സഹകരിച്ചു പ്രവര്‍ത്തിക്കും

കുവൈത്ത് സിറ്റി : സമസ്ത കേരള ജംഇയ്യത്തുല്‍ ഉലമയുടെ ഔദ്യോഗിക പോഷക ഘടകങ്ങളായി കുവൈത്തില്‍ പ്രവര്‍ത്തിക്കുന്ന കുവൈത്ത് കേരള സുന്നി മുസ്ലിം കൗണ്‍സിലും (SYS) കുവൈത്ത് ഇസ്ലാമിക് സെന്റെരും (SKSSF) ഇനി മുതല്‍ എല്ലാ പൊതു പരിപാടികളിലും സഹകരിച്ചും യോജിച്ചും പ്രവര്‍ത്തിക്കാന്‍ ബഹു: അത്തിപ്പറ്റ ഉസ്താദിന്റെ സാന്നിധ്യത്തില്‍ നടന്ന യോഗത്തില്‍ വെച്ച് ഇരു സംഘടനകളുടെയും തെരഞ്ഞെടുക്കപ്പെട്ട നേതാക്കള്‍ ചേര്‍ന്ന് തീരുമാനിച്ചതായി അത്തിപ്പറ്റ ഉസ്താദ് കുവൈത്തില്‍ പ്രഖ്യാപിച്ചു. ഭാവി പ്രവര്‍ത്തനങ്ങള്‍ തീരുമാനിക്കുന്നതിന് ഇരു സംഘടനയില്‍ നിന്നും 7 അംഗങ്ങള്‍ ഉള്‍കൊള്ളുന്ന ഒരു സമിതിയെ തെരെഞ്ഞെടുത്തതായും അദ്ദേഹം അറിയിച്ചു. സയ്യിദ് നാസിര്‍ തങ്ങള്‍, സയിദ് ഗാലിബ് തങ്ങള്‍, അബ്ദുല്‍ സലാം മൌലവി, ശംസുദ്ധീന്‍ ഫൈസി, പൂക്കോയ തങ്ങള്‍, മുഹമ്മദ്‌ ബാഖവി, ഉസ്മാന്‍ ദാരിമി തുടങ്ങിയവര്‍ യോഗത്തില്‍ പങ്കെടുത്തു.