ഇബാദ്‌ കാമ്പസ്‌ ദഅ്‌വാ മീറ്റ്‌ ഇന്ന്‌ (17) തുടങ്ങും

മലപ്പുറം : SKSSF ഇബാദ്‌ സംസ്ഥാന കമ്മിറ്റി സംഘടിപ്പിക്കുന്ന കാമ്പസ്‌ ദഅ്‌വാ മീറ്റ്‌ ഇന്ന്‌ (ശനി) മലപ്പുറം ജില്ലയിലെ ചങ്ങരംകുളം ദാറുല്‍ ഇഹ്‌സാന്‍ വാഫി കോളേജില്‍ ആരംഭിക്കും. സംസ്ഥാനത്തെ വിവിധ കാമ്പസുകളിന്‍ നിന്ന്‌ തെരഞ്ഞെടുത്ത വിദ്യാര്‍ത്ഥികള്‍ പങ്കെടുക്കുന്ന ക്യാമ്പ്‌ വൈകുന്നേരം നാലിന്‌ പാണക്കാട്‌ സയ്യിദ്‌ ഹമീദലി ശിഹാബ്‌ തങ്ങള്‍ ഉദ്‌ഘാടനം ചെയ്യും . SKSSF സ്റ്റേറ്റ്‌ വൈസ്‌ പ്രസിഡണ്ട്‌ സത്താര്‍ പന്തല്ലൂര്‍ മുഖ്യപ്രഭാഷണം നടത്തും. 

പ്രബോധനം ഒരു മാര്‍ഗരേഖ, അനുഭവങ്ങള്‍ പാഠങ്ങള്‍ , ആത്മശുദ്ധി ആഖിറത്തിലേക്ക്‌, ചോദ്യോത്തരം, പ്രഭാതം പ്രകാശം, കൗമാരം കാര്യവിചാരം, സുന്നത്ത്‌ നമുക്ക്‌ ചോദിക്കാനുള്ളത്‌ എന്നീ സെഷനുകള്‍ക്ക്‌ ഹംസ ബിന്‍ ജമാല്‍ റംലി, കെ. മുഹമ്മദ്‌ രിയാള്‌, കെ.എം. ശരീഫ്‌ പൊന്നാനി, സാലിം ഫൈസി കൊളത്തൂര്‍ , അബ്‌ദുറഹ്‌മാന്‍ ഫൈസി പാണമ്പ്ര, അബ്‌ദുല്‍ ജലീല്‍ റഹ്‌മാനി വാണിയന്നൂര്‍ , ശമീര്‍ ഫൈസി ഒടമല, സി.കെ. മുഹ്‌യിദ്ദീന്‍ ഫൈസി കോണോംപാറ എന്നിവര്‍ നേതൃത്വം നല്‍കും. ക്യമ്പിന്റെ വിജയത്തിനായി സ്വാഗതസംഘം രൂപീകരിച്ചു. റഫീഖ്‌ ഫൈസി തെങ്ങില്‍ (ചെയര്‍.), റാഫി പെരുമുക്ക്‌ (കണ്‍വീനര്‍). ക്യാമ്പ്‌ ഞായറാഴ്‌ച വൈകുന്നേരം സമാപിക്കും.