സമസ്ത മദ്റസ മുഫത്തിശുമാർക്കുള്ള ത്രിദിന പരിശീലന പരിപാടി ഇന്നു മുതൽ ചേളാരിയില്‍

മലപ്പുറം: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഇന്‍സ്‌പെക്ടറുടെ (മുഫത്തിശ്) വാര്‍ഷിക പരിശീലന പരിപാടി ഈ മാസം ഒന്‍പതു മുതല്‍ പതിനൊന്നു വരെ ചേളാരിയില്‍ നടക്കും. മൂന്നു ദിവസം നീണ്ടുനില്‍ക്കുന്ന പരിപാടിയില്‍ ഖുര്‍ആന്‍ പാരായണ വിദഗ്ധരായ ആറുപേരും അധ്യാപകപരിശീലകരായ അഞ്ചുപേരും 91 ഇന്‍സ്‌പെക്ടര്‍മാരും മൂന്ന് ഓര്‍ഗനൈസര്‍മാരും പങ്കെടുക്കും.  
 പരിഷ്‌കരിച്ച കരിക്കുലം, പുതിയ പാഠപുസ്തകം, മദ്‌റസാ ഭരണം, റിക്കാര്‍ഡുകള്‍ കൈകാര്യം ചെയ്യല്‍ തുടങ്ങിയ വിഷയക്രമത്തിലാണ് പരിശീലനം. ചെറുശ്ശേരി സൈനുദ്ദീന്‍ മുസ്‌ല്യാര്‍, പി.കെ.പി അബ്ദുസ്സലാം മുസ്‌ലിയാര്‍, കോട്ടുമല ടി.എം ബാപ്പു മുസ്‌ല്യാര്‍, പ്രൊഫ. കെ ആലിക്കുട്ടി മുസ്‌ല്യാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, ഡോ. എന്‍.എ.എം അബ്ദുല്‍ഖാദര്‍, കൊട്ടപ്പുറം അബ്ദുല്ല മാസ്റ്റര്‍, പിണങ്ങോട് അബൂബക്കര്‍, കെ.പി അബ്ദുറഹ്മാന്‍ മുസ്‌ലിയാര്‍ എന്നിവര്‍ വിവിധ വിഷയങ്ങള്‍ അധികരിച്ച് ക്ലാസ് നയിക്കും.(സുപ്രഭാതം).

SKSSF MIC കാമ്പസ് യൂണിറ്റ് ബുര്‍ദ മജ്ലിസ് സംഘടിപ്പിച്ചു

കൈപമംഗലം : SKSSF എം.ഐ.സി. കാമ്പസ് യൂണിറ്റ് 5-ാം വാര്‍ഷികത്തിന്റെ ഭാഗമായി ബുര്‍ദ മജ്ലിസ് സംഘടിപ്പിച്ചു. ഫൈസല്‍ ബദരി ചാവക്കാട് ഉദ്ഘാടനം ചെയ്തു. മേഖലാ പ്രസിഡന്റ് ശിഹാബുദ്ദീന്‍ മാസ്റ്റര്‍ പൊന്മാനിക്കുടം, എം.എച്ച്. മുഹമ്മദ് ഹാഷിഫ്, സ്വാലിഹ് വാഫി പ്രാണിയാട് സംസാരിച്ചു.
- MH Hashif

ഫലസ്തീന്‍ ഐക്യദാര്‍ഢ്യ റാലിയും പ്രതിജ്ഞയും സംഘടിപ്പിച്ചു

സമസ്ത ഇസ്ലാമിക് സെന്റര്‍ പുത്തന്‍പള്ളി മഹല്ല് SYS ഉം SKSSF പുത്തന്‍പള്ളി യൂണിറ്റും സംയുക്തമായി പലസ്തീന്‍ ഐക്യദാര്‍ഢ്യ റാലി
- MH Hashif

ഏകദിന കാമ്പയിന്‍ സംഘടിപ്പിച്ചു

തൃക്കരിപ്പൂര്‍ : മെട്ടമ്മല്‍ നജാത്തുസ്വിബിയാന്‍ മദ്‌റസ  മാനേജ്‌മെന്റ് കമ്മിറ്റിയുടേയും സമസ്ത കേരള സുന്നി ബാലവേദിയുടേയും സംയുക്താഭിമുഖ്യത്തില്‍ 'മതം പഠിക്കൂ തമസ്സകറ്റൂ' എന്ന പ്രമേയത്തില്‍  ഏകദിന കാമ്പയിന്‍ സംഘടിപ്പിച്ചു. നവാഗതര്‍ക്ക്  ആദ്യാക്ഷരം കുറിച്ച് കൊണ്ട് പാണക്കാട് സയ്യിദ് ശഫീഖ് അലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു. എസ്.കെ.എസ്.എസ്.എഫ്. മെട്ടമ്മല്‍ യൂണിറ്റും ഇഹ്‌സാന്‍ ചാരിറ്റബിള്‍ ഫോറവും സ്‌പോണ്‍സര്‍ ചെയ്ത പഠനോപകരണങ്ങള്‍ ജമാഅത്ത് പ്രസിഡെന്റ് സി.അബ്ദുള്‍ അസീസ് ഹാജി സെക്രട്ടറി എം.ടി.പി മുസ് തഫ എന്നിവര്‍ വിതരണം ചെയ്തു. മദ്‌റസ കണ്‍വീ നര്‍  എന്‍.കുഞ്ഞി മൊയ്തീന്‍ ഹാജി അധ്യക്ഷത വഹിച്ചു. എന്‍ മുഹമ്മദ് കുഞ്ഞി സാഹിബ് സി.ഇബ് റാഹീം സാഹിബ്,കെ.അബ്ദുല്ല ഹാജി തുടങ്ങിയവര്‍ സംസാരിച്ചു.സദര്‍ മുഅല്ലിം ഹാരിസ് ഹസനി മെട്ടമ്മല്‍ സ്വാഗതവും ഹാശിം ഹുദവി നന്ദിയും പറഞ്ഞു.
- HARIS AL HASANI Ac

ഒ.കെ. അര്‍മിയാഅ് ഉസ്താദ് അനുസ്മരണവും ദുആ മജ്ലിസും സംഘടിപ്പിച്ചു

ബാംഗ്ലൂര്‍ : മാറത്തഹള്ളി സബീലു റശാദ് മദ്റസയില്‍ സമസ്ത കേരള ജംഇയ്യത്തുല്‍ ഉലമ മുശാവറ അംഗം ഒ.കെ. അര്‍മിയാഅ് ഉസ്താദ് അനുസ്മരണവും ദുആ മജ്ലിസും സംഘടിപ്പിച്ചു. മുശ്താഖ് അഹ്മദ് ഹുദവി അനുസ്മരണ പ്രഭാഷണം നടത്തി. യാഖൂബ് അലി സ്വാഗതവും മുഹമ്മദ് ബിശ്റ് ഹുദവി നന്ദിയും പറഞ്ഞു.
- YAQOOB ALAVI

ഹജ്‌ജ് തീര്‍ഥാടകരുടെ ആദ്യ സംഘം ഈ മാസം 16 ന്‌ എത്തും

ജിദ്ദ ; ഈ വര്‍ഷത്തെ ഹജ്‌ജ് തീര്‍ഥാടകരുടെ ആദ്യ സംഘം ഈ മാസം 16 ന്‌ എത്തുമെന്ന്‌ ഹജ്‌ജ് മന്ത്രാലയ വ്യക്‌താവ്‌ ഹാത്തീം ഖാദി പറഞ്ഞു. ദക്ഷിണാഫ്രിക്കയില്‍ നിന്നുള്ള 50 പേരടങ്ങുന്ന സംഘമാണ്‌ ഇത്തവണ ഹജ്‌ജ് നിര്‍വഹിക്കാന്‍ പുണ്യ ഭൂമിയില്‍ എത്തുന്നത്‌.
തീര്‍ഥാടകരെ സ്വീകരിക്കുന്നതിനുള്ള എല്ലാ ഒരുക്കങ്ങളും പൂര്‍ത്തിയായിട്ടുണ്ട്‌ .ഉംറക്ക്‌ വിദേശങ്ങളില്‍ നിന്നുള്ള തീര്‍ഥാടകര്‍ സ്വദേശങ്ങളിലേക്ക്‌ തിരികെ പോകേണ്ട അവസാന ദിവസം ഓഗസ്‌റ്റ് 11 ആണ്‌. ഈ വര്‍ഷം വിദേശങ്ങളില്‍ നിന്ന്‌ ഉംറ നിര്‍വഹിക്കാന്‍ എത്തിയത്‌ 60 ലക്ഷം പേരാണ്‌.

‘ദക്ഷിണാഫ്രിക്കയെ ചെയ്ത പോലെ ഇസ്രയേലിനെയും ബഹിഷ്‌കരിച്ച് ഒറ്റപ്പടുത്തുകയാണിനി വേണ്ടത്’ പ്രഫസര്‍ രാമകൃഷ്ണന്‍ സംസാരിക്കുന്നു

ഡല്‍ഹി, ജവഹര്‍ലാല്‍ സര്‍വകലാശാലയിലെ സെന്റര്‍ ഫോര്‍ വെസ്റ്റ് ഏഷ്യന്‍ സ്റ്റഡീസ് മുന്‍ ചെയര്‍പേഴ്‌സനും ഇപ്പോള്‍ പ്രഫസറുമാണ് ഏ.കെ രാമകൃഷ്ണന്‍. അമേരിക്കയോടും ഇസ്രയേല്‍ ആധിപത്യത്തോടും വിമര്‍ശം തുടരുന്ന ഇന്‍ര്‍നാഷനല്‍ റിലേഷന് പഠനവിഭാഗത്തില്‍ അറിയപ്പെട്ട ഇന്ത്യന്‍ അക്കാദമിക്കുകളില്‍ ഒരാളാണ് അദ്ദേഹം. ഇസ്ലാം, പശ്ചിമേഷ്യ, വിമര്‍ശനസിദ്ധാന്തത്തിലൊക്കെ വിദഗ്ദനായ രാമകൃഷ്ണന്‍, ഇസ്രയേല്‍ ഗസയില്‍ നടത്തിക്കൊണ്ടിരിക്കുന്ന ക്രൂരഅതിക്രമങ്ങളെ ശക്തമായി അപലപിക്കുകയും വംശീയവിവേചനത്തിന്റെ പേരില്‍ അന്താരാഷ്ട്രസമൂഹം ദക്ഷിണാഫ്രിക്കയെ ബഹിഷ്‌കരിച്ച രീതിയില്‍ ഇസ്രയേലിനെയും പൂര്‍ണമായി ബഹിഷ്‌കരിക്കണമെന്ന ആഹ്വാനവും നടത്തുന്നു. ഇസ്‍ലാം ഓണ്‍വെബിനു വേണ്ടി അഭയ്കുമാറും സയ്യിദ് മുഹമ്മദ് റഖീബും നടത്തിയ സംഭാഷണത്തില്‍, ഇസ്രയേല്‍ കടന്നേറ്റത്തെ കുറിച്ചും ചൈന, ഇന്ത്യ, അറബ് ലോകമടക്കമുള്ള അന്താരാഷ്ട്ര സമൂഹം ഫലസ്ഥീന്‍ സ്വതന്ത്ര പ്രസ്ഥാനത്തോടൊപ്പം പൂര്‍ണ ഐക്യദാര്‍ഢ്യം കാണിക്കുന്നതിലുണ്ടായ പരാജയങ്ങളെ കുറിച്ചും സംസാരിക്കുന്നു.: ലേഖനത്തിന്റെ പൂർണ ഭാഗം വായിക്കാൻ www.islamonweb.net സന്ദർശിക്കുക 

കേരള ഇസ്ലാമിക്‌ ക്ലാസ്സ്‌ റൂം വൈജ്ഞാനിക വിരുന്ന്‌ 'ബുഷ്‌റാക്കുമുൽ യൌം' തുടരുന്നു..

കേരള ഇസ്ലാമിക്‌ ക്ലാസ്സ്‌ റൂം വിശുദ്ധ റമസാനു മുമ്പ്‌ ആരംഭിച്ച 'ബുഷ്‌റാക്കുമുൽ യൌം' എന്ന പേരിലുള്ള വൈജ്ഞാനിക വിരുന്ന്‌ വ്യത്യസ്‌ത പഠന പരമ്പരകളുമായി തുടരുന്നു:

'ബുഷ്‌റാക്കുമുൽ യൌം' മുന്‍ പ്രോഗ്രാമുകളുടെ റെക്കോര്‍ഡുകള്‍ കേള്‍ക്കാന്‍ 
ഇവിടെ Click ചെയ്യുക.

ഹജ്ജിന്റെ മറവില്‍ മനുഷ്യക്കടത്ത്; കേന്ദ്രസര്‍ക്കാര്‍ പറയുന്നത് വിശ്വസിക്കാനാവില്ല: ശൈഖുനാ കോട്ടുമല ടി എം ബാപ്പുമുസ്‌ല്യാര്‍

കോഴിക്കോട്: ഹജ്ജിന്റെ മറവില്‍ മനുഷ്യക്കടത്തെന്ന കേന്ദ്രസര്‍ക്കാര്‍ ആരോപണം വിശ്വസിക്കാന്‍ പറ്റില്ലെന്ന് കേരള ഹജ്ജ് കമ്മിറ്റി ചെയര്‍മാനും സമസ്ത സെക്രട്ടറി യുമായ  ശൈഖുനാ കോട്ടുമല ടി എം ബാപ്പുമുസ്‌ല്യാര്‍. ഹജ്ജിന്റെ മറവില്‍ മനുഷ്യക്കടത്തും ഹവാല ഇടപാടും നടക്കുന്നുവെന്ന് ആരോപിച്ച് കേന്ദ്രസര്‍ക്കാര്‍ സുപ്രീംകോടതിയെ സമീപിച്ചതുമായി ബന്ധപ്പെട്ട് സുപ്രഭാതം ഓണ്‍ലൈനിന് അനുവദിച്ച പ്രത്യേക അഭിമുഖത്തിലാണ് അദ്ദേഹം ഇപ്രകാരം പ്രതികരിച്ചത്.
ഹജ്ജ് കമ്മിറ്റി മുഖേനയോ സ്വകാര്യ ഓപറേറ്റര്‍മാരോ മുഖേനയോ ഇന്ത്യയില്‍ നിന്ന് പോകുന്ന ഹാജിമാര്‍ അവിടെ തങ്ങുന്നുണ്ട് എന്ന് പറയുന്നത് വിശ്വസിക്കാന്‍ കഴിയില്ല. സഊദി സര്‍ക്കാര്‍ കര്‍ശനമായ നിയമം നടപ്പാക്കുമ്പോള്‍, അങ്ങനെയുള്ള ഒരു കാര്യം ആര്‍ക്കും അവിടെ ചെയ്യാന്‍ സാധ്യമല്ല. എന്തിന്റെ പേരിലും സമുദായത്തെ അപകീര്‍ത്തിപ്പെടുത്തുന്ന പ്രവണത ആരുടെ ഭാഗത്ത് നിന്നുണ്ടായാലും അത് അംഗീകരിക്കാന്‍ സാധ്യമല്ലെന്നും കോട്ടുമല വ്യക്തമാക്കി.
യതീംഖാനയിലേക്ക് സുദ്ദേശത്തോടെ ഇതര സംസ്ഥാനങ്ങളില്‍ നിന്ന് കുട്ടികള്‍ വരുന്നതിനെ മനുഷ്യക്കടത്തായി ചിത്രീകരിച്ച് ഇവിടെ കോലാഹലം ഉണ്ടാക്കിയത് നമുക്കറിയാം. എന്നാല്‍ നിഷ്പക്ഷമായ അന്വേഷണം നടത്തിയ ഏജന്‍സികള്‍ തന്നെ അത് മനുഷ്യക്കടത്തല്ല എന്ന് സര്‍ക്കാറിന് റിപ്പോര്‍ട്ട് നല്കിയത് ആരും മറന്നു പോയിട്ടില്ലെന്നും അദ്ദേഹം ഓര്‍മ്മപ്പെടുത്തി.
ഇല്ലാത്ത ആരോപണങ്ങള്‍ ഉന്നയിച്ച് ഒരു സമുദായത്തെ അപകീര്‍ത്തിപ്പെടുത്താനുള്ള ശ്രമങ്ങളില്‍ നിന്ന് ഉത്തരവാദപ്പെട്ടവര്‍ പിന്മാറേണ്ടതാണെന്നും കോട്ടുമല ആവശ്യപ്പെട്ടു. അതു കൊണ്ട് തന്നെയാണ് സുപ്രീംകോടതി പോലും ഗവണ്‍മെന്റിന്റെ വാദം അംഗീകരിക്കാന്‍ തയ്യാറാകാതിരുന്നത്. രാജ്യത്തെ പ്രധാനമന്ത്രിമാരെല്ലാം തുടര്‍ന്നു വന്ന ഒരു രീതിയായിരുന്നു രാജ്യത്തെ പൗരന്മാര്‍ക്ക് പെരുന്നാള്‍ ആശംസകള്‍ നേരുക എന്നത്. എന്നാല്‍ നോമ്പുകാരനെ ശിവസേന എം പി നിര്‍ബന്ധിപ്പിച്ച് ചപ്പാത്തി തീറ്റിച്ചതും ഈദ് സന്ദേശം നല്കാതിരുന്ന മോദി സര്‍ക്കാറും ഹജ്ജിന്റെ കാര്യത്തിലുള്ള കള്ളപ്രചാരണവും നല്കുന്ന മുന്നറിയിപ്പുകളെ അവഗണിക്കാനാവില്ലെന്നും കോട്ടുമല ചൂണ്ടിക്കാട്ടി. (അവ സുപ്രഭാതം)

രാഷ്ട്ര പുനര്‍നിര്‍മാണത്തിന് മുസ്‌ലിംകള്‍ സജ്ജരായിരിക്കണമെന്ന് പാണക്കാട് സാദിഖലി ശിഹാബ് തങ്ങള്‍

തൃശൂര്‍: രാഷ്ട്ര പുനര്‍നിര്‍മ്മാണത്തിന് മുസ്‌ലിംകള്‍ സജ്ജരായിരിക്കണമെന്ന് പാണക്കാട് സാദിഖലി ശിഹാബ് തങ്ങള്‍ പറഞ്ഞു. 'നീതി ബോധത്തിന്‍റെ നിതാന്ത ജാഗ്രത' യെന്ന മുദ്രാവാക്യവുമായി 2015 ഫെബ്രുവരിയില്‍ തൃശൂരില്‍ നടക്കാനിരിക്കുന്ന എസ്‌കെഎസ്എസ്എഫ് സില്‍വര്‍ ജൂബിലി ആഘോഷങ്ങളുടെ ഭാഗമായ 'ഗ്രാന്‍ഡ് ഫിനാലെ'യുടെ സ്വാഗത സംഘം രൂപീകരണത്തിന്റെ ഉദ്ഘാടനം തൃശൂരില്‍ നിര്‍വ്വഹിക്കുകയായിരുന്നു അദ്ദേഹം.
സാമൂഹിക ജീര്‍ണ്ണതക്കെതിരെ നിതാന്ത ജാഗ്രത പുലര്‍ത്തേണ്ടതുണ്ടെന്നും സാംസ്‌ക്കാരിക വിശുദ്ധി നില നിര്‍ത്തേണ്ടത് വിശ്വാസി സമൂഹത്തിന്‍റെ കടമയാണെന്നും അദ്ദേഹം പറഞ്ഞു.തീവ്രവാദത്തിനും വര്‍ഗീയതക്കുമെതിരെ എന്നും മുന്നില്‍ നിന്ന പ്രസ്ഥാനമാണ് സമസ്ത.ഇസ്‌ലാം ഇന്ത്യയിലേക്ക് കടന്ന് വന്ന കൊടുങ്ങല്ലൂര്‍ ഉള്‍പ്പെടെ ചരിത്രപ്രാധാന്യവും സാംസ്‌ക്കാരിക സമ്പന്നവുമായ തൃശൂരാണ് സില്‍വര്‍ ജൂബിലി ആഘോഷങ്ങള്‍ക്കായി തിരഞ്ഞെടുത്തിരിക്കുന്നതെന്ന് എസ്‌കെഎസ്എസ്എഫ് സംസ്ഥാന ജനറല്‍ സെക്രട്ടറി ഓണമ്പിള്ളി മുഹമ്മദ് ഫൈസി പറഞ്ഞു.
സേവന രംഗത്തും വിദ്യാഭ്യാസ-സാംസ്‌ക്കാരിക രംഗത്തും നിസ്തുലമായ സംഭാവന കേരളത്തിന് നല്‍കിയ പ്രസ്ഥാനമെന്ന നിലയില്‍ എസ്‌കെഎസ്എസ്എഫ് എല്ലാവരാലും അംഗീകരിക്കപ്പെട്ടിട്ടുണ്ടെന്നും അദ്ദേഹം പറഞ്ഞു.സമസ്ത കേരള ജംഇയ്യത്തുല്‍ ഉലമ സംസ്ഥാന ഉപാദ്ധ്യക്ഷന്‍ ചെറുവാളൂര്‍ ഹൈദ്രോസ് മുസ്ല്യാര്‍ അദ്ധ്യത വഹിച്ചു, സംസ്ഥാന വര്‍ക്കിംഗ് സെക്രട്ടറി സത്താര്‍ പന്തല്ലൂര്‍ സമ്മേളന പ്രമേയ അവതരണം നടത്തി.(സുപ്രഭാതം)

ഊജംപാടി അക്രമം: പ്രതികള്‍ക്കെതിരെ വധശ്രമത്തിന് കേസെടുക്കണം: SYS

കാസര്‍കോട്: ഊജംപാടിയിലെ മദ്രസ പിടിച്ചെടുക്കുന്നതിന് വേണ്ടി അക്രമം നടത്തിയവരേയും അവരെ അതിന് വേണ്ടി ഏര്‍പ്പാടാക്കിയവരെയും നിയമത്തിന്റെ മുമ്പില്‍ കൊണ്ടു വരണമെന്ന് സുന്നി യുവജന സംഘം ജില്ലാ കമ്മിറ്റി ഭാരവാഹികളായ എം.എ. ഖാസിം മുസ്‌ലിയാര്‍, അബ്ബാസ് ഫൈസി പുത്തിഗെ, മെട്രോ മുഹമ്മദ് ഹാജി, ഖത്തര്‍ ഇബ്രാഹിം ഹാജി തുടങ്ങിയവര്‍ അധികൃതരോട് ആവശ്യപ്പെട്ടു.
തിരുശേഷിപ്പെന്ന പേരില്‍ വ്യാജമുടിയും പാനപാത്രവും കൊണ്ടുവന്ന് സമൂഹത്തില്‍ ഇളഭ്യരായവര്‍ നിലനില്‍പിന് വേണ്ടി ക്വട്ടേഷന്‍ സംഘങ്ങളെയും മറ്റും ഉപയോഗിച്ച് മഹല്ലുകളില്‍ സമാധാനാന്തരീക്ഷം തകര്‍ക്കുകയാണ് മാണിമൂല ഉള്‍പ്പെടെയുള്ള സ്ഥലങ്ങളില്‍ വിഘടിത വിഭാഗം അക്രമങ്ങള്‍ അഴിച്ചുവിടുകയും ജമാഅത്ത് ഭാരവാഹികളെ വധിക്കാന്‍ ശ്രമിക്കുകയുമുണ്ടായിട്ടുണ്ട്. നിയമപാലകരില്‍ ചിലര്‍ അക്രമികളെ സംരക്ഷിക്കുന്ന നിലപാടുകള്‍ സ്വീകരിക്കുന്നത് കാരണമാണ് ഇത്തരം സംഭവങ്ങള്‍ വീണ്ടും ആവര്‍ത്തിക്കാന്‍ കാരണമാകുന്നതെന്നും നേതാക്കള്‍ പ്രസ്താവിച്ചു.
അക്രമികളെ നിയമത്തിന്റെ മുമ്പില്‍ കൊണ്ടുവന്ന് നിയമം നടപ്പിലാക്കണമെന്നും അവര്‍ കൂട്ടിച്ചേര്‍ത്തു.

എസ്.കെ.എസ്.ബി.വി മതവിദ്യാഭ്യാസ കാമ്പയിന്‍ ജില്ലാതല ഉദ്ഘാടനം ഇന്ന്

മേലാറ്റൂര്‍: എസ്.കെ.എസ്.ബി.വി. സംസ്ഥാന വ്യാപകമായി നടത്തിവരുന്ന മതവിദ്യാഭ്യാസ കാമ്പയിനിന്റെ മലപ്പുറം ഈസ്റ്റ് ജില്ലാതല ഉദ്ഘാടനം ഇന്ന് രാവിലെ ഏഴു മണിക്ക് എടയാറ്റൂര്‍ ഹിദായത്തുല്‍ ഇസ്‌ലാം മദ്രസയില്‍ നടക്കും. സമസ്ത ജില്ലാ വാര്‍ക്കിങ് സെക്രട്ടറി പുത്തനഴി മൊയ്തീന്‍ ഫൈസി ഉദ്ഘാടനം ചെയ്യും.
മതവിദ്യാഭ്യാസത്തിന് പ്രാധാന്യം നഷ്ടപ്പെട്ട് കൊണ്ടിരിക്കുന്ന ഈ കാലഘട്ടത്തില്‍ വിദ്യാര്‍ത്ഥികളെ മതബോധത്തിലേക്ക് തിരിച്ചു കൊണ്ടുവരിക എന്ന ലക്ഷ്യത്തോടെയാണ് 'മതം പഠിക്കൂ തമസ്സകറ്റൂ' എന്ന പ്രമേയവുമായി എസ്.കെ.എസ്.ബി.വി. കാമ്പയിന്‍ ആചരിക്കുന്നത്.
വി. ഇഖ്ബാല്‍ ഹുദവി മുഖ്യപ്രഭാഷണം നടത്തും.
അബ്ദുകുട്ടി മുസ്‌ലിയാര്‍, ഉസ്മാന്‍ അന്‍വരി, വി. ത്വയ്യിബ് മാസ്റ്റര്‍, എ.പി. അബ്ദുസ്സലാം ഫൈസി, എസ്.ബി.വി. ജില്ലാ പ്രസിഡന്റ് സൈനുദ്ദീന്‍ ഒളവട്ടൂര്‍, ട്രഷറര്‍ ജുനൈദ് പ്രസംഗിക്കും.

സംസ്ഥാന ഹജ്ജ് കമ്മിറ്റി രണ്ടാം ഘട്ട ഹജ്ജ് ക്ലാസുകള്‍ 13 മുതല്‍

കാസര്‍കോട്: ജില്ലയില്‍ നിന്ന് ഈ വര്‍ഷം സംസ്ഥാന ഹജ്ജ് കമ്മിറ്റി മുഖേന തെരെഞ്ഞെടുക്കപ്പെട്ട ഹജ്ജാജിമാര്‍ക്കുള്ള രണ്ടാം ഘട്ട ക്ലാസുകള്‍ 13 മുതല്‍ ആരംഭിക്കും. വിവിധ മേഖലകളിലുള്ളവര്‍ക്ക് വിവിധ കേന്ദ്രങ്ങളിലാണ് ക്ലാസുകള്‍ നടക്കുക.
കാഞ്ഞങ്ങാട്, ഉദുമ, നീലേശ്വരം മേഖലകളിലെ ഹജ്ജാജിമാര്‍ക്ക് കാഞ്ഞങ്ങാട് യതീംഖാന ഹാളില്‍ നടക്കുന്ന ഉദ്ഘാടന സംഗമത്തില്‍ ക്ലാസ് നടക്കും. കാസര്‍കോട് മേഖലയിലുള്ളവര്‍ക്ക് ചെര്‍ക്കള ഖുവ്വത്തുല്‍ ഇസ്ലാം മദ്‌റസയില്‍ 14ന് രാവിലെ 9.30ന് തുടങ്ങും. മഞ്ചേശ്വരം മണ്ഡലത്തിലെ ക്ലാസ് 14ന് ഉച്ചക്ക് 2 മണിക്ക് ബന്തിയോട് ബദ്‌രിയ്യ ജുമാമസ്ജിദ് ഹാളിലും തൃക്കരിപ്പൂര്‍ മേഖലയിലുള്ളവര്‍ക്ക് 16ന് ഉച്ചയ്ക്ക് 1.30ന് തൃക്കരിപ്പൂര്‍ വടക്കെ കൊവ്വല്‍ മദ്രസാ ഹാളിലും നടക്കും.
ക്ലാസുകളില്‍ ഹജ്ജ് ഗൈഡ്, ഹാറ്റ് കാര്‍ഡ്, ബഗേജ് സ്റ്റിക്കര്‍ എന്നിവ വിതരണം ചെയ്യും. ഹജ്ജാജിമാര്‍ ക്ലാസുകള്‍ നടക്കുന്ന ദിവസം കൃത്യസമയത്ത് എത്തണമെന്ന് കാസര്‍കോട് ജില്ലാ ഹജ്ജ് ട്രെയ്‌നര്‍ പറഞ്ഞു.
ബന്ധപ്പടാവുന്ന നമ്പര്‍ താഴെ കൊടുക്കുന്നു.
കാസര്‍കോട് മേഖലയിലുള്ളവര്‍-9446111188, 9447731334, 9633644663
മഞ്ചേശ്വരം മേഖലയിലുള്ളവര്‍-9446411353
കാഞ്ഞങ്ങാട് മേഖലയിലുള്ളവര്‍-9846688088,9605035135
തൃക്കരിപ്പൂര്‍ മേഖലയിലുള്ളവര്‍-9447450102 (അവ.സുപ്രഭാതം)

ഫലസ്തീനും സയണിസവും

ഫലസ്തീന്‍ ഭൂപ്രദേശത്തിന്റെ സിംഹഭാഗവും ബ്രിട്ടന്റെയും അമേരിക്കയുടെയും സഹായത്താല്‍ പെരുമ്പാമ്പ് ആടിനെ വിഴുങ്ങും വിധം ഇസ്രാഈല്‍ ഘട്ടം ഘട്ടമായി വിഴുങ്ങുകയായിരുന്നു. യഹൂദമതത്തിന്റെ ഉത്ഭവം തൊട്ട് 1900 വരെയുള്ള കാലയളവില്‍ വാഗ്ദത്തഭൂമിയില്‍ ജൂതരാഷ്ട്രം സ്ഥാപിക്കണമെന്ന ആവശ്യം ഒരിക്കലും അവര്‍ ഉന്നയിച്ചിട്ടില്ല. വിദേശ നാടുകളില്‍ നിന്നും ജറുസലേമിലെത്തുന്ന തീര്‍ത്ഥാടകരുടെ എണ്ണം പോലും അത്യപൂര്‍വ്വമായിരുന്നു. യഹൂദര്‍ സിയോണ്‍ കുന്നുകളെ ലക്ഷ്യം വെച്ച് പ്രാര്‍ത്ഥിക്കുകയും പരസ്പരം കണ്ടുമുട്ടുമ്പോള്‍ 'അടുത്ത വര്‍ഷം ജറുസലേമില്‍' എന്ന ആപ്തവാക്യം ഉരുവിട്ട് ഹസ്തദാനം നടത്തുകയും ചെയ്യല്‍ പതിവായിരുന്നു. മതപരമായ വിശ്വാസത്തിനും ആചാരത്തിനുമപ്പുറം ഈ സ്ഥലനാമങ്ങള്‍ക്കും പദാവലികള്‍ക്കും രാഷ്ട്രീയമായ അര്‍ത്ഥങ്ങള്‍ ഒന്നുമില്ലായിരുന്നു.
യഹൂദരാഷ്ട്രം സ്ഥാപിക്കുന്നതിനായി സയണിസ്റ്റുകള്‍ ഫലസ്തീന്‍ തെരഞ്ഞെടുത്തത് ബഹുമുഖ ലക്ഷ്യത്തോടുകൂടിയായിരുന്നു. വാഗ്ദത്ത ഭൂമിയോടുള്ള ഇഷ്ടംകൊണ്ടല്ല; മറിച്ച് സാമ്പത്തികവും സാമ്രാജ്യത്വപരവുമായ താല്‍പര്യമായിരുന്നു പിന്നില്‍. 1935 ല്‍ ലോക സയണിസ്റ്റ് അധ്യക്ഷനായിരുന്ന നഹാം ഗോള്‍ഡ്മാന്റെ പ്രസ്താവന മേല്‍പറഞ്ഞ കാര്യം ശരിവെക്കുന്നതിനുള്ള ഒന്നാന്തരം തെളിവുകളാണ്. കാനഡയില്‍ നിന്നും ഫ്രഞ്ച് ഭാഷയില്‍ പ്രസിദ്ധീകരിച്ച നാഷണല്‍ എന്ന പ്രസിദ്ധീകരണത്തില്‍ വന്ന പ്രസ്താവന ഇങ്ങനെയായിരുന്നു. 'യഹൂദര്‍ക്ക് രാജ്യം സ്ഥാപിക്കുവാന്‍ ഉഗാണ്ടയിലോ മെഡഗാസ്‌ക്കറിലോ മറ്റോ സ്ഥലം കരസ്ഥമാക്കുക സാധ്യമായിരുന്നു. പക്ഷേ ഫലസ്തീനല്ലാതെ അവര്‍ക്ക് മറ്റൊരു നാടും ആവശ്യമില്ലായിരുന്നു. മത-ചരിത്ര പരിഗണനകള്‍ കൊണ്ടോ തൗറാത്തില്‍ ഫലസ്തീനെ കുറിച്ച് പരാമര്‍ശം ഉള്ളതുകൊണ്ടോ ആയിരുന്നില്ല ഇത്. പ്രസ്തുത യൂറോപിന്റെയും ഏഷ്യയുടെയും ആഫ്രിക്കയുടെയും ഇടക്കുള്ള പാതകളുടെ സംഗമസ്ഥാനവും ലോക രാഷ്ട്രീയത്തെ സ്വാധീനിക്കുവാനും ലോകാധിപത്യം നേടാനുമുതകുന്ന തന്ത്രപ്രധാനമായ പ്രദേശമാണ് ഫലസ്തീന്‍' എന്നതായിരുന്നു കാരണം.

സമസ്തയുടെ സ്ഥാപനങ്ങള്‍ കയ്യേറല്‍; ചാനല്‍ വാര്‍ത്ത ദുരുദ്ദേശപരം: അബ്ദുസ്സമദ് പൂക്കോട്ടൂര്‍

മലപ്പുറം: സമസ്തയുടെ സ്ഥാപനങ്ങള്‍ കയ്യേറാന്‍ ചിലര്‍ നടത്തുന്ന ശ്രമങ്ങള്‍ക്ക് മുസ്‌ലിം രാഷ്ടീയ സംഘടന കൂട്ട് നില്‍ക്കുന്നു എന്ന പേരില്‍ ഒരു ചാനലില്‍ വന്ന വാര്‍ത്ത ദുരുദ്ധേശപരമാണെന്ന് എസ്.വൈ.എസ് സംസ്ഥാന സെക്രട്ടറി അബ്ദുസ്സമദ് പൂക്കോട്ടൂര്‍. 
മലപ്പുറം ജില്ലയിലെ തച്ചണ്ണ പള്ളി,മദ്‌റസ തര്‍ക്കവുമായി ബന്ധപ്പെട്ട് ഒരു ചാനല്‍ പ്രധിനിധി തന്നെ സമീപിച്ചിരുന്നു. വ്യാജ കേശ പ്രശ്‌നത്തില്‍ ജനപിന്തുണ നഷ്ടമായ കാന്തപുരം വിഭാഗം സ്വന്തം അണികള്‍ക്ക് വീര്യം പകരുവാന്‍ സമസ്തയുടെ സ്ഥാപനങ്ങള്‍ കയ്യേറുകയെന്ന പഴയ തന്ത്രം വീണ്ടും പുറത്തിറക്കുകയാണെന്നും ഇതിന് പിന്തുണ നല്‍കുന്നത് കോണ്‍ഗ്രസ്സിലെ ഒരു ഗ്രൂപ്പാണെന്നും ഞാന്‍ പ്രതികരിച്ചിരുന്നു.
സ്വന്തം ഗ്രൂപ്പിന് ശക്തി കൂട്ടാന്‍ കാന്തപുരം വിഭാഗത്തെ ചില കോണ്‍ഗ്രസ് നേതാക്കളും, സമസ്തയുടെ സ്ഥാപനം പിടിച്ചെടുക്കാന്‍ അത്തരം നേതാക്കളെ കാന്തപുരവും ഉപയോഗപ്പെടുത്തി ഒത്തുകളി നടത്തുകയാണ്. ഇക്കാര്യം വ്യക്തമായി അഭിമുഖത്തില്‍ പരാമര്‍ശിച്ചിട്ടും, ഒരു രാഷ്ട്രീയപാര്‍ട്ടിയാണ് പ്രശ്‌നം വഷളാക്കിയതെന്ന് ഭാഗികമായി അവതരിപ്പിച്ച് മുസ്‌ലിംലീഗിനെ പ്രതിസ്ഥാനത്ത് നിര്‍ത്തിയാണ് ഞാന്‍ പ്രതികരിച്ചതെന്ന് വരുത്തിതീര്‍ക്കാന്‍ നടത്തിയ ശ്രമം തികച്ചും അസംബന്ധമാണ്.
അഭിമുഖം പൂര്‍ണമായി നല്‍കിയാല്‍ കള്ളക്കളി വെളിച്ചത്താവും. സമസ്തയുടെ സ്ഥാപന പ്രശ്‌നങ്ങളില്‍ മുസ്‌ലിം ലീഗ് എക്കാലത്തും നീതിപൂര്‍വമായ സമീപനമാണ് സ്വീകരിച്ച് വന്നിട്ടുള്ളത്. ലീഗിനേയും സമസ്തയുടെ അണികളേയും രണ്ടു തട്ടിലാക്കാന്‍ ശ്രമിക്കുന്നവര്‍ ആശവിതച്ച് നിരാശ കൊയ്യാന്‍ വിധിക്കപ്പെട്ടവരാണന്നും അദ്ധേഹം പറഞ്ഞു.

സംസ്ഥാന ഹജ്ജ് വളണ്ടിയര്‍മാര്‍ക്കുള്ള പരിശീലനം ഏഴിന്‌ മുംബൈയില്‍

കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേനയുള്ള ഹജ്ജ് തീര്‍ഥാടകരെ സഹായിക്കുന്നതിനുള്ള ഹജ്ജ് വളണ്ടിയര്‍മാര്‍ക്കുള്ള പരിശീലനം ഏഴിന് മുംബൈയില്‍ നടക്കും. കേരളത്തില്‍നിന്നും 28 വളണ്ടിയര്‍മാരാണുള്ളത്.
തീര്‍ഥാടകരെ യാത്രയിലും കര്‍മങ്ങളിലും സഹായിക്കാനാണ് വളണ്ടിയര്‍മാരെ നിയോഗിക്കുന്നത്. 300 പേര്‍ക്ക് ഒരാള്‍ എന്ന അനുപാതത്തിലാണ് വളണ്ടിയര്‍മാരുള്ളത്. ഹജ്ജ് നിര്‍വഹണ വേളയില്‍ ഇവര്‍ തീര്‍ഥാടകരോടൊപ്പമുണ്ടാകും.

ഇസ്രാഈലിനെ തിരുത്തിയ ലോകം

ഇസ്രാഈലിന്റെ ഗസ്സ അധിനിവേശത്തിന് താല്‍ക്കാലിക വിരാമം പ്രഖ്യാപിച്ചിരിക്കുകയാണ്. എഴുപത്തിരണ്ടു മണിക്കൂര്‍ വെടിനിര്‍ത്തല്‍ ധാരണക്കൊപ്പമാണ് കര-വ്യോമ സേനകളെ ഗസ്സയില്‍നിന്ന് പൂര്‍ണമായും പിന്‍വലിക്കാന്‍ ഇസ്രാഈല്‍ തീരുമാനിച്ചത്. ആക്രമണം അവസാനിച്ചപ്പോള്‍ കൂട്ടക്കൊല ചെയ്യപ്പെട്ടത് 1800ലധികം ഫലസ്തീനികള്‍. കൊല്ലപ്പെട്ടവരില്‍ 70 ശതമാനവും സാധാരണക്കാരും കുട്ടികളും. രണ്ടു ലക്ഷം പേര്‍ ഭവന രഹിതരായി. ഇസ്രാഈല്‍ പക്ഷത്ത് മരിച്ചത് 64 പട്ടാളക്കാര്‍. അവരുടെ സിവിലിയന്മാര്‍ ഹമാസിനെ ഭയപ്പെട്ടില്ല. മറിച്ച്, ഗസ്സയില്‍ കുഞ്ഞുങ്ങള്‍ പിടഞ്ഞുവീഴുമ്പോള്‍ അവരില്‍ പലരും ആര്‍ത്തു ചിരിക്കുകയും ചെയ്തു. തങ്ങള്‍ക്കെതിരെ പ്രതിഷേധിച്ച ഇസ്രാഈലി മനുഷ്യാവകാശപ്രവര്‍ത്തകരെയും ജൂതന്മാരെയും സയണിസ്റ്റ് പട്ടാളം ക്രൂരമായി മര്‍ദ്ദിച്ച് ജയിലിലടച്ചു.
മൂന്ന് ചെറുപ്പക്കാരെ കടത്തിക്കൊണ്ടുപോയി കൊന്നുകളഞ്ഞു എന്ന കാരണം പറഞ്ഞ് കൂട്ടക്കൊലക്ക് തുടക്കമിട്ട ഇസ്രാഈല്‍, അവരെക്കൊന്നത് ഹമാസല്ല എന്ന് സമ്മതിച്ചെങ്കിലും കൊടുംക്രൂരത അവസാനിപ്പിച്ചില്ല. ലോകം വ്രതവിശുദ്ധിയുടെ പ്രാര്‍ത്ഥനാനിര്‍ഭരമായ ദിനരാത്രങ്ങള്‍ പിന്നിടുന്ന നേരത്ത് ഗസ്സയിലെ കുഞ്ഞുങ്ങളും സ്ത്രീകളും സാധാരണക്കാരും മരണത്തിന്റെ കാലൊച്ച കാത്തിരുന്നു. നുണയില്‍ തുടങ്ങി നുണയില്‍ അവസാനിക്കുന്ന യുദ്ധങ്ങളുടെ പട്ടികയിലേക്ക് ഇസ്രാഈല്‍, ഗസ്സ ഓപ്പറേഷന്‍-2014 എന്നുകൂടി എഴുതിച്ചേര്‍ത്തു. ഇസ്രാഈലിനു ഭീഷണിയായ ഹമാസിന്റെ 32 ഭൂഗര്‍ഭ തുരങ്കങ്ങള്‍ തകര്‍ത്തു കളഞ്ഞുവെന്നാണ് ഗസ്സയില്‍നിന്ന് പിന്മാറുമ്പോള്‍ അവര്‍ അവകാശപ്പെടുന്ന നുണകളിലൊന്ന്.

ഒ.കെ അര്‍മിയാഅ് മുസ്‌ലിയാര്‍: ലാളിത്യത്തിന്റെ ആള്‍രൂപം

 വിനയവും ലാളിത്യവും മുഖമുദ്രയാക്കിയ പണ്ഡിതനായിരുന്നു ഇന്നലെ വിടപറഞ്ഞ സമസ്ത കേന്ദ്ര മുശാവറാംഗം ഒ.കെ അര്‍മിയാഅ് മുസ്‌ലിയാര്‍. അറിവിന്റെ ഉന്നതങ്ങളില്‍ നിന്ന് ലളിതജീവിതം കൊണ്ട് വിസ്മയം തീര്‍ക്കുകയായിരുന്നു അദ്ദേഹം.
നാട്ടുകാര്‍ ഉപ്പ എന്ന് സ്‌നേഹപൂര്‍വ്വം വിളിച്ചിരുന്ന ഉസ്താദിന്റെ വിയോഗം പണ്ഡിത കുലത്തിന് തീരാ നഷ്ടമാണ്. കേരളമങ്ങോളം ഒട്ടേറെ പ്രാര്‍ത്ഥനാ സദസുകളെ ദീപ്തമാക്കിയ അദ്ദേഹം ജാതിമത ഭേദമന്യേ സ്വീകാര്യനായിരുന്നു. ഒരു നാട് മുഴുവന്‍ തങ്ങളുടെ പ്രശ്‌നങ്ങള്‍ക്ക് പരിഹാരം കാണാന്‍ ഉസ്താദിന്റെ വീട്ടിലെത്തുന്നത് പതിവ് കാഴ്ചയായിരുന്നു. എത്ര വിഷമം പിടിച്ച പ്രശ്‌നമാണെങ്കിലും ഒടുക്കം പുഞ്ചിരിച്ച് കൈകൊടുത്ത് പിരിയുന്നത് കാണാം. അനാഥ സംരക്ഷണത്തിനായി ജീവിതകാലം ഉഴിഞ്ഞ്‌വെച്ച അദ്ദേഹം പാണക്കാട് പൂക്കോയ തങ്ങള്‍ നല്‍കിയ ഒരു രൂപയുമായിട്ടാണ് പെരുവള്ളൂര്‍ തന്‍വീറുല്‍ ഇസ്‌ലാം യതീംഖാനക്ക് ശിലയിട്ടത്.
1935 ല്‍ വേങ്ങരക്കടുത്ത ഇരിങ്ങല്ലൂരിലാണ് ഒ.കെ ഉസ്താദ് ജനിച്ചത്. ഒറ്റകത്ത് കുഴിക്കാട്ടില്‍ അര്‍മിയാഅ് മുസ്‌ലിയാര്‍ എന്നാണ് മുഴുവന്‍ പേര്. മുസ്‌ലിം സമുദായം ദാരിദ്ര്യത്തിന്റെ കൈപ്പുനീര്‍ കുടിക്കുന്ന അക്കാലത്ത് മത പഠന രംഗത്തെത്തിയ ഉസ്താദിന്റെ ആദ്യ ഗുരു ഉമ്മ തന്നെയായിരുന്നു. മുതഫരിദ് പോലുള്ള ചെറു ഇസ്‌ലാമിക ഗ്രന്ഥങ്ങള്‍ സ്വായത്തമാക്കിയത് ഉമ്മയിലൂടെയായിരുന്നു. തെറ്റുകൂടാതെ ഖൂര്‍ആന്‍ ഓതുന്ന മകനെ പിതാവ് രായിന്‍കുട്ടി ഹാജി കോട്ടുമല അബൂബക്കര്‍ മുസ്‌ലിയാരുടെ ദര്‍സില്‍ ചേര്‍ത്തു. തുടര്‍ന്ന് പന്ത്രണ്ട് വര്‍ഷത്തോളം കോട്ടുമല ഉസ്താദിന്റെ ശിഷ്യത്വത്തിലായിരുന്നു. ശൈഖ് ആദം ഹസ്രത്ത്, ശൈഖ് ഹസന്‍ ഹസ്രത്ത്, അബൂബക്കര്‍ ഹസ്രത്ത് , എം.എം ബഷീര്‍ മുസ്‌ലിയാര്‍, ഒ.കെ സൈനുദ്ദീന്‍ മുസ്‌ലിയാര്‍ തുടങ്ങിയവരുടെ ശിക്ഷണവും നേടിയിട്ടുണ്ട്.

SKSBV പ്രവർത്തകർക്ക് നാട് വിട ചൊല്ലി; തിരൂർ പ്രദേശം കണ്ണീർ കടലായി..

തിരൂർ: നാടിനെ നടുക്കിയ സംഭവത്തില്‍ അവരിലൊരാളുടെ ചേതനയറ്റ ശരീരം ലഭിച്ചതുമുതല്‍ കരഞ്ഞുകലങ്ങിയ കണ്ണുകളുമായിരിക്കുന്നവർക്കു മുമ്പിൽ ശേഷിച്ചവരുടെ കൂടി മയ്യിത്തുകള്‍ എത്തിയപ്പോള്‍ നാട്‌ അക്ഷരാര്‍ത്ഥത്തില്‍ വിങ്ങിപ്പൊട്ടുകയായിരുന്നു. കരഞ്ഞു കലങ്ങിയ കണ്ണുകള്‍ക്കും കണ്ണീര്‍ തുള്ളികള്‍ക്കും അകമ്പടിയായി ആകാശവും കനത്തു പെയ്യുമ്പോഴാണ്‌ ശേഷിച്ച രണ്ടു പേരുടെ കൂടി മയ്യിത്തുകള്‍ കരയിലെത്തിയത്‌.
ഈസ്റ്റ് ചെമ്പ്രയിലെ ഇപ്പൂട്ടിങ്ങല്‍ പാലത്തിനു സമീപം വെള്ളക്കെട്ടില്‍ കാണാതായ രണ്ട് വിദ്യാര്‍ത്ഥികളുടെ കൂടി മൃതദേഹങ്ങള്‍ കഴിഞ്ഞ ദിവസം ഏറെ വൈകിയാണ് കണ്ടെത്തിയത്. തിരൂര്‍ ഈസ്റ്റ് ചെമ്പ്ര കുരിക്കള്‍പ്പടി നടക്കാവില്‍ ഇസ്മാഈലിന്റെ മകന്‍ മുഹമ്മദ് റമീസ് (12), ഇസ്്മാഈലിന്റെ സഹോദരന്‍ അബ്ദുല്‍ ജലീലിന്റെ മകന്‍ അജ്മല്‍ (14) എന്നിവരുടെ മൃതദേഹങ്ങളാണ് ഇന്നലെ രാവിലെ എട്ടു മണിയോടെ രക്ഷാപ്രവര്‍ത്തകര്‍ കണ്ടെടുത്തത്. ഇപ്പൂട്ടിങ്ങല്‍ കണ്ടനാത്ത് കടവ് പാലത്തിനു സമീപമുള്ള വെള്ളക്കെട്ടിലെ പുല്‍ക്കാടുകളില്‍ തങ്ങിനില്‍ക്കുന്ന അവസ്ഥയിലായിരുന്നു മൃതദേഹങ്ങള്‍.

തിരൂരിലെ മൂന്നു SKSBV പ്രവർത്തകരുടെ മരണം; അവരുടെ കിനാവുകള്‍ക്ക് ഇനി ഒരു ഖബര്‍ ദൂരം മാത്രം

തിരൂര്‍: ഒരുമിച്ചു പഠിച്ചും കളിച്ചും കൈക്കോര്‍ത്ത് പിടിച്ചുറങ്ങിയും സ്വപ്‌നങ്ങള്‍ക്ക് നിറം പകര്‍ന്ന ചെമ്പ്രയിലെ മൂന്ന് കുട്ടികള്‍ക്ക് ഇനി ഒരു ഖബര്‍ ദൂരത്തില്‍ വിശ്രമം. ഉമ്മയും ഉപ്പയും മനസ്സില്‍ കൊത്തിവച്ച മോഹങ്ങളെ അവര്‍ അവിടെക്കിടന്ന് കിനാവു കാണും. തിരൂര്‍ ഈസ്റ്റ് ചെമ്പ്രയിലെ ഇപ്പൂട്ടീങ്ങല്‍ കണ്ടനാത്ത് കടവ് പാലത്തിനു സമീപം വെള്ളക്കെട്ടില്‍ ഒഴുക്കില്‍പ്പെട്ട് ജീവന്‍പൊലിഞ്ഞ ഈസ്റ്റ് ചെമ്പ്ര കുരിക്കള്‍പ്പടി നടക്കാവില്‍ ഇസ്മാഈലിന്റെ മക്കളായ മുഹമ്മദ് റഈസുദ്ദീനും (14), മുഹമ്മദ് റമീസിനും (12), ഇസ്്മാഈലിന്റെ സഹോദരന്‍ അബ്ദുല്‍ ജലീലിന്റെ മകന്‍ അജ്മലിനും(14) ചെമ്പ്ര ജുമാമസ്ജിദ് ഖബര്‍സ്ഥാനിന്റെ വടക്കു -കിഴക്ക് ഭാഗത്ത് ഖബറൊരുങ്ങിയത് കുട്ടികളുടെ ജീവിതം പോലെ ഒട്ടിച്ചേര്‍ന്നു തന്നെ. 
ഒരു ചുമര്‍ വ്യത്യാസത്തില്‍ കുട്ടികളെ ചേര്‍ത്തുകിടത്തി മൂടുകല്ല് വച്ച ശേഷം കാല്‍നൂറ്റാണ്ടു കാലമായി ഇവിടെ ഖബര്‍ വെട്ടുന്ന പൊട്ടാഞ്ചേരി മൊയ്തീനും മുഹമ്മദും ഒറ്റ ശ്വാസത്തില്‍ പറഞ്ഞു: ജീവിതത്തില്‍ ഇതാദ്യമായാണ് മൂന്നുപേര്‍ക്ക് ഒരുമിച്ച് ഖബര്‍ വെട്ടുന്നത്.
മരണപ്പെട്ട റഈസുദ്ദീനും റമീസും അജ്മലും
കൂടിനിന്ന ആയിരങ്ങളെ കണ്ണീരണിയിച്ചാണ് റഈസുദ്ദീനും റമീസും അജ്മലും കണ്‍മറഞ്ഞത്. സഹപാഠികളും സഹപ്രവര്‍ത്തകരും നാട്ടുകാരും മൂന്നുകുട്ടികളുടെയും ഖബറിനു മുകളിലേക്ക് മൂന്നുപിടി മണ്ണു വാരിയിട്ടതിനു ശേഷം അതേ കൈകളോടെ കണ്ണുനീര്‍ തുടക്കുന്നതു കാണാമായിരുന്നു. എപ്പോഴും ഒരുമിച്ചായിരുന്നു ഈ മൂന്നുകുട്ടികളും. വീട്ടില്‍ വളര്‍ന്നതും സ്‌കൂളില്‍ പഠിച്ചതും പാടത്ത് കളിച്ചതും.  
 അവസാനം മരണം മാടിവിളിച്ച വെള്ളക്കെട്ടിലേക്ക് സൈക്കിള്‍ ചവിട്ടിപ്പോയതും ഒരുമിച്ചു തന്നെ. കൈപ്പിടിച്ചു കഥപറഞ്ഞു നടന്ന ചെമ്പ്ര എ.എം.യു.പി സ്‌കൂളിന്റെ ഗ്രൗണ്ടില്‍ ഒന്നും മിണ്ടാതെ ആയിരങ്ങളുടെ കണ്ണുനനച്ച് അവര്‍ എല്ലാവരും കാണാനായി അല്‍പനേരം കിടന്നു.
റമീസും അജ്മലും കൂട്ടുകാർക്കൊപ്പം 
 പഠനത്തിനോടൊപ്പം തന്നെ  പാഠ്യേതര കാര്യങ്ങളില്‍ എന്നും മുന്നിലായിരുന്നു. നാടിനു പ്രിയപ്പെട്ടവര്‍. മുസ്‌ലിംലീഗ് കുടുംബത്തില്‍ ഇളംതലമുറയിലെ പ്രതീക്ഷകള്‍. ഇക്കഴിഞ്ഞ പെരുന്നാള്‍ തലേന്ന് ചെമ്പ്ര ഇര്‍ശാദുസ്സ്വിബ്‌യാന്‍ മദ്രസ പൂര്‍വ വിദ്യാര്‍ത്ഥികളുടെ പാവങ്ങള്‍ക്കുള്ള പെരുന്നാള്‍കിറ്റ് വിതരണം ചെയ്തിരുന്നു അജ്മല്‍. കഴിഞ്ഞ പാര്‍ലമെന്റ് തെരഞ്ഞെടുപ്പ് സമയത്ത് മുസ്‌ലിംലീഗ് സ്ഥാനാര്‍ത്ഥിക്കു വേണ്ടി സജീവ പ്രചാരണത്തിലും മൂന്നു പേരും പങ്കാളികളായിരുന്നു.
സ്ലിപ്പ് വിതരണത്തിനും വോട്ടര്‍മാരെ സഹായിക്കാനും ഓടിനടന്ന ഇവര്‍ എസ്.ബി.വിക്കൊപ്പം  എം.എസ്.എഫിന്റെയും സജീവ പ്രവര്‍ത്തകരായിരുന്നു.

ഗുണ്ടകളെ ഉപയോഗിച്ച് മദ്രസ പിടിച്ചെടുക്കുന്നത് അവസാനിപ്പിക്കണം : SKSSF കാസര്‍കോട്

കാസര്‍കോട് : ഗുണ്ടകളെ ഉപയോഗിച്ച് മദ്രസ പിടിച്ചെടുക്കുന്നത് അവസാനിപ്പിക്കണമെന്നും മദ്രസക്ക് നേരെയുള്ള അക്രമം അനിസ്ലാമികമെന്നും എസ്‌.കെ.എസ്.എസ്.എഫ്. സുന്നിയില്‍ നിന്നും ഒരിക്കലും ഉണ്ടാവാന്‍ പാടില്ലാത്തതാണ് കഴിഞ്ഞ ദിവസം സംഭവിച്ചത്. ഇത്തരം ഇസ്ലാമിക പ്രവര്‍ത്തനങ്ങളെ സമൂഹം തിരിച്ചറിയണമെന്നും അക്രമത്തില്‍ പ്രതിഷേധിക്കുന്നുവെന്നും ജില്ലാ പ്രസിഡന്റ് താജുദ്ദീന്‍ ദാരിമി പടന്ന, സെക്രട്ടറി ഹാരിസ് ദാരിമി ബെദിര പത്രക്കുറിപ്പില്‍ പറഞ്ഞു.
1987 മുതല്‍ സമസ്തയുടെ സിലബസ് പഠിപ്പിക്കുകയും 2000 ത്തോടു കൂടി സമസ്ത കേരള ഇസ്ലാം മത വിദ്യാഭ്യാസ ബോര്‍ഡിന്റെ അംഗീകാരം ലഭിക്കുകയും ചെയ്ത ഊജംപാടി മദ്രസ ചില രാഷ്ട്രീയ ഗുണ്ടകളും നിരവധി കേസിലെ പ്രതികളുമായ പള്ളങ്കോട് അബ്ദുല്‍ അസീസ്, കുഞ്ഞിപ്പ, അന്‍വര്‍ശുഹൈബ്, ഇയാസ്, കൊട്യാടിയിലെ ശാഹുല്‍ ഹമീദ്, പള്ളത്തൂരിലെ അബ്ദുല്‍ ശമീര്‍ എന്നിവരുടെ നേതൃത്വത്തില്‍ വടിവാള്‍, കത്തി മുതലായ മാരകായുധമായി സമസ്ത മദ്രസാ പരിസരത്ത് വരികയും മറു വിഭാഗത്തിന്റെ ബോര്‍ഡു സ്ഥാപിക്കാന്‍ ശ്രമിക്കുകയും ചെയ്തു. ഇതുസംബന്ധിച്ച അന്വേഷിക്കാന്‍ പോയ ജമാഅത്ത് സെക്രട്ടറി ബി. യൂസുഫ്, എസ്‌.കെ.എസ്.എസ്.എഫ് ജില്ലാട്രഷററും ഊജംപാടി രിഫായി മസ്ജിദ് വൈസ്പ്രസിഡുമായ ഹാഷിം ദാരിമി ദേലംപാടി, പ്രവരത്തകന്മാരായ ജുനൈദ്, മൂസാന്‍, ഇഹ്‌സാന്‍ എന്നിവരെ വധിക്കാന്‍ ശ്രമിച്ചത്.
ദിവസങ്ങള്‍ക്ക് മുമ്പ് പള്ളങ്കോട് വെച്ച് നടന്ന കാന്തപുരം വിഭാഗത്തിന്റെ പരിപാടിക്ക് ശേഷം പള്ളങ്കോട് അബ്ദുല്‍ ഖാദര്‍ മദനി, റഫീഖ് സഅദി ദേലംപാടി, ചെരുമ്പ ഖത്തീബ് ഹസന്‍ സഅദി, തളങ്കര കുന്നില്‍ മുഹമമദ് മദനി ഇവരുടെ നേതൃത്വത്തി ല്‍ നടന്ന ഗൂഢാലോചനയുടെ മറവിലാണ് ഇത് നടന്ന താണെന്നും ഇത്തരക്കാരെ മഹല്ലിന്‍ നിന്ന് മാറ്റിനിര്‍ത്തണമെന്നും ഇവരുടെ നേതൃത്വത്തില്‍ മഹല്ല് നേതൃത്വം കൊണ്ട് പോകുന്നത് പുനരാലോചന നടത്തണമെന്നും എസ്‌.കെ.എസ്.എസ്.എഫ് നേതാക്കള്‍ അഭിപ്രായപ്പെട്ടു.
പരിക്കറ്റു ആശുപത്രിയില്‍ കഴിയുന്ന ജില്ലാ ട്രഷററടക്കമുള്ള സുന്നീ പ്രവര്‍ത്തകരെ സമസ്ത പ്രസിഡന്റ് ത്വാഖാ അഹ്മദ് മൗലവി, ജനസെക്രട്ടറി യു.എം അബ്ദുല്‍ റഹ്മാന്‍ മൗലവി, എസ് വൈഎസ് പ്രസിഡന്റ് എംഎ ഖാസിം മുസ്‌ലിയാര്‍, സെക്രട്ടറി അബ്ബാസ് ഫൈസി പുത്തിഗെ,സാലൂദ് നിസാമി, കണ്ണൂര്‍ അബ്ദുല്ല മാസ്റ്റര്‍, ഇബ്രാഹിം ഫൈസി ജെഡിയാര്‍, താജുദ്ദീന്‍ ദാരിമി പട്ന്ന, ഹാരിസ് ദാരിമി ബെദിര എന്നിവര്‍ സന്ദര്‍ശിച്ചു.
- Secretary, SKSSF Kasaragod Distict Committee

ദാറുല്‍ ഹുദ നാളെ (ബുധന്‍) തുറക്കും

തിരൂരങ്ങാടി : റമദാന്‍ അവധി കഴിഞ്ഞ് ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റിക്ക് കീഴിലുള്ള സെക്കണ്ടറി ഇന്‍സ്റ്റിട്യൂഷനും ഡിഗ്രി കോളേജും നാളെ (06/08/14 ബുധന്‍) തുറക്കുമെന്ന് രജിസ്ട്രാര്‍ അറിയിച്ചു. പുതുതായി പി.ജിയിലേക്ക് അഡ്മിഷന്‍ ലഭിച്ചവര്‍ക്കുള്ള പ്രവേശനവും 6 ന് നടക്കുമെന്ന് അക്കാദമിക് ഓഫീസ് അറിയിച്ചു.
- Darul Huda Islamic University

കാപ്പാട് ഐനുല്‍ ഹുദാ ഓര്‍ഫനേജ് കമ്മറ്റി ഹജ്ജ് ക്ലാസ് 12, 13 തിയ്യതികളില്‍

കാപ്പാട് : ഐനുല്‍ ഹുദാ ഓര്‍ഫനേജ് കമ്മറ്റി വര്‍ഷം തോറും നടത്തിവരാറുള്ള ഹജ്ജ് പഠന ക്ലാസ് ഈ വരുന്ന ആഗസ്റ്റ് 12, 13 (ചൊവ്വ, ബുധന്‍) തിയ്യതികളില്‍ കാപ്പാട് അല്‍ ഹുദാ കാമ്പസില്‍ നടത്താന്‍ തീരുമാനിച്ചു. ക്ലാസിന് പ്രമുഖ ഖുര്‍ആന്‍ പണ്ഡിതന്‍ ഉസ്താദ് കെ എം അബ്ദുല്ലത്ത്വീഫ് നദ്‌വി നേതൃത്വം നല്‍കുമെന്നും ക്ലാസുകള്‍ കൃത്യം 9.30 ന് ആരംഭിക്കുമെന്നും ജനറല്‍ സെക്രട്ടറി പി കെ കെ ബാവ അറിയിച്ചു.
- ainul huda kappad

അബൂദാബി സുന്നി സെന്റര്‍ സംഗമവും മുത്തുക്കോയതങ്ങള്‍ അനുസ്മരണവും നാളെ (ബുധന്‍)

കോഴിക്കോട് : പതിറ്റാണ്ടുകളായി മത സാമൂഹിക ജീവകാരുണ്യ പ്രവര്‍ത്തന രംഗത്ത് നിറ സാന്നിധ്യമായ അബൂദാബി സുന്നി സെന്ററിന്റെ പ്രവര്‍ത്തക സംഗമവും കഴിഞ്ഞ ദിവസം നിര്യാതനായ സുന്നി സെന്റര്‍ മുന്‍ പ്രസിഡന്റ് പയ്യനാട് മുത്തുക്കോയ തങ്ങള്‍ അനുസ്മരണവും നാളെ (ബുധന്‍) രാമപുരം അന്‍വാറുല്‍ ഹുദ ഇസ്‌ലാമിക് കോംപ്ലക്‌സില്‍ നടക്കും. പരിപാടിയില്‍ സമസ്ത കേരള ജംഇയ്യത്തുല്‍ ഉലമാ സെക്രട്ടറി പ്രൊഫ. കെ ആലിക്കുട്ടി മുസ്ലിയാര്‍, എം ടി അബ്ദുല്ല മുസ്ലിയാര്‍, കോഴിക്കോട് ഖാസി മുഹമ്മദ് കോയ തങ്ങള്‍ ജമലുല്ലൈസി തുടങ്ങിയവര്‍ പ്രസംഗിക്കും. നാട്ടിലുള്ള സെന്റര്‍ ഭാരവാഹികളും പ്രവര്‍ത്തകരും പരിപാടിയില്‍ പങ്കെടുക്കണമെന്ന് കാളാവ് സൈതലവി മുസ്ലിയാര്‍, ഡോ. അബ്ദുറഹ്മാന്‍ ഒളവട്ടൂര്‍ എന്നിവര്‍ അറിയിച്ചു. 
- SKSSF STATE COMMITTEE

വെങ്ങപ്പള്ളി ശംസുല്‍ ഉലമാ ഇസ് ലാമിക് അക്കാദമി സ്ഥാപനങ്ങള്‍ നാളെ (ബുധന്‍) തുറക്കും

വെങ്ങപ്പള്ളി : വെങ്ങപ്പള്ളി ശംസുല്‍ ഉലമാ ഇസ് ലാമിക് അക്കാദമിയുടെ കീഴിലുള്ള സ്ഥാപനങ്ങളായ വാഫി കോളേജ്, ഹിഫ്‌ളുല്‍ ഖുര്‍ആന്‍ കോളേജ്, വാരാമ്പറ്റ സആദാ ഇസ് ലാമിക് & ആര്‍ട്‌സ് കോളേജ് എന്നിവ റമളാന്‍ അവധി കഴിഞ്ഞ് ക്ലാസ്സുകള്‍ നാളെ (ബുധന്‍) രാവിലെ തുടങ്ങുന്നതാണെന്ന് മാനേജര്‍ അറിയിച്ചു.
- Shamsul Ulama Islamic Academy VEngappally

ശൈഖുനാ ഒ.കെ അര്‍മിയാഅ് ഉസ്താദ്‌ ഓർമയായി

വിശ്വാസികൾ ഒഴുകിയെത്തി; ജനാസ നമസ്കാരം നിരവധി തവണ നടന്നു
തേഞ്ഞിപ്പലം: സമസ്ത കേന്ദ്ര മുശാവറാഗവും സൂഫി വര്യനുമായ ശൈഖുനാ ഒ.കെ അര്‍മിയാഅ് ഉസ്താദ്‌ ഓർമയായി. നാല് പതിറ്റാണ്ടി ലേറെ തൻറെ ജീവിതം സമര്‍പ്പിച്ച യതീംഖാനയുടെ ചാരത്ത് തന്നെ ശൈഖുനായുടെ അന്ത്യ നിദ്രയും.
താന്‍ പടുത്തുയര്‍ത്തി വളര്‍ത്തിയ പെരുവള്ളൂര്‍ തന്‍വീറുല്‍ ഇസ്‌ലാം യതീംഖാനാ ക്യാമ്പസിലെ പള്ളി അങ്കണത്തില്‍ അദ്ദേഹത്തിന്റെ വസിയ്യത്ത് പ്രകാരം ഖബറടക്കം നടന്നപ്പോള്‍ പണ്ഡിതസമൂഹവും ഇഷ്ടജനങ്ങളും ശിഷ്യഗണങ്ങളും നിരവധി യതീംമക്കളും അതിനു സാക്ഷ്യം വഹിച്ചു. 
സമസ്ത കേരള ജംഇയ്യത്തുല്‍ ഉലമ കേന്ദ്രമുശാവറ അംഗം ആയ ഒ.കെ ഉസ്താദ്. കേരളത്തിലെ ആധ്യാത്മിക സദസ്സുകളെ പ്രാര്‍ത്ഥനകൊണ്ട് ധന്യമാക്കിയിരുന്ന പ്രമുഖ സൂഫി വര്യൻ കൂടിയായിരുന്നു.
ഒമ്പതാമത്തെ വയസില്‍ പള്ളിദര്‍സുകളില്‍ ചേര്‍ന്ന് ശൈഖുനാ കോട്ടുമല അബൂബക്കര്‍ മുസ്‌ലിയാര്‍ നല്‍കിയ ശിക്ഷണത്തില്‍ വളര്‍ന്ന് വെല്ലൂര്‍ ബാഖിയാത്തില്‍ നിന്നും ബിരുദം നേടി തിരിച്ചെത്തി ദീനീ പ്രബോധന രംഗത്തിറങ്ങിയ അര്‍മിയാഅ് മുസ്‌ലിയാര്‍ രോഗം തളര്‍ത്തുന്നത് വരെ സജീവമായിരുന്നു. ശൈഖ് ആദം ഹസ്‌റത്ത്, ശൈഖ് ഹസ്സന്‍ ഹസ്‌റത്ത്, അബൂബക്കര്‍ ഹസ്‌റത്ത്, തുടങ്ങിയ പണ്ഡിത ശ്രേഷ്ഠരില്‍ നിന്നും ലഭിച്ച അറിവുകള്‍ പകര്‍ന്ന് നല്‍കാന്‍ കാരത്തൂര്‍ മര്‍കസ്, ചമ്രവട്ടം, പുണത്ത്, കിഴിശ്ശേരി എന്നിവിടങ്ങളില്‍ ദര്‍സ് നടത്തി.
1969ലാണ് പെരുവള്ളൂര്‍ യതീംഖാന സ്ഥാപിക്കുന്നത്. പാണക്കാട് പൂക്കോയ തങ്ങള്‍ നല്‍കിയ പതിനൊന്ന് രൂപയുടെ കൈനീട്ടമായിരുന്നു ആകെ ഉണ്ടായിരുന്നത്. പുന്നത്ത് ബീരാന്‍കുട്ടി ഹാജി നല്‍കിയ സ്ഥലത്ത് കെട്ടിടം പണിയുവാനും ഇദ്ദേഹം തന്നെ മുന്നിട്ടിറങ്ങി. പ്രതിസന്ധികളെ തരണം ചെയ്ത നൂറില്‍പരം യതീമുകളായ കുട്ടികളെ സംരക്ഷിക്കുന്ന ഈ സ്ഥാപനത്തെ ഉയര്‍ത്തികൊണ്ടുവരാന്‍ ഇദ്ദേഹത്തിന് സാധിച്ചു. മരണം വരെ യതീംഖാനയുടെ സെക്രട്ടറിയായി പ്രവര്‍ത്തിച്ചു.
വിനയം മുഖമുദ്രയാക്കി ലാളിത്യത്തോടെ ജീവിച്ച ഇദ്ദേഹം കോട്ടക്കല്‍ ഇരിങ്ങല്ലൂരില്‍ നിന്നും യതീംഖാനയുടെ പ്രവര്‍ത്തനത്തിനായി താമസം പള്ളിക്കല്‍ കൂനോള്‍മാട് എന്ന പ്രദേശത്തേക്ക് മാറ്റി. ഇവിടെ പള്ളി സ്ഥാപിക്കാന്‍ മുന്നിട്ടിറങ്ങിയതും ശൈഖുനാ ആയിരുന്നു.
1995ലാണ് സമസ്ത മുശാവറ അംഗമാവുന്നത്. കാളമ്പാടി മുഹമ്മദ് മുസ്‌ലിയാര്‍, കിടങ്ങഴി ഉസ്താദ് എന്നിവര്‍ സഹപാഠികളായിരുന്നു. ഇബ്രാഹിം പുത്തൂര്‍ ഫൈസി ശൈഖുനാ യുടെ ശിഷ്യനായിരുന്നു.
ലളിത ജീവിതശൈലി കൊണ്ട് എല്ലാവരുടെയും ഹൃദയത്തില്‍ സ്ഥാനം നേടിയ ശൈഖുനാ നിരവധി മഹല്ലുകളുടെ മേല്‍ഖാസി സ്ഥാനം അലങ്കരിച്ചുവരികയായിരുന്നു.
പാണക്കാട് കുടുംബവുമായി പൂക്കോയതങ്ങളുടെ കാലം മുതല്‍ തുടങ്ങിയ ബന്ധം അന്ത്യം വരെ നിലനിര്‍ത്തി.
അസുഖബാധിതനായി കോഴിക്കോട്ടെ സ്വകാര്യ ആസ്പത്രിയില്‍ ചികിത്സയിലായിരുന്ന ഒ.കെ ഉസ്താദ് ശനിയാഴ്ച രാത്രി 11 മണിയോടെ മരണപ്പെട്ട വാര്‍ത്ത അറിഞ്ഞത് മുതല്‍ ഇന്നലെ ഉച്ചക്ക് മയ്യിത്ത് ഖബറടക്കുന്നത് വരെ നിലക്കാത്ത ജനപ്രവാഹമായിരുന്നു. വീട്ടില്‍ വെച്ചും പള്ളിയില്‍ വെച്ചും യതീംഖാന ഹാളില്‍ വെച്ചും നിരവധി തവണ നടത്തിയ മയ്യിത്ത് നിസ്‌കാരത്തില്‍ ആയിരക്കണക്കിനാളുകള്‍ പങ്കെടുത്തു.
സമസ്ത കേരള ജംഇയ്യത്തുല്‍ ഉലമാ പ്രസിഡന്റ് ആനക്കര സി. കോയക്കുട്ടി മുസ്‌ലിയാര്‍, ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്‌ലിയാര്‍, ട്രഷറര്‍ സയ്യിദ് ജിഫ്രി മുത്തുകോയ തങ്ങള്‍, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി, ഹജ്ജ് കമ്മിറ്റി - സുപ്രഭാതം ചെയര്‍മാന്‍ കോട്ടുമല ടി.എം. ബാപ്പു മുസ്‌ലിയാര്‍, എം.ടി അബ്ദുല്ല മുസ്‌ലിയാര്‍, എം.എം മുഹിയുദ്ദീന്‍ മൗലവി ആലുവ, എ. മരക്കാര്‍ ഫൈസി, ഹൈദര്‍ ഫൈസി പനങ്ങാങ്ങര, പടന്ന അബ്ദുല്ല മുസ്‌ലിയാര്‍, പി. കുഞ്ഞാണി മുസ്‌ലിയാര്‍, പുത്തനഴി മൊയ്തീന്‍ ഫൈസി, ബാപ്പു തങ്ങള്‍ തിരൂര്‍ക്കാട്, ബി.എസ്.കെ തങ്ങള്‍, സിദ്ദീഖ് ഫൈസി തുടങ്ങിയവര്‍ വിവിധ ഘട്ടങ്ങളിലായി മയ്യിത്ത് നമസ്‌കാരത്തിന് നേതൃത്വം നല്‍കി.
പാണക്കാട് സയ്യിദ് റഷീദലി ശിഹാബ് തങ്ങള്‍, കോഴിക്കോട് വലിയ ഖാസി സയ്യിദ് അബ്ദുല്‍ നാസര്‍ ഹയ്യ് ശിഹാബ് തങ്ങള്‍, വാവാട് കുഞ്ഞിക്കോയ മുസ്‌ലിയാര്‍, ടി.പി. ഇപ്പ മുസ്‌ലിയാര്‍, കാളാവ് സൈതലവി മുസ്‌ലിയാര്‍, ഹാജി കെ. മമ്മദ് ഫൈസി, അബ്ദുസ്സമദ് പൂക്കോട്ടൂര്‍, കെ.എ റഹ്മാന്‍ ഫൈസി, സംസ്ഥാന ജംഇയ്യത്തുല്‍ ഉലമാ പ്രസിഡന്റ് എന്‍.കെ മുഹമ്മദ് മുസ്‌ലിയാര്‍, ഡോ. ബഹാവുദ്ദീന്‍ മുഹമ്മദ് നദ്‌വി, സൈത് മുഹമ്മദ് നിസാമി, എം.എ. ചേളാരി, ഡോ.എന്‍.എ.എം. അബ്ദുല്‍ ഖാദിര്‍, ആനമങ്ങാട് അബ്ദുറഹിമാന്‍ മുസ്‌ലിയാര്‍, മുസ്‌ലിംലീഗ് ദേശീയ സെക്രട്ടറി ഇ.ടി മുഹമ്മദ് ബഷീര്‍ എം.പി, വിദ്യാഭ്യാസ വകുപ്പ് മന്ത്രി പി.കെ അബ്ദുറബ്ബ്, എം.എല്‍.എമാരായ അഡ്വ.കെ.എന്‍.എ ഖാദര്‍, കെ. മുഹമ്മദുണ്ണി ഹാജി, മുസ്‌ലിംലീഗ് സംസ്ഥാന സെക്രട്ടറി എം.സി മായിന്‍ഹാജി, ടി.വി ഇബ്രാഹിം,  എം.സി മുഹമ്മദ് ഹാജി തുടങ്ങി നിരവധി പ്രമുഖര്‍ സന്ദര്‍ശിച്ചു.
 

തിരൂരില്‍ വെള്ളക്കെട്ടില്‍ കാണാതായ കുട്ടികള്‍; നാട്ടുകാരുടെ കണ്ണിലുണ്ണികള്‍; SKSBVയുടെ പ്രവര്‍ത്തനങ്ങളില്‍ സജീവം

മരണപ്പെട്ട റഈസ്
തിരൂർ: ചെമ്പ്ര പുഴയോരത്തെ വെള്ളക്കെട്ടില്‍ ഒഴുക്കില്‍പ്പെട്ട്‌ കാണാതായ മൂന്നു കുട്ടികളും നാട്ടിലെ മത രാഷ്‌ട്രീയ രംഗങ്ങളിലെ നിറ സാന്നിധ്യവും നാട്ടുകാരുടെ കണ്ണിലുണ്ണികളുമായിരുന്നു. ചെറുപ്പത്തിലേ സ്‌കൂള്‍, മദ്‌റസ പഠനത്തോടൊപ്പം തന്നെ ജീവ കാരുണ്ണ്യ പ്രവര്‍ത്തനങ്ങളിലും സജീവമായിരുന്നു മൂവരുമെന്ന്‌ നാട്ടുകാര്‍ സാക്ഷ്യപ്പെടുത്തുന്നു. മത സംഘടനയായ സമസ്‌തയുടെയും രാഷ്‌ട്രീയത്തില്‍ മുസ്ലിംലീഗിന്റെയും വിദ്യാര്‍ത്ഥി സംഘടനകളിലും തിരഞ്ഞെടുപ്പുകളിലുമെല്ലാം മൂവരും സജീവ സാന്നിധ്യങ്ങളായിരുന്നു.
റഈസ് മൌസലിന്റെ  കൂടെ 
കഴിഞ്ഞ ഇലക്ഷൻ
പ്രചരണത്തിൽ  
“പഠന വിഷയങ്ങള്‍ക്കു പുറമെ, പാഠ്യേതര വിഷയങ്ങളിലും അവര്‍ മൂവരും ഇതര കുട്ടികള്‍ക്ക്‌ മാതൃകയായിരുന്നുവെന്ന്‌” ഇപ്പോള്‍ ബഹ്‌റൈനില്‍ ജോലി ചെയ്യുന്ന കുട്ടികളുടെ അയല്‍ വാസിയും മുന്‍ തിരൂര്‍ മുന്‍സിപ്പല്‍ എസ്‌.കെ.എസ്‌.എസ്‌എഫ്‌ സെക്രട്ടറിയുമായ എം.മൌസല്‍ മൂപ്പന്‍ ചെമ്പ്ര www.skssfnews.com നോട്‌ പറഞ്ഞു. 
“ഇക്കഴിഞ്ഞ പാര്‍ലമെന്റ്‌ ഇലക്ഷനില്‍ തന്നോടൊപ്പം വീട്‌ വീടാന്തരം കയറിയിറങ്ങാനും വോട്ടഭ്യര്‍ത്ഥിക്കാനും ബൂത്തുകള്‍ക്കു സമീപം ഇരുന്ന്‌ സ്ലിപ്പ്‌ വിതരണം ചെയ്യാനുമെല്ലാം ഇവര്‍ മൂവരും ഉണ്ടായിരുന്നതായും ഇപ്പോള്‍ ബഹ്‌റൈനില്‍ ജോലി ചെയ്യുന്ന മൌസല്‍ ഓര്‍ക്കുന്നു.  
നാട്ടില്‍ സമസ്‌തയുടെ കലാ സാഹിത്യ പരിപാടികളിലും സര്‍ഗലയമടക്കമുള്ള മത്സരങ്ങളിലും നിറഞ്ഞു നിന്ന ഇവര്‍  മദ്‌റസയില്‍ എസ്‌.കെ.എസ്‌.ബി.വിയുടെ പ്രവര്‍ത്തനങ്ങളിലും സജീവ സാനിധ്യമായിരുന്നു. മരണപ്പെട്ട റഈസ്‌ മുന്‍ എസ്‌.കെ.എസ്‌.എസ്‌.എഫ്‌ മലപ്പുറം ജില്ലാ ജന.സെക്രട്ടറി റഫീഖ്‌ അഹമ്മദിന്റെ ശിഷ്യന്‍ കൂടിയാണ്‌.

SKSSF സംസ്ഥാന ത്വലബാ സമ്മേളനം സെപ്തംബര്‍ 12, 13 തിയ്യതികളില്‍ പൊന്നാനിയില്‍

സ്വാഗത സംഘം രൂപീകരണം പൊന്നാനിയില്‍ 
സംസ്ഥാന ജനറല്‍ സെക്രട്ടറി ഓണംപള്ളി 
മുഹമ്മദ് ഫൈസി ഉദ്ഘാടനം ചെയ്യുന്നു
പൊന്നാനി : നീതിബോധത്തിന്റെ നിതാ
ന്ത ജാഗ്രത എന്ന പ്രമേയമുയര്‍ത്തി 2015 ഫെബ്രുവരിയില്‍ തൃശൂരില്‍ നടക്കുന്ന എസ് കെ എസ് എസ് എസ് എഫ് സില്‍വര്‍ ജൂബിലിയുടെ ഭാഗമായി സംസ്ഥാന ത്വലബാ സമ്മേളനം സെപ്തംബര്‍ 12, 13 തിയ്യതികളില്‍ പൊന്നാനി മഖ്ദൂം നഗറില്‍ സംഘടിപ്പിക്കും. കേരളത്തിലെ വിവിധ ദര്‍സ്, അറബിക് കോളജുകളിലെ വിദ്യാര്‍ത്ഥി പ്രതിനിധികള്‍ പങ്കെടുക്കും. മതവൈജ്ഞാനിക, പ്രബോധന രംഗത്തെ പുതു പ്രവണതകളും നവ സാധ്യതകളും വിവിധ സെഷനുകളിലായി ചര്‍ച്ച ചെയ്യും.
പൊന്നാനി എം ഐ ഹയര്‍സെക്കണ്ടറി സ്‌കൂളില്‍ ചേര്‍ന്ന സ്വാഗത സംഘം രൂപീകരണ യോഗം സംസ്ഥാന ജനറല്‍ സെക്രട്ടറി ഓണംപള്ളി മുഹമ്മദ് ഫൈസി ഉദ്ഘാടനം ചെയ്തു. പുറങ്ങ് അബ്ദുല്ല മൗലവി അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് സത്താര്‍ പന്തല്ലൂര്‍ മുഖ്യപ്രഭാഷണം നടത്തി. ത്വലബാ വിങ് ചെയര്‍മാന്‍ റഷീദ് ഫൈസി വെള്ളായിക്കോട്, കണ്‍വീനര്‍ ബാസിത് ചെമ്പ്ര, ജില്ലാ സെക്രട്ടറി വി കെ ഹാറൂണ്‍ റഷീദ് മാസ്റ്റര്‍, കെ സെയ്ത് ഹാജി(മസ്‌ക്കറ്റ്), പി വി മുഹമ്മദ് കുട്ടി ഫൈസി (ദുബൈ), എ എം ഹസ്സന്‍ബാവ ഹാജി, ടി മുഹ്‌യിദ്ദീന്‍ മുസ്‌ലിയാര്‍, ടി എ റഷീദ് ഫൈസി, റഫീഖ് ഫൈസി തെങ്ങില്‍, എ കെ കെ മരക്കാര്‍, ശഹീര്‍ അന്‍വരി പുറങ്ങ്, അബ്ദുറസാഖ് പുതുപൊന്നാനി, ജലീല്‍ പട്ടര്‍കുളം പ്രസംഗിച്ചു.
- Rafeeq CK

സമസ്ത ബഹ്റൈന്‍ മദ്‌റസകളില്‍ പ്രവേശനോത്‌സവം ഇന്ന് (04/08/14)

മനാമ കേന്ദ്ര മദ്രസ്സയിൽ ഇന്ന് പ്രാർത്ഥനാ സംഗമം 
ബഹ്‌റൈന്‍ : സമസ്ത കേരള സുന്നീ ജമാഅത്തിന്റെ മേല്‍നോട്ടത്തില്‍ ബഹ്‌റൈന്‍ റൈഞ്ച് ജംഇയ്യത്തുല്‍ മുഅല്ലിമീന് കീഴില്‍ നടത്തപ്പെടുന്ന ബഹ്‌റൈനിലെ 8 മദ്‌റസകള്‍ റമളാന്‍ അവധിക്ക് ശേഷം ഇന്ന് തുറന്ന് പ്രവര്‍ത്തിക്കുന്നു. മനാമ ഗോള്‍ഡ് സിറ്റിക്ക് സമീപം പ്രവര്‍ത്തിക്കുന്ന ഇര്‍ശാദുല്‍ മുസ്‌ലിമീന്‍ കേന്ദ്രമദ്‌റസക്ക് (ഫോണ്‍:33157219) പുറമേ റഫ (ഡല്‍മന്‍ ബേക്കറിക്ക് സമീപം: ഫോണ്‍: 33767471), ഗുദൈബിയ (പാലസ് മസ്ജിദിനു സമീപം: ഫോണ്‍: 39234072), മുഹര്‍റഖ് (സൂഖ് ശൈഖ് ഹമദ് മസ്ജിദിനു സമീപം: ഫോണ്‍: 33007296), ഹൂറ (സൈനല്‍ മാര്‍ട്ടിന് സമീപം:ഫോണ്‍: 33860509), ഹിദ്ദ് (നാഷണല്‍ ബാങ്കിന് സമീപം: ഫോണ്‍: 33529670), ജിദാലി (അബൂസ്വലാഹ് കഫ്തീരിയക്ക് സമീപം: ഫോണ്‍: 33486275), ഹമദ് ടൗണ്‍ (സൂഖ് വാഖഫ്:  ഫോണ്‍:33206456) എന്നീ ഏരിയകളിലാണ് മറ്റു മദ്‌റസകള്‍ നടന്ന് വരുന്നത്.
പുതിയ അധ്യായന വര്‍ഷത്തേക്കുള്ള അഡ്മിഷന്‍ 1 മുതല്‍ 12 വരെയുള്ള ക്ലാസുകളിലേക്ക് ഇന്ന് മുതല്‍ ആരംഭിക്കും. 1-ാം ക്ലാസിലേക്ക് 5 വയസ്സ് തികഞ്ഞ വിദ്യാര്‍ഥികള്‍ക്ക് മാത്രമേ പ്രവേശനമുണ്ടാവുകയുള്ളൂ. മനാമ കേന്ദ്ര മദ്‌റസയില്‍ പ്രവേശനോത്‌സവത്തോടനുബന്ധിച്ച് ഇന്ന് വൈകുന്നേരം 5 മണിക്ക് നടക്കുന്ന സംഗമത്തിന്റെ ഉദ്ഘാടന കര്‍മം സമസ്ത ബഹ്‌റൈന്‍ പ്രസിഡന്റ് സയ്യിദ് ഫക്‌റുദ്ധീന്‍ തങ്ങള്‍ നിര്‍വഹിക്കും. കഴിഞ്ഞ ദിവസം നിര്യാതനായ സമസ്ത കേരള ജംഇയ്യത്തുല്‍ ഉലമാ കേന്ദ്ര മുശാവറ അംഗവും പ്രമുഖ പണ്ഡിതനുമായ ശൈഖുനാ ഒ.കെ അര്‍മിയാഅ് ഉസ്താദിന് വേണ്ടി പ്രത്യേക പ്രാര്‍ത്ഥനയും നടക്കും. 
- Samastha Bahrain

സമസ്ത മുശാവറ മെമ്പര്‍ ഒ.കെ അര്‍മിയാഅ് മുസ്‌ലിയാര്‍ വഫാതായി; ഖബറടക്കം ഇന്ന്

ജനാസ നിസ്‌കാരം ഇന്ന് ഉച്ചക്ക് 1 മണിക്ക് പെരുവള്ളൂര്‍ യതീംഖാനയില്‍
ഒ.കെ അര്‍മിയാഅ് മുസ്‌ലിയാര്‍
മലപ്പുറം: സമസ്ത കേരള ജംഇയ്യത്തുല്‍ ഉലമ കേന്ദ്ര മുശാവറ മെമ്പര്‍ ഒ.കെ അര്‍മിയാഅ് മുസ്‌ലിയാര്‍ (79)വഫാതായി . മലപ്പുറം ജില്ലയിലെ കൂനൂള്‍മാട് സ്വദേശിയാണ്. വാര്‍ധക്യസഹചമായ അസുഖത്തെ തുടര്‍ന്ന് രണ്ടാഴ്ചയായി കോഴിക്കോട് സ്വകാര്യ ആശുപത്രിയില്‍ ചികിത്സയിലായിരുന്നു. കൂനൂള്‍മാട്, ആല്‍പറമ്പ്, സ്രാമ്പ്യ ബസാര്‍, കടക്കാട്ടേരി, ഈത്തച്ചിറ, വരുത്തിക്കോട്, കരിപ്പൂര്‍ കടക്കൂട്ടീരിമാട്, കുമ്മിണിപ്പറമ്പ്, കരിപ്പൂര്‍ ചോലമാട്, കരിപ്പൂര്‍ മുക്കൂറ്റിപ്പറമ്പ്, പുതുപ്പള്ളി എന്നിവിടങ്ങളില്‍ ഖാസിയായി സേവനമനുഷ്ഠിച്ചിരുന്നു. 
കരിപ്പൂര്‍ പുന്നത്ത്, കുളത്തൂര്‍ പുതുപ്പള്ളി, കിഴിശ്ശേരി, കാരത്തൂര്‍, ചമ്രവട്ടം എന്നിവിടങ്ങളില്‍ മുദരിസായി സേവനമനുഷ്ഠിച്ചിട്ടുണ്ട്.
ഒറ്റകത്ത് കുഴിക്കാട്ടില്‍ രായിന്‍കുട്ടി ഹാജിയുടെയും തായുമ്മയുടെയും മകനായി 1935ല്‍ പറപ്പൂര്‍ ഇരിങ്ങല്ലൂരിലാണ് ജനനം. ഫാത്തിമ ഹജ്ജുമ്മയാണ് ഭാര്യ. 
ഒ.കെ അര്‍മിയാഅ് ഉസ്താദ്‌-ഫയൽ ഫോട്ടോസ് 
മക്കള്‍: ഇബ്രാഹീം കുട്ടി മൗലവി, മുഹമ്മദ് റഫീഖ് മൗലവി (യു.എ.ഇ), ആമിന, റുഖയ്യ, ഹാജറ, സാജിദ. മരുമക്കള്‍: കെ. ഉസ്മാന്‍ ഹാജി കടക്കോട്ടേരി, അബ്ദുല്‍ഹമീദ് ഹാജി പന്താരങ്ങാടി, എ.പി അഹമദ്‌ കുട്ടി ഹാജി വേങ്ങര, എ.പി സ്വിദ്ദീഖ് ഫൈസി, റസിയ ചെറുവണ്ണൂര്‍, നുവൈബ നീറാട്. സഹോദരര്‍: ഒ.കെ മുഹമ്മദ്, ഒ.കെ അബ്ദുല്ല മുസ്‌ലിയാര്‍ , ഫാത്തിമ. 
വഹിച്ച സ്ഥാനങ്ങള്‍-പ്രിന്‍സിപ്പാള്‍ ജാമിഅ ബദ്‌രിയ്യ അറബിക് കോളജ് കാരത്തൂര്‍, ജന.സെക്രട്ടറി തന്‍വീറുല്‍ ഇസ്‌ലാം ഓര്‍ഫനേജ്, മാനേജര്‍ തന്‍വീറുല്‍ ഇസ്‌ലാം യു.പി സ്‌കൂള്‍. മയ്യത്ത് നിസ്‌കാരം ഇന്ന് ഉച്ചക്ക് 1 മണിക്ക് പെരുവള്ളൂര്‍ തന്‍വീറുല്‍ ഇസ്‌ലാം യതീംഖാനയില്‍(കടപ്പാട്‌ :സുപ്രഭാതം -Online Edition ).

ഹജ്ജ്: സംവരണ വിഭാഗത്തിലെ വെയിറ്റിങ് ലിസ്റ്റുകാര്‍ക്ക് നറുക്കെടുപ്പില്ലാതെ അവസരം നൽകും: ചെയര്‍മാന്‍ ശൈഖുനാ കോട്ടുമല


കൊണ്ടോട്ടി: ഈ വര്‍ഷം വെയിറ്റിങ് ലിസ്റ്റില്‍ ഉള്‍പ്പെട്ട സംവരണ വിഭാഗക്കാര്‍ക്ക് ഹജ്ജ് -2015ന് നറുക്കെടുപ്പില്ലാതെ അനുമതി നല്‍കുമെന്ന് സംസ്ഥാന ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം. ബാപ്പു മുസ്ലിയാര്‍ അറിയിച്ചു. നാലാം വര്‍ഷവും തുടര്‍ച്ചയായി അപേക്ഷിച്ച 7697 പേരാണ് ഇത്തവണ സംവരണം ‘ബി’ വിഭാഗത്തില്‍ ഉള്‍പ്പെട്ടിരുന്നത്. 
3843 പേര്‍ക്കാണ് ആദ്യഘട്ടത്തില്‍ അനുമതി ലഭിച്ചത്. വെയിറ്റിങ് ലിസ്റ്റില്‍നിന്ന് 358 പേര്‍ക്കും അനുമതി ലഭിച്ചു. മറ്റുള്ളവര്‍ നിലവില്‍ വെയിറ്റിങ് ലിസ്റ്റിലാണ്.

അടുത്തവര്‍ഷം 70 വയസ്സ് കഴിഞ്ഞ അപേക്ഷകര്‍ക്കും ഒരു സഹായിക്കും കൂടാതെ ഈ വര്‍ഷത്തെ സംവരണം ‘ബി’ വിഭാഗക്കാര്‍ക്കും നറുക്കെടുപ്പ് കൂടാതെ ഹജ്ജിന് അനുമതി നല്‍കും. 2015ല്‍ തുടര്‍ച്ചയായി നാലാംവട്ടം അപേക്ഷിക്കുന്നവരെ പിന്നീട് മാത്രമേ പരിഗണിക്കൂ. സംസ്ഥാനത്തിനുള്ള ഹജ്ജ് ക്വോട്ടയില്‍നിന്നാണ് ഈ സീറ്റുകള്‍ അനുവദിക്കുകയെന്നും ചെയര്‍മാന്‍ പറഞ്ഞു.
ഹജ്ജ് ട്രെയിനര്‍മാര്‍ക്ക് പരിശീലനം നല്‍കി
കൊണ്ടോട്ടി: സംസ്ഥാന ഹജ്ജ് കമ്മിറ്റി തെരഞ്ഞെടുത്ത ട്രെയിനര്‍മാര്‍ക്കുള്ള ഏകദിന പരിശീലനം കരിപ്പൂര്‍ ഹജ്ജ് ഹൗസില്‍ നടന്നു. 160 ട്രെയിനര്‍മാര്‍ പങ്കെടുത്തു. ആഗസ്റ്റ് നാലിന് തീര്‍ഥാടകര്‍ക്കുള്ള രണ്ടാംഘട്ട ക്യാമ്പുകള്‍ ആരംഭിക്കുന്ന സാഹചര്യത്തിലാണ് പരിശീലനം സംഘടിപ്പിച്ചത്. ഹജ്ജ് കമ്മിറ്റി ചെയര്‍മാന്‍ കോട്ടുമല ടി.എം. ബാപ്പു മുസ്ലിയാര്‍ ഉദ്ഘാടനം ചെയ്തു. എ.കെ. അബ്ദുറഹ്മാന്‍ അധ്യക്ഷത വഹിച്ചു. ഹജ്ജ് കമ്മിറ്റി അസി. സെക്രട്ടറി ഇ.സി. മുഹമ്മദ്, ഹജ്ജ് കോ ഓര്‍ഡിനേറ്റര്‍ മുജീബ്, എന്‍.ടി. ഷാജഹാന്‍, കണ്ണിയന്‍ മുഹമ്മദലി എന്നിവര്‍ ക്ളാസെടുത്തു.

1.60 ലക്ഷം നവാഗതര്‍ ഈവര്‍ഷം മദ്‌റസകളിലെത്തും

മദ്‌റസകള്‍ക്ക് മുമ്പില്‍ നവാഗതരെ വരവേല്‍ക്കുന്ന ബാനറുകള്‍ സ്ഥാപിക്കണം 
''മതം പഠിക്കൂ തമസ്സകറ്റൂ'' എന്നുകൂടി ആലേഖനം ചെയ്യണം
തേഞ്ഞിപ്പലം : സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ കീഴില്‍ ഇന്ത്യയിലും പുറത്തുമുള്ള 9389 മദ്‌റസകളില്‍ ജനറല്‍ കലണ്ടര്‍ പ്രകാരം പ്രവര്‍ത്തിക്കുന്ന 9212 മദ്‌റസകളില്‍ പുതുതായി ഈ അധ്യായന വര്‍ഷം 1.60 ലക്ഷം വിദ്യാര്‍ത്ഥികള്‍ ചൊവ്വാഴ്ച പ്രവേശനം നേടും. അഞ്ച് വയസ് പൂര്‍ത്തിയായവര്‍ക്ക് മാത്രമേ പ്രവേശനം നല്‍കുകയുള്ളൂ. നവാഗതരെ വരവേല്‍ക്കാന്‍ മദ്‌റസകളില്‍ വിപുല ഒരുക്കങ്ങള്‍ ഏല്‍പ്പെടുത്തിയിരിക്കുന്നു. സമസ്ത കേരള സുന്നി ബാലവേദി മദ്‌റസാ യൂനിറ്റ് കമ്മിറ്റികളും, മദ്‌റസാ മാനേജ്‌മെന്റ് കമ്മിറ്റിയും, ഉസ്താദുമാരും കുരുന്നുകളെ സ്വീകരിക്കും. മധുരപലഹാരങ്ങളും, പ്രാര്‍ത്ഥനകളും കൊണ്ട് പാഠശാലകളില്‍ നവ്യാനുഭവമായിരിക്കും പുതുതായി എത്തുന്ന കുരുന്നുകള്‍ക്ക് അനുഭവപ്പെടുക. ''മതം പഠിക്കൂ തമസ്സകറ്റൂ'' എന്ന പ്രമേയത്തില്‍ സുന്നി ബാല വേദി വിപുല ക്യാമ്പയിന് രൂപം നല്‍കിയിട്ടുണ്ട്.
ധര്‍മ പാഠമഭ്യസിക്കാനുള്ള സന്താനങ്ങളുടെ സൗഭാഗ്യത്തില്‍ രക്ഷിതാക്കളും പങ്കാളികളാവും. മുന്‍വര്‍ഷം മുഫത്തിശുമാര്‍ എടുത്ത കണക്കുപ്രകാരം അരലക്ഷത്തിലധികം പഠിതാക്കള്‍ മലപ്പുറം ജില്ലയില്‍ മാത്രം മദ്‌റസയിലെത്തും. ഏറ്റവും കുറവ് കോട്ടയം ജില്ലയിലാകും (210). കേരളത്തിന് പുറത്തുള്ള സംസ്ഥാനങ്ങളില്‍ ഇരുപതിനായിരത്തോളം നവാഗതര്‍ പ്രവേശനം നേടും. ഖത്തര്‍ ഒഴികെയുള്ള ഗള്‍ഫ് നാടുകളിലും ജനറല്‍ കലണ്ടര്‍ പ്രകാരമാണ് മദ്‌റസകള്‍ പ്രവര്‍ത്തിക്കുന്നത്. 
മദ്‌റസകള്‍ക്ക് മുമ്പില്‍ നവാഗതരെ വരവേല്‍ക്കുന്ന ബാനറുകള്‍ സ്ഥാപിക്കണം ''മതം പഠിക്കൂ തമസ്സകറ്റൂ'' എന്നുകൂടി ആലേഖനം ചെയ്യണം. സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് ഖജാഞ്ചി പാണക്കാട് സയ്യിദ് ഹൈദര്‍ അലി ശിഹാബ് തങ്ങള്‍, പ്രസിഡന്റ് പി.കെ.പി.അബ്ദുസ്സലാം മുസ്‌ലിയാര്‍, ജനറല്‍ സെക്രട്ടറി കോട്ടുമല ടി.എം.ബാപ്പു മുസ്‌ലിയാര്‍ എന്നിവര്‍ എല്ലാ  സൗകര്യങ്ങളും ഏര്‍പ്പെടുത്താനും, പഠനപ്രായമായ മുഴുവന്‍ പഠിതാക്കളെയും മദ്‌റസകളിലെത്തിക്കുവാനും ബന്ധപ്പെട്ടവരോടാവശ്യപ്പെട്ടു.
- Samasthalayam Chelari

ദാറുല്‍ ഹുദാ പ്രവേശന പരീഷ അറിയിപ്പ്

തിരൂരങ്ങാടി : ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റിക്കു കീഴില് പ്രര്‍ത്തിക്കുന്ന സയ്യിദ് മൗലദ്ദവീല ഹിഫ്‌ളുല്‍ ഖുര്‍ആന്‍ കോളേജിലേക്ക് അഡ്മിഷന് വേണ്ടി അപേക്ഷ നല്‍കിയ വിദ്യാര്‍ത്ഥികള്‍ക്കുള്ള പ്രവേശനപരീഷ നാളെ (04/04/2014 തിങ്കള്‍) വാഴ്‌സിറ്റിയില്‍ നടക്കും. ദാറുല്‍ ഹുദായുടെയും യുജി കോളേജുകളുടെയും സെക്കന്ററി വിഭാഗത്തിലേക്ക് അപേക്ഷ നല്‍കിയവര്‍ക്കുള്ള പ്രവേശനപരീക്ഷ 5 ന് ചൊവ്വാഴ്ച്ച വാഴ്‌സിറ്റിയിലും അപേക്ഷ നല്‍കിയ അതതു സെന്ററുകളിലും നടക്കും. വനിതകള്‍ക്കായുള്ള ഫാത്തിമ സഹ്‌റാ ബനാത്ത് കോളേജിലേക്കുള്ള പ്രവേശനപരീക്ഷ 9 ന് ശനിയാഴ്ച്ച വനിതാ ക്യാമ്പസില്‍ നടക്കും. കൂടുതല്‍ വിവരങ്ങള്‍ക്ക് 04942463155 എന്ന നമ്പറില്‍ ബന്ധപ്പെടുക.
- Darul Huda Islamic University

SKSSF ത്വലബ കോണ്‍ഫ്രന്‍സ് സ്വാഗത സംഘം കണ്‍വെന്‍ഷന്‍ ഇന്ന് (ഞായര്‍)

കോഴിക്കോട് : 2014 സെപ്തംബര്‍ 12,13 തിയ്യതികളില്‍ പൊന്നാനിയില്‍ നടക്കുന്ന എസ് കെ എസ് എസ് എഫ് ത്വലബ കോണ്‍ഫ്രന്‍സ് സ്വാഗത സംഘ രൂപീകരണ കണ്‍വെന്‍ഷന്‍ ഇന്ന് (03.08.2014) ഞായര്‍ വൈകു. 4 മണിക്ക് പൊന്നാനി എം ഐ എച്ച് എസ് എസ് ബോയ്സ് സ്‌കൂളില്‍ നടക്കും. എസ് വൈ എസ്, എസ് കെ എസ് എസ് എഫ് പ്രവര്‍ത്തകര്‍ പങ്കെടുക്കണമെന്ന് ജനറല്‍ സെക്രട്ടറി ഓണംമ്പിള്ളി മുഹമ്മദ് ഫൈസി അറിയിച്ചു.
- SKSSF STATE COMMITTEE

മതവിദ്യ നാളേക്ക്; നന്മക്ക്. SKSSF ത്വലബാ വിംഗ് മതവിദ്യാഭ്യാസ കാമ്പയിന്‍ പോസ്റ്ററുകള്‍



- SKSSF STATE COMMITTEE

മടവൂര്‍ സി.എം. മഖാം ഉറൂസ്; മത പ്രഭാഷണ പരമ്പരക്ക് തുടക്കമായി

മടവൂര്‍ • ദക്ഷിണേന്ത്യയിലെ പ്രമുഖ മുസ്‌ലിം തീര്‍ഥാടന കേന്ദ്രമായ മടവൂര്‍ സി.എം. മഖാം ശരീഫിലെ ഉറൂസിനു തുടക്കമായി. ഉറൂസിന്റെ ഭാഗമായി മത പ്രഭാഷണ പരമ്പര കഴിഞ്ഞ ദിവസം മുതൽ ആരംഭിച്ചു. 
പ്രഥമ ദിനത്തിൽ സമസ്‌ത ട്രഷറര്‍ മുഹമ്മദ്‌ ജിഫ്രി മുത്തുക്കോയ തങ്ങളുടെ നേതൃത്വത്തില്‍ നടന്ന മഖാം സിയാറത്തിനു ശേഷം സി.എം. കുഞ്ഞിമാഹിന്‍ മുസല്യാര്‍ കൊടി ഉയര്‍ത്തിയതോടെയാണ്‌ അഞ്ചു ദിവസം നീണ്ടു നിൽക്കുന്ന ഉറൂസിന്‌ തുടക്കമായത്‌. ഇനിയുള്ള മൂന്നു ദിനരാത്രങ്ങളില്‍ വിശ്വാസികളുടെ അണമുറിയാത്ത പ്രവാഹമായിരിക്കും. മതപ്രഭാഷണ പരമ്പര  കോഴിക്കോട്‌ ഖാസി മുഹമ്മദ്‌ കോയ തങ്ങള്‍ ഉദ്‌ഘാടനം ചെയ്‌തു. അന്‍വര്‍ മുഹ്‌യുദ്ദീന്‍ ഹുദവി ആലുവ പ്രഭാഷണം നടത്തി. ഇ. അഹമ്മദ്‌കുട്ടി ഫൈസി, മലയമ്മ അബൂബക്കര്‍ ഫൈസി, കെ.എം. മുഹമ്മദ്‌, വി.സി. റിയാസ്‌ ഖാന്‍ എന്നിവര്‍ പ്രസംഗിച്ചു.ഇന്നലെ രാവിലെ നടന്ന അനുസ്‌മരണ സമ്മേളനം സമസ്‌ത ജന. സെക്രട്ടറി  സൈനുൽ ഉലമ ചെറുശ്ശേരി സൈനുദ്ദീന്‍ മുസല്യാര്‍ ഉദ്‌ഘാടനം ചെയ്തു.

വിശ്വാസ സാഗരമായി മടവൂര്‍ സി.എം. മഖാം

 മടവൂര്‍: അഞ്ചുദിവസം നീണ്ടുനില്‍ക്കുന്ന ഉറൂസ് മുബാറക്ക് ആരംഭിച്ചതോടെ മടവൂര്‍ പ്രദേശം വിശ്വാസ സാഗരമായി. പ്രതികൂല കാലാവസ്ഥ വകവെക്കാതെ ആയിരങ്ങളാണ് ഇന്നലെ നടന്ന കൊടി ഉയര്‍ത്തല്‍ ചടങ്ങിനെത്തിയത്. ചടങ്ങിനെത്തിയ വിശിഷ്ടാതിഥികളെ മഖാം ഗേറ്റിനടുത്തുനിന്ന് ദഫിന്റെ അകമ്പടിയോടെ മഖാം ശരീഫിലേക്ക് ആനയിക്കുകയായിരുന്നു. ഉച്ചക്ക് ജുമുഅ നമസ്‌കാരത്തിന് വിശാലമായ മസ്ജിദ് നിറഞ്ഞുകവിഞ്ഞു. നിരവധി പേര്‍ മഖാമിന്റെ മുറ്റത്തും മറ്റും നിന്നാണ് ജുമുഅ നിര്‍വ്വഹിച്ചത്.
വാഹനങ്ങളെയും ജനങ്ങളെയും ഉള്‍ക്കൊള്ളാന്‍ കഴിയാതെ അക്ഷരാര്‍ത്ഥത്തില്‍ മടവൂര്‍ വീര്‍പ്പുമുട്ടുകയായിരുന്നു. രാത്രി നടന്ന മതപ്രഭാഷണ പരിപാടിയും ജനപങ്കാളിത്തംകൊണ്ട് ശ്രദ്ധേയമായി. കൊടി ഉയര്‍ത്തല്‍, മതപ്രഭാഷണം, ഓത്തിടല്‍, അനുസ്മരണ സമ്മേളനം, ദിക്‌റ് ദുആ സമ്മേളനം, അന്നദാനം തുടങ്ങിയ പരിപാടികളാണ് ഉറൂസ് മുബാറക്കിന്റെ ഭാഗമായി നടക്കുന്നത്. പാണക്കാട് സയ്യിദ് ഹൈദരലി ശിഹാബ് തങ്ങള്‍, സാദിഖലി ശിഹാബ് തങ്ങള്‍, എന്നിവര്‍ക്കു പുറമെ സമസ്ത പ്രസിഡണ്ട് കോയക്കുട്ടി മുസ്‌ല്യാര്‍, ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്‌ല്യാര്‍ തുടങ്ങിയ സമസ്തയുടെയും പോഷക സംഘടനകളുടെയും ഏതാണ്ടെല്ലാ നേതാക്കളും വിവിധ ചടങ്ങുകളിലായി ഉറൂസ് മുബാറക്കില്‍ സംബന്ധിക്കുന്നുണ്ട്.

SKSSF യുദ്ധ വിരുദ്ധ റാലി ആഗസ്റ്റ് 9 ന് 4 മണിക്ക്

കോഴിക്കോട് : ആഗോള തലത്തിലുള്ള മനുഷ്യ സ്‌നേഹികളുടെ പ്രതിഷേധ ത്തെ ധിക്കരിച്ച് കൊണ്ട് ഇസ്രാഈല്‍ ഭരണകൂടം ഫലസ്തീന്‍ ജനതക്ക് നേരെ നടത്തിക്കൊണ്ടിരിക്കുന്ന നിഷ്ഠൂരമായ അക്രമത്തിനെതിരെ SKSSF സംസ്ഥാന കമ്മറ്റിയുടെ ആഭിമുഖ്യത്തില്‍ ക്വിറ്റ് ഇന്ത്യ ദിന മായ ആഗസ്റ്റ് 9 ന് കോഴിക്കോട് യുദ്ധ വിരുദ്ധ റാലി നടത്തുമെന്ന് പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങളും ജന .സെക്ര.ഓണമ്പിള്ളി മുഹമ്മദ് ഫൈസിയും അറിയിച്ചു. യു,എന്നി ന്റെയും അന്താരാഷ്ട്ര സമൂഹത്തിന്റെയും അഭ്യര്‍ത്ഥന മാനിക്കാതെ നിരപരാധികളായ സ്ത്രീകളേയും കൂട്ടികളേയും ഉള്‍പ്പടെ കൂട്ടക്കൊല ചെയ്യാന്‍ വേണ്ടി വീണ്ടും വലിയ സന്നാഹങ്ങള്‍ ഒരുക്കപ്പെടുകയാണ്. അഭയാര്‍ത്ഥി ക്യാമ്പുകളും ആശുപത്രികളും വരെ അക്രമിക്കപ്പെടുന്ന സാമാന്യമാന്യതക്ക് പോലും നിരക്കാത്ത അക്രമങ്ങള്‍ തുടരുമ്പോള്‍ എല്ലാ സമാധാന പ്രേമികളും മനുഷ്യ സ്‌നേഹികളും യുദ്ധ വിരുദ്ധ റാലിയില്‍ പങ്കെടുക്കണമെന്ന് അവര്‍ ആഭ്യര്‍ത്ഥിച്ചു.
- SKSSF STATE COMMITTEE

ദാറുല്‍ ഹുദാ: ഇമാം കോഴ്‌സിന് അപേക്ഷ ക്ഷണിച്ചു

തിരൂരങ്ങാടി : ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റിയുടെ പൊതു വിദ്യാഭ്യാസ സംരഭമായ സെന്റര്‍ ഫോര്‍ പബ്ലിക്ക് എജുക്കേഷന്‍ ആന്‍ഡ് ട്രൈനിംഗ് സെന്ററിന് (CPET) കീഴില്‍ മഹല്ലുകളില്‍ സേവനം അനുഷ്ഠിക്കുന്ന ഇമാമുമാര്‍ക്ക് വേണ്ടി നടത്തപ്പെടുന്ന ഇമാം കോഴ്‌സിന്റെ പുതിയ ബാച്ചിലേക്ക് അപേക്ഷ ക്ഷണിച്ചു. മഹല്ലുകളില്‍ ഇമാം, ഖത്തീബ് ആയി 2 വര്‍ഷമായി സേവനം ചെയ്ത് കൊണ്ടിരിക്കുന്ന ഇമാമുമാര്‍ക്ക് കോഴ്‌സിന് അപേക്ഷിക്കാം. നേതൃഗുണ പരിശീലനം, മന:ശാസ്ത്ര പഠനം, മഹല്ല് പ്രവര്‍ത്തനങ്ങളുടെ ശാസ്ത്രീയ മാനങ്ങള്‍ തുടങ്ങിയ വിഷയങ്ങളില്‍ പ്രാവീണ്യം നല്‍കുകയാണ് കോഴ്‌സിന്റെ ലക്ഷ്യം. 2014 ആഗസ്റ്റ് 16 വൈകുന്നേരം 5 മണിക്ക് മുമ്പ് പൂരിപ്പിച്ച അപേക്ഷാ ഫോം ദാറുല്‍ ഹുദാ ഓഫീസില്‍ എത്തിക്കേണ്ടതാണ്. അപേക്ഷാ ഫോമിനും വിശദ വിവരങ്ങള്‍ക്കും ദാറുല്‍ ഹുദാ വെബ്‌സൈറ്റ് സന്ദര്‍ശിക്കുക. വിശദ വിവരങ്ങള്‍ക്ക് 9544592613 എന്ന നമ്പറില്‍ ബന്ധപ്പെടുക.
- Darul Huda Islamic University

നന്‍മയുടെ ഗുണപാഠങ്ങള്‍ പകര്‍ന്ന ബഹ്റൈന്‍ SKSSF ഇസ്‌ലാമിക കഥാപ്രസംഗം ശ്രദ്ധേയമായി

മനാമ: ഈദ് സുദിനത്തില്‍ കേരളീയ സമാജം ഓഡിറ്റോറിയത്തില്‍ നിറഞ്ഞുകവിഞ്ഞ സദസ്സിനെ കുളിരണിയിച്ച് കെ.എന്‍.എസ് മൗലവി തിരുവമ്പാടിയും പാര്‍ട്ടിയും അവതരിപ്പിച്ച കഥാപ്രസംഗം ജനഹൃദയങ്ങളില്‍ നന്‍മയുടെ ഗുണപാഠം പകര്‍ന്ന് നല്‍കുന്നതായി. ഇബ്രാഹിമുബ്‌നു അദ്ഹം (റ) എന്ന വിശ്വവിഖ്യാത ചരിത്ര പുരുഷന്റെ വിസ്മയ ജനകമായ ജീവിത യാഥാര്‍ഥ്യങ്ങള്‍ 'കണ്ണീരില്‍ കുതിര്‍ന്ന ഖബറിടം' എന്ന ശീര്‍ഷകത്തില്‍ അവതരിപ്പിച്ചതിലൂടെ ഭൗതികതയുടെ സുഖാഡംബരങ്ങളിലല്ല പാരത്രിക ജീവിതത്തിലെ സന്തോഷത്തിലാണ് വിശ്വാസി ജീവിത ലക്ഷ്യം കണ്ടെത്തേണ്ടതെന്ന് കാഥികന്‍ സദസ്സിനെ ഓര്‍മപ്പെടുത്തുകയായിരുന്നു. പിന്നണിയില്‍ അണിനിരന്ന മുജീബ് റഹ്മാന്‍ കാളികാവ്, ശമീര്‍ പേരാമ്പ്ര, അജ്മല്‍ റോശന്‍, എടപ്പാള്‍ എന്നിവരുടെ ഇമ്പമാര്‍ന്ന ഗാനാലാപനം ഏറെ മികവുറ്റ അനുഭൂതിയാണ് പകര്‍ന്നത്. SKSSF പ്രസിഡന്റ് ഹംസ അന്‍വരി മോളൂര്‍ അധ്യക്ഷത വഹിച്ച പരിപാടി സമസ്ത കേരള സുന്നീ ജമാഅത്ത് പ്രസിഡന്റ് സയ്യിദ് ഫക്‌റുദ്ധീന്‍ തങ്ങള്‍ ഉദ്ഘാടനം ചെയ്തു. കെ.എം.സി.സി പ്രസിഡന്റ് എസ്.വി ജലീല്‍, സമസ്ത കേരള സുന്നീ ജമാഅത്ത് സെക്രട്ടറി എസ്.എം അബ്ദുല്‍ വാഹിദ് എന്നിവര്‍ ആശംസകള്‍ അര്‍പ്പിച്ചു. മജീദ് ചോലക്കോട് സ്വാഗതവും നവാസ് കൊല്ലം നന്ദിയും പറഞ്ഞു. ഫലസ്തീനിലെ നിരപരാധികള്‍ക്ക് വേണ്ടിയുള്ള ഭക്തിനിര്‍ഭരമായ പ്രാര്‍ത്ഥനയോടെയാണ് പരിപാടിക്ക് സമാപനം കുറിച്ചത്. 
- Samastha Bahrain

SKSSF വലിയ ചേനം യൂണിറ്റ് പെരുന്നാള്‍ ക്വിറ്റ് വിതരണം നടത്തി

വിതരണോദ്ഘാടനം മഹല്ല് ഖത്തീബ്
നിര്‍വഹിക്കുന്നു
വലിയ ചേനം : SKSSF വലിയ ചേനം യൂണിറ്റിന്റെ ആഭിമുഖ്യത്തില്‍ മതഭേദമന്യേ നിര്‍ധനരായ കുടുംബങ്ങള്‍ക്ക് അരി വിതരണം നടത്തി. വിതരണോദ്ഘാടനം മഹല്ല് ഖത്തീബ് ശാഹുല്‍ ഹമീദ് റഹ്മാനി നിര്‍വ്വഹിച്ചു. മഹല്ല് പ്രസിഡന്റ് വി.കെ ചേക്കുമോന്‍ സാഹിബ് അദ്ധ്യക്ഷത വഹിച്ചു. SKSSF പ്രസിഡന്റ് ഷജിന്‍ ബക്കര്‍, ജനറല്‍ സെക്രട്ടറി ആഷിഖ് കെ.എ എന്നിവര്‍ സംസാരിച്ചു.
- Munavar Fairoos

സുപ്രഭാതം ഓണ്‍ലൈന്‍ വെബ്സൈറ്റ് അഡ്രസ്

www.suprabhaatham.com
Online: Email: info@suprabhaatham.com
....................................................................
Kozhikkode ബ്യൂറോ ഓഫീസ്
Address:  Suprabhaatham Daily
Kozhikode Iqrau Publications
Francis Road, Calicut -673003
Ph: +91 495 230 7642
E-mail: clt@spnews.co.in

ഇ-വായനയ്ക്ക് പുതുവഴി തീര്‍ത്ത് "സുപ്രഭാതം" ഓണ്‍ലൈന്‍ എഡിഷന് പ്രൌടോജ്ജ്വല തുടക്കം

 കോഴിക്കോട്: ഇ-വായനയ്ക്ക് പുതുവഴി തീര്‍ത്ത് 'സുപ്രഭാതം' ഇനി ലോകമെമ്പാടുമുള്ള മലയാളികളുടെ വിരല്‍ത്തുമ്പില്‍. 'സുപ്രഭാതം' ദിനപത്രത്തിന്റെ ഓണ്‍ലൈന്‍ എഡിഷന് സമസ്ത നേതാക്കളുടെ സാനിധ്യത്തിൽ പ്രൌടോജ്ജ്വല തുടക്കമായി. 
വ്യാഴാഴ്ച്ച കാലത്ത് 10.30 ന് നടന്ന പ്രാര്‍ഥനാ നിര്‍ഭരമായ ചടങ്ങില്‍ സുപ്രഭാതം പത്രത്തിന്റെ രക്ഷാധികാരിയും സമസ്ത ഉപാധ്യക്ഷനുമായ പാണക്കാട് സയ്യിദ് ഹൈദരലി ശിഹാബ് തങ്ങൾ ഓണ്‍ലൈന്‍ എഡിഷന്റെ ഉദ്ഘാടനം നിര്‍വഹിച്ചു. പണ്ഡിതശ്രേഷ്ഠരുടെയും സമുദായനേതാക്കളുടെയും സാന്നിധ്യം ചടങ്ങിന് നിറവേകി. ആറ് എഡിഷനുകളിലായി സെപ്തംബര്‍ ഒന്നിന് പുറത്തിറങ്ങുന്നതിന് മുന്നോടിയായാണ് ഓണ്‍ലൈന്‍ എഡിഷന്‍ ആരംഭിച്ചത്. പ്രിന്റിംഗ് പ്രസിന്റെ സ്വിച്ച്ഓണ്‍ കര്‍മവും ഫ്രാന്‍സിസ് റോഡിലെ 'സുപ്രഭാതം' ആസ്ഥാനത്ത് നടന്ന ചടങ്ങില്‍ ഹൈദരലി ശിഹാബ്തങ്ങള്‍ നിര്‍വഹിച്ചു. 
സമസ്ത ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്‍ലിയാര്‍ അധ്യക്ഷനായി. 'സുപ്രഭാതം' ചെയര്‍മാന്‍ കോട്ടുമല ടി.എം. ബാപ്പു മുസ്‍ലിയാര്‍ സ്വാഗതം പറഞ്ഞു. സമസ്ത പ്രസിഡന്റ് ആനക്കര സി.കോയക്കുട്ടി മുസ്‍ലിയാര്‍, പ്രഫ. കെ.ആലിക്കുട്ടി മുസ്‍ലിയാര്‍, കോഴിക്കോട് ഖാസി സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, 
സമസ്ത നേതാക്കളായ വാവാട് കുഞ്ഞിക്കോയ മുസ്‍ലിയാര്‍, സി.കെ.എം സാദിഖ് മുസ്‍ലിയാര്‍, പി.കെ.പി.അബ്ദുസ്സലാം മുസ്‍ലിയാര്‍, ഡോ.ബഹാഉദ്ദീന്‍ മുഹമ്മദ് നദ്‌വി, 
എം.ടി.അബ്ദുല്ല മുസ്‍ലിയാര്‍, എം.എം.മുഹ്‌യുദ്ദീന്‍ മുസ്‍ലിയാര്‍, ആലുവ, മുഹമ്മദ് ഇപ്പ മുസ്‍ലിയാര്‍, എം.എ.ഖാസിം മുസ്‍ലിയാര്‍ കാസര്‍കോട്, 
കാളാവ് സൈതാലി മുസ്‍ലിയാര്‍, മാണിയൂര്‍ അഹമ്മദ് മൗലവി, മരക്കാര്‍ മുസ്‍ലിയാര്‍, വാണിയന്നൂര്‍, വില്ല്യാപ്പള്ളി ഇബ്രാഹിം മുസ്‍ലിയാര്‍, കുട്ടിഹസന്‍ ദാരിമി, സുപ്രഭാതം ഡയറക്ടര്‍മാരായ അബ്ദുല്‍ഹമീദ് ഫൈസി അമ്പലക്കടവ്, മുസ്തഫ മാസ്റ്റര്‍ മുണ്ടുപാറ, പിണങ്ങോട് അബൂബക്കര്‍, എഡിറ്റര്‍ ഇന്‍ചാര്‍ജ് സി.പി.രാജശേഖരന്‍, മാനേജിംഗ് എഡിറ്റര്‍ നവാസ് പൂനൂര്‍, എക്‌സിക്യൂട്ടീവ് എഡിറ്റര്‍ എ.സജീവന്‍, മുസ്‍ലിം ലീഗ് സംസ്ഥാന സെക്രട്ടറി എം.സി മായിന്‍ഹാജി, ചന്ദ്രിക ചീഫ് എഡിറ്റര്‍ ടി.പി ചെറൂപ്പ തുടങ്ങിയവര്‍ ചടങ്ങില്‍ സംബന്ധിച്ചു.

‘നമുക്ക് പറയാനുള്ളത് മറ്റുള്ളവരുടെ നാവിലൂടെ എന്നും കേള്‍ക്കാമെന്നു കരുതുന്നത് വ്യാമോഹമല്ലേ’- സുപ്രഭാതം ചെയർമാൻ ശൈഖുനാ കോട്ടുമല സംസാരിക്കുന്നു..

സുപ്രഭാതം പുറത്തിറങ്ങുന്നത്‌ കേവലം ഒരു സാമുദായിക 
പത്രമായല്ല; ലക്ഷ്യമിടുന്നത്‌ ‘വന്‍കിടക്കാരെ’
‘സുപ്രഭാതം’ ദിന പത്രത്തിന്‍റെ പ്രിന്‍ററും പബ്ലിഷറുമായ ശൈഖുനാ കോട്ടുമല ടി.എം ബാപ്പു മുസ്‍ലിയാര്‍ പത്രത്തിന്‍റെ നയങ്ങളെയും സംവിധാനങ്ങളെയും കുറിച്ച് സംസാരിക്കുന്നു.
കേരളീയ മുസ്‍ലിംകളുടെ ആധികാരിക മത പണ്ഡിതസഭയായ സമസ്ത കേരള ജംഇയ്യത്തുല്‍ ഉലമയും മത്സരങ്ങള്‍ നിറഞ്ഞ മാധ്യമരംഗത്തേക്ക് വളരെ വൈകിയാണെങ്കിലും കടന്നുവരികയാണ്. എന്താണ് സമസ്ത ഇപ്പോള്‍ ഈ രംഗത്തേക്ക് കടന്നുവരാനുണ്ടായ സാഹചര്യം?
ഇത് ഒരു സുപ്രഭാതത്തിലുണ്ടായ തീരുമാനമല്ല. വര്‍ഷങ്ങളായി നിരന്തരം ചര്‍ച്ച ചെയ്തെടുത്ത തീരുമാനമാണ്. മാധ്യമരംഗം മത്സരം നിറഞ്ഞതാണ്. ആരോഗ്യകരമായ മത്സരങ്ങള്‍ നല്ലതാണ്. അത് സമൂഹത്തിന് ഗുണം ചെയ്യും. അനാരോഗ്യകരമായ മത്സരത്തിന് സുപ്രഭാതം തയ്യാറല്ല. നമുക്ക് പറയാനുള്ളത് മറ്റുള്ളവരുടെ നാവിലൂടെ കേള്‍ക്കുമെന്നത് പലപ്പോഴും വ്യാമോഹമല്ലേ.
ദിനപത്രങ്ങളും സായാഹ്നപത്രങ്ങളും ഉച്ചപത്രങ്ങളുമായി പ്രിന്റിങ് മാധ്യമങ്ങള്‍ നിരവധിയും, അതിലേറെ അതിനൊക്കെ വെല്ലുവിളിയുയര്‍ത്തി വിഷ്വല്‍ മീഡിയ കണക്കില്ലാതെയും കൂണുപോലെ പൊട്ടിമുളക്കുന്ന ഈ കാലത്ത് എന്താണ് സമസ്തയുടെ പത്രത്തിന്റെ പ്രസക്തി? എന്താണ് സമസ്ത മുന്നോട്ടുവെക്കുന്ന മാധ്യമനയം?

അനീതിക്കെതിരെ പൊരുതാന്‍, സത്യം വളച്ചുകെട്ടില്ലാതെ വിളിച്ചുപറയാന്‍ ചങ്കൂറ്റംകാണിക്കുന്ന ഒരുപത്രത്തിന് ഇനിയും പ്രസക്തിയുണ്ടെന്ന് സമസ്ത വിശ്വസിക്കുന്നു. ഇരകളുടെ പക്ഷം ചേരേണ്ടവര്‍ വേട്ടക്കാര്‍ക്ക് ചൂട്ടുപിടിക്കുന്നത് ഞെട്ടലോടെ നമുക്ക് കാണേണ്ടിവരുന്നു. ഈ സാഹചര്യത്തില്‍ ശബ്ദമില്ലാത്തവരുടെ ശബ്ദമാകാന്‍ സുപ്രഭാതത്തിനു സാധിക്കും.
എവിടെയെത്തിയിട്ടുണ്ട് നമ്മുടെ ഒരുക്കങ്ങള്‍? എന്തു പുതിയ ടെക്‌നോളജിയാണ് മറ്റു മാധ്യമങ്ങളില്‍ നിന്ന് വേറിട്ട് നാം പരീക്ഷിക്കാനിരിക്കുന്നത്? ഒാഗസ്റ്റ് ഒന്നിന് മലയാളിയുടെ വിരല്‍തുമ്പിലെത്തും സുപ്രഭാതം. ഒന്നുകൂടി വ്യക്തമായിപ്പറഞ്ഞാല്‍, സുപ്രഭാതം ഒാണ്‍ലൈന്‍ എഡിഷന്‍ ജൂലൈ മുപ്പത്തൊന്നിന് ആരംഭിക്കും. പത്രം ആരംഭിക്കുന്നത് സപ്തംബര്‍ ഒന്നിനാണ്. ഒരുക്കങ്ങള്‍ സജീവമായി നടക്കുന്നുണ്ട്. പ്രതീക്ഷിച്ചതിനേക്കാള്‍ എത്രയോ ഇരട്ടി സര്‍ക്കുലേഷന് അല്ലാഹുവിന്‍റെ അനുഗ്രഹത്താല്‍ സുപ്രഭാതത്തിനു ലഭിച്ചു. കേരളത്തിനകത്തും പുറത്തുമായി ലക്ഷക്കണക്കിന് മലയാളികള്‍ സുപ്രഭാതത്തെ വരവേല്ക്കാന്‍ കാത്തിരിക്കുകയാണ്. അവര്‍ക്ക് നല്ലൊരു പത്രം കൊടുക്കാമെന്ന വിശ്വാസത്തിലാണ്. ഏജന്‍സി സംവിധാനങ്ങള്‍ പൂര്‍ത്തിയാക്കാന്‍ കഴിയാതെ പോയതും കണക്കുകൂട്ടലുകള്‌‍ തെറ്റിച്ച കോപികളുടെ വര്‍ധനവുമാണ് പ്രതീക്ഷിച്ചതിലും വൈകി പുറത്തിറക്കേണ്ടി വരുന്നതിനു കാരണം. ഏറ്റവും ആധുനികമായ ന്യൂസ്റാപ്പ് എന്ന സാങ്കേതികവിദ്യയാണ് നമ്മള്‍ സ്വീകരിക്കുന്നത്. അരക്കോടി രൂപയോളം ചെലവഴിച്ച് പുതിയൊരു സോഫ്റ്റ്‍വെയര്‍ സ്ഥാപിച്ചുകഴിഞ്ഞു.
വരിക്കാരുടെ എണ്ണത്തില്‍ മലയാള മാധ്യമരംഗത്ത് മൂന്നാം സ്ഥാനത്താണ് സുപ്രഭാതമെന്ന് കേള്‍ക്കുന്നുണ്ട്. വളരെ ശുഭകരമായ വാര്‍ത്തയാണത്. പ്രത്യേകിച്ചും ഒരു പ്രത്യേക മതവിഭാഗത്തെ പ്രതിനിധീകരിക്കുന്ന സംഘടനയെന്ന നിലക്ക് പ്രസിദ്ധീകരണത്തിനു മുമ്പെ മറ്റേതൊരു പത്രത്തിനും അവകാശപ്പെടാന്‍ കഴിയാത്ത റെക്കോഡാണത്.
വരിക്കാരുടെ എണ്ണത്തില്‍ മാത്രമല്ല. റെക്കോര്‍ഡുകള്‍ വേറെയും ഒരുപാടുണ്ട്. ആറ് എഡിഷനുകള്‍ ഒരുമിച്ച് ആരംഭിക്കുക എന്നതും ചെറിയ കാര്യമല്ല. കേരളത്തിലല്ല, ഇന്ത്യയില്‍ തന്നെ ആരാണ് ഈ പരീക്ഷണത്തിന് തയ്യാറാകുക. സമസ്തയുടെ വലിയ നെറ്റ്‍വര്‍ക്ക് തന്നെയാണ് ഇത്രയേറെ വരിക്കാരെ നേടാന്‍‍ നമ്മെ സഹായിച്ചത്.
ഒരു മാധ്യമമെപ്പോഴും അഡ്രസ് ചെയ്യേണ്ടത് പൊതുസമൂഹത്തെയാണ്. നേരത്തെ പറഞ്ഞപോലെ കാക്കത്തൊള്ളായിരം പത്രമാസികകള്‍ പുറത്തിറങ്ങു നാട്ടില്‍ പൊതുസമൂഹത്തിന്റെ ശ്രദ്ധ പിടിച്ചുപറ്റാന്‍ മാത്രം പോന്ന എന്തു വ്യത്യസ്തതയാണ് പത്രത്തിനുണ്ടാവുക?

സമസ്‌ത ബഹ്‌റൈന്‍ ഈദ്‌മുലാഖാത്‌ സംഘടിപ്പിച്ചു

മനാമ: സമസ്‌തകേരളസുന്നീജമാഅത്ത്‌ ബഹ്‌റൈന്‍ ഈദ്‌സുദിനത്തില്‍ നമസ്‌കാരശേഷം മനാമ മദ്‌റസയില്‍വെച്ച്‌സ്‌നേഹ സംഗമംസംഘടിപ്പിച്ചു. പ്രശസ്‌ത കാഥികന്‍ കെ.എന്‍.എസ്‌ മൌലവിവിശിഷ്ടാധിഥിയായിരുന്ന ചടങ്ങില്‍സമസ്‌ത ബഹ്‌റൈന്‍ പ്രസിഡന്റ്‌സയ്യിദ്‌ ഫക്‌റുദ്ധീന്‍ തങ്ങള്‍ ഈദ്‌സന്ദേശ പ്രഭാഷണം നടത്തി. കുന്നോത്ത്‌കുഞ്ഞബ്ദുള്ളഹാജി, തേവലക്കര ബാദുഷ, എന്നിവര്‍ആശംസകള്‍അര്‍പ്പിച്ചു. ഓ.വി അഫ്‌നാന്‍, മുഹമ്മദ്‌ നബീല്‍, യാസിര്‍വേളം, കാസിംറഹ്‌മാനി, സൈദ്‌വയനാട്‌, ജമാല്‍വടകരഎന്നിവരുടെ ഗാനാലാപനം സദസ്സിനെ ആനന്ദം കൊള്ളിച്ചു. ഉമറുല്‍ ഫാറൂഖ്‌ഹുദവി, മൂസമൌലവിവണ്ടൂര്‍, മുഹമ്മദലി ടി, കളത്തില്‍മുസ്‌തഫ, ഷറഫുദ്ധീന്‍ മാരായമംഗലംതുടങ്ങിയ നേതാക്കള്‍ചടങ്ങില്‍സംബന്ധിച്ചു. ഷഹീര്‍ കാട്ടാമ്പള്ളി സ്വാഗതവുംഎസ്‌.എംഅബ്ദുല്‍വാഹിദ്‌ നന്ദിയും പറഞ്ഞു.- Samastha Bahrain