ലോകത്തെ സ്വാധീനിച്ച മതപണ്ഡിതരില്‍ വീണ്ടും ഡോ. ബഹാഉദ്ദീന്‍ നദ്‍വി

ലോകത്തെ സ്വാധീനിച്ച മത പണ്ഡിതരുടെ പട്ടികയില്‍ അന്താരാഷ്ട്ര മുസ്‌ലിം പണ്ഡിത സഭാംഗവും ദാറുല്‍ ഹുദാ ഇസ്‌ലാമിക് യൂനിവേഴ്‌സിറ്റി വൈസ് ചാന്സവലറുമായ ഡോ. ബഹാഉദ്ദീന്‍ മുഹമ്മദ് നദ്‍വിയും. ഇതു മൂന്നാം തവണയാണ് കേരളത്തില്‍ നിന്നുള്ള ഏക പ്രതിനിധിയായി മതപണ്ഡിതരുടെ പട്ടികയിലദ്ദേഹം ഇടം നേടുന്നത്.  സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന ജനറല്‍ സെക്രട്ടറിയായ അദ്ദേഹം സുപ്രഭാതം ദിനപത്രം ഡയറക്ടര്‍ ബോര്‍ഡ് അംഗം കൂടിയാണ്.
ഓള്‍ ഇന്ത്യ മുസ്‌ലിം പേഴ്‌സനല്‍ ലോ ബോര്‍ഡ് ചെയര്‍മാന്‍‍ മൗലാനാ റാബിഅ് ഹസന്‍ നദ്‍വി, മൗലാനാ വഹീദുദ്ദീന്‍ ഖാന്‍, മുഫ്തി മുഹമ്മദ് അഖ്തര്‍ റസാഖാന്‍ ഖാദിരി, പേഴ്‌സനല്‍ ലോ ബോര്‍ഡ്  വൈസ് പ്രസിഡന്റ്‌റും ശിയാ പണ്ഡിതനുമായ കല്ബെീ സ്വാദിഖ്, ഡോ. സാക്കിര്‍ നായിക്, അല്ലാമാ സിയ മുസ്ഥഫ എന്നിവരാണ് മത പണ്ഡിതരുടെ ഗണത്തില്‍ ഇന്ത്യയില്‍ നിന്നും ഇടം പിടിച്ച മറ്റു പ്രമുഖര്‍.
ലോകത്തെ ഏറ്റവും സ്വാധീനമേറിയ മുസ്ലിം  വ്യക്തിത്വമായി  സൌദി ഭരണാധികാരി കിങ് അബ്ദുല്ല തെരഞ്ഞെടുക്കപ്പെട്ടു. ഈജിപ്ത് ഗ്രാന്റ് മുഫ്തി അഹ്മ്ദ് ത്വയ്യിബ്, ഇറാന്‍ പരമോന്നത ആത്മീയ നേതാവ് ആയത്തുല്ല ഖാംനഈ എന്നിവരാണ് രണ്ടും മൂന്നും സ്ഥാനത്ത്.
പാണ്ഡിത്യം, രാഷ്ട്രീയം, കായികം, സാംസ്‌കാരികം, മതസ്ഥാപന മേധാവിത്വം, ബിസിനസ്, മീഡിയ, ജീവ കാരുണ്യം, മത പ്രബോധനം, ശാസ്ത്ര സാങ്കേതികം, ഖുര്‍ആന്‍ പാരായണം തുടങ്ങി പന്ത്രണ്ടു മേഖലകളിലായി ലോകത്തെ സ്വാധീനിച്ച 500 മുസ്‌ലിം വ്യക്തിത്വങ്ങളെയാണ് 'ദി മുസ്‌ലിം 500' എന്ന പേരില്‍ ലിസ്റ്റ് ചെയ്തിരിക്കുന്നത്. അമേരിക്കയിലെ ജോര്ജ്ടൗണ്‍ സര്‍വകലാശാലയുമായി സഹകരിച്ച് ജോര്‍ദാനിലെ അമ്മാന്‍ ആസ്ഥാനമായി പ്രവര്‍ത്തിക്കുന്ന റോയല്‍ ഇസ്ലാ്മിക് സ്ട്രാറ്റജിക് സ്റ്റഡീസ് സെന്ററാണ് വര്‍ഷംതോറും പട്ടിക പുറത്തിറക്കുന്നത്.
- Darul Huda Islamic University