Saturday, October 04, 2014

പ്രവാസികള്‍ മൂല്യബോധം കാത്ത് സൂക്ഷിക്കുക : നൗഷാദ് ബാഖവി ചിറയിന്‍കീഴ്

നൗഷാദ് ബാഖവി ചിറഴിന്‍കീഴ്
മുഖ്യപ്രഭാഷണം നടത്തുന്നു
റിയാദ് : സോഷ്യല്‍ മീഡിയകളിലും, ടെലീവിഷന്‍ ചാനലുകളിലും സമയം പാഴാക്കാതെ മൂല്യബോധവും ഇസ്ലാമിക സംസ്‌കാരവും പ്രവാസികള്‍ ജീവിതത്തില്‍ പകര്‍ത്തണമെന്ന് പ്രമുഖ പണ്ഡിതനും വാഗ്മിയുമായ നൗഷാദ് ബാഖവി ചിറയിന്‍കീഴ് ഉദ്‌ബോധിപ്പിച്ചു. സിനിമാ നടന്മാരും സ്‌പോര്‍ട്‌സ് താരങ്ങളുമല്ല നുമ്മുടെ റോള്‍ മോഡലുകള്‍, മറിച്ച് തിരുപ്രവാചകരും സഹാബത്തുമാണ്. അവരുടെ ചര്യകള്‍ മുറുകെ പിടിച്ച് ജീവിക്കണം. അദ്ദേഹം ഉണര്‍ത്തി. ഹ്രസ്വ സന്ദര്‍ശനാര്‍ഥം റിയാദിലെത്തിയ അദ്ദേഹത്തിന് റിയാദില്‍ എസ് വൈ എസ്സും, എസ് കെ ഐ സിയും നല്കിയ സ്വീകരണത്തില്‍ സംസാരിക്കുകയായിരുന്നു. കേരളത്തിലെ മതരംഗത്തും ജീവകാരുണ്യ രംഗത്തും പ്രവാസികള്‍ വഹിക്കുന്ന പങ്ക് നിസ്തുലമാണ്. കേരളീയ സമൂഹം പ്രവാസികളോട് ഏറേ കടപ്പെട്ടിരിക്കുന്നു.
റിയാദിലെ പ്രവാസികളില്‍ മൂല്യബോധം ഉണര്‍ത്താന്‍ എസ് വൈ എസ്സും, എസ് കെ ഐ സിയും നടത്തുന്ന പ്രവര്‍ത്തനങ്ങളെ അദ്ദേഹം പ്രശംസിച്ചു.
എസ് വൈ എസ് നാഷണല്‍ പ്രസിഡണ്ട് ളിയാഉദ്ദീന്‍ ഫൈസി മേല്‍മുറി അധ്യക്ഷത വഹിച്ചു. പാണക്കാട് സയ്യിദ് സാബിഖലി ശിഹാബ് തങ്ങള്‍ ഉദ്ഘാടനവും സുന്നി ബാലവേദി സംസ്ഥാന ജനറല്‍ സെക്രട്ടറി ശംസാദ് സലീം വിഷയാവതരണവും നടത്തി. അബൂബക്കര്‍ ദാരിമി പുല്ലാര, സൈതലവി ഫൈസി പനങ്ങാങ്ങര, അലവിക്കുട്ടി ഒളവട്ടൂര്‍, അബ്ദുറഹ്മാന്‍ ഫറോക്ക്, സുബൈര്‍ ഹുദവി, സമദ് പെരുമുഖം, എന്‍ സി മുഹമ്മദ് കണ്ണൂര്‍, ശാഫി ദാരിമി പാങ്ങ്, മുഹമ്മദ് കളപ്പാറ, ഇബ്രാഹീം സുബ്ഹാന്‍, ഹബീബുള്ള പട്ടാമ്പി, മൊയ്തീന്‍ കുട്ടി തെന്നല, അബൂബക്കര്‍ ഫൈസി ചുങ്കത്തറ, മുഹമ്മദാലി ഹാജി, അബ്ദുറസ്സാഖ് കൊടക്കാട്, ലത്തീഫ് ഹാജി തച്ചണ്ണ, അബൂബക്കര്‍ ബാഖവി, അബ്ദുല്‍ അസീസ് വാഴക്കാട്, മുഹമ്മദാലി ഹാജി, കുഞ്ഞിപ്പ തവനൂര്‍, ഹനീഫ മൂര്‍ക്കനാട് പരിപാടികള്‍ക്ക് നേതൃത്വം നല്‍കി. എസ് കെ ഐ സി നാഷണല്‍ കമ്മിറ്റി പ്രസിഡണ്ട് അബൂബക്കര്‍ ഫൈസി ചെങ്ങമനാട് സ്വാഗതവും, യൂനുസ് സലീം താഴേക്കോട് നന്ദിയും പറഞ്ഞു.
- A. K. RIYADH

No comments:

Post a Comment