ഹിദായ നഗര്‍: ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിക്കു കീഴിലുള്ള വിവിധ കോഴ്‌സുകളിലേക്ക് വിദ്യാര്‍ത്ഥികളെ ചേര്‍ക്കുന്നതിനായി രക്ഷിതാക്കളില്‍ നിന്നു അപേക്ഷകള്‍ ക്ഷണിച്ചു.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ അഞ്ചാം തരം പാസായവരോ ഈ കൊല്ലത്തെ പൊതുപരീക്ഷയില്‍ വിജയം പ്രതീക്ഷിക്കുന്നവരോ ആയ ജൂണ്‍ 15 ന് പതിനൊന്നര വയസ്സ് കവിയാത്ത ആണ്‍കുട്ടികള്‍ക്ക് ദാറുല്‍ഹുദായുടെയും വിവിധ യു.ജി സ്ഥാപനങ്ങളുടെയും സെക്കണ്ടറി ഒന്നാം വര്‍ഷത്തിലേക്ക് അപേക്ഷിക്കാം.
സമസ്തയുടെ മൂന്നാം ക്ലാസ് പാസ്സായ ജൂണ്‍ 15 ന് ഒമ്പത് വയസ്സ് കവിയാത്ത ആണ്‍കുട്ടികള്‍ക്ക് വാഴ്‌സിറ്റിക്കു കീഴിലുള്ള മമ്പുറത്തെ സയ്യിദ് അലവി മൗലദ്ദവീല ഹിഫളുല്‍ ഖുര്‍ആന്‍ കോളേജിലേക്കു അപേക്ഷിക്കാം.
വാഴ്‌സിറ്റിയുടെ ഫാഥിമ സഹ്‌റാ ഇസ്‌ലാമിക് വനിതാ കോളേജിലേക്ക് സമസ്തയുടെ ഏഴാം ക്ലാസ് പൊതുപരീക്ഷ പാസായ ജൂണ്‍ 15 ന് പതിമൂന്നര വയസ്സ് കവിയാത്ത പെണ്‍കുട്ടികള്‍ക്കും അപേക്ഷിക്കാം.
മുഴുവന്‍ കോഴ്‌സുകളിലേക്കും ദാറുല്‍ഹുദായുടെ ഔദ്യോഗിക വെബ്‌സൈറ്റായ www.dhiu.in വഴി ഓണ്‍ലൈനായിട്ടാണ് അപേക്ഷിക്കേണ്ടത്. അപേക്ഷകള്‍ സ്വീകരിക്കുന്ന അവസാന തിയ്യതി റമദാന്‍ 20.
ജൂലൈ 2 ന് ഞയാറാഴ്ച മുഴുവന്‍ കോഴ്‌സുകളിലേക്കുള്ള പ്രവേശന പരീക്ഷ നടക്കും. ദാറുല്‍ഹുദായുടെയും യു.ജി കോളേജുകളുടെയും സെക്കണ്ടറിയിലേക്ക് ഏകീകൃത പ്രവേശന പരീക്ഷയായിരിക്കും. വിദ്യാര്‍ത്ഥികള്‍ക്ക് വിവിധ ജില്ലകളിലുളള പരീക്ഷാ സെന്ററുകള്‍ തെരഞ്ഞെടുക്കാവുന്നതാണ്.
വിശദ വിവരങ്ങള്‍ക്ക് 0494 2463155, 2464502,2460575 എന്നീ നമ്പറുകളില്‍ ബന്ധപ്പെടുക.
- Darul Huda Islamic University
