മതാചാരങ്ങള്‍ വികൃതമാവാതിരിക്കാന്‍ ഉത്തരവാദപ്പെട്ടവര്‍ ജാഗ്രത പാലിക്കണം : SYS വയനാട്

കല്‍പ്പറ്റ : മതവിശ്വാസവും ആചാരങ്ങളും ഏറെ പവിത്രമാണെന്നും അവ വികൃതമാവാതിരിക്കാന്‍ ഉത്തരവാദപ്പെട്ടവര്‍ ജാഗ്രത പാലിക്കണെമെന്നും സുന്നി യുവജന സംഘം ജില്ലാ സെക്രട്ടറിയേറ്റ് ആവശ്യപ്പെട്ടു. വിവാഹ ധൂര്‍ത്തിനും ആഢംബരത്തിനുമെതിരെ ഉയര്‍ന്നു വന്ന അഭിപ്രായങ്ങള്‍ സ്വാഗതാര്‍ഹമാണ്. എന്നാല്‍ കേവലം അഭിപ്രായ പ്രകടനങ്ങളിലൊതുങ്ങാതെ പ്രായോഗിത തലത്തില്‍ കൊണ്ടു വരാന്‍ പണ്ഡിതരും നേതാക്കളും മുന്‍ കൈയെടുക്കണമെന്നും യോഗം ആവശ്യപ്പെട്ടു. മഹല്ലു കമ്മിറ്റികള്‍ ഉറച്ച തീരുമാനമെടുത്താല്‍ ഒരു പരിധി വരെയെങ്കിലും ഇത്തരം തിന്മകളെ ഇല്ലായ്മ ചെയ്യാന്‍ സാധിക്കുമെന്ന് യോഗം ആവശ്യപ്പെട്ടു.
ജലീല്‍ ഫൈസി പുല്ലങ്കോട്, പി പി വി മൂസ എന്നിവരുടെ പരലോക ഗുണത്തിനു വേണ്ടി പ്രാര്‍ത്ഥന നടത്തി. ഇബ്രാഹിം ഫൈസി പേരാല്‍ അദ്ധ്യക്ഷത വഹിച്ചു. കെ എ നാസര്‍ മൗലവി, എ പി മമ്മു ഹാജി, മുഹമ്മദ് ദാരിമി വാകേരി, ഹാരിസ് ബാഖവി കമ്പളക്കാട്, അബ്ദുറഹ് മാന്‍ തലപ്പുഴ, ശംസുദ്ദീന്‍ റഹ് മാനി, എ കെ സുലൈമാന്‍ മൗലവി, കുഞ്ഞമ്മദ് രൈതക്കല്‍, വി സി മൂസ മാസ്റ്റര്‍, അബ്ദുല്‍ ഖാദിര്‍ മടക്കിമല, അബ്ദുറഹ് മാന്‍ ദാരിമി സംസാരിച്ചു. സുബൈര്‍ കണിയാമ്പറ്റ സ്വാഗതവും ഇ പി മുഹമ്മദലി നന്ദിയും പറഞ്ഞു.
- Shamsul Ulama Islamic Academy VEngappally