ്ത പാലക്കാട് ജില്ലാ പ്രസിഡന്റ്, മലപ്പുറം ജില്ലാ വൈസ് പ്രസിഡന്റ്, പൊന്നാനി താലൂക്ക് ജംഇയ്യത്തുല്‍ ഉലമാ പ്രസിഡന്റ് തുടങ്ങി നിരവധി സ്ഥാനങ്ങള്‍ വഹിച്ചിട്ടുണ്ട്. പട്ടിക്കാട് ജാമിഅ നൂരിയ്യ, വളാഞ്ചേരി മര്‍കസുത്തര്‍ബിയത്തുല്‍ ഇസ്‌ലാമിയ്യ, വളവന്നൂര്‍ ബാഫഖി യതീംഖാന, താനൂര്‍ ഇസ്‌ലാഹുല്‍ ഉലൂം, ദാറുല്‍ ഹിദായ എടപ്പാള്‍ തുടങ്ങി നിരവധി സ്ഥാപനങ്ങളുടെ സാരഥിയും നിരവധി മഹല്ലുകളുടെ ഖാസിയുമായിരുന്നു. ഖബറടക്കം നാളെ ഉച്ചയ്ക്ക് രണ്ടുമണിക്ക് ആനക്കരയില്‍ വച്ചു നടക്കും.

1988 മുതല്‍ സമസ്ത കേരള ജംഇയ്യത്തുല്‍ ഉലമാ മുശാവറ അംഗമായ കോയക്കുട്ടി മുസ്‌ലിയാര്‍ 2001 മുതല്‍ വൈസ് പ്രസിഡന്റായും 2012 മുതല്‍ കാളമ്പാടി മുഹമ്മദ് മുസ്‌ലിയാരുടെ കാലശേഷം പ്രസിഡന്റായും തിരഞ്ഞെടുക്കപ്പെട്ടു.1934ല്‍ ചോലയില്‍ ഹസൈനാറിന്റെയും കുന്നത്തേതില്‍ ആഇശത്ത് ഫാത്വിമയുടെയും മകനായിട്ടാണു ജനനം.

മദ്‌റസാ പ്രസ്ഥാനം രൂപീകരിക്കുന്നതിനു യത്‌നിച്ചവരില്‍ പ്രമുഖനായിരുന്നു. ഒ.കെ.സൈനുദ്ദീന്‍കുട്ടി മുസ്‌ലിയാര്‍, കെ.പി.മുഹമ്മദ് മുസ്‌ലിയാര്‍, കഴുപുറം മുഹമ്മദ് മുസ്‌ലിയാര്‍, സി.കുഞ്ഞഹമ്മദ് മുസ്‌ലിയാര്‍, ശൈഖ് ഹസന്‍ ഹസ്രത്ത്, ആദം ഹസ്രത്ത്, കണ്ണിയത്ത് അഹ്മദ് മുസ്‌ലിയാര്‍, കെ.കെ.അബൂബക്കര്‍ ഹസ്രത്ത്, ആനക്കര സി.കുഞ്ഞിമുഹമ്മദ് മുസ്‌ലിയാര്‍,കടുപ്രം മുഹമ്മദ് മുസ്‌ലിയാര്‍, കരിങ്ങനാട് കെ.പി.മുഹമ്മദ് മുസ്‌ലിയാര്‍, രായിന്‍കുട്ടി മുസ്‌ലിയാര്‍ പടിഞ്ഞാറങ്ങാടി, കുഞ്ഞാനു മുസ്‌ലിയാര്‍ പട്ടാമ്പി തുടങ്ങിയവര്‍ പ്രധാന ഗുരുനാഥന്മാരാണ്. ഒതുക്കുങ്ങലില്‍ മുദരിസായി രണ്ടുവര്‍ഷം പൂര്‍ത്തിയാക്കിയ ശേഷമാണ് വെല്ലൂര്‍ ബാഖിയാത്തില്‍ ഉന്നത പഠനത്തിനായി പോകുന്നത്. ബാഖവി ആയ ശേഷം തിരൂരങ്ങാടി വലിയപള്ളി, കൊയിലാണ്ടി, വമ്പേനാട്, മൈത്ര, വാണിയന്നൂര്‍, പൊന്‍മുണ്ടം, എടക്കുളം, കൊടിഞ്ഞി, കാരത്തൂര്‍ ബദ്‌രിയ്യാ കോളജ് എന്നിവിടങ്ങളില്‍ മുദരിസായി സേവനം ചെയ്തിട്ടുണ്ട്.

കെ.കെ. അബ്ദുല്ല മുസ്‌ലിയാര്‍ കരുവാരകുണ്ട്, അബ്ദുല്ല മുസ്‌ലിയാര്‍ കടമേരി, അബ്ദുല്ല മുസ്‌ലിയാര്‍ തൃക്കരിപ്പൂര്‍ തുടങ്ങിയവര്‍ പ്രധാന സഹപാഠികളാണ്. ചാപ്പനങ്ങാടി ബാപ്പു മുസ്‌ലിയാര്‍, കെ.സി. ജമാലുദ്ദീന്‍ മുസ്‌ലിയാര്‍, എം.എം. ബശീര്‍ മുസ്‌ലിയാര്‍ തുടങ്ങിയവരോടൊപ്പം സംഘടന വ്യാപിപ്പിക്കാന്‍ പ്രവര്‍ത്തിച്ചു. സൂഫീസരണയിലൂടെ മാതൃകാപരമായ ജീവിതം നയിച്ച അദ്ദേഹം ആധ്യാത്മികരംഗത്തെ നിറഞ്ഞ സാന്നിധ്യമായിരുന്നു. ചാപ്പനങ്ങാടി ബാപ്പു മുസ്‌ലിയാര്‍, കക്കടിപ്പുറം അബൂബക്കര്‍ മുസ്‌ലിയാര്‍, ശൈഖുല്‍ ഖാദിരി ഞങ്ങാടി അബൂബക്കര്‍ ഹാജി എന്നീ സൂഫിവര്യന്മാരുടെ ആത്മീയ പരമ്പരയില്‍ കണ്ണിചേര്‍ന്ന ഉസ്താദ് നിരവധി സ്ഥലങ്ങളില്‍ ആത്മീയ സദസ്സുകള്‍ക്ക് നേതൃത്വം നല്‍കി വരികയായിരുന്നു.

കാട്ടിപരുത്തി കുഞ്ഞയിദ്രു മുസ്‌ലിയാരുടെ മകള്‍ കെ.കെ ഫാത്വിമയാണ് ഭാര്യ. മക്കള്‍: മുഹമ്മദ്‌നൂര്‍ ഫൈസി ആനക്കര (യു.എ.ഇ), അബ്ദുനാസര്‍ ഫൈസി ആനക്കര, ആബിദുല്‍ ഹകീം ഫൈസി, അബ്ദുസലാം ഫൈസി, അബ്ദുല്‍സമദ്, ഹാജറ, സഫിയ്യ. മരുമക്കള്‍: കുട്ടിരായിന്‍ ഫൈസി കാവനൂര്‍, ഉമര്‍ ഫൈസി കാവനൂര്‍, സുലൈഖ കാടഞ്ചേരി, ബുശ്‌റ കാട്ടിപരുത്തി, ഉമ്മുആഇശ കാരക്കാട്, ഫാത്വിമ കുറ്റിപ്പാല, മുബശ്ശിറത്ത് ചേകന്നൂര്‍.

ഉസ്താദിന്‍റെ നിര്യാണത്തില്‍ സമസ്ത നേതാക്കളും വിവിധ സംഘടനകളും അനുശോചനമറിയിച്ചു. കൂടുതല്‍ വാര്‍ത്തകള്‍ക്ക് ഇവിടെ ക്ലിക്ക് ചെയ്യുക.

കണ്ണിയത്തുസ്താദിന്റെ ശിക്ഷണത്തില്‍ വളര്‍ന്ന്.. സമസ്തയെ വഴി നടത്തിയ സൂഫി വര്യന്‍..

രണ്ടര പതിറ്റാണ്ടുകാലം സമസ്തയുടെ പ്രസിഡന്‍രായിരുന്ന റഈസുല് മുഹഖിഖീന്‍ കണ്ണിയത്ത് അഹമ്മദ് മുസ്ലിയാരുടെ അരുമ ശിഷ്യനായിരുന്നു ശൈഖുനാ ആനക്കര സി.കോയക്കുട്ടി മുസ്ലിയാര്‍.

1934 ചോലായില്‍ ഹസൈനാരുടെയും ആലത്തില്‍ ഫാത്വിമയുടെയും മകനായിട്ടാണ് പാലക്കാട് ജില്ലയിലെ ആനക്കരയില്‍ ജനിക്കുന്നത്. സമസ്ത വിദ്യാഭ്യാസ ബോര്‍ഡ് മുഫത്തിശും സഹോദരനുമായിരുന്ന സി. കുഞ്ഞിമുഹമ്മദ് മുസ്‌ലിയാരുടെ ദര്‍സിലായരുന്നു കിതാബോതി തുടങ്ങിയത്. 

കടുപ്രം മുഹമ്മദ് മുസ്‌ലിയാരുടെ ദര്‍സില്‍ ചേര്‍ന്ന് ഓത്ത് തുടര്‍ന്ന ഉസ്താദ് പിന്നെ ചേരുന്നത് കണ്ണിയത്ത് ഉസ്താദിന്റെ ദര്‍സിലാണ്.

കരിങ്ങനാട് കെ.പി.മുഹമ്മദ് മുസ്‌ലിയാര്‍, കെകെ.അബൂബക്കര്‍ ഹസ്രത്ത്, ഒ.കെ.സൈനുദ്ദീന്‍ മുസ്‌ലിയാര്‍ തുടങ്ങിയവരാണ് മറ്റു ഉസ്താദുമാര്‍.

കണ്ണിയത്ത് ഉസ്താദിന് ശിഷ്യനായ കോയക്കുട്ടി ഉസ്താദിനോട് വലിയ സ്‌നേഹമായിരുന്നു. 

ഇടക്ക് വീട്ടില്‍ പോവുമ്പോള്‍ കൂടെ കൂട്ടിയിരുന്നത് ഉസ്താദിനെയായിരുന്നു. കണ്ണിയത്ത് ഉസ്താദ് പൊന്നാനിയിലെ ദര്‍സ് അവസാനിപ്പിച്ചപ്പോള്‍ ശിഷ്യനോട് പറഞ്ഞു: ‘നീ എന്റെ വീട്ടില് നിന്നോ, നിനക്ക് ഞാന്‍ ഓതിത്തരാം’. അത്രമേലായിരുന്നു ഉസ്താദുമായുള്ള ബന്ധം.

കുഴിപ്പുറത്ത് ഓ.കെ സൈനുദ്ദീന്‍ മുസ്ലിയാരുടെ ദര്‍സില് ഓതിക്കൊണ്ടിരിക്കെ ഒഴിവുസമയങ്ങളില്‍ വഅദ് പറഞ്ഞാണ് ബാഖിയാത്തിലേക്ക് പോകാനുള്ള പണം സമ്പാദിക്കുന്നത്. അങ്ങനെ വെല്ലൂരിലേക്ക് ഉപരിപഠനത്തിന് പോയി. 

ശൈഖ് ഹസന്‍ ഹസ്രത്ത്, ആദം ഹസ്രത്ത് തുടങ്ങിയവരാണ് ബാഖിയാത്തിലെ പ്രധാന അധ്യാപകര്‍‍.

ബാഖിയാത്തിലെ പഠനം കഴിഞ്ഞ് തിരിച്ചുവന്നത് തിരൂരങ്ങാടി ജുമുഅത്ത് പള്ളിയില്‍ മുദരിസാകാനായിരുന്നു. അക്കാലത്ത് അന്യദേശക്കാരായ 75 വിദ്യാര്‍ഥികളുണ്ടായിരുന്നു അവിടെ. കുറച്ച് കാലത്തെ സേവനത്തിന് ശേഷം അവിടം വിട്ടു. പിന്നെ നന്നമ്പ്ര, കൊയിലാണ്ടി, അരീക്കോട്, മൈത്ര, വാണിയന്നൂര്‍, പൊന്മുണ്ടം, എടക്കുളം, കൊടിഞ്ഞി തുടങ്ങി വിവിധ പള്ളികളില്‍ ദര്‍സു നടത്തി. 

നിരവധി ശിഷ്യഗണങ്ങള്‍ ആ ദര്‍സിലിരുന്നു മതത്തിന്റെ മര്‍മമറിഞ്ഞു. അല്ലാഹുവിന്റെ മാര്‍ഗവും തൃപ്തിയുമായിരുന്നു അരനൂറ്റാണ്ടിലേറെ കാലം ഉസ്താദിനെ ദര്‍സ് രംഗത്ത് ഉറപ്പിച്ചു നിര്‍ത്തിയത്. അതിനു ശേഷം കാരത്തൂര്‍ ജാമിഅ ബദരിയ്യയില്‍ പ്രിന്‍സിപ്പളായും സേവനമനുഷ്ഠിച്ചിട്ടുണ്ട്.

1988 ലാണ് സമസ്തയുടെ മുശാവറയില് അംഗമാകുന്നത്. 2001 ല്‍ സമസ്തയുടെ വൈസ് പ്രസിഡണ്ടു സ്ഥാനത്തേക്കും തിരഞ്ഞെടുക്കപ്പെട്ടു. തുടര്‍ന്ന് 2012 ലാണ് സമസ്ത പ്രസിഡന്‍ര് പദവിയെലുത്തുന്നത്.

സമസ്തയുടെ പ്രസിഡന്‍റാകുന്നതിനു മുന്പു തന്നെ ആനക്കരയടക്കം നിരവധി മഹല്ലുകളുടെ ഖാദിയായിരുന്നു. കേരളത്തിലങ്ങോളമിങ്ങോളം നടക്കുന്ന ദുആസമ്മേളനങ്ങളില്‍ ഉസ്താദിന്റെ സാന്നിധ്യവും ശ്രദ്ധേയമായിരുന്നു.

സമസ്ത പാലക്കാട് ജില്ലാകമ്മിറ്റി പ്രസിഡണ്ട്, മലപ്പുറം ജില്ലാ കമ്മിറ്റി വൈസ് പ്രസിഡണ്ട്, സമസ്ത പരീക്ഷ ബോഡിലെയും വിദ്യാഭ്യാസ ബോഡിലെയും അംഗം തുടങ്ങി നിരവധി പദവികള്‍ സമസ്തയുടെ പ്രസിഡന്‍റാകുന്നതിനു മുന്പു തന്നെ വഹിച്ചു വന്നിരുന്നു..

കൂടുതല്‍ വാര്‍ത്തകള്‍ക്കും ഫോട്ടോകള്‍ക്കും ഇവിടെ ക്ലിക്ക് ചെയ്യുക 

സാംസ്‌കാരിക ദേശീയതക്ക് പിന്നിലെ ഫാസിസ്റ്റ് അജണ്ട തിരിച്ചറിയുക: എം.കെ മുനീര്‍

കോഴിക്കോട്: ലോകത്തിന് മുന്നില്‍ എന്നും ഭീഷണിയായി കടന്നു വന്ന ഫാസിസത്തെ തിരിച്ചറിയണമെന്നും അത്തരം ഫാസിസ്റ്റ് ശക്തികളുമായി കൈകോര്‍ക്കുന്ന മുസ്‌ലിം നാമധാരികളെ കരുതിയിരിക്കണമെന്നും ഡോ.എം.കെ മുനീര്‍ പറഞ്ഞു. എസ്.കെ.എസ്.എസ്.എഫ് കോഴിക്കോട് ജില്ല 'അപ്‌ഡേറ്റ് 2016' ല്‍ മുഖ്യാതഥിയായി സംസാരിക്കുകയായിരുന്നു അദ്ദേഹം. ഒരു ഭാഗത്ത് മുസ്‌ലിം സമൂഹത്തെ ഉന്‍മൂലനം ചെയ്യാന്‍ നിതാന്തമായ ശ്രമങ്ങള്‍ നടത്തുന്നവര്‍ തന്നെ മറുഭാഗത്ത് ഇസ്‌ലാമിനെ കുറിച്ചും മുസ്‌ലിമിനെ കുറിച്ചും വാചാലമാകുന്നതിലെ ഉദ്ധ്യേശ്യശുദ്ധി തിരിച്ചറിയണമെന്നും അദ്ധേഹം കൂട്ടിച്ചേര്‍ത്തു.

സംഗമം സയ്യിദ് മുഹമ്മദ് കോയ തങ്ങള്‍ ജമലുല്ലൈലി ഉദ്ഘാടനം ചെയ്തു. ഇസ്‌ലാമിക മുന്നേറ്റത്തിന് ആത്മീയ നായകരുടെ നേതൃപരമായ പങ്ക് നിസ്തുലമാണെന്നും എന്നാല്‍ വ്യാജ ആത്മീയവാദികളുടെ ഇടപെടലുകളാണ് ഇസ്‌ലാമിനെ തെറ്റായി ചിത്രീകരിക്കപ്പെടുന്നതെന്നും തങ്ങള്‍ പറഞ്ഞു. സയ്യിദ് മുബഷിര്‍ തങ്ങള്‍ ജമലുല്ലൈലി അധ്യക്ഷനായി. പെരുമാറ്റച്ചട്ടം സെഷനില്‍ ബഷീര്‍ ഫൈസി ദേശമംഗലം വിഷയാവതരണം നടത്തി. റാഷിദ് അശ്ഹരി, മിദ്‌ലാജ് അലി സംബന്ധിച്ചു. കര്‍മ്മപദ്ധതി സത്താര്‍ പന്തല്ലൂരും ജില്ലാ പ്രൊജക്ട് ഒ.പി അഷ്‌റഫ് കുറ്റിക്കടവും അവതരിപ്പിച്ചു.

ടി.പി.സി തങ്ങള്‍ നാദാപുരം, കെ മോയിന്‍കുട്ടി മാസ്റ്റര്‍, സലാം ഫൈസി മുക്കം, എഞ്ചി. മാമ്മുക്കോയ ഹാജി, അഷ്‌റഫ് മൗലവി വാണിമേല്‍, എ.ടി മുഹമ്മദ് മാസ്റ്റര്‍ ആര്‍.വി സലീം, ടി.പി സുബൈര്‍ മാസ്റ്റര്‍, മിഹ്ജഅ് നരിക്കുനി, സിദ്ധീഖ് വെള്ളിയോട്, അലി മാസ്റ്റര്‍ നാദാപുരം, സുബുസ്സലാം വടകര, ഹാമിസുല്‍ഫുആദ്, റാഷിദ് ദാരിമി, സലാം ഫറോക്ക, ജാബിര്‍ താമരശ്ശേരി, അന്‍വര്‍ നല്ലളം  സംബന്ധിച്ചു. നൂറുദ്ധീന്‍ ഫൈസി മുണ്ടുപാറ സ്വാഗതവും ഖാസിം നിസാമി നന്ദിയും പറഞ്ഞു.

ഫോട്ടോ: എസ്.കെ.എസ്.എസ്.എഫ് കോഴിക്കോട് ജില്ല 'അപ്‌ഡേറ്റ് 2016' കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ഉദ്ഘാടനം ചെയ്യുന്നു.

- SKSSF STATE COMMITTEE

വ്യാജസൂഫിസവും വഹാബിസവും ജൂത സാമ്രാജ്യത്വത്തിന്റെ ഉല്‍പന്നങ്ങള്‍: റഹ്മത്തുല്ല ഖാസിമി മൂത്തേടം

കോഴിക്കോട്: വ്യാജസൂഫിസവും വഹാബിസവും ജൂത സാമ്രാജ്യത്തിന്റെ ഉല്‍പന്നങ്ങളാണ്. മുസ്ലിം ലോകത്തിന്റെ ഇന്നത്തെ ദുസ്ഥിതിക്ക് കാരണം  വഹാബിസമാണെന്നും റഹ്മത്തുല്ലാ ഖാസിമി മൂത്തേടം അഭിപ്രായപ്പെട്ടു. എസ്.കെ.എസ്.എസ്.എഫ് കോഴിക്കോട് ജില്ലാ അപ്‌ഡേറ്റ് ക്യാമ്പില്‍ വ്യാജ സൂഫിസവും ഫാസിസവും പിന്നെ സലഫിസവും ആഗോള ഭീകരതയും എന്ന വിഷയത്തില്‍ നടന്ന ചര്‍ച്ചയില്‍ മുഖ്യപ്രഭാഷണം നടത്തി സംസാരിക്കുകയായിരുന്നു അദ്ധേഹം. സുശക്തമായ മുസ്‌ലിം ലോകത്തെ തകര്‍ക്കാന്‍ സാമ്രാജ്യത്വം വഹാബികളെ ഉപയോഗപ്പെടുത്തുകയായിരുന്നു. ഫാസിസത്തിന്റെ വികാസത്തിന് പല വികല ചിന്തകളെയും അവര്‍ കൂട്ടുപിടിച്ചിട്ടുണ്ട്. ഇപ്പോള്‍ വ്യാജ സൂഫിസത്തെ കൂട്ടുപിടിക്കുന്ന നമ്മുടെ നാട്ടിലെ ഫാസിസത്തിന്റെ താല്‍പര്യവും ഇത്തരം ഒളിയജണ്ടകളാണെന്നും അദ്ധേഹം കൂട്ടിച്ചേര്‍ത്തു. ചര്‍ച്ച ഉമര്‍ഫൈസി മുക്കം ഉദ്ഘാടനം ചെയ്തു. കുഞ്ഞാലന്‍കുട്ടി ഫൈസി അധ്യക്ഷനായി. ഹമീദ് ഫൈസി അമ്പലക്കടവ്, മുസ്തഫ മാസ്റ്റര്‍ മുണ്ടുപാറ, സയ്യിദ് സൈനുലാബിദീന്‍ തങ്ങള്‍, മജീദ് ദാരിമി ചളിക്കോട് സംസാരിച്ചു. ജലീല്‍ ദാരിമി സ്വാഗതവും സിറാജ് ഫൈസി നന്ദിയും പറഞ്ഞു.
- SKSSF STATE COMMITTEE

ദാറുല്‍ഹുദാ മിഅ്‌റാജ് സമ്മേളനം മെയ് 4 ന്

തിരൂരങ്ങാടി: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിയില്‍ വര്‍ഷംതോറും നടത്തിവരാറുള്ള മിഅ്‌റാജ് ദിന പ്രാര്‍ത്ഥനാ സമ്മേളനം മെയ് 4 ന് വിപുലമായ രീതിയില്‍ നടത്തുവാന്‍ ദാറുല്‍ഹുദാ മാനേജിങ് കമ്മിറ്റി യോഗം തീരുമാനിച്ചു. മെയ് 4 ന് അസര്‍ നമസ്‌കാരാനന്തരം ഖുര്‍ആന്‍ ഖ്ത്മ്-ദിക്‌റ് ദൂആ മജ്‌ലിസ്, രാത്രി മിഅ്‌റാജ് പ്രഭാഷണം, പ്രാര്‍ത്ഥന സമ്മേളനം എന്നിവ നടക്കും. പ്രമുഖരായ സാദാത്തുക്കളും പണ്ഡിതന്മാരും സൂഫി വര്യന്മാരും പരിപാടികളില്‍ സംബന്ധിക്കും.

യോഗം മാനേജിങ് കമ്മിറ്റി പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷത വഹിച്ചു. സയ്യിദ് മുഹമ്മദ് കോയ തങ്ങള്‍ ജമലുല്ലൈല്‍, ചെമ്മുക്കന്‍ കുഞ്ഞാപ്പു ഹാജി, കെ.എം സൈദലവി ഹാജി കോട്ടക്കല്‍, യു.ശാഫി ഹാജി ചെമ്മാട്, ഡോ. യു.വി.കെ മുഹമ്മദ് തുടങ്ങിയവര്‍ സംബന്ധിച്ചു.
- Darul Huda Islamic University

വാഫി, വഫിയ്യ പ്രവേശന പരീക്ഷ അപേക്ഷ ഫോമുകള്‍ വിതരണം തുടങ്ങി

കുമ്പള: വളാഞ്ചേരി മര്‍ക്കസുത്തര്‍ബിയ്യത്തില്‍ ഇസ്ലാമിയ്യ ആസ്ഥാനമായി പ്രവര്‍ത്തിക്കുന്ന കൊ ഓര്‍ഡിനേഷന്‍ ഓഫ് ഇസ്ലാമിക് കോളേജസ് (സി.ഐ.സി) യുടെ അഫ്‌ലിയേറ്റഡ് സ്ഥാപനങ്ങളിലേക്കുള്ള വാഫി, വഫിയ്യ പ്രവേശന പരീക്ഷക്ക് അപേക്ഷ ക്ഷണിച്ചു. മതപരമായി ബിരുദാനന്ത ബിരുദവും ഭൗതിക വിഷയങ്ങളില്‍ ബിരുദവും നല്‍കുന്ന കോഴ്‌സിന്റെ കാലാവധി 8 വര്‍ഷവും പെണ്‍കുട്ടികള്‍ക്ക് 5 വര്‍ഷവുമാണ്. മെയ് 4,5 തിയ്യതികളിലായി നടക്കുന്ന ഏകീകൃത വാഫി, വഫിയ്യ പ്രവേശന പരീക്ഷക്കുള്ള അപേക്ഷ ഫോമും പ്രോസ്പറ്റെക്‌സും സി.ഡിയുമടങ്ങുന്ന കിറ്റിന്റെ ഇമാം ശാഫി അക്കാദമിയില്‍ നിന്നുള്ള വിതരണോല്‍ഘാടനം എസ്.വൈ.എസ് ജില്ലാ സെക്രട്ടറി ഏറ്റു വാങ്ങി നിര്‍വഹിച്ചു. ജില്ലയിലെ മറ്റൊരു വാഫി കോളേജായ കൊക്കച്ചാല്‍ വാഫി കോളേജിലും അപേക്ഷ ഫോമുകള്‍ ലഭ്യമാണ്.

- Imam Shafi Academy

SKSSF തൃശൂര്‍ ജില്ലാ ക്ലസ്റ്റര്‍ അദാലത്ത് നാളെ തുടങ്ങും

തൃശൂര്‍: 'കര്‍മ്മപഥത്തില്‍ കരുത്തോടെ കരുതലോടെ' എന്ന പ്രമേയത്തില്‍ എസ് കെ എസ് എസ് എഫ് തൃശൂര്‍ ജില്ലാ കമ്മിറ്റി നടത്തുന്ന ക്ലസ്റ്റര്‍ അദാലത്ത് 14, 15 തിയ്യതികളിലായി നടക്കും. സംഘടനയുടെ അടിസ്ഥാന ഘടകമായ ശാഖാ കമ്മിറ്റികളെ ശാക്തീകരിക്കുകയും പ്രവര്‍ത്തനങ്ങളെ ശാസ്ത്രീയമാക്കുകയും ചെയ്യുകയാണ് അദാലത്ത് കൊണ്ട് ലക്ഷ്യമിടുന്നത്. ക്ലസ്റ്റര്‍ അടിസ്ഥാനത്തിലാണ് അദാലത്ത് നടക്കുക. ചുരുങ്ങിയത് അഞ്ച് വീതം യൂണിറ്റുകള്‍ അടങ്ങുന്നതാണ് ഒരു ക്ലസ്റ്റര്‍. പ്രത്യേകം പരിശീലനം നല്‍കപ്പെട്ട മൂന്ന് ടീമുകളുടെ നേതൃതത്തില്‍ ഒരേ സമയം വ്യത്യസ്ത ക്ലസ്റ്ററുകളില്‍ അദാലത്ത് നടക്കും. അദാലത്തിന്റെ ഭാഗമായി യൂണിറ്റിന്റെ സമഗ്രമായ സര്‍വ്വേ നടക്കും. യൂണിറ്റ് കമ്മിറ്റിയുടെ അടിസ്ഥാന സംവിധാനങ്ങള്‍, രേഖാ സൂക്ഷിപ്പ്, പ്രവര്‍ത്തന മികവ് തുടങ്ങിയ വിലയിരുത്തി ജില്ലയിലെ മികച്ച മൂന്ന് യൂണിറ്റുകള്‍ക്ക് പ്രത്യേകം പുരസ്‌കാരങ്ങള്‍ നല്‍കും. ഓരോ മേഖലയിലേയും മികച്ച യൂണിറ്റുകള്‍ക്കും അവാര്‍ഡ് ഏര്‍പ്പെടുത്തിയിട്ടുണ്ട്. കാലത്ത് 9. 30 ന് കുന്നംകുളം മേഖലയിലെ ചിറക്കല്‍ ക്ലസ്റ്ററിലും വടക്കാഞ്ചേരി മേഖലയിലെ വടക്കാഞ്ചേരി ക്ലസറ്ററിലുമാണ് അദാലത്തിന്റെ തുടക്കം. തുടര്‍ന്ന് താഴെ കൊടുത്ത പ്രകാരം വിവിധ ക്ലസ്റ്ററുകളില്‍ അദാലത്ത് നടക്കും.
വ്യാഴാഴ്ച: പെരുമ്പിലാവ് , പഴയന്നൂര്‍ (11:00), പന്നിത്തടം, മൂള്ളൂര്‍ക്കര (2:00), കേച്ചേരി, വള്ളത്തോള്‍ നഗര്‍ (3:00), തൃശൂര്‍, ദേശമംഗലം (5:00), ചേര്‍പ്പ തളി (7:00)
വെള്ളിയാഴ്ച: വാടാനപ്പിള്ളി, ചൊവ്വല്ലൂര്‍പ്പടി, പാലപ്പിള്ളി (9:00), തൃപ്രയാര്‍ (10:00), ചെന്ദ്രാപ്പിന്നി, പാവറട്ടി, മാള (1:30), മൂന്നുപീടിക, മൂല്ലശ്ശേരി, പുത്തന്‍ചിറ (3:00), മതിലകം, കടപ്പുറം, കോണത്തുകുന്ന് (4:00), പതിയാശ്ശേരി, എടക്കഴിയൂര്‍, കോതപറമ്പ് (6:30), എറിയാട്, വടക്കേക്കാട് (7:30).
- SAMASTHA KERALA SUNNI STUDENTS FEDERATION Thrissur

ഉമറലി ശിഹാബ് തങ്ങള്‍ അനുസ്മരണവും മാസാന്ത സ്വലാത്ത് മജ്‌ലിസും നാളെ

കോഴിക്കോട്: കോഴിക്കോട് ലിങ്ക് റോഡ് ഇസ്‌ലാമിക് സെന്റര്‍ മസ്ജിദില്‍ നടക്കുന്ന മാസാന്ത സ്വലാത്ത് മജ്‌ലിസ് നാളെ    (വ്യാഴം) (14.04.2016) മഗ്‌രിബ് നിസ്‌ക്കാരാനന്തരം നടക്കും. പ്രശസ്ത സൂഫീ വര്യന്‍ ഉസ്താദ് അത്തിപ്പറ്റ മൊയ്തീന്‍ കുട്ടി മുസ്ലിയാര്‍ നേതൃത്വം നല്‍കും. ഹംസ ഫൈസി റിപ്പണ്‍, ടി.പി.സി സമദ് ഫൈസി, ഹാഫിള് മുഹമ്മദ് ഹക്കീം നിസാമി തുടങ്ങിയവര്‍ സംബന്ധിക്കും. പാണക്കാട് സയ്യിദ് ഉമറലി ശിഹാബ് തങ്ങള്‍ അനുസ്മരണവും നടക്കും.
- SKSSF STATE COMMITTEE

മജ്‌ലിസുന്നൂര്‍ രണ്ടാം വാര്‍ഷികം ഇന്നും നാളെയും കൂളിമുട്ടം പ്രാണിയാട് മദ്‌റസയില്‍

- Ansif pnd

ഉമറലി തങ്ങള്‍ ഓര്‍മ്മയില്‍ എട്ടാണ്ട്

മുസ്ലിം കൈരളിയുടെ ആത്മാഭിമാനത്തിന്‍ ഗേഹമായ പാണക്കാട് കൊടപ്പനക്കല്‍ തറവാട്ടിലെ പഞ്ചനക്ഷത്രങ്ങളിലൊന്നായ സയ്യിദ് ഉമറലി ശിഹാബ് തങ്ങള്‍ പൊലിഞ്ഞ് പോയി ഓര്‍മ്മയില്‍ എട്ടാണ്ട് തികയുകയാണ്. നാല് പതിറ്റാണ്ട് കാലം മുസ്ലിം കൈരളിക്ക് ദിശാ നിര്‍ണ്ണയം നല്‍കിയ കെടാവിളക്കായിരുന്നു തങ്ങള്‍. വ്യക്തിപരമായ ജീവിതവഴിയിലൂടെ എന്നും സ്വതന്ത്രമായി നടന്നു നീങ്ങിയ മഹാ മനീഷി. ഉറച്ച തീരുമാനങ്ങളിലൂടെ ജീവിത രേഖകള്‍ തന്റെ കുടുംബം മുതല്‍ പൊതു പ്രവര്‍ത്തനം വരെ അനുഷ്ഠിച്ച ചരിത്രത്തിന്റെ നാല്‍ക്കവലയില്‍ കാലം കൊളുത്തിയ തൂക്കുവിളക്ക്. എന്നും തന്റെ ഹ്യദയാന്തരങ്ങളില്‍ നര്‍മ്മവും നൈര്‍മല്യവും തുല്യമായി കാത്തുസൂക്ഷിച്ച മഹാവ്യക്തിത്ത്വം. ഉത്തരവാദിത്വബോധം, കൃത്യനിഷ്ഠ, ഉറച്ച തീരുമാനം ഇങ്ങനെ എണ്ണിയാലൊതുങ്ങാത്ത ഗുണവിശേഷങ്ങളുള്ള ഒരു മഹല്‍ വ്യക്തിത്വമായിരുന്നു മഹാനായ തങ്ങള്‍. ജീവിത്തിലെ കെട്ടുപിണഞ്ഞ വലിയ പ്രശ്‌നങ്ങള്‍ക്ക് പരിഹാരവും പ്രധിവിധിയും തേടി നൂര്‍മഹല്ലില്‍ എത്താവര്‍ കുറവായിരിക്കും. കുടുംബം, മഹല്ല്, സംഘടന, ഭരണസിരാകേന്ദങ്ങളിലെയും പ്രധിസന്ധികള്‍ക്ക് അന്തിമ തീരുമാനം പാണക്കാടില്‍ നിന്നാവണമെന്നാണ് കേരള മുസ്ലിം നാവിന്‍തുമ്പില്‍ നിന്നും ഐക്യകണ്ഡമായി പുറത്ത് വരുന്നത്. ഇന്നും തഥൈ, പുറമെ ഗൗരവഭാവം കാത്തുസൂക്ഷിക്കുന്നതോടൊപ്പ്ം ഉള്ളില്‍ നിര്‍മ്മലമായ സ്‌നേഹം കൊണ്ട് നടക്കുകയും സമൂഹത്തിലെ ദുഖിതര്‍ക്കും പാവങ്ങള്‍ക്കും നിറപുഞ്ഞിരിയോടെ സമാധാനത്തിന്റെ തെളിനീര്‍ നല്‍കാനും സാധിച്ചു. ഏത് കാര്യത്തിലും ആരേയും കൂസാതെ കര്‍ക്കഷവും കണിഷവും വ്യത്യസ്തവും സ്വതവന്ത്രവുമായ തീരുമാനങ്ങളും നിലപാടുകളുമായിരുന്നു മഹാനവര്‍കളുടേത്. കൊടപ്പനക്കല്‍ തറവാടിലേക്ക് ഒറ്റപ്രാവശ്യം പോയവര്‍ക്ക് പോലും മറക്കാനാവില്ല നൂര്‍ മഹല്ലിലെ ശോഭ സ്പുരിക്കുന്ന വദനവും വീട്ടിന് ചുറ്റും ചാടി നടക്കുന്ന പൂച്ചക്കുട്ടികളും താറാവുകളും ശോക്കേസിലെ അലങ്കാര വസ്തുക്കളും. സമസ്ത വൈസ് പ്രസിഡന്റ്, സുന്നീ യുവജന സംഘം പ്രസിഡന്റ്, കേരളാ വഖഫ് ബോര്‍ഡ് ചെയര്‍മാന്‍, വയനാട് ജില്ലാ ഖാസി, അലിഗര്‍ മുസ്ലിം യൂണിവേഴ്‌സിറ്റി സ്‌കോര്‍ട്ട് അംഗം. കേന്ദ്ര ഹജജ് കമ്മിറ്റിയംഗം, തുടങ്ങി നിരവധി സ്ഥാനങ്ങള്‍ വഹിച്ച മഹാന്റെ വ്യക്തിത്വവും മഹിമയും നേതൃപാഠവവും അനിര്‍വചനീയമായ മനക്കരുത്തും തീരുമാനങ്ങളിലെ അചഞ്ചലതയും സൂക്ഷമതയും തുടങ്ങിയ നല്‍ സ്വഭാവങ്ങള്‍ ഒത്തിണങ്ങിയ ജീവിതം മറ്റുള്ളവരില്‍ നിന്നും വ്യതിരിക്തമാക്കി. കേരളത്തിലെ നാനാദിക്കുകളില്‍ സംഘടനാ യോഗങ്ങള്‍ക്കും താന്‍ ചെയര്‍മാന്‍ സ്ഥാനത്തിരുന്ന വഖഫ് ബോര്‍ഡ് പ്രവര്‍ത്തനങ്ങള്‍ക്കും മത സാമൂഹിക സാംസ്‌കാരിക പരിപാടികള്‍ക്കുമുള്ള യാത്രകളില്‍ ശിഹാബ് തങ്ങളുടെ സന്തതസഹചാരിയായിരുന്നവരുടെ ഹ്യദയങ്ങളില്‍ സായൂജ്യത്തിന്റെ പ്രഭാവം സ്ഫുരിക്കുന്ന അനുഭൂതികള്‍ ഇന്നും തിളങ്ങി നില്‍ക്കുന്നു.
- Sidheeque Maniyoor

ജീവിത വിജയത്തിന് ഹൃദയവിശുദ്ധി അനിവാര്യം: ജിഫ്രി മുത്തുക്കോയതങ്ങള്‍

ആത്മീയ വെളിച്ചം നല്‍കി തസ്‌കിയത്ത് കോണ്‍ഫ്രന്‍സിന് സമാപനം

കൊണ്ടോട്ടി :ഹൃദയശുദ്ധിയാണ് മനുഷ്യ വിജയത്തിന്റെ അടിസ്ഥാനമെന്നും അതിനുള്ള തയ്യാറെടുപ്പാണ് നാം ചെയ്യേണ്ടതെന്നും സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍. വിശുദ്ധ ദീനിന്റെ വളര്‍ച്ചയില്‍ യുവാക്കളുടെ നന്മ വളരെ പ്രധാനമാണെന്നും ജീവിതം നന്മ നിറഞ്ഞ യുവ സമൂഹത്തിന് ഉത്തമമായ പ്രതിഫലമാണ് നാഥന്‍ ഒരുക്കിവെച്ചതെന്നും, മാതൃകയാവാന്‍ പറ്റിയ ജീവിതമാണ് വിശ്വാസിക്ക് വേണ്ടെതെന്നും തങ്ങള്‍ പറഞ്ഞു. ആത്മീയ വെളിച്ചം നല്‍കിയ മഹാരഥന്മാര്‍ നയിച്ചതാണ് സമസ്തയുടെ വളര്‍ച്ചയുടെ കാരണമെന്നും അതിനാല്‍ സമസ്തയുടെ പ്രവര്‍ത്തനങ്ങളില്‍ തീവ്രത കാണിക്കണമെന്നും തങ്ങള്‍ പറഞ്ഞു. ആത്മ വിശുദ്ധിക്ക് ഒന്നിച്ചിരിക്കാം എന്ന പ്രമേയവുമായി എസ് കെ എസ് എസ് എഫ് ഇബാദ് സംസ്ഥാന സമിതി കൊണ്ടോട്ടിയില്‍ വെച്ച് സംഘടിപ്പിച്ച കേരള തസ്‌കിയത്ത് കോണ്‍ഫ്രന്‍സിന് സമാപന സന്ദേശം നല്‍കി പ്രസംഗിക്കുകയായിരുന്നു തങ്ങള്‍.

സൈനുല്‍ ഉലമ ചെറുശ്ശേരി ഉസ്താദിന്റെ പേരിലൊരുക്കിയ ഖത്മുല്‍ ഖുര്‍ആന്‍ സദസ്സോടെ കഴിഞ്ഞ വെള്ളിയാഴ്ച വൈകുന്നേരം നാലിന് തുടങ്ങി 48 മണിക്കൂര്‍ നീണ്ടുനിന്ന തസ്‌കിയത്ത്‌കോണ്‍ഫ്രന്‍സിന് കേരളത്തിന്റെ വിവിധ ഭാഗങ്ങളില്‍ നിന്നും, ഇതര സംസ്ഥാനങ്ങളില്‍ നിന്നുമായി ആയിരത്തിലധികം പ്രതിനിധികള്‍ എത്തിയിരുന്നു. ആത്മീയ മജ് ലിസുകള്‍, മഹാന്മാരുടെ ഉപദേശങ്ങള്‍, കര്‍മങ്ങലിലെ ആസ്വാദനം തുടങ്ങി നിത്യജീവിതത്തിലെ ജീവിതരീതികള്‍ക്കാവശ്യമായ പഠനാര്‍ഹമായ ക്ലാസ്സുകള്‍ക്കും, പ്രായോഗിക പ്രവര്‍ത്തനങ്ങള്‍ക്കും സാക്ഷിയായ കോണ്‍ഫ്രന്‍സില്‍ നിന്നും ആത്മീയ വെളിച്ചം നേടിയാണ് പ്രതിനിധികള്‍ പിരിഞ്ഞ് പോയത്.

ശനിയാഴ്ച രാത്രി നടന്ന മജ്‌ലിസുന്നൂര്‍ സദസ്സിന് ഏലംകുളം ബാപ്പു മുസ്‌ലിയാര്‍ നേതൃത്വം നല്‍കി. വിവിധ സെഷനുകളിലായി സമസ്ത കേന്ദ്ര മുശാവറ അംഗം വാവാട് കുഞ്ഞിക്കോയ മുസ്‌ലിയാര്‍, എസ് കെ എസ് എസ് എഫ് സംസ്ഥാന ജനറല്‍സെക്രട്ടറി സത്താര്‍ പന്തല്ലൂര്‍, മലപ്പുറം ജില്ല പ്രസിഡണ്ട് സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, ഹമീദ് ഫൈസി അമ്പലക്കടവ്, ശാഹുല്‍ ഹമീദ് മാസ്റ്റര്‍ മേല്‍മുറി, ഡോ നാട്ടിക മുഹമ്മദലി, ജലീല്‍ റഹ്മാനി വാണിയന്നൂര്‍, വഹാബ് ഹൈത്തമി ചീക്കോട്, ഷാജഹാന്‍ റഹ്മാനി കംബ്ലാക്കാട്, ശറഫുദ്ധീന്‍ ഹുദവി ആനമങ്ങാട്, ഡോ സാലിം ഫൈസി ഒളവട്ടൂര്‍, ആസിഫ് ദാരിമി പുളിക്കല്‍ എന്നിവര്‍ സംസാരിച്ചു.
ഫോട്ടോ :കേരള തസ്‌കിയത്ത് കോണ്‍ഫ്രന്‍സിന് സമാപന സന്ദേശം നല്‍കി ജിഫ്രി മുത്തുക്കോയതങ്ങള്‍ പ്രസംഗിക്കുന്നു.

- Yoonus MP

'മജ്മൂഅത്തുറസാഇല്‍' രണ്ടാം പതിപ്പ് പുറത്തിറങ്ങുന്നു

ചെമ്മാട്: ദാറുല്‍ ഹുദാ ഫിഖ്ഹ് ഡിപ്പാര്‍ട്ട്‌മെന്റ് പുറത്തിറക്കിയ കൈപ്പറ്റ ബീരാന്‍ കുട്ടി മുസ്‌ലിയാരുടെ ഗ്രന്ഥസമാഹാരം 'മജ്മൂഅത്തുറസാഇലി'ന്റെ പുതിയ പതിപ്പ് പുറത്തിറങ്ങുന്നു. ഒന്നാം പതിപ്പ് വായനക്കാര്‍ ഇരു കൈകളും നീട്ടി സ്വീകരിച്ചതോടെയാണ് രണ്ടാം പതിപ്പ് പുറത്തിറക്കാനുള്ള ശ്രമവുമായി പ്രസാധകര്‍ മുന്നിട്ടിറങ്ങുന്നത്. കോപ്പികള്‍ കുറഞ്ഞ വിലയില്‍ ലഭ്യമാക്കാന്‍ ഡിപ്പാര്‍ട്ട്‌മെന്റില്‍ നേരിട്ടോ 8943756196 എന്ന നമ്പറിലോ ബന്ധപ്പെട്ട് ബുക്ക് ചെയ്യാവുന്നതാണ്.
- Sidheeque Maniyoor

നവ മീഡിയകള്‍ ശ്രദ്ധയോടെ ഉപയോഗിക്കുക: SKIC റിയാദ്

റിയാദ്: ബന്ധങ്ങളില്‍ വന്ന മാറ്റങ്ങളും, നവ മീഡിയകളിലെ ദുരുപയോഗവുമാണ് വിദ്യാര്‍ത്ഥികളിലെ മൂല്യചുതിക്ക് കാരണമെന്ന് എസ്. കെ. ഐ. സി റിയാദ് മദ്രസ പാരന്റമീറ്റ് അഭിപ്രായപ്പെട്ടു. കാലോചിത മതവിദ്യാഭ്യാസവും, സാന്ദര്‍ഭീക ബോധ വല്‍ക്കരണവുമാണ് വിദ്യാര്‍ത്ഥികളെ നന്മയിലേക്ക് നയിക്കാന്‍ ആവശ്യമെന്നുംഅധ്യാപക രക്ഷാകര്‍ത്ഥ കൂട്ടായ്മ ക്രിയാത്മകയമായി പ്രവര്‍ത്തിക്കണമെന്നും സംഗമം അഭിപ്രായപ്പെട്ടു. എസ്. കെ. ഐ. എം. വി. ബി. ബോര്‍ഡ് പൊതു പരീക്ഷ സര്‍ട്ടിഫിക്കറ്റ് വിതരണം ചെയ്തു.

മുസ്തഫ ബാഖവി പെരുമുഖം മുഖ്യ പ്രഭാഷണം നടത്തി. അബൂബക്കര്‍ ഫൈസി ചെങ്ങമനാട് അദ്യക്ഷത വഹിച്ചു. അലവിക്കുട്ടി ഒളവട്ടൂര്‍ ഉദ്ഘാടനം ചെയ്തു. ശാഫി ദാരിമി പാങ്ങ്, എം. ടി. പി മുനീര്‍ അസ്അദി, സലീം വാഫി, നൗഫല്‍ വാഫി, അബ്ദുറഹ്മാന്‍ ഹുദവി, മുനീര്‍ ഫൈസി, തുടങ്ങിയവര്‍ പ്രസംഗിച്ചു. അബ്ദുറഹ്മാന്‍ ഫറോക്ക്, ഹബീബുല്ല പട്ടാമ്പി, മസ്ഊദ് കൊയ്യോട്, ഇബ്രാഹീം സുബ്ഹാന്‍, മുഹമ്മദ് വടകര, ഗഫൂര്‍ മാസ്റ്റര്‍ കൊടുവള്ളി, ബശീര്‍ താമരശ്ശേരി, ഗഫൂര്‍ ചുങ്കത്തറ, ജുനൈദ് മാവൂര്‍, ശരീഫ് കൈപ്പുറം, ബശീര്‍ ചേലേമ്പ്ര തുടങ്ങിയവര്‍ പങ്കെടുത്തു. അബ്ദുറസാഖ് വളക്കൈ സ്വാഗതവും, കുഞ്ഞി മുഹമ്മദ് ഹാജി ചുങ്കത്തറ നന്ദിയും പറഞ്ഞു.
ഫോട്ടോ: സമസ്ത പൊതു പരീക്ഷ സര്‍ട്ടിഫിക്കറ്റ് എസ്. കെ. ഐ. സി ചെയര്‍മാന്‍ മുസ്തഫ ബാഖവി നല്‍കുന്നു

- A. K. RIYADH

ഇന്ന് റജബ് ഒന്ന്

കോഴിക്കോട്: ഇന്നലെ റജബ് മാസപ്പിറവി കണ്ടതിന്റെ അടിസ്ഥാനത്തില്‍ ഇന്ന് റജബ് ഒന്നായും മെയ് നാലിന് അസ്തമിച്ച രാത്രി മിഅ്‌റാജ് രാവായും ഖാസിമാരായ പാണക്കാട് സയ്യിദ് ഹൈദരലി ശിഹാബ് തങ്ങള്‍, സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാര്‍, സമസ്ത ട്രഷറര്‍ സയ്യിദ് മുഹമ്മദ് ജിഫ്്‌രി മുത്തുക്കോയ തങ്ങള്‍, കോഴിക്കോട് ഖാസിമാരായ സയ്യിദ് മുഹമ്മദ് കോയ തങ്ങള്‍ ജമലുല്ലൈലി, സയ്യിദ് നാസര്‍ ഹയ്യ് ശിഹാബ് തങ്ങള്‍, കീഴൂര്‍-മംഗളൂരു സംയുക്ത ഖാസി ത്വാഖ അഹ്മദ് മൗലവി എന്നിവര്‍ അറിയിച്ചു.

- http://suprabhaatham.com/item/201604128552

ഹാദിയ റമദാന്‍ പ്രഭാഷണം ജൂണ്‍ 21 മുതല്‍

തിരൂരങ്ങാടി: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റി പൂര്‍വ്വ വിദ്യാര്‍ത്ഥി സംഘടന ഹുദവീസ് അസോസിയേഷന്‍ ഫോര്‍ ഡിവോട്ടഡ് ഇസ്‌ലാമിക് ആക്ടവിറ്റീസ് (ഹാദിയ) സംഘടിപ്പിക്കുന്ന മൂന്നാമത് റമദാന്‍ പ്രഭാഷണം ജൂണ്‍ 21 മുതല്‍ നടത്തപ്പെടാന്‍ വാഴ്‌സിറ്റിയില്‍ ചേര്‍ന്ന ഹാദിയ എക്‌സിക്യൂട്ടീവ് യോഗത്തില്‍ തീരുമാനമായി.
ജൂണ്‍ 21 മുതല്‍ 26 വരെ ചെമ്മാട് ദാറുല്‍ഹുദാ കാമ്പസിലായിരിക്കും പ്രഭാഷണ പരമ്പര. മുസ്ഥ്വഫ ഹുദവി ആക്കോട്, സിംസാറുല്‍ ഹഖ് ഹുദവി എന്നിവര്‍ പ്രഭാഷണം നടത്തും.

- Darul Huda Islamic University 

SKSSF ഓര്‍ഗാനെറ്റ് ആര്‍.പി ട്രൈനിംഗ് 9 ന് കൊണ്ടോട്ടിയില്‍

കോഴിക്കോട്: എസ്.കെ.എസ്.എസ്.എഫ് സംസ്ഥാനത്ത് ശാഖ, ക്ലസ്റ്റര്‍, മേഖല, ഏരിയ, ജില്ലാ ഭാരവാഹികള്‍ക്ക് നടത്തുന്ന ത്രൈമാസ സംഘടനാ പരിശീലന കോഴ്‌സിന്റെ മുന്നോടിയായി 9ന് ശനിയാഴ്ച്ച ഉച്ചക്ക് 1.30ന് മലപ്പുറം ജില്ലയിലെ കൊണ്ടോട്ടി ഖാദിയാരകം മദ്രസ്സയില്‍ വെച്ച് റിസോഴ്‌സ് പേഴ്‌സണ്‍സ് ട്രൈനിംഗ് നടത്തുന്നു. സംസ്ഥാനത്തെ തിരഞ്ഞെടുക്കപ്പെട്ട കേന്ദ്രങ്ങളില്‍ വെച്ചു നടത്തുന്ന ബേസിക് ഓര്‍ഗനൈസിംഗ് കോഴ്‌സിന്റെ വിവിധ വിഷയങ്ങളില്‍ ജില്ലകളില്‍ നിന്നും തിരഞ്ഞെടുക്കപ്പെടുന്ന ആര്‍.പി മാര്‍ക്ക് ഓര്‍ഗാനെറ്റ് എച്ച്.ആര്‍ വിംഗ് ഫാക്കല്‍റ്റി ക്ലാസ്സെടുക്കും.

സംഘടനയുടെ പരിശീലന വിഭാഗമായ ഓര്‍ഗാനെറ്റ് സമിതിക്ക് പുതിയ ഭാരവാഹികള്‍ നിലവില്‍ വന്നു. അബ്ദുല്‍ ഹമീദ് കുന്നുമ്മല്‍ (ചെയര്‍മാന്‍), അലി അസ്‌ക്കര്‍ കരിമ്പ (കണ്‍വീനര്‍), ബശീര്‍ സഅദി നമ്പ്രം, സുബൈര്‍ നിസാമി കുമ്പള, ശരീഫ് ദാരിമി തൃശൂര്‍, നൗഫല്‍ വാകേരി, സിദ്ദീഖ് ചെമ്മാട്, ശാഫി ആട്ടീരി, ഹനീഫ അയ്യായ, അബ്ദുല്‍ ഖാദര്‍ ഹുദവി എറണാകുളം (മെമ്പര്‍മാര്‍), എസ്.വി മുഹമ്മദലി മാസ്റ്റര്‍, പി.കെ.ശാഹുല്‍ ഹമീദ് മാസ്റ്റര്‍, ഓണംപിള്ളി മുഹമ്മദ് ഫൈസി, ഡോ.സാലിം ഫൈസി കൊളത്തൂര്‍ (അഡൈ്വസറി ബോര്‍ഡ്), റഹീം മാസ്റ്റര്‍ ചുഴലി (എച്ച്.ആര്‍ വിംഗ് ചീഫ്), വി.കെ ഹാറൂണ്‍ റശീദ് (സെക്രട്ടറി) അഹമ്മദ് വാഫി കക്കാട്, ഖയ്യൂം കടമ്പോട്, ഡോ.സുബൈര്‍ ഹുദവി, റിയാസ് നരിക്കുനി, റശീദ് കൊടിയൂറ, ഹൈദരലി വാഫി ഇരിങ്ങാട്ടിരി, മുനീര്‍ ഹുദവി പേങ്ങാട്, ആസിഫ് ദാരിമി പുളിക്കല്‍, റശീദ് കംബ്ലക്കാട്, ശംസുദ്ദീന്‍ ഒഴുകൂര്‍, ഇഖ്ബാല്‍ പടിക്കല്‍, സ്വലാഹുദ്ദീന്‍ ഫൈസി വല്ലപ്പുഴ (എച്ച്.ആര്‍ ഫാക്കല്‍റ്റി മെമ്പര്‍മാര്‍).
- SKSSF STATE COMMITTEE

സമസ്ത സെക്രട്ടറി ആലിക്കുട്ടി മുസ്ലിയാര്‍ക്ക് എവടണ്ണപ്പാറയില്‍ സ്വീകരണം നല്‍കി

എടവണ്ണപ്പാറ: എടവണ്ണപ്പാറ മേഖല സമസ്ത കോ ഓഡിനേഷന്‍ കമ്മറ്റി സമസ്ത സെക്രട്ടറിയായി തെരഞ്ഞെടുക്കപ്പെട്ട ശൈഖുനാ കെ ആലിക്കുട്ടി മുസലിയാര്ക്ക് സ്വീകരണവും സൈനുല്‍ ഉലമ അനുസ്മരണ പ്രാര്ത്ഥയന സദസ്സും സംഘടിപ്പിച്ചു.     എടവണ്ണപ്പാറ സൈനുല്‍ ഉലമ നഗറില്‍ നടന്ന സ്വീകരണ സമ്മേളനം പ്രൊഫ. കെ ആലിക്കുട്ടി മുസ്‌ലിയാര്‍ ഉദ്ഘാടനം ചെയ്തു. കെ എസ് ഇബ്റാഹീം മുസ്‌ലിയാര്‍ അധ്യക്ഷനായി. ആലിക്കുട്ടി ഉസ്താദിനുള്ള ഉപഹാരം മേഖല സമസ്ത ഓഡിനേഷന് വേണ്ടി പ്രസിഡണ്ട് കെ എസ് ഇബ്റാഹീം മുസ്‌ലിയാരും, എസ് വൈ എസിന് വേണ്ടി മണ്ഡലം സെക്രട്ടറി നാസറുദ്ധീന്‍ ദാരിമിയും, എസ് എം എഫിന് വേണ്ടി മേഖല ട്രഷറര്‍ ഗഫൂര്‍ ഹാജിയും, എസ് കെ എസ് എസ് എഫിന് വേണ്ടി മേഖല പ്രസിഡണ്ട് യൂനുസ് ഫൈസി വെട്ടുപാറയും നല്‍കി.

അനുസ്മരണ സമ്മേളനം ആനമങ്ങാട് മുഹമ്മദ്‌ കുട്ടി ഫൈസി ഉല്ഘാമടനം ചെയ്തു. മമ്മു ദാരിമി വാവൂര്‍ അധ്യക്ഷനായി. അബ്ദുസ്സമദ് പൂക്കോട്ടൂര്‍ സൈനുല്‍ ഉലമ അനുസ്മരണ പ്രഭാഷണം നടത്തി. പ്രാരംഭ പ്രാര്ത്ഥനക്ക് സയ്യിദ് ബി എസ് കെ തങ്ങളും, മജ് ലിസുന്നൂറിന് സയ്യിദ് കുഞ്ഞിസീതിക്കോയ തങ്ങള്‍ ജമലുല്ലൈലിയും, സമാപന പ്രാര്ത്ഥനക്ക് സയ്യിദ് മാനുതങ്ങള്‍ വെള്ളൂരും നേതൃത്വം നല്കി. എസ് വൈ എസ് മണ്ഡലം പ്രസിഡണ്ട് എസ് കെ പി എം തങ്ങള്‍, സെക്രട്ടറിനാസറുദ്ധീന്‍ ദാരിമി ചീക്കോട്, ട്രഷറര്‍ കൊപ്പിലാന്‍ അബുഹാജി എന്നിവര്ക്കും മേഖല കമ്മറ്റി സ്വീകരണം നല്കി. എ സി അബ്ദുറഹിമാന്‍ ദാരിമി സ്വാഗതവും യൂനുസ് ഫൈസി വെട്ടുപാറ നന്ദിയും പറഞ്ഞു.
- Yoonus MP

SKSBV ശാമിയാന 2016 നാഷണല്‍ ലീഡേഴ്‌സ് മീറ്റ് ഇന്ന് തുടങ്ങും

തേഞ്ഞിപ്പാലം: 'വളരുന്ന ബാല്യം വളരേണ്ട ബോധം' എന്ന പ്രമേയത്തില്‍ എസ്. കെ. എസ്. ബി. വി. സംസ്ഥാനകമ്മിറ്റി ശാമിയാന 2016 എന്ന പേരില്‍ നടത്തുന്ന വെക്കേഷന്‍ കാമ്പയിന്റെ ഭാഗമായി നാഷണല്‍ ലീഡേഴ്‌സ് മീറ്റ് ഇന്ന് കാസര്‍കോഡ് ബെല്ല കടപ്പുറം ഹിദായത്തുല്‍ ഇസ്‌ലാം മദ്‌റസയില്‍ തുടങ്ങും. വൈകിട്ട് 4ന് സി. എഛ്. അബ്ദുല്‍ ഹമീദ് ഹാജി പതാക ഉയര്‍ത്തും. തുടര്‍ന്ന് നടക്കുന്ന ഉദ്ഘാടന സംഗമം സയ്യിദ് റാജിഅലി ശിഹാബ് തങ്ങളുടെ അധ്യക്ഷതയില്‍ എസ്. കെ. ഐ. എം. വി. ബി. സെക്രട്ടറി എം. എം. ഖാസിം മുസ്‌ലിയാര്‍ ഉദ്ഘാടനം നിര്‍വഹിക്കും. അബൂബക്ര്‍ സാലൂദ് നിസാമി, താജുദ്ദീന്‍ ദാരിമി, ബശീര്‍ വെള്ളിക്കോത്ത്, സൈനുദ്ദീന്‍ ഒളവട്ടൂര്‍, അഫ്‌സല്‍ രാമന്തളി, അനസ് മാരായമംഗലം, ബശീര്‍ ദാരിമി, അബ്ദുന്നാസര്‍ ഹൈതമി, ശമീര്‍ തോടന്നൂര്‍ തുടങ്ങിയവര്‍ സംബന്ധിക്കും.
മഗ്‌രിബിന് ശേഷം നടക്കുന്ന ഓര്‍ഗനൈസിംഗ് സെഷന്‍ മുനീര്‍ ഹുദവി പേങ്ങാട് നേതൃത്വം നല്‍കും. നാളെ നടക്കുന്ന സുപ്രഭാതം സെഷനില്‍ സമസ്ത മുശാവറ അംഗം യു. എം. അബ്ദുറഹിമാന്‍ മുസ്‌ലിയാര്‍, ഐഡിയല്‍ സെഷനില്‍ അഡ്വ. ഓളമ്പിള്ളി മുഹമ്മദ് ഫൈസി, ലിറ്ററേചര്‍ സെഷനില്‍ ശാഹുല്‍ മഹീദ് മാസ്റ്ററ് മേല്‍മുറി, എസ്. കെ. എസ്. ബി. വി. പാസ്റ്റ് ആന്റ് പ്രസന്റ് സെഷനില്‍ എസ്. കെ. ജെ. എം. സി. സി. മാനേജര്‍ എം. എ. ചേളാരി എന്നിവര്‍ സംവദിക്കും. ഉച്ചക്ക് രണ്ട് മണിക്ക് നടക്കുന്ന സമാപനസംഗമത്തില്‍ ടി. പി. അലി ഫൈസിയുടെ അധ്യക്ഷതയില്‍ സമസ്ത കേരള ജംഇയ്യത്തുല്‍ ഉലമ ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം നിര്‍വഹിക്കും. മെട്രോ മുഹമ്മദ് ഹാജി മുഖ്യാധിഥിയാവും. അബ്ദുല്‍ ഖാദര്‍ അല്‍ ഖാസിമി, ലത്തീഫ് മൗലവി, എ. കെ. കുഞ്ഞബ്ദുല്ല ഹാജി, എം. കെ. അബൂബക്കര്‍ ഹാജി, സി. മുഹമ്മദ് ഫൈസി, ശഫീഖ് മണ്ണഞ്ചേരി, യാസര്‍ അറഫാത്ത് ചെര്‍ക്കള, എ. വി. ഉമര്‍ മൗലവി, സി. എം. മുഹമ്മദ് ഫൈസി, നാസര്‍ ഫൈസി പാവനൂര്‍ തുടങ്ങിയവര്‍ സംബന്ധിക്കും.
- Samastha Kerala Jam-iyyathul Muallimeen

സമസ്ത: റിയാദ് മദ്രസകളില്‍ പ്രവേശനം ആരംഭിച്ചു

റിയാദ്: ബത്ഹ, മലാസ്, അസീസിയ്യ, അതീഖ, ഹരാജ്, ശിഫ, നസീം തുടങ്ങിയ സ്ഥലങ്ങളില്‍ പ്രവര്‍ത്തിക്കുന്ന സമസ്ത കേരള വിദ്യാഭ്യാസ ബോര്‍ഡ് അംഗീകാരമുളള മദ്രസകളിലേക്ക് അഡ്മിഷന്‍ ആരംഭിച്ചു. ഒന്നു മുതല്‍ പത്ത് വരെയുളള ക്ലാസുകളിലേക്കാണ് പ്രവേശനം. കൂടുതല്‍ വിവരങ്ങള്‍ക്ക് 0502434933, 0502261543. വ്യാഴം, വെളളി, ശനി ദിവസങ്ങളിലാണ് ക്ലാസുകള്‍.
- A. K. RIYADH

മുഫത്തിശ് ഇന്റര്‍വ്യു നാളെ (07-04-2016)

ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴില്‍ മുഫത്തിശായി സേവനം ചെയ്യാന്‍ അപേക്ഷ സമര്‍പ്പിച്ചവര്‍ക്കുള്ള ഇന്‍ര്‍വ്യു നാളെ (വ്യാഴം) ചേളാരി സമസ്താലയത്തില്‍ വെച്ച് നടക്കും. അപേക്ഷ സമര്‍പ്പിച്ചവര്‍ രാവിലെ 10 മണിക്ക് മുമ്പായി ഓഫീസില്‍ ഹാജരാവേണ്ടതാണെന്ന് മാനേജര്‍ അറിയിച്ചു.
- SKIMVBoardSamasthalayam Chelari

ത്വലബ യൂണിയന്‍ ലീഡേഴ്‌സ് സമ്മിറ്റ് 21ന് പട്ടിക്കാട് ജാമിഅയില്‍

കോഴിക്കോട്: എസ്. കെ. എസ്. എസ്. എഫ് ത്വലബാവിംഗ് സംസ്ഥാന സമിതി സംഘടിപ്പിക്കുന്ന ത്വലബ യൂണിയന്‍ ലീഡേഴ്‌സ് സമ്മിറ്റ് ഏപ്രില്‍ 21 ന് പട്ടിക്കാട് ജാമിഅ നൂരിയ്യയില്‍ നടക്കും. തൃശൂര്‍ മുതല്‍ കാസര്‍ഗോഡ് വരെയുള്ള മുഴുവന്‍ ദര്‍സ് അറബിക് കോളേജുകളിലെ ത്വലബാവിംഗ്, സ്റ്റുഡന്റ്‌സ് യൂണിയന്‍ ജനറല്‍ സെക്രട്ടറിമാരാണ് സമ്മിറ്റില്‍ പങ്കെടുക്കേണ്ടത്. ഏപ്രില്‍ 21 വ്യാഴാഴ്ച വൈകിട്ട് നാലു മുതല്‍ പത്തുമണിവരെ നടക്കുന്ന ലീഡേഴ്‌സ് സമ്മിറ്റില്‍ സമസ്തയുടെയും എസ്. കെ. എസ്. എസ്. എഫിന്റെയും സംസ്ഥാന ജില്ലാ നേതാക്കള്‍ പങ്കെടുക്കും. പ്രശസ്തര്‍ ക്ലാസെടുക്കും. സമിതി ഒരു വര്‍ഷക്കാലയളവില്‍ നടപ്പിലാക്കുന്ന കര്‍മ്മ പദ്ധതികള്‍ സമ്മിറ്റില്‍ ചര്‍ച്ച ചെയ്യും.

കാസര്‍കോഡ് എം. ഐ. സിയില്‍ നടന്ന സംസ്ഥാന സമിതിയില്‍ സി. പി ബാസിത്ത് അദ്ധ്യക്ഷത വഹിച്ചു. സയ്യിദ് ഹമീദ് തങ്ങള്‍ മഞ്ചേരി ഉദ്ഘാടനം ചെയ്തു. ജുറൈജ് കണിയാപുരം, ഫായിസ് നാട്ടുകല്‍, റാഫി പുറമേരി, ലത്തീഫ് പാലത്തുങ്കര, സലീം ദേളി, സിദ്ധീഖ് മണിയൂര്‍, അനീസ് കൊട്ടത്തറ, മുജ്തബ കോടങ്ങാട്, ഹബീബ് വരവൂര്‍, ഷിഹാബുദ്ദീന്‍ കോതമംഗലം, ഷാനവാസ് ഇടുക്കി, മാഹീന്‍ കാക്കാഴം, ബാദുഷ കൊല്ലം ചര്‍ച്ചയില്‍ പങ്കെടുത്ത് സംസാരിച്ചു. ഉവൈസ് പതിയാങ്കര സ്വാഗതവും സഅദ് വെളിയങ്കോട് നന്ദിയും പറഞ്ഞു.

- twalabastate wing

മതപ്രഭാഷണവും മജ്‌ലിസുന്നൂര്‍ വാര്‍ഷിക ദുആ മജ്‌ലിസും 14, 15 തിയ്യതികളില്‍ വെങ്ങുവങ്ങാട്‌

- sajid.c.p sajid

SKSBV ശാമിയാന 2016 നാഷണല്‍ ലീഡേഴ്‌സ് മീറ്റിന് നാളെ തുടക്കം

തേഞ്ഞിപ്പാലം: 'വളരുന്ന ബാല്യം വളരേണ്ട ബോധം' എന്ന പ്രമേയത്തില്‍ എസ്.കെ.എസ്.ബി.വി. സംസ്ഥാനകമ്മിറ്റി ശാമിയാന 2016 എന്ന പേരില്‍ നടത്തുന്ന വെക്കേഷന്‍ കാമ്പയിന്റെ ഭാഗമായി നാഷണല്‍ ലീഡേഴ്‌സ് മീറ്റ് നാളെ കാസര്‍കോഡ് ബെല്ല കടപ്പുറം ഹിദായത്തുല്‍ ഇസ്‌ലാം മദ്‌റസയില്‍ തുടങ്ങും. വൈകിട്ട് 4ന് സയ്യിദ് റാജിഅലി ശിഹാബ് തങ്ങളുടെ അധ്യക്ഷതയില്‍ എസ്.കെ.ഐ.എം.വി.ബി. സെക്രട്ടറി എം.എം. ഖാസിം മുസ്‌ലിയാര്‍ ഉദ്ഘാടനം ചെയ്യും. മഗ്‌രിബിന് ശേഷം നടക്കുന്ന ഓര്‍ഗനൈസിംഗ് സെഷന്‍ മുനീര്‍ ഹുദവി പേങ്ങാട് നേതൃത്വം നല്‍കും. രണ്ടാം ദിനത്തില്‍ വിവിധ വിധി സെഷനുകളിലായി സയ്യിദ് ജിഫ്‌രി മുത്തുക്കോയ തങ്ങള്‍, യു.എം. അബ്ദുറഹിമാന്‍ മുസ്‌ലിയാര്‍, അഡ്വ. ഓളമ്പിള്ളി മുഹമ്മദ് ഫൈസി, എം.എ. ചേളാരി, മെട്രോ മുഹമ്മദ് ഹാജി, ശാഹുല്‍ ഹമീദ് മാസ്റ്റര്‍ തുടങ്ങി പ്രമുഖര്‍ സംവദിക്കും. കേരളത്തിനകത്തും പുറത്തുമുള്ള ഇരുപത് ജില്ലകളിലെ കൗണ്‍സിലര്‍മാര്‍ പങ്കെടുക്കും.
- Samastha Kerala Jam-iyyathul Muallimeen
Old post: 'വളരുന്ന ബാല്യം, വളരേണ്ട ബോധം' ശാമിയാന 2016 നാഷണല്‍ ലീഡേഴ്‌സ് മീറ്റ് 6, 7 തിയ്യതികളില്‍ കാസര്‍കോഡ്

മദ്‌റസ കെട്ടിടം ഉദ്ഘാടനം ചെയ്തു

പാണമ്പ്ര:  ഇസ്സത്തുല്‍ ഇസ്‌ലാം മദ്‌റസക്ക് പുതുതായി നിര്‍മിച്ച കെട്ടിടം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്തു. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തി. വാവാട് കുഞ്ഞിക്കോയ മുസ്‌ലിയാര്‍ ദുആ സമ്മേളനത്തിന് നേതൃത്വം നല്‍കി. കാലിക്കറ്റ് സര്‍വകലാശാലാ വി.സി. ഡോ. കെ. മുഹമ്മദ് ബഷീര്‍, അബ്ദുസ്സമദ് പൂക്കോട്ടൂര്‍, സത്താര്‍ പന്തല്ലൂര്‍, വി.പി. സൈദ് മുഹമ്മദ് നിസാമി, ഡോ. യു.വി.കെ മുഹമ്മദ്, ഡോ. എന്‍.എ.എം. അബ്ദുല്‍ഖാദിര്‍, എ.പി. അബ്ദുറഹ്മാന്‍ ഫൈസി, പി.എം. പോക്കര്‍ കുട്ടി ഹാജി സംസാരിച്ചു. എം. അബൂബക്കര്‍ മൗലവി അധ്യക്ഷനായി. പി.എം. ബാവ സ്വാഗതവും കെ. ഹംസക്കോയ നന്ദി പറഞ്ഞു.
ഫോട്ടോ: പുതുതായി നിര്‍മിച്ച പാണമ്പ്ര ഇസ്സത്തുല്‍ ഇസ്‌ലാം മദ്‌റസ കെട്ടിടം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യുന്നു.

- SKIMVBoardSamasthalayam Chelari

ശംസുല്‍ ഉലമാ ഇസ്ലാമിക് കോംപ്ലക്‌സ്, കലാമേള; മഹ്ഫില്‍-16 ഏപ്രില്‍ 08 ന് ആരംഭിക്കും

കൊണ്ടോട്ടി: മുണ്ടക്കുളം ശംസുല്‍ ഉലമാ മെമ്മോറിയല്‍ ഇസ്ലാമിക് കോംപ്ലക്‌സ് വിദ്യാര്‍ത്ഥി സംഘടന ജാസിയ സംഘടിപ്പിക്കന്ന ഇസ്ലാമിക് കലാമേള മഹ്ഫില്‍-16 ഏപ്രില്‍ 8 ന് ആരംഭിക്കും. ഫൗജെ ദുല്‍ ദുല്‍, ജുന്‍ദെ ബുല്‍ബുല്‍, ജൈഷെ ഹുദ് ഹുദ് എന്നീ വിഭാഗങ്ങളായാണ് മത്സരങ്ങള്‍ നടക്കുന്നത്. ഇഷ്‌ഖെ റസൂല്‍, മുശാഅറ, ഫത്‌വ കൗണ്‍സില്‍, തഅ്‌ലീമു സുന്ന തുടങ്ങി 117 ഇനം മത്സരങ്ങളില്‍ 150 മത്സരാര്‍ത്ഥികള്‍ പങ്കെടുക്കും. എട്ടിന് വൈകിട്ട് നടക്കുന്ന അവൈക്കണിംഗ് റാലിയോടെ കലാമേളക്ക് ഔപചാരിക തുടക്കമാകും. സയ്യിദ് റാജിഹ് തങ്ങള്‍ പാണക്കാട് ഉദ്ഘാടനം ചെയ്യും. ഉസ്താദ് അബ്ദുല്‍ ഗഫൂര്‍ ദാരിമി, മുഹമ്മദ് കുട്ടി ദാരിമി കോടങ്ങാട്, നാസിറുദ്ദീന്‍ ദാരിമി ചീക്കോട്, സഅദ് മദനി കുന്നുംപുറം, കെപി ബാപ്പുഹാജി, അബൂബക്കര്‍ മാസ്റ്റര്‍ ചെറുമിറ്റം, കെ.കെ മുനീര്‍ മാസ്റ്റര്‍ മുണ്ടക്കുളം പങ്കെടുക്കും. സി.എ മുഹമ്മദ് മുസ്ലിയാര്‍ പതാക ഉയര്‍ത്തും. ഏപ്രില്‍ 10 ന് നടക്കുന്ന സമാപനസമ്മേളനത്തേടെ കലാമേളക്ക് തിരശ്ശീല വീഴും.
- SHAMSULULAMA COMPLEX - MUNDAKKULAM

ഹാഫിള് അഹ്മദ് കബീര്‍ ബാഖവിയുടെ പ്രഭാഷണം 8, 9 തിയ്യതികളില്‍ റഹ്മാനിയ്യയില്‍

1972 ൽ സ്ഥാപിതമായ റഹ്മാനിയയാണ് കേരള കരക്ക് മത ഭൗതിക സമന്വയ വിദ്യാഭ്യാസം പരിചയപെടുത്തിയത്. ഇന്ത്യക്ക് അകത്തും പുറത്തുമായി സേവനം ചെയ്യുന്ന 400 ൽ പരം പ്രഗത്ഭ പണ്ഡിതരെ സമർപ്പിക്കാൻ റഹ്മാനിയയ്യക്ക് സാധിച്ചിട്ടുണ്ട്.

എന്നാൽ, മുന്നോറോളം വിദ്യാർത്ഥികൾ പഠിച്ചു കൊണ്ടിരിക്കുന്ന സ്ഥാപനത്തിന് സ്ഥായിയായ വരുമാനമാർഗങ്ങളൊന്നും നിലവിലില്ല. സ്ഥിരവരുമാനം കണ്ടെത്തുന്നതിനായി എറണാകുളം വല്ലാർപാടത്ത് 3 ഏക്കർ സ്ഥലം റഹ്മാനിയ്യ കമ്മിറ്റി ഇതിനകം വാങ്ങിയിട്ടുണ്ട്. പ്രസ്തുത സ്ഥലത്ത് 65000 സ്ക്വയർ ഫീറ്റ് വിസ്തീർണത്തിൽ ഒരു വയർ ഹൗസ് നിർമിക്കാൻ തീരുമാനിച്ചിരിക്കയാണ്.
ഒരു സ്ക്വയർ ഫീറ്റിന് 1250 രൂപയാണ് നിർമാണ ചെലവ്. ഒരു ദീനി സ്ഥാപനത്തിന്റെ നടത്തിപ്പും നിലനിൽപ്പുമായി ബന്ധപ്പെട്ട് നമുക്കും പങ്ക് കൊള്ളാവുന്ന അസുലഭ അവസരമാണിത്. നമ്മുടെ മരണപ്പെട്ട് പോയ മാതാപിതാക്കളുടെയോ കുടുംബാംഗങ്ങളുടെയോ പേരിൽ ജാരിയായ (നിലനിൽക്കുന്ന) സ്വദഖയായി നമ്മളാൽ കഴിയുന്ന പരമാവധി സ്ക്വയർ ഫീറ്റ് ഓഫർ ചെയ്യാൻ ശ്രമിക്കുക. അതിന്റെ പ്രതിഫലം അവർക്ക് കിട്ടി കൊണ്ടേയിരിക്കും. അല്ലാഹു അനുഗ്രഹിക്കട്ടെ. ആമീൻ.
- musthafa kopilan

മദ്‌റസ പൊതുപരീക്ഷ മൂല്യനിര്‍ണയം; ഏപ്രില്‍ 15നകം അപേക്ഷിക്കുക

ചേളാരി: സമസ്ത കേരള ഇസ്ലാം മത വിദ്യാഭ്യാസ ബോര്‍ഡ് മെയ് 11, 12 തിയ്യതികളില്‍ നടത്തുന്ന പൊതുപരീക്ഷയുടെ മൂല്യനിര്‍ണയിത്തിന് ഏപ്രില്‍ 15നകം അപേക്ഷ സമര്‍പ്പിക്കാം. മെയ് 23 മുതല്‍ 26 വരെ ചേളാരി സമസ്താലയത്തില്‍ വെച്ചാണ് കേന്ദ്രീകൃത മൂല്യനിര്‍ണയ ക്യാമ്പ് നടക്കുന്നത്. അപേക്ഷ ഫോറം www.samastha.info സൈറ്റില്‍ ലഭിക്കും.
- SKIMVBoardSamasthalayam Chelari

ഇമാം ശാഫി അക്കാദമി സ്വലാത്ത് മജ്‌ലിസും മജ്‌ലിസുന്നൂറും ഇന്ന്

കുമ്പള: ഇമാം ശാഫി ഇസ്‌ലാമിക്ക് അക്കാദമിയില്‍ മാസന്തോറും നടത്തി വരാറുളള സ്വലാത്ത് മജ്‌ലിസും മജ്‌ലിസുന്നൂറും ഇന്ന് മഗ്‌രിബ് നിസ്‌ക്കാരനന്തരം നടക്കും. ശൈഖുനാ എം.എ ഖാസിം മുസ്ലിയാര്‍ സ്വലാത്ത് മജ്‌ലിസിന്നും മജ്‌ലിസുന്നൂറിനും നേതൃത്വ നല്‍കും. കെ.എല്‍ അബ്ദുല്‍ ഖാദിര്‍ അല്‍ ഖാസിമി, ഹംസ മുസ്ലിയാര്‍, മൂസ നിസാമി, അബ്ദുസ്സലാം വാഫി, അന്‍വര്‍ ഹുദവി, ശമീര്‍ വാഫി, സഫ്‌വാന്‍ വാഫി, ഹാഫിസ് വാഫി, റാഹത്ത് മൗലവി തുടങ്ങിയവര്‍ സംബന്ധിക്കും.
- Imam Shafi Academy

SKSSF ഇസ്തിഖാമ ആദര്‍ശ കോഴ്‌സ് നടത്തുന്നു

കോഴിക്കോട്: എസ്. കെ. എസ്. എസ്. എഫ് ആദര്‍ശ വിഭാഗം ഇസ്തിഖാമ സമിതിയുടെ കീഴില്‍ സംസ്ഥാനത്ത് നാലു കേന്ദ്രങ്ങളില്‍ ആദര്‍ശ പഠന കോഴ്‌സ് ആരംഭിക്കുന്നു. കാസര്‍ഗോഡ്, മലപ്പുറം, കോഴിക്കോട്, ആലപ്പുഴ എന്നീ കേന്ദ്രങ്ങളില്‍ വെച്ച് നടക്കുന്ന രണ്ടുവര്‍ഷത്തെ കോഴ്‌സാണിത്. ആദര്‍ശ പ്രചാരണ രംഗത്ത് മികവുള്ള പ്രബോധകരെ വളര്‍ത്തിയെടുക്കലാണ് ലക്ഷ്യം. കോഴ്‌സിനു ചേരാന്‍ താല്‍പര്യമുള്ള ദര്‍സ്-അറബിക് കോളേജ് വിദ്യാര്‍ഥികള്‍ www.skssf.in എന്ന സൈറ്റില്‍ നിന്നും അപേക്ഷാ ഫോറം ഡൗണ്‍ലോഡ് ചെയ്ത് പൂര്‍ണമായി പൂരിപ്പിച്ച് എപ്രില്‍ 15നകം എസ്. കെ. എസ്. എസ്. എഫ് സംസ്ഥാന കമ്മറ്റി, ഇസ്ലാമിക് സെന്റര്‍, റെയില്‍വേ ലിങ്ക് റോഡ്, കോഴിക്കോട്-2 എന്ന വിലാസത്തിലോ, skssfisthiqama@gmail.com എന്ന ഇമെയ്‌ലിലോ അയക്കേണ്ടതാണ്. ബന്ധപ്പെടേണ്ട ഫോണ്‍ നമ്പര്‍: 9744896160, 9946005509, 9562646391.

- SKSSF STATE COMMITTEE

സര്‍വ്വകലാശാല അസിസ്റ്റന്റ്; സൗജന്യ തീവ്ര പരിശീലനം

തൃശൂര്‍: സംസ്ഥാന ന്യൂനപക്ഷ ക്ഷേമ വകുപ്പിന് കീഴില്‍ തൃശൂര്‍ ശക്തന്‍ നഗറില്‍ എം.ഐ.സി. ബില്‍ഡിംഗില്‍ പ്രവര്‍ത്തിക്കുന്ന കോച്ചിംഗ് സെന്റര്‍ ഫോര്‍ മുസ്ലിം യൂത്ത് എന്ന സൗജന്യ പി.എസ്.സി. പരിശീലന കേന്ദ്രത്തില്‍ സര്‍വ്വകലാശാല അസിസ്റ്റന്റ് പരീക്ഷക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് സൗജന്യ പരിശീലനം നല്‍കുന്നു. ഒരു മാസത്തെ സൗജന്യ തീവ്ര പരിശീലനം ഏപ്രില്‍ 4ന് ആരംഭിക്കുന്നതാണ്. താല്‍പര്യമുള്ള ന്യൂനപക്ഷ വിഭാഗത്തിലെ ബിരുദധാരികള്‍ സര്‍ട്ടിഫിക്കറ്റിന്റെ പകര്‍പ്പും ഫോട്ടോയും സഹിതം ഏപ്രില്‍ 4ന് മുമ്പായി പരിശീലന കേന്ദ്രത്തില്‍ അഭിമുഖത്തിനായി എത്തണം. അഡ്മിഷന്‍ ആരംഭിച്ചിരിക്കുന്നു. കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍ 0487 2444850, 9656801846.
- Salim Chettiyanthody

'ബീവി ആയിശ(റ), അവരാണ് നമ്മുടെ ഉമ്മ' മാതൃക കുടുംബം; SKSSF ജില്ലാ കാമ്പയിന് ഉജ്വല തുടക്കം

എടവണ്ണപ്പാറ : ബീവി ആയിശ(റ), അവരാണ് നമ്മുടെ ഉമ്മ എന്ന പ്രമേയവുമായി എസ് കെ എസ് എസ് എഫ് മലപ്പുറം ജില്ല കമ്മറ്റി ഏപ്രില്‍, മെയ് മാസങ്ങളില്‍ സംഘടിപ്പിക്കുന്ന കുടുംബ കാമ്പയിന് എടവണ്ണപ്പാറ മേഖലയിലെ വെട്ടത്തൂരില്‍ ഉജ്വല തുടക്കം. കാമ്പയിന്‍ കാലയളവില്‍ യൂണിറ്റ് തലങ്ങളിളായി ആയിരം കുടുംബ യോഗങ്ങള്‍ സംഘടിപ്പിച്ച് പുതിയ തലമുറക്ക് നബിയുടെ ഭാര്യയായ ആയിശ(റ) വിനെ പരിചയപ്പെടുത്തുക എന്നതാണ് കാമ്പയിന്റെ പ്രധാന ലക്ഷ്യം.

കാമ്പയിന്റെ ജില്ല തല ഉല്‍ഘാടനം എം പി മുഹമ്മദ് മുസ്‌ലിയാര്‍ കടുങ്ങല്ലൂര്‍ നിര്‍വഹിച്ചു. ജില്ലാ എസ് കെ എസ് എസ് എഫ് ജില്ലാ സെക്രട്ടറി ഷഹീര്‍ അന്‍വരി പുറങ്ങ് അധ്യക്ഷ്യനായി. സയ്യിദ് ബി എസ് കെ തങ്ങള്‍ പ്രാര്‍ത്ഥന നിര്‍വഹിച്ചു. ഇബാദ് സംസ്ഥാന കണ്‍ വീനര്‍ ആസിഫ് ദാരിമി പുളിക്കല്‍ ക്ലാസ്സിന് നേതൃത്വം നല്‍കി. ശിഹാബ് കുഴിഞ്ഞോളം, ഉമറുല്‍ ഫാറൂഖ് കരിപ്പൂര്‍, ശുക്കൂര്‍ വെട്ടത്തൂര്‍, അലിഅക്ബര്‍ ഊര്‍ക്കടവ്, യൂനുസ് ഫൈസി വെട്ടുപാറ, സമദ് മാസ്റ്റര്‍ വാഴയൂര്‍, റിയാസ് ഫൈസി ഓമാനൂര്‍, സിദ്ധീഖ് കാമശ്ശേരി, സി ജെ പി തങ്ങള്‍, ഇര്‍ഫാന്‍ തങ്ങള്‍, അഷ്‌റഫ് ഫൈസി അനന്തായൂര്‍, ഫൈസല്‍ ഫൈസി ചൂളാട്ടിപ്പാറ, വാഹിദ്, ജുനൈദ്, കരീം വി സി എന്നിവര്‍ നേതൃത്വം നല്‍കി.
ഫോട്ടോ: എസ് കെ എസ് എസ് എഫ് മലപ്പുറം ജില്ല കമ്മറ്റി സംഘടിപ്പിക്കുന്ന കുടുംബ കാമ്പയിന് എം പി മുഹമ്മദ് മുസ്‌ലിയാര്‍ കടുങ്ങല്ലൂര്‍ ഉല്‍ഘാടനം ചെയ്യുന്നു.

- Yoonus MP

TREND സമ്മർ ഗൈഡിന് തുടക്കമായി

കണ്ണൂര്‍: എസ്. കെ. എസ്. എസ്. എഫ് വിദ്യാഭ്യാസ വിഭാഗമായ ട്രെൻഡിന്റെ ആഭിമുഖ്യത്തിൽ ഏപ്രിൽ മെയ് മാസത്തിൽ നടക്കുന്ന അവധിക്കാല കാമ്പയിൻ സമ്മർ ഗൈഡിന് ജില്ലയിൽ തുടക്കമായി. ജില്ലാതല ഉൽഘാടനം കണ്ടക്കൈ നജാത്തുൽ ഇസ്ലാം മദ്റസയിൽ വെച്ച് നടന്നു. എസ്. കെ. എസ്. എസ്. എഫ്. ജില്ലാ പ്രസിഡന്റ് ബശീർ അസ്അദിയുടെ അധ്യക്ഷതയിൽ
മയ്യിൽ പഞ്ചായത്ത് പ്രസിഡൻറ് പി. ബാലൻ ഉൽഘാടനം ചെയ്തു. ഹംസ മാസ്റ്റർ മയ്യിൽ ക്ലാസെടുത്തു. എസ്. എസ്. എൽ. സി. പ്ലസ് ടു വിദ്യാർത്ഥികൾക്ക് ലക്ഷ്യബോധം നൽകാനും തുടർപഠനങ്ങളെക്കുറിച്ച് അവബോധം നൽകാനും ക്ലാസ് സഹായകമായി. പഞ്ചായത്ത് മെമ്പർ ശ്രീധരൻ, അബുബക്കർ മാസ്റ്റർ, ശുക്കൂർ മാസ്റ്റർ സുബൈർ ദാരിമി, സുറൂർ പാപ്പിനിശേരി, ശംസാ ദ് ദാരിമി, സുഹൈൽ നിരത്ത് പാലം സംസാരിച്ചു. അബ്ദു ലത്തീഫ് പന്നിയൂർ സ്വാഗതവും മിസ്അബ് കണ്ടക്കൈ നന്ദിയും പറഞ്ഞു. സമ്മർ ഗൈഡിന്റെ ഭാഗമായി സമ്മർ സ്കൂൾ, കരിയർ ക്ലിനിക്, കരിയർ എക്സ്പോ, കുരുന്നു കൂട്ടം, ടീൻ ടീം തുടങ്ങിയ പരിപാടികളും ശാഖാ മേഖലാ തലങ്ങളിൽ നടക്കും. കൂടുതൽ വിവരങ്ങൾക്ക് ടെൻഡ് ജില്ലാ കമ്മിറ്റിയുമായി ബന്ധപ്പെടണമെന്ന് കൺവീനർ അറിയിച്ചു.

- Latheef Panniyoor

ഇന്ന് (01-04-2016) മുതല്‍ ഒരാഴ്ച മദ്‌റസകള്‍ക്ക് മധ്യവേനല്‍ അവധി

ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അംഗീകൃത മദ്‌റസകള്‍ക്ക് ഇന്ന് മുതല്‍ ഒരാഴ്ച മധ്യവേനല്‍ അവധി ആയിരിക്കും. ഈ വര്‍ഷം രണ്ടു രീതിയിലാണ് മദ്‌റസകള്‍ക്ക് അവധി അനുവദിച്ചത്. ഏപ്രില്‍ ഒന്നു മുതല്‍ എട്ടു കൂടിയ ദിവസങ്ങളില്‍ അവധി എടുക്കാത്തവര്‍ക്ക് മെയ് ഒന്നു മുതല്‍ എട്ട് കൂടിയ ദിവസങ്ങളില്‍ അവധി എടുക്കാവുന്നതാണ്. കര്‍ണാടക സംസ്ഥാനത്തിന്റെ പ്രത്യേക സാഹചര്യം കണക്കിലെടുത്ത് അവിടെ ഏപ്രില്‍ 18 മുതല്‍ 25 വരെയാണ് അവധി. മേല്‍ അവധി ദിനങ്ങളില്‍ വ്യത്യസ്ഥമായി യാതൊരു കാരണത്താലും മദ്‌റസകള്‍ക്ക് അവധി എടുക്കാവുന്നതല്ലെന്ന് സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഓഫീസില്‍ നിന്നറിയിച്ചു.
- SKIMVBoardSamasthalayam Chelari

സ്‌കൂള്‍വര്‍ഷ മദ്‌റസ പൊതുപരീക്ഷ ഏപ്രില്‍ 2, 3 തിയ്യതികളില്‍

ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴില്‍ സ്‌കൂള്‍ വര്‍ഷ സിലബസ് പ്രകാരം പ്രവര്‍ത്തിക്കുന്ന മദ്‌റസകളുടെ പൊതുപരീക്ഷ ഏപ്രില്‍ 2, 3 തിയ്യതികളില്‍ നടക്കും. ഇവയുടെ കേന്ദ്രീകൃത മൂല്യനിര്‍ണ്ണയ ക്യാമ്പ് ചേളാരി സമസ്താലയത്തില്‍ വെച്ച് ഏപ്രില്‍ 4 മുതല്‍ ആരംഭിക്കും.
- SKIMVBoardSamasthalayam Chelari

യുവത്വം സമൂഹനന്മക്ക് ഉപയോഗിക്കണം: നിയാസലി ശിഹാബ് തങ്ങള്‍

ഇരുമ്പുചോല: നവസമൂഹത്തില്‍ സമാധാനത്തിന്റെ കാവലാളാണ് യുവ സമൂഹമെന്നും യുവത്വം സമൂഹനന്മക്കായി ഉപോയാഗിക്കണമെന്നും പാണക്കാട് സയ്യിദ് നിയാസലി ശിഹാബ് തങ്ങള്‍. ഇരുമ്പുചോല എസ്. കെ. എസ്. എസ്. എഫ് 26ാം വാര്‍ഷികാഘോഷത്തിന്റെ വിവിധ വിഷയങ്ങളിലായി 50 ഓളം ദിവസ്സങ്ങള്‍ നീണ്ട് നില്‍ക്കുന്ന പരിപാടി ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ശൈഖുനാ കാടേരി ഉസ്താദ് അദ്ധ്യക്ഷനായി. സമാപന സമ്മേളനത്തില്‍ ശൈഖുനാ ആലിക്കുട്ടി മുസ്ലിയാര്‍, ശൈഖുനാ കാടേരി ഉസ്താദ് എന്നിവര്‍ പങ്കെടുക്കും. കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി ദുആക്ക് നേതൃത്വം നല്‍കും. അന്‍വര്‍ മുഹ് യുദ്ദീന്‍ ഹുദവി ആലുവ മുഖ്യ പ്രഭാഷണം നടത്തും.

- Abdulla Thengilan (IBNU KUNHIMUHAMMED)

ഉപഹാരം നല്‍കി

ബഹ്‌റൈനിലെ പ്രവാസം മതിയാക്കി ഖത്തറിലേക്ക് പോവുന്ന എസ്. കെ. എസ്. എസ്. എഫ് പ്രവര്‍ത്തകന്‍ മുനീറിന് എസ്. കെ. എസ്. എസ്. എഫ് ബഹ്‌റൈന്‍ കമ്മിറ്റിയുടെ ഉപഹാരം സമസ്ത ബഹ്‌റൈന്‍ പ്രസിഡന്റ് സയ്യിദ് ഫക്റുദ്ധീന്‍ തങ്ങള്‍ നല്‍കുന്നു.

- SK SSF Bahrain (Bahrain)