Tuesday, October 07, 2014

ബലിപെരുന്നാള്‍ ദിനത്തില്‍ സ്നേഹസദ്യയൊരുക്കി സഹചാരി

കണ്ണൂര്‍ : ത്യാഗത്തിന്‍റെയും സമര്‍പ്പണത്തിന്‍റെയും സന്ദേശവുമായെത്തിയ ബലിപെരുന്നാള്‍ ദിനത്തില്‍ വൃദ്ധര്‍ക്കും രോഗികള്‍ക്കും ഭക്ഷണം നല്‍കി സഹചാരി മാതൃകയായി. കണ്ണൂരിലെ ജീവകാരുണ്യ പ്രവര്‍ത്തന രംഗത്ത് സജീവ സാന്നിധ്യമായ എസ്. കെ. എസ്. എസ്. എഫ് സഹചാരി മെഡിക്കല്‍ ആന്‍റ് ആക്സിഡന്‍റ് കെയറും എസ്. കെ. എസ്. എസ്. എഫ് അബൂദാബി കണ്ണൂര്‍ ജില്ലാ കമ്മിററിയും സംയുക്തമായാണ് പരിപാടി സംഘടിപ്പിച്ചത്. കണ്ണൂര്‍ ജില്ലാആശുപത്രി, തളിപ്പറമ്പ് താലൂക്ക് ആശുപത്രി എന്നിവിടങ്ങളിലും വിവിധ വൃദ്ധസദനങ്ങളിലുമായി 2000 പേര്‍ക്കാണ് ഭക്ഷണം നല്‍കിയത്. കണ്ണൂര്‍ ജില്ലാ ആശുപത്രിയില്‍ നടന്ന ചടങ്ങ് സി. എം. ഒ. ജീവന്‍ ഉദ്ഘാടനം ചെയ്തു. ശഹീര്‍ പാപ്പിനിശ്ശേരി, ബശീര്‍ അസ്അദി, ജുനൈദ് ചാലാട്, റഈസ് ചെമ്പിലോട്, മഅ്ശൂഖ് സിററി, റിയാസ് തുടങ്ങിയവര്‍ നേതൃത്വം നല്‍കി. തളിപ്പറമ്പില്‍ എ. എസ്. പി. സുദര്‍ശന്‍ ഉദ്ഘാടനം ചെയ്തു. നഗരസഭ കൌണ്‍സിലര്‍ സി. ഉമ്മര്‍ ഡോ. അരുണ്‍, നഴ്സിംഗ് സൂപ്രണ്ട് പൊന്നമ്മ സംസാരിച്ചു. അബ്ദുലത്തീഫ് പന്നിയൂര്‍, ഹനീഫ ഏഴാംമൈല്‍, റഫീഖ് നാടുകാണി, എം. എ. ഇബ്രാഹിം, വഹീദ് ദാരിമി, ഫസല്‍കുപ്പം തുടങ്ങിയവര്‍ നേതൃത്വം നല്‍കി.
- Latheef Panniyoor

No comments:

Post a Comment