തിരൂരങ്ങാടി : ദാറുല് ഹുദാ സ്റ്റുഡന്സ് യൂണിയനും തിരൂരങ്ങാടി മേഖലാ എസ്. കെ. എസ്. എസ്. എഫ് കാമ്പസ് വിങ്ങും സംയുക്തമായി സംഘടിപ്പിക്കുന്ന ''മമ്പുറം തങ്ങള് : രാജ്യസ്നേഹിയായ ആത്മീയാചാര്യന്'' സെമിനാര് 26ന് ദാറുല് ഹുദാ വാഴ്സിറ്റി ഓഡിറ്റോറിയത്തില് നടക്കും. മമ്പുറം തങ്ങളുടെ ആത്മീയതയും രാജ്യസ്നേഹവും പുതുതലമുറക്ക് പകര്ന്നു നല്കുക എന്ന ലക്ഷ്യത്തോടെയാണ് സെമിനാര് സംഘടിപ്പിക്കുന്നത്. സ്കൂള്, കോളേജ് തലങ്ങളിലുള്ള വിദ്യാര്ത്ഥികകള്ക്കാണ് സെമിനാര്. പാണക്കാട് സയ്യിദ് മുനവ്വറലി ശിഹാബ് തങ്ങള് സെമിനാര് ഉദ്ഘാടനം ചെയ്യും. വി.സി ഡോ. ബഹാഉദ്ദീന് മുഹമ്മദ് നദ്വി അധ്യക്ഷത വഹിക്കും. ഡോ. സുബൈര് ഹുദവി ചേകന്നൂര്, കെ.ടി ഹാരിസ് ഹുദവി, സ്വലാഹുദ്ദീന് അയ്യൂബി എന്നിവര് വിഷയമവതരിപ്പിക്കും.
- Darul Huda Islamic University